أكرررررب حزامك يابو عادل!!!!

[{بعيدالنظر}]

ياموجد الشيّ من لاشيّ حيّ ونافخ الروح=تكتب لنا خير في عسر الزمان وفي يساره
ياصاحبي يامشيلح لو قعدت تنافخ نروح=وإن كان رحنا يمين الدرب مارحنا يساره

[أبو عبدالرحمن]

وها نحن نسعد بتواصل ومحاورة الشاعرين الكبيرين

بانتظار هذا الإبداع..

[ابو عادل]

ياطالب الله نقول آمين ماهي ضحك ومزوح=ياالله دخيلك عن الميقاف في حزم المعارة
أكبر غلط يوم تنوي علم مالك فيه مصلوح=تاخذقرارات من غير استشارة واستخارة

[{بعيدالنظر}]

ياطول صبري على الدنيا وأنا ماني بمجروح=في خير وبخير أزور الناس وتجيني زياره
لو إنها جت عليّه من زماني قلت مسموح=لكنها تهدم الماضي على شان الحضاره

[{بعيدالنظر}]

الغالي : ابو عبدالرحمن
يعلم الله إن سعادتنا بتواصلك وحضورك لاتوصف
لاهنت يالغالي ودمت لنا

[سلطان الثبيتي]

ليس غريب هذا الابداع من شاعرين مبدعين فالكم التو فيق

[ابو عادل]

الياصفالك زمانك مايجي لك منه ساموح=لاتندب الحظ وانته لاكساد ولاخسارة
السوق له باب طول الوقت للتجار مفتوح=من طبع الاسواق تفتح بابها لاهل التجارة

[ابو عادل]

أبوعبدالرحمن
سلطان الثبيتي
حضوركم يسعدنا
فأهلا بكم.

[{بعيدالنظر}]

إليا صفالي زماني وإن تعكّر مبعد شبوح=والحظ مانندبه والحر يفهم بالإشاره
الفالصو ياذهب لو ينّهب ماهو بممدوح=ياليت راع العقار يقول وش ضوّى عقاره

[ابو عادل]

كل العرب ياعبيدالله يبون الزاد مملوح= وان جاك مملوح سمّ ولاتنشّد عن بهاره
حتى الذهب لونزل سوق الذهب والختم ممسوح= يحتار بياعه وشاريه مايعرف عياره

[{بعيدالنظر}]

ياطالب العلم وش يتعبك دام الدرس مشروح=ودي بعد جاك جاهز كان تاخذ من وقاره
تضرب مثل وآنت جمرك مات قبل قدورك تفوح=هذي عقوبه على اللي من يده ماشب ناره

[ابو عادل]

ماعاد نبغا الدروس اللي وراها دم مسفوح=لاني مبشر عبيدالله ولااابغا له بشارة
ولع على قدرك اللي يشتكي من كثرة الفوح= لكن حذرا يجينا من تحت قدرك شرارة

[عثمان الثمالي]

الشاعر الأخ بعيد النظر

مساء الخير متميز كعادتك ما شاء الله

صح لســــــــــــــــــــــــــــــــــــــــــانك عساك على القوه

[عثمان الثمالي]

الشاعر الأخ ابوعادل

مساء النور مبدع ومتألق دائماً ما شاء الله

صح لســــــــــــــــــــــــــــــــــــــــــانك عساك على القوه

[{بعيدالنظر}]

العلم والمعرفه من دونها ذابح ومذبوح=ماني بخابرك ابو زيله ولاحذّاف شاره
شقى البنادم وكدحه والسعد تدرج على لوح=وإن جاك شيٍ مقدّر ماتصدّر بالشطاره

[{بعيدالنظر}]

أستاذي الغالي : عثمان الثمالي
اسعد الله أوقاتك بكل خير
وسعادتنا لاتوصف بمرورك المورق وجميل عباراتك .
أشكرك كما يليق بك يا الأمير

تقديري لك

[ابو عادل]

يازين طلتك يابوسعود والله انك فال خير
الله يسعد مساك وصح بدنك .

