بن بركي وبن داخل وعوض القرني ... القريب

[محمد النمري]

الدعوة سوالف ياربع
تفضلوا لا هنتم القريب منكم

انا لي شرهةٍ لو كان ابقسمها ثلاث اقسام=ابعطيها لبن بركي وبن داخل ومن لا شيف
سلام الله سلامٍ ننهجه من ديننا الاسلام=علي الجمع الغفير وياثلاثة وينكم والريف

[@ بن سلمان @]

حياك الله أخي محمد
يلزمهم الحق إن جاتهم الدعوة ولا لبوها

[محمد النمري]

لاحقوق ولا شي يابوسلمان
الدعوة سوالف ومزوح

شكرا على المرور
وتحياتي

[ابو عادل]

حياك الله أخي محمد النمري
ولاأرى أحدا من الإخوة الذين طلبتهم وآسف للتأخير لأنني كنت خارج البيت ولكن الطارف منا سداد
وتفضل استلم لاهنت:


نبي نرضيك في شرهتك ياشرهان بعد ايام=نجيك اما لقينا كيف والاجاك منّا كيف
هلايامرحبا ترحيبة نرضي بها اللوام=نبدّيها ونثنيها قبل ناخذعلوم الضيف

[محمد النمري]

حياك الله أخي محمد النمري
ولاأرى أحدا من الإخوة الذين طلبتهم وآسف للتأخير لأنني كنت خارج البيت ولكن الطارف منا سداد
وتفضل استلم لاهنت:


نبي نرضيك في شرهتك ياشرهان بعد ايام=نجيك اما لقينا كيف والاجاك منّا كيف
هلايامرحبا ترحيبة نرضي بها اللوام=نبدّيها ونثنيها قبل ناخذعلوم الضيف





نحيبك ليا منك لفيت وتكتب الاقلام=لكم والا عليكم مانبا نظلمك ياحريف
بقيت النا مرحب يابن بركي والوعد قدام=ابعطيك الخبر وانت الصحيب اللي يشيل السيف

[ابو عادل]

أناعارفك يامحمد كريم ومن رجال كرام=كلام الصدق ياراع الوفا ماهو كلام الزيف
حدانا وقتنا واللي حداه الوقت ماينلام=نبا منك السموحة وانتظرنا مع ليال الصيف

[ابو عادل]

حانت ساعة النوم نستأذنك على أن نستكمل غدا بمشيئة الله.

[فـارس الحـرف]

حدانا وقتنا واللي حـداه الوقـت ماينـلام
نبا منك السموحة وانتظرنا مع ليال الصيف

ياسلام هو صادق وعزالله انك وافى يابو عادل

ومحمد يستاهل

[حسن عابد]

مرحبا يامحمد تراحيب المطر

[محمد النمري]

يابن بركي تراها بينه لمفسر الاحلام= واساميكم ليا عنونتها تغني عن التعريف
انا لي صاحبٍ عود خصيم انحاز للاخصام=توخر عن سلومه يابن بركي من شهور ونيف

[محمد النمري]

بدر العجمي
حسن عابد

شكراً لمروركم الكريم والجميل
تقبلوا اجل تحياتي

[ابو عادل]

أنا ماني بمرّي واتقصّى جرّة الاقدام=وعلمٍ تصرفه وعلوم ماتلقى لها تصريف
ترى من ديرته يمّ اليمن مايتجه للشام= ترفّق يامحمد في زمانك وارفع التكليف

[ابو عادل]

بدر العجمي
وانت وافي يابوسعد
سعدت لوجودك معنا ياغالي.

[محمد النمري]

انا ماجيت ابحلف مير هذا العلم يالمقدام= وقصة في ضميري قلتها ما خانها التوصيف
انا ادري يابن بركي ان العقول اللي نشوف احجام=بعد هذا كلامك مابقيلي شي لجل اضيف

[ابو عادل]

تراني مانشدتك من هو اللي لابس الاحرام=ولااقلّك تولّم بالشهود ولانبي تحليف
ليا نصّيت دعوى من هو اللي يصدر الاحكام=وحنا ماعرفنا وش تشوف ومن هو اللي شيف

[أبو عبدالرحمن]

حياك أخي الكريم ـ محمد النمري ـ ومرحبا بك في منتداك..

