بعيد النظر ومقصلة الاعدام

[فـارس الحـرف]

ياوجه الله عبيدالله سلم من مقصلة الاعدام=وانا شفت الجريمه والادله بصمته فيها
وهالحينه بعد خشيت مسلم ملة الاسلام=تعبد فالعبادات السليمه وجتهد فيها

يالربع عدلوا العنوان + حرف :) بعبيد النظر

[ابو عادل]

ياوجه الله عبيدالله سلم من مقصلة الاعدام=وانا شفت الجريمه والادله بصمته فيها
وهالحينه بعد خشيت مسلم ملة الاسلام=تعبد فالعبادات السليمه وجتهد فيها


ياوجه الله ياوجه الله
ياسلام على البدعة وراعيها
أستاذ يابدر ومافيك حيلة
وننتظر السهم الملتهب {بعيد النظر}

[فـارس الحـرف]

اهلا بشاعر الجميع ابو عادل وجودك فخر يا استاذ الشعرا والاخلاق

[abonayf]

ابشر بسعدك تم التعديل

مشاء الله تبارك الله

متابعين

[النادر]

اجل ناويها يابدر

جعلكم على القوه

بدع قوي ولا اشك ان الرد راح يكون قوي

هياااا ننتظر


النادر

[{بعيدالنظر}]

وسيع الصدر لو جا بدر يتهمني بغير إجرام=ظليمه والظليمه عوّدت في نحر راعيها
تقوله وآنت تجمع كل ماتسمع من الإعلام=تسرّحها عشر لكن مدري كم تضوّيها

[حسن عابد]

قواك الله يابدر ومتابعين

[{بعيدالنظر}]

حي الله الجميع وكلٍ بإسمه يالربع .
وإن تأخرت عليكم مامن شر أشغال وبإذن الله لي عوده..
أشكركم كما يليق بكم جميعاً

ودي إنه تم التنسيق مع بدر لتكون على الهواء مباشره الليله أومتى ماودكم
القاف لاكان ماهو مباشر يقل التفاعل معه من الشعار والجمهور

لكن اللي تشووفونه

[حسن عابد]

هلا بعيد النظر وما فات شي ماغير بيت واحد اقترح الليلة او غدا الساعة التاسعة
ابو عبدالرحمن وابو نايف القرار لهم

[{بعيدالنظر}]

بيّض الله وجهك يابو علي ومن يقرا
أجل منا للإداره
وأنتظر رسالة جوال لو تم الإتفاق على الموعد

ولابيني وبينك يابدر العجمي غير السيف والميدان

[ابو عادل]

وسيع الصدر لوجابدر يتهمني بغير اجرام
..........................................ظليمة والظليمة عودت في نحر راعيها
تقوله وانت تجمع كل ماتسمع من الاعلام
..........................................تسرحها عشر لكن مدري كم تضويـــها

مقصلة، اعدام، اجرام، أدلة جنائية، اعلام، سيف ، ميدان، يالطيف يالطيف شي يخوف
قريت البدع والرد وخليت بيني وبين الشاشة عشرة متر.
وعشان كذه كتبتها باللون الأحمر لأن الشواري تقول فيه اثنين من الوزن الثقيل بينهم محاورة غير شكل
وأظن مايفك بينهم الا الأمم المتحدة بقراروننتظر ونشوف .

[ابو عادل]

اش اللخبطة هذي؟
أضفت تعليق وبهذلني المتصفح ، طلع عرض الصفحة متر ومسحت وأعدت التعليق مرة ثانية والنتيجة لاانمسح التعليق الأول ولاصلح الثاني بالله امسحوها بس وريحونا.

[abonayf]

هههههههههه

الله يسعدك يابو عادل

مسحنا الاول
ولو عدلت عليه لضبط معك الامر

دمت بخير

[أبو عبدالرحمن]

يا سلام على هذه المحاورة...

وإن كانت قوية ...فالنفوس صافية

وبخصوص التنسيق لأن تكون المحاورة على الهواء ...فبعيد النظر وبدر العجمي . هم أصحاب المنتدى ...

والذي أعلمه أنه يصعب التنسيق مع الأخ : بدر ؛ لكثرة مشاغله ـ التي سبق أن أشار إليها...

