<<أتنشّد عن عبيدالله>>

[ابو عادل]

سلام الله سلام نبتدي به فاوّل المشوار=واهنّي بالسلامة واتنشّد عن عبيدالله
يقولون العرابي فيّح الدلة بشقّ النار =وغفل عنها وراح البن والفنجال والدلّة

[أبو عبدالرحمن]

سلام الله سلام نبتدي به فاوّل المشوار=واهنّي بالسلامة واتنشّد عن عبيدالله
يقولون العرابي فيّح الدلة بشقّ النار =وغفل عنها وراح البن والفنجال والدلّة


صح لسانك أبو عادل

والحمد لله على سلامة الجميع..

[فـارس الحـرف]

سلام الله سلام نبتدي به فاوّل المشوار=واهنّي بالسلامة واتنشّد عن عبيدالله
يقولون العرابي فيّح الدلة بشقّ النار =وغفل عنها وراح البن والفنجال والدلّة



ياسلام يابو عادل لله درك مبدا كايف
وننتظر العلم ابو سعيد

وعليه جلب كرتون هيل وبن :) تعويض

صح اللسان الجميع

متابعين

[ابو عادل]

أبو عبدالرحمن
حياك الله وحيا مرورك الكريم وصح بدنك ومشكووووووووووور.

[ابو عادل]

بدر العجمي
وجودك نور المنتدى والله يحييك يابوسعد وترانا نقدر جيتك
عساك سالم ياالغالي.

[{بعيدالنظر}]

هلا يامرحبا ترحيبةٍ مادونها معذار=وتهناك السلامه وآنت كنك من هل الحله
يقولون الثمالي لابغى يمزح يجيب كبار=وأنا اللي وصّف الدرب لمشيلح لين يدله

[{بعيدالنظر}]

ابو عبدالرحمن
شاعرنا الكبير : بدر العجمي

شكراُ لهذا الحضور الكبير والفخم منكما
تقديري لكما

[ابو عادل]

أنا مااشمت على تاجر يبي يتجر مع التجار=وميثاق الشرف لوماحماني مابطبّل له
أخاف انك كماواحد دفع عمره ثمن للثار= بليا ذنب راح وماحدِ فالناس فاطن له

[النادر]

الله الله

اشوف ان المصامخ على وذنه

لكن في ذمتي انكم ثنائي راقي يطرب له

[أبو عبدالرحمن]

هلا يامرحبا ترحيبةٍ مادونها معذار=وتهناك السلامه وآنت كنك من هل الحله
يقولون الثمالي لابغى يمزح يجيب كبار=وأنا اللي وصّف الدرب لمشيلح لين يدله

الله يهدينا ويهديك يا أبا سعد

وصح لسانك

[ابو عادل]

وأنت راقي ياالنادر
وتستحق التميز على تواجدك المشرّف الداعم لزملائك
لاعدمناك ياغالي.

[{بعيدالنظر}]

أنا خابرك لو تقرى خبرماآنت بمذيع أخبار=ولاعندك مراسل لجل يرسلّك وترسلّه
ترى أول بند حلف المسلمين محارب الفجار=وآنا ماني بكبشٍ للفدا وتقول بسم الله

[{بعيدالنظر}]

النادر الغالي
حضورك تاج ياعبدالله وكم نحن سعداء بحضورك وصفاء نورك
تقديري لك يالغالي

[ابو عادل]

غريبة يوم تركب فوق طيارة بلاطيار=خطفها الخاطف وخسّرك مجهود العمر كله
بعد طافت عليك الاولة وش تحتري ياجار=ترجّا شركة التامين والا تبلع العلّة

[{بعيدالنظر}]

أنا مؤمن يابوعادل بما تجري به الاقدار=ولا تامن زمانك مابقى شيٍ على حله
يقولون الرجال السوق فيه الربح والمخسار=وآنا ماني لحالي وإن مشيت أمشي على مله

[النادر]

لا والله الا جانا هجادنا ذا الليله

ترى ورانا دوام لاتطولونها ثم يجينا خصم بكره ... ان ماهو شيئ غيره

[المبرِّد]

