أبو عادل . لاتبطي !!!

[{بعيدالنظر}]

السلام عليكم ورحمة الله وبركاته
أذكروا الله وصلوا على محمد

.
.
.


أسعد الله مساكم والقصيد فنون=كيف للراس ولاّ سيف ذباحي
آخرالوقت لامنّه هرج مجنون=الحذر يتبعه فى خباله الصاحي

[ابو عادل]

وعليكم السلام ورحمة الله وبركاته
اللهم صل وسلم على محمد وآله
.
.
.

.
أسعد الله مساكم والعلوم تهون= خلها في سنع والقلب مرتاحي
