روح شهر جانا شهر وانا تشوف يابدر

[النادر]

الاحبه اسمحوالي بقاف خفيف مع بدر


يامرحبا ترحيبةٍ تضفي على عقالها=واللي قصر من دونها مالي من جنانه عذر
يقولها راعي الوفا للي لفاه وجالها=روّح شهر جانا شهر وانا تشوف يابدر

[أبو عبدالرحمن]

موفق يا أبا عماد..وصح لسانك

ونحن بانتظار الأخ : بدر

[فـارس الحـرف]

ترحيبتك فيها غرابه مالقيت امثالها=مدرى معك بعد النظر ولا معك قاصر نظر
وانا بعد مثلك وحب الوافيه وسعى لها=وان نادات الاصحاب لبينا ولا منها مفر

[النادر]

الحكمه اللي باينه وشلون تنكر فالها=بعض العرب شوفه حجر بعض العرب شوفه شجر
لاجت حكمه وافيه لاتنشد اللي قالها=اللي سرى ليل بنجم وش له بقصاص الاثر

[النادر]

ابو عبدالرحمن

لاهنت بدر زاير حفيف وحبيت اوطنه لاغير

تحياتي

[ابو عادل]

النادر
بدر العجمي
متابعين لمحاورتكما وبشغف
وعساكم على القوّة.

[فـارس الحـرف]

مافيه حكمه مير دورها وانا خيالها=اما تواليها غنى ولا تواليها فقر
شبيت نارك مير وين الدله وفنجالها=جانا المساء وحنا انتهرج فى محلك من عصر

[abonayf]

قواكم الله

متابعين

[النادر]

اما تدور للعنا والا غشاك هبالها=من باع جنات النعيم وراح يسكن في سقر
قبل امس منزلك الصحاف واليوم منت بجالها=من عاش بالدنيا يشوف واموات موعدها الحشر

[النادر]

ابو عادل

ابو نايف

حضوركما محل الاعزاز والتقدير .... لاهنتما

[فـارس الحـرف]

يالنادر اصحى واعرف اسلوم العرب واقولها=عطنى خبر ولا كفيتك واستلم منى خبر
الذيب ينزل فالسهل ويعيش فوق جبالها=هذا كلامى وانت قلى وش على بالك خطر

[النادر]

يابدر لا لاتحرق اعصابك كما فوالها=جاك الخبر ياصاحبي ياليت لوعندك صبر
الناس ماتبني بيوت العز في مهيالها=والحمد لله بنينا ماهو بطمنات وحفر

[فـارس الحـرف]

النفس تجزا ياعميل الخير حسب اعمالها=وانته مصور محترف مير الله الله فالصور
يالنادر المزنه على راسك تخيل خيالها=لاكن تمسك كان شفت السيل فالوادى حدر

[النادر]

عندي خبر وادري ترى الارواح تلقى اجالها=ومن لايشوف الواقع الحاضر ترى هذه عور
المزنه اللي من شمال انت اول اللي خالها=وانا متذري فالبيوت الشامخات عن المطر

[فـارس الحـرف]

هههههههههه

لا حلوة


استلم



ام الكباير فرخت عندك وشفنا اعيالها=وعيالها عندك عيال بطون ولا من ظهر
ماتثبت الغتره زمان فات غير اعقالها=وانت وانا مابين صكات اليالى والقدر

[النادر]

الله يقطع ابليسك يابدر

خلها بغطاهاا



قالوا زمان اللي معه حيله ترى يحتالها=وانت تربي عيال غيرك ليتهم ماهم حضر
وان نوخت بقعا ترى بنحملك باحمالها=ياكيف تنخاها وتشرد ياعميلي فالشفر

[فـارس الحـرف]

النادر لى تكمله معاك فالمساء استأذنك الان ولى عوده فالمساء معك ومع ابو عادل

[أبو عبدالرحمن]

وعساكم على القوة جميعًا..

فعلاً شعراء كبار

[فـارس الحـرف]

اهل الردا شفنا فعايلها وشفت اشكالها=وعطيت حامد باليمين وعضها ولا شكر
يصحابنا حنا نعرف اقصارها وطوالها=والنادر واللى ماهرج من روعته حول شهر

[النادر]

الرائع بدر اعتذر لارتباطي هذه الليله

فعلا اللعب معك ممتع ..... اترك الرد الاخير لك قبل ان يشيب القاف


اعطيت حامد باليمين واخذت منه بدالها=صحيح حامد ماشكر يوم ان غيره مانكر
اهل البشوت الضافيه اليوم شفت بدالها=والمشكله اني شفتهم غير كفر وارقع كفر

[{بعيدالنظر}]

ماشاء الله عليكم .. كبار والكبير الله
صحّ الله لسان كلٍ منكما وبيّض الله وجيهكم

تقديري لهذا الإمتاع

[ما عندكم أحد]

روح شهر وراء شهر حتى اكتملت للنادر مراحل البناء وبقدرة قادر تحولت الدار الخرب الى قصر من قصور حمورابي , وتحولت الارض البور الى حدائق بابل المعلقة .
كان يحمل على عاتقه عبء الاصلاح , أرعد هنا , وهناك أزبد وصاح
هو شاعر لا يشق له وزن ولا تكسر له قافية , والمنتديات باختلاف مسمياتها تشهد له , الا انه اراد ان يكون له هنا مراّة تبرز عضلاته بين اهله وذويه فاصطدم بحقيقة ان من بين ابناء عمومته الشاعر والشاعره فنادى برقي المنهج , طالب ان يكون للقكر حضور فجاءنا بثقافة الطيور , وتبدل الحال في اخر الشهور , فاكتمل البناء وتسارع العطاء , حتى أني أنوم وأصحو على معرفه , وتواجده لا يتعدى من صفحات المنتدى متصفح الشعر , تاركا وراء قافيته صفحات تحولت من صفحات العبث واللهو الى صفحات للرقي , ودونما ضجيج ...
ليتك زهور الريف تأتين وتشاهدين