[ابو عادل]

العلم عند المشايخ منهجه ناصح ومنصوح= ماهو على حسب قولك غارة من بعد غارة
والموتر اللي يفج الخبت والصدام مطروح=عمّم عليه المرور ويحترونه فالاشارة

[{بعيدالنظر}]

أنا احسب إنك سواتي يامشيلح مبعد الشوح=وآثرك ماتاصل الطاقه على حد الستاره
الموتر اللي نقلّك حاص فيه الشاص ملووح=ممنوع ماعاد يخرج من ورى سور العماره

[ابو عادل]

أنت متهور وانا لي قيمتي مع كل طحطوح=أخذت حقي مع اصحاب الفكر واهل الجدارة
ياساري الليل في درب الشقا تلقاه مبروح=مضمون مااحد يقلك هات رخصة واستمارة

[{بعيدالنظر}]

البيت مايذري إلا لارفع له سقف وسطوح=ما آنت بلحالك ولو حطّوك في كرسي وزاره
ماني بعاشق ولاقلت إلك يالمستور مفضوح=لا يا أبيْض الشارب اقفى سد مآرب عند فاره

[ابو عادل]

البيت مبني على صم الصفا عن كل ملفوح=عاين حداده تهدّ الحيل ويهولك جداره
زيد ارفع الصوت انا مااسمعك ليه الصوت مبحوح=اللي يبي ينفخ اوداجه يعذّر في زراره

[{بعيدالنظر}]

أنا لياقلت وش عمر الثمالي من عمر نوح=يامحمل الشام خذ فى البحر لفه وإستداره
ماتسمع الرعد لكنك تشوف البارق يلوح=عينك علي الكبتن الطيّار لايخطي مطاره

[حسن عابد]

المبدعين لهم معين لا ينضب

[ابو عادل]

أخذت لي لفتين وجيت ماحصلت جندوح=يقلون جندوح معطيك الوكالة وانت جاره
ماني معود عن البرّان محميات وبيوح=وليا كسرت العظم لفيت من فوقه جبارة

[النادر]

بعيد النظر

كعادتك مشاكس ومبدع

ابو عادل

رايق وراقي كعادتك

فعلا امتاع متفرد هنا

[المستشار]

الشاعر مشيلح الثمالي صــــــــح لــســــــــــــانك
الشاعرعبيدالله العرابي صــــــــح لــســــــــــــانك
ابدعتوا وماقصرتوا ويعطيكم العافية وننتظر المزيد

[{بعيدالنظر}]

إن قام لك حظ في ساعه لقيت الحظ مسدوح=لاعاد تتعب مداوريك وتاقع فى الخباره
صبّوحه العام غابت واثرها في بيت صبوّح=واثر إن ضابط خفر نايب عنه جندي خفاره

[ابو عادل]

لاوالله الامودين الامانة ديرة سموح=من كثر مااغليه جيته بالامانة في دياره
دامت مديحة تراوش للعرب ماالوم ممدوح=ماالومه ان كان وداها الهدية باختياره

[{بعيدالنظر}]

هههههههههههههههههههههه
الله يسعدك ياشيخ دنيا وآخره ..
قل آآآمين
ودي بسوالفك لكن معي محاوره ثانيه في أحد المواقع
تفضّل والختام عندك وبيّض الله وجهك
.
.
ماودي إنك على تالى الزمان تموت منطوح=من قرن تيسٍ يقدََّمَ له حليبه في غظاره
مالحقوا اللي مضى جوا في زمان الزرب مبطوح=كلٍ تحصل على ماقيل في جيبه بهاره

[ابو عادل]

الإخوة الأفاضل:
حسن عابد
النادر
المستشار
وجميع الحضور والمتابعين
نشكركم على جميل مروركم ومتابعتكم
لاعدمناكم.

[ابو عادل]

بيض الله وجهك أخي بعيد النظر ، وأعتقد بأن القاف أخذ حقه ولاحصل منك قصور
والعذر والسموحة منك طاال عمرك.
7
7
7
7

مامات من لامشى في طرقته يمشي بقادوح=يقدح شرارة يولع ضوها عشرين حاره
هذا زمان العجب في الزرتمة غصّة ونحنوح= ومقلقل البيض مايعرف بياضه من صفاره