[فـارس الحـرف]

طيب طيب اعتبروها مباشره عالساعه 9 مساء او متى ما حضر عبيدالله ولو بعد دقيقه فهى مباشره :)

وانا ماراح انزل ردى لحد وصول عبيدالله

[abonayf]

ابيض وجه

بارك الله فيك

وننتظر بعيد النظر

[{بعيدالنظر}]

يعطيكم العافيه
حضرنا وغاب الشيطان

وين العجمي ؟؟

[فـارس الحـرف]

حياك الله احتزم

جايك ثوانى الرد بس اجهزه

[حسن عابد]

وصلوا يالله يابدر توكل على الله

[فـارس الحـرف]

لو.. ان الهرج يبرى صاحبه محدٍ ذبح صدام=عليه أمن الظليمه راسها وتزود فذنيها
انا قد قلت لك هرجه لطيفه والوعد قدام= تسرح لك مصيبه فالبلد مدرى تضويها

[فـارس الحـرف]

ارحب ياحسن ارحب


افا ماش صفوف ولا نشوف ابو عادل شوفته عن جمهور كامل

[أبو عبدالرحمن]

عساكم على القوة

[{بعيدالنظر}]

أنا ماهمني فى أهل الحكي عبادة الاصنام=تهاوى للصنم مثل الغنم ناطا علابيها
بضاعتك الرخيصه عندنا فى السوق ماتنسام=مثل ماجبتها في ستر يالعجمي توديها

[حسن عابد]

بقيت ياراعي مرحبا
اما ابو عادل يمكن نايم هالحزة

[فـارس الحـرف]

تقوله وانت دايم فى طرفها تتعب الاقدام=تصلى بالصلاة اللى ليا صلوا تصليها
بضاعتنا بضاعة مستواه مستوى الحكام=مايعرف حجمها يكون بايعها وشاريها

[{بعيدالنظر}]

أنا باني قصر في ديره وآنت ماتنلام=تسوي لك سوايا تحسب العالم تسويها
بضاعتكم عرفت ارقامها ومزورين أرقام=لكن إشتالها في غير سوقك ماتمشيها

[فـارس الحـرف]

ولا يالزير سالم خربت الصحبه معا همام= تدربيها على همام ثم جالك يدربيها
لو نك يالعرابى تشتغل وسط البلد لحام= اخير لكم توالى الوقت من لعبه تغنيها

[{بعيدالنظر}]

الا يابدر لاتفرح بها وإبلع حجر وعظام=تراك تخيلها لكن ماتعرف مراميها
لوإنا مانحط إلها عن السرعه رسن ولجام=صخمنا لك على العله وميسمها يداويها

[حسن عابد]

ابداع مايحتاج شهادة وفقكم الله

[{بعيدالنظر}]

هلا ياحسن
الإبداع وجودك ياالغالي معنا
لاهنت

[فـارس الحـرف]

لا والله ياعبيدالله تظيق وضاقت الانسام=((وانا اللى من قديم الوقت طابخها وشاويها))
ابا شيلك من الطايف وبا انزلك فالدمام=هل الطايف طبايعهم تواضع وانت طاغيها

[{بعيدالنظر}]

أنا اللي مظهر العجمي ومعطي له فشق وحزام=بعد ماكان في الحرّه ويشرد من حرابيها
وهالحينه يبي يدحم جبل ورقان ابو عرام=وهو مايعرف جبال السراه ألا بأساميها

[{بعيدالنظر}]

هههههههههههههههههه

الله يسعدك يابو سعد ..
لاعدمتك تراني سهرت وبكره دوام الدوام لله ..
لكن إن ودك نواصل بكره بإذن الله .
وتشرفت بهالطاروق ..
ذكرتني بالهوشه مع العصيمي البارح هههههههههههههههههه
إشتبت لين الحين دخانها في السما

[فـارس الحـرف]

هههههههههههههه

انا مانى بفقرى وانت ابو بقشه وخام وخام= علامك يوم تنكرها وربعك بايرن فيها
جبل ورقان طاح وحظى الطيب علاه وقام=تخممها وانا اضحك يوم تبغيها وتخطيها

[فـارس الحـرف]

هههههههههههههههه

يابو سعيد انا تعاديت المرض انتشر ههههههههههه

كله منكم انكان ما حملتم فيروس انفلونزا ........... ههههههههههه

تحياتى
لك وللجميع بس اختمها :)

[abonayf]

يؤسفني ان لم احظر هذا البحر المتلاطم

ساعمل على التنسيق غدا ان شاء الله

دمتما بعز وصحبه صادقه ونفس ودوده كم انتم ولا عكر الله صفوكم

[ابو عادل]

كنت حريصا على حضور هذه المحاورة بالذات ولكن لم أتوقع أن تواصلا في وقت متأخر
وقد استمتعت بقراءتها وكانت كما توقعت (الدم للركب)
صح لسان الشاعرين الكبيرين وأرجو المعذرة في عدم الحضور.

