• ×

admincp

يا مرحبا من هاجسٍ له مواري - لبيك يالنجم الساهر

admincp

 0  0  4813
زيادة حجم الخط مسح إنقاص حجم الخط
يا مرحبا من هاجسٍ له مواري - لبيك يالنجم الساهر


يالله يامحصي الشجر والثماري=يا منزل السجدة ويا منزل الفيل
اقبلت لك ياخالقي باختياري=طالبك انا الغفران يا مجري السيل
طالبك من قلب ن همومه سواري=والقلب ساداته هموم وغرابيل
ما كنه الا كورة اهل الحواري=والا رجومه من طيور ن ابابيل
أيام تطربه العيون الجواري=وايام تخلفه العيون المظاليل
لا هب له نسناس صوت الكناري=يفز كنه في ملا قا الحناشيل
يركي على كف العنا عند طاري=وتحول من دونه عروق ن محاميل
والطيب له مبدى وصوت وشواري=واهل الكرم للبن عندا معاميل
يا مرحبا من هاجسٍ له مواري=بين العرب معروف ماهو تهاويل
هاجس صدوق ولا يجي به هذاري=وان لد لده فالعدا يقطع الحيل
لا ناع مثل الصقر فوق الحباري=واليا تعلى ما انتظر فالمجاهيل
مبداه لا غيلة ولا هو عواري=ولا له عن دروب الرياجيل تحويل
ياقف ليا نادى منادي الطواري=واليا انتخاها مقبلة له هماليل
ولياي في صوت ن يجي من يساري=لبيك ياللي تنتخي ذابح الحيل
نادى المنادي وانتخيت السفاري=اللي على الطرقه خوي المشاكيل
سجيت به طعس الدير والكباري=والياي عند مبهر البن بالهيل
لبيك يا نجم اعتلى فا لمداري=نجم على كل الدير له منازيل
ابشر وانا عندك بكل اقتداري=اقولها لك من معزه وتدليل
ان طاعني وقتي فهذا قراري=حكم ن حكمته ما تزحزح مثاقيل
وان ضاق وقتي جيتكم باعتذاري=والعذر عند اهل الوفى له مقابيل