((إن تثنّت )) مجاراه لقصيدة الشاعر أبو عادل!!!

[{بعيدالنظر}]

أعتذر من مخرج الفلم الدرامي وآستميحه=الذهب ماله حراج وراج يوم إني زبونه
مرحبا حيّ الله اللي حرّك ركود القريحه=ما آختلف فنّه لوّ إن اللاش مايفهم فنونه
العنود اللي تمايل لو ملامحها قبيحه=المهم إليا تمايل خصرها فيها ليونه
تعجب المخرج ولو ماكل قلبٍ تستبيحه=وإن سمع لثغة لسان الغانيه تضحك سنونه
وإن تثنّت ماتشابه في تثنيها مديحه=ضاع وقت المخرج المخدوع ماحصل مرونه
صوّروها وإنشروا في فلمها عشرين طيحه=ليتهم قالوا لبيّاع الهوى يمشي بهونه
والسوالف بعضها يالقلب بارود وقديحه=والهواوي عاش طول العمر منها في مهونه
الحقيقه ياهنيّ أهل العقول المستريحه=شفت ناسٍ شافوا المنكر ولايستنكرونه
سامح الله من فتح باب الغزل والله يبيحه=وأكثر العشّاق كاس العشق يملاه بضنونه
أثر داب الغار مايدريك عنه ألا فحيحه=لو صمت وإنسل من جحره سلم لايذبحونه
إسمحوا لي مادعاني للقصيد ألا القريحه=والشعر قدح الفكر وآهل الجهل مانصفونه

[@ بن سلمان @]

بعيد النظر
اضحك الله سنك
اسمح لي بالبيت التالي

أثر داب الغار مايدريـك عنـه ألا فحيحـه =لو صمت وإنسل من جحره سلم لايذبحونه

[المبرِّد]

ولو أخذ الناس بالشبهات لما تُرك أحد إلا أقيم الحدّ عليه

[ما عندكم أحد]

بعيد النظر
لم تأت بجديد مبنى قوي
ومعنى مسبوق وفيه من المجون الشيء الكبير
الكرة في ملعب الادارة وان تجاوزت عنه أجدني مدعو للعودة إلى بيت حميده الذي سبق وان نوهت عن توبتي منه .
با نتظار زهور الريف تأتي وتدفع عن أخواتها مجون شاعر

[المشتاق]

إنّما لازم يجي متردّيـة والا نطيحـة=غير ماتاكل سباع البرّ والراعي بشونه

>>>>>>>>>>>>>>>>>>>>

أثر داب الغار مايدريـك عنـه ألا فحيحـه =لو صمت وإنسل من جحره سلم لايذبحونه

[الشيهان]

بعيد النظر كعادتك بحر في الرد والنظم

الغزل جميل جدا وهو من الفنون المحببه الى قلبي رغم عدم اجادتي له بقدر اجادتك انت وابو عادل شاعرنا الكبير

صح لسانك ولانريد ان تكون هذي يتيمه منك في هذا الفن وكذالك نريد من ابو عادل المزيد من هذا الابداع

[ضماء النهر]

ماهذا

اين العقلاء من اداره وجمهور الكل يشيد الا ماعندكم احد (( لله دره )) صريح في الحق

مراهقه متاخره حسبي الله ونعم الوكيل

[حسن عابد]

اخيرا عدت يابعيد النظر اقول لاعاد تغيب ولا قبلنا عليك بجدك
صح لسانك وعلا شانك

[ابو عادل]

بعيد النظر
قريحتك حاضرة ولاتحتاج لمثير
لاأريد أن أعلق فشهادتي فيك مجروحة
وقصائدك لاتحتاج الى تعليق
صح لسانك.

[{بعيدالنظر}]

الغالي : @ بن سلمان @
لحضورك مكانه أعتز بها
وأثق في ذائقتك ولك تقديري

[{بعيدالنظر}]

المبرد : الغالي
صدقت أخي الحبيب
وحضورك أسعدني
لاهنت

[{بعيدالنظر}]

الغالي : المشتاق
كم أنا فخور بك ايها الفكر
حضورك أسعدني بلاشك

[{بعيدالنظر}]

الغالي : ماعندكم أحد
أهلاً بك أخي الحبيب
حضورك يكفيني
سعيد بهذا الحضور
حفظك الله

[{بعيدالنظر}]

الغالي : شاعرنا الشيهان
آنت من الشعراء الذين يفخر بهم هذا المنتدى أقولها بكل امانه
شكراً لحضورك وصفاء نورك

حفظك الله

[{بعيدالنظر}]

ضماء النهر
يكفيني حضورك
شكراً لأنك هنا

تقديري

[{بعيدالنظر}]

الغالي : ابو علي
أبداً يالغالي غيابي كان لظرف حتّم عليّ ذلك وها أنا اعود إليكم فهذا المكان هو المفضّل لديّ
لاتقول لجدي شيّ وتتعبه .
تقديري ياحسن

[{بعيدالنظر}]

بعيد النظر
قريحتك حاضرة ولاتحتاج لمثير
لاأريد أن أعلق فشهادتي فيك مجروحة
وقصائدك لاتحتاج الى تعليق
صح لسانك.



أشكرك من القلب ياشاعر ثماله .
الشعر يا استاذي يستفزّ الشعر لذلك اتت دون سابق وعد
شهادة أمثالك وسام أفاخر به
آنت في القلب ايها المبدع

[فتى ثماله]

الله الله الله وأكبر بعيد النظر

صح لسانك وسلمت يداك

وصح خطاك ونضمك الكلمات

ما أقووووول غير الله يزيدكـ
ويحفظكـ ويبعدكـ عن شر عيوووون الحساااااد

[{بعيدالنظر}]

الغالي : فتى ثماله
صح قلبك وكل جوارحك
أشكرك على فخامة الحضور وماعطرت به متصفحي من أزكى العطور
ولك مثلها
ربي يحفظك يالغالي

[النادر]

عبيدالله ليس بالغريب ان يتحرك الشعر بداخلك

الشعر هو نبض الحياة للشاعر ... وانت هنا شاعر


تحياتي

النادر