[{بعيدالنظر}]

أخذت أكبرقسم وآنته بعد فآخر سرا الأقزام=يابوعينٍ كريمه لاتكحلها وتعميها
جبل ورقان يتهيا لك إنه طاح فى الاحلام=وصارت عند بدر روايةٍ من حلم راويها

[abonayf]

بدر العجمي
ياوجه الله عبيدالله سلم من مقصلة الاعدام=وانا شفت الجريمه والادله بصمته فيهـا
وهالحينه بعد خشيت مسلم ملة الاسـلام=تعبد فالعبـادات السليمـه وجتهـد فيهـا

بعيد النظر
وسيع الصدر لو جا بدر يتهمني بغير إجرام=ظليمه والظليمه عوّدت في نحـر راعيهـا
تقوله وآنت تجمع كل ماتسمع من الإعـلام=تسرّحها عشر لكن مـدري كـم تضوّيهـا

بدر العجمي
لو.. ان الهرج يبرى صاحبه محدٍ ذبح صدام=عليه أمن الظليمه راسهـا وتـزود فذنيهـا
انا قد قلت لك هرجه لطيفه والوعـد قـدام=تسرح لك مصيبه فالبلـد مـدرى تضويهـا

بعيد النظر
أنا ماهمني فى أهل الحكي عبـادة الاصنـام=تهاوى للصنم مثـل الغنـم ناطـا علابيهـا
بضاعتك الرخيصه عندنا فى السوق ماتنسام=مثل ماجبتها في ستـر يالعجمـي توديهـا

بدر العجمي
تقوله وانت دايم فى طرفها تتعب الاقدام=تصلى بالصلاة اللى ليا صلوا تصليهـا
بضاعتنا بضاعة مستواه مستوى الحكام=مايعرف حجمها يكون بايعها وشاريهـا

بعيد النظر
أنا باني قصر في ديره وآنـت ماتنـلام=تسوي لك سوايا تحسب العالم تسويهـا
بضاعتكم عرفت ارقامها ومزورين أرقام=لكن إشتالها في غير سوقك ماتمشيهـا

بدر العجمي
ولا يالزير سالم خربت الصحبه معا همام=تدربيها على همام ثـم جالـك يدربيهـا
لو نك يالعرابى تشتغل وسط البلد لحـام=اخير لكم توالى الوقت من لعبـه تغنيهـا

بعيد النظر
الا يابدر لاتفرح بها وإبلع حجر وعظـام=تراك تخيلهـا لكـن ماتعـرف مراميهـا
لوإنا مانحط إلها عن السرعه رسن ولجام=صخمنا لك على العله وميسمها يداويهـا

بدر العجمي
لا والله ياعبيدالله تظيـق وضاقـت الانسـام=((وانا اللى من قديم الوقت طابخها وشاويها))
ابا شيلك من الطايف وبـا انزلـك فالدمـام=هل الطايف طبايعهم تواضع وانـت طاغيهـا

بعيد النظر
أنا اللي مظهر العجمي ومعطي له فشق وحزام=بعد ماكان في الحرّه ويشـرد مـن حرابيهـا
وهالحينه يبي يدحم جبل ورقان ابـو عـرام=وهو مايعرف جبـال السـراه ألا بأساميهـا

بدر العجمي
انا مانى بفقرى وانت ابو بقشه وخام وخام=علامك يوم تنكرها وربعك بايـرن فيهـا
جبل ورقان طاح وحظى الطيب علاه وقام=تخممها وانا اضحك يوم تبغيها وتخطيهـا

بعيد النظر
أخذت أكبرقسم وآنته بعد فآخر سرا الأقزام=يابوعيـنٍ كريمـه لاتكحلهـا وتعميـهـا
جبل ورقان يتهيا لك إنه طاح فى الاحـلام=وصارت عند بدر روايةٍ من حلم راويهـا