وعد بلفور ((((((( وابا عادل))))

[فـارس الحـرف]

ابو عادل هذا يسمونه اسبوع المصامخ ههههه
والعدوه من بعيد النظر نشرها هالايام

يابو عادل وعدكم ويش فرقه من وعد بلفور=ولو بلفور غربى وانت يا مشيلح عريبانى
كمنك واحد ترمش عيونه خلف باب وسور= الا يالله دخيلك لا تواخذنى وتبلانى

[النادر]

بدر

بدع رائع ونتتظر ابو عادل

اكاد اقسم انها ستكون رائعه هذه المحاوره

[فـارس الحـرف]

ابو عادل موعدنا ان شاء الله فالمساء عالساعه 9



ومرحبا يالنادر

[ابو عادل]

الله يكفينا شر المصامخ ، وأعتقد ان الحمشة راح نصّها .


أقول الله يسامح بدر في وصفه مهومجبور=أنا مسلم وهو مسلم يشبهني بنصراني
بعد حطيت رجلي عندكم فالمنزل المعمور=وفيت بوعدي الاول وفيت بوعدي الثاني

[فـارس الحـرف]

هههههههه

لا القدر فالصدر واللى مايقدر ابو عادل غير عادل

ويشهد الله على انى احب هالمكان واهله من كبيرهم وصغيرهم وانت اولهم
ومن محبة اخى الغالى ايضاً عبيدالله العرابى

اقول القدر جوف الصدر والدعدوى فرح وسرور=امازحك وتمازحنى وشانك ماخلف شانى
وحنا كلنا نسقبلك والورد لك منثور=ويا.. لولا.. محبتكم ماجبتك اسمك على اللسانى

[أبو عبدالرحمن]

ونقول هنا أيضًا : عساكم على القوة

وبانتظار هذا الإبداع

[@ بن سلمان @]

الله يعطيك العافيه أخي بدر
وبانتظار تواصلك

[فـارس الحـرف]

اهلا بالجميع

تصحيح انتهت وقت التعديل >>(((ويا.. لولا.. محبتكم ماحبتك اسمك على اللسانـى )))


محبتك= ماجبت ك + وال ح = ج :)

[ابو عادل]

الله يحييك يابوسعد والله لايجيب حزة الضيق أنت طال عمرك صاحب محل ومنتدانا منتداك
سولف ووسع صدرك وتراك عزيز وغالي.



مزوح ولاحصل ضيقة ترى حنا وساع صدور=وراع الوصل مابشناه لوجيته ولوجاني
ألايااهل النبا والطيب يااللي طيبكم مخبور=واناما عدّك الا يابدر واحد من اخواني

[فـارس الحـرف]

ليا جت للحقايق يالسنافى ماعلاك قصور=ولا نبخص حقوق اهل الكرم وطوال الايمانى
سير بالقدم واسلى الخاطر على المقدور= وادور صادق الاصحاب والا الوقت قومانى

[ابو عادل]

أريت الفارس اللي هرجته ضايق بها الحنجور=يحسب انه فريد فجيله القاصي مع الداني
تغشّته البيارق في خفا ماينكشف للنور=وشعّ النور ولينّ البيارق فوق الامتاني

[فـارس الحـرف]

يحسب اللى يحسب اليا بغاها قلت له مكبور=ولا يرقى على القمه يكود الذيب السرحانى
ليا شب الحطب تحت القدور بلحظتين تفور=وتبقى الحكمه اللى تنذكر تنسب للقمانى

[بن عواض]

محاورة جميلة وفقكم الله.

[ابو عادل]

ياشين اللي يخصّك بالوليمة والصحن مخشور=يحيي بك وهو يهضم حقوق فلان وفلاني
لياكان العدالة يابدر ميزانها مكسور=نسميها على اسم العدل والاّلعب ورعاني

[ابو عادل]

النادر
أبوعبدالرحمن
بن سلمان
بن عواض
تواجدكم معنا يثير فينا مشاعر السعادة والإمتنان فمرحبا بكم.

[فـارس الحـرف]

انا ادرى يا مشيلح واعرف اللى داخل الطابور=ولا هو سلم جدانك ولاهو سلم جدانى
ابا زيدك وهى من ساقها لمتنها مبتور=ترا قلب الذهين يشوفها من دون الاعيانى

[ابو عادل]

عسى روس الغدر يابدر عند الفاس والساطور=ولاتبقى عشاش يفرّخ ابها كل شيطاني
زمان اول تحول يوم كان الدور لاهل الدور= كثر حبّ الرحا من يطحن الحب الحميداني

[فـارس الحـرف]

عيال بليس لو غطرف زمنها فالها مدحور=تبيع وتشرى فى سوقها والسوق خسرانى
تموت العله وتقضى عليها خبرة الدكتور=مدام ان الدكاتر مخلصه والطب مجانى

[ابو عادل]

عفوا أخي بدر
أستسمحك في الخروج ونستكمل غدا بمشيئة الله حيث أن لدي دوام ولا استطيع السهر لأكثر من هذه الساعة
وتصبحون على خير.

[فـارس الحـرف]

وانت من اهله يا استاذى

والجميع شكرا لمن مر من هنا

[فتى ثماله]

انا اشهد انكم مبدعين

صح الله السنتكم

وننتضركم

تحياتي لكم

[حسن عابد]

محاورة بروعة الشاعرين