نسعد بتواصلك...

والشكر موصول لشاعرنا الكبير ـ أبي عادل ـ

[سلطان الثبيتي]

صراحة ماعاد بروح لقصور الافراح
لمتابعة المحاورة
ولا بتابع قناة الساحه
مادام المحاوره موجوده هنا
امش يالتطور في بيتك تتابع المحاوره
مباشره شئ جميل
حركو الصفوف

[محمد النمري]

اذا كانت وصوفي ما تماشي لوحة الرسام=ولاهي مثل ما قال المثل مضروف في الارشيف
تعامى ياولد بركي وتحسب قدمك الالغام=ياحلال القضايا لا تقول ان الطريق ايخيف

[محمد النمري]

ابو عبد الرحمن
البقا وانا اخوك وشكرا على الترحيب والمرور
تحياتي

[محمد النمري]

سلطان الثبيتي
خيبت ضنك الليلة ماكانت مباشرة
ويشهد الله مادخلت البيت الا الان
شكرا على مرورك الكريم
وتقبل تحياتي

[بن داخل]

الأستاذ محمد النمري
الأستاذ مشيلح
أعتذر للغياب اليومين السابقين
نتابع إبداع يقل أن نجد مثله
متابعين بشوق لهذه الدرر
سيرا على بركة الله

[مشعل الثمالي]

مساكم الله بالخير
عذري من عذر بن داخل
متقاطين فيه
بيض الله وجه ابو عادل
رحب وهلى بالنمري
ولا هنتو ياثماله
تحياتي,,,

[ابو عادل]

يقولون المحبة ماتجي بالجبر والارغام= قلوب مولّفة وقلوب ماتقبل على التوليف
تلمّس عذر لاصحابك وربك بالخفا علاّم =وترى كثر الجفا من كثرة التاجيل والتسويف

[ابو عادل]

أبو عبدالرحمن
مرور مشكور ومتابعة مثمرة
بارك الله فيك.

[ابو عادل]

سلطان الثبيتي
أشكرك على شعورك
واعتبر نفسك مدعو باستمرار لأي محاورة بالمنتدى
والله يحييك.

[ابو عادل]

بن داخل
حياك الله أيها المبدع
وجودك معنا فخر لنا.

[ابو عادل]

مشعل الثمالي
عذرك مقبول وماتهون طال عمرك
وبيض الله وجهك على حضورك المتواصل
عساك تسلم ياغالي.

[محمد النمري]

يقولون المحبة ماتجي بالجبر والارغام= قلوب مولّفة وقلوب ماتقبل على التوليف
تلمّس عذر لاصحابك وربك بالخفا علاّم =وترى كثر الجفا من كثرة التاجيل والتسويف


يقولون المحبة للرجال اهل السلوم خطام=وانا اشوف المحبة غارقة يبغالها تجديدف
عسى ربي يبدل حال متبدل من الاعوام=واشوف الصاحب اللي شوفته صارت سوات الطيف


ابو عادل سلمت على اتاحة الفرصة لنا
استفدت الكثير منك ولا ازال استفيد كل يوم
تحياتي يالغالي

[محمد النمري]

بن داخل
مرور تشريف رائع من شاعر بمقامك
تسلم يالطيب ولا عاد تغيب
تحياتي

[محمد النمري]

مشعل الثمالي
مساك الله بالرضا والنور
حضور مشرف يامشعل
والبقا ياراعي الطيبة
تحياتي يالغالي

[ابو عادل]

دعيت الله يلمّ الشمل بين الشهم والضرغام=ولاواحد من الاثنين ينطق بالأسف والحيف
مسير الحي يتلاقى ولايتغثبر الجمّام=تجي صدّة ولدّة والزمن من طبعه التجريف

[ابو عادل]

الفاضل/ محمد النمري
سعدت بمجاراتك وكلي امتنان لفكرك النير وأسلوبك الراقي
شكرا لك والى لقاء.

[ما عندكم أحد]

صح لسانك أبو عادل
ومرحبا بك أخي محمد النمري

[ابو عادل]

ماعندكم احد
سعدت بمرورك
مشكور وصح بدنك.