الحضور فقط لأهل الذوق

[حسن عابد]

ابو عادل
ابو عبدالرحمن
بعيد النظر
العجمي
النادر
المبرد
حفظكم الله ورعاكم

[بن داخل]

ثنائي رائع
نعم هذا مايتوجب علينا قوله
واصلا فنحن مستمتعون

[مشعل الثمالي]

مساكم الله بالخير جميع
يسعدني التواجد ومتابعة العمالقة
تحياتي,,,

[ابو عادل]

النادر
المبرد
حسن عابد
بن داخل
مشعل الثمالي

حضوركم يشرفني ومتابعتكم تثلج صدري
عساني ماأعدمكم .

[ابو عادل]

صحيح انه مقدّر ياالعرابي والمقدّر صار=ولكن لومعك سبعين ماتنطح بهم شلّة
ألاياكثر ماتدفع ذهب في زيجة المسيار=وهي يومين تضحك لك ويوم تغادر الفلّة

[{بعيدالنظر}]

ليا منّك لعبت السيف عيب تلاعب المزمار=هل المزمار بعض أحيان تلعب وهي مختله
الا ياكثر ماودك تحط من اليمين يسار=سوات المضمي اللي يلتوي فى الحبل ويتله

[ابو عادل]

لعبها اللي ليا مرّالديار امست وراه غبار=يحدّدموقع الغلة ويسري شايل الغلّة
متى تقدر تشيّدها وتبنيها جدار جدار=وصاحبك المحنّك محتجي بالسيف ابوسلّة

[{بعيدالنظر}]

وش اللي يمنعه مادام مارب هد سده فار=ليا ربك كتب فار ويشيل السد ويهله
نبي نبني صروح العرف حتى سورها يندار=ولامنك لقيت المحتجي والمرتجي قله

[ابو عادل]

هذي ترى من عند الربع اللي على بالك.



ترى ماضيع الاوقاف وافسدها سوى النظّار=عساك تحطّ له واحد قوي مايدمح الزّلّة
وغطّه ثم غطّه ثم غطّه مثل غطّ الزار = تراه الياصحي من غطّته مايستره ظلّه

[{بعيدالنظر}]

هههههههههههههههههههههههه هبوا يجيهم الشر وآنت تسلم


ترى اللي ما أستحى قلد جحا فى الدار والمسمار=لكن الله يسهّل بالدوى اللي يبري العله
صحيح اللي تقوله مير قبل تثور طيرك طار=وأنا لامن بغيت الخصم أقابله ولا أختله

[النادر]

يالله انك تسري عليهم بالخير كله

كل ليله وانتم مسرين علينا بهالقاف الرايق

شكلي ابطلب ابو عبدالرحمن يقفل عضويتكم بعد الساعه عشره بالليل

اثنينكم راقين

[ما عندكم أحد]

الحمدلله على سلامتكم كلكم
سواقكم غشيم وبغى يحول بكم في ردمية

[ابو عادل]

النادر
هجدتك العافية
والله اني أعرف ان سهرك ومتابعتك مبعثها ذوقك الرفيع وحسّك الجميل
فاعذرنا ان كنا قد أشغلناك في أوقات غير مناسبة. ونشكرك على حضورك المتميز.




ماعندكم أحد
شكرا لمرورك.

[ابو عادل]

تمرّ المرّة الوحدة وتكفي عن ثلاث مرار= بعدماشفت دقّ العلم روح بعيد عن جِلّه
لعلك ياعبيدالله تعيها والعلوم قصار=ولاتسلك طريقٍ يتضح لك باوّله خلّة

[ابو عادل]

بودي أسأل أصحاب الخبرة
ليه الخط يطلع صغير مع اني اختار(5) أثناء عملية تنسيق الأبيات؟؟؟؟
أرشدوني جزاكم الله خيرا.

[فـارس الحـرف]

تمرّ المرّة الوحدة وتكفي عن ثلاث مرار= بعدماشفت دقّ العلم روح بعيد عن جِلّه
لعلك ياعبيدالله تعيها والعلوم قصار=ولاتسلك طريقٍ يتضح لك باوّله خلّة


ياسلام يابو عادل

محاوره فيها معالجه نهج
وشعار كبار اخجل بتعليقى وهم الاساتذه ولاكن من اعجابى بهم جميعاً
ودفاع قوى مزود بالتفنيد المنطقى من استاذى الكبير عبيدالله الذى لانزال طلبه فى مدرسته
تحياتى
للجميع

[{بعيدالنظر}]

تريّح يالثمالي والجنازه في يد القبار=ليا دِفِنت تناستها الليالي والزمن كله
أنا ما ابغاك غير تصير لي من ثلة الأنصار=بلاد آل الصباح محرره ماهي بمحتله

[{بعيدالنظر}]

ابوعادل

ضع التنسيق بدل ماهو عادي سميك فقط وتزين علومك
ليش الربع اللي على بالك مادلوك بالخط؟؟

[{بعيدالنظر}]

ياسلام يابو عادل

محاوره فيها معالجه نهج
وشعار كبار اخجل بتعليقى وهم الاساتذه ولاكن من اعجابى بهم جميعاً
ودفاع قوى مزود بالتفنيد المنطقى من استاذى الكبير عبيدالله الذى لانزال طلبه فى مدرسته
تحياتى
للجميع

الغالي والشاعر العلم: بدر العجمي
الله يرفع قدرك يعلم الله إنك علم في تشجيعك وأدبك وشعرك
بيض الله وجهك وحضورك يعني لنا نجاح اللقاء

[ابو عادل]

بدر العجمي
حضور الكبار أمثالك هووقود المحاورة
وحضور الشاعر الكبير يجعل الشاعر المتحاور يتخير مايليق بمقام الحضور وهذه وحدها فائدة لاتساويها فائدة لك مني الشكر والتقدير .

[ابو عادل]

بعيد النظر
أشكرك على التوجيه فيمايتعلق بالتنسيق
أما الربع فخطهم يختلف عن خطوطنا وكمبيوتراتهم سريعة جدا بحيث لايمكننا المتابعة
[الله يخارجنـــــــــــــــــــــــــــــــــا ]


الختام من عندك يابوسعيد ختم الله لي ولك بصالح الأعمال.

[ابو عادل]

تخيّر ياالعرابي بسّ قلي وش تبي تختار=ولايصعب عليك اللغز وانته تعرف تحلّه
أنا لوني محلك شفت لي دار امن واستقرار=تشجًّع واحتزم واعتمّ لاتغدي بك الذًّلّة

[{بعيدالنظر}]

أنا ماني بتارك واجبي لو صار مهما صار=ولو يصبح عليكم مثلها ماشفت بي خِله
ترى مايحذف الا الشجره اللي تطلع الاثمار=ولايرتاح جسمك غير في ثوبٍ يفصلّه

[{بعيدالنظر}]

صديقي الغالي : ابو عادل
بيض الله وجهك دنيا وآخره آنت وكل من تابعنا طيلة هذا المشوار الذي كنت نجمه بما تحمله من رقي فكري وشعري ..والمحاوره معك للأمانه لها مذاق ونكهه مختلفه جداً وهذا يعني أستاذيتك وقوّة حضورك أيها المبدع

تحياتي لك ولجميع الأحبه ونلتقي بإذنه تعالى على خير

[ابو عادل]

بعيد النظر
ماأجمل الرحلة التي أجدك فيها بجانبي لأنك تعمل الفكر والشاعرية وتجعل المتحاور معك يستخدم كل الاستراتيجيات المتاحة فكم من بيت كتبته ثم اضطررت لالغائه لإحساسي بأنه لايفي
بالغرض أمام عملاق مثلك فكل كلمة تقال لك يجب أن يحسب لها ألف حساب لأن لديك من المهارات مايغربل الكلمات فيعيد منها الرديء ويقبل الجيد ....... الله يجملنا معك.



أبو نايف
افتقدتك في هذه المحاورة (سلامات)
فضلاً أعد جمع المحاورة وتنسيقها وانقلها الى قسم المحاورات ولك شكري وتقديري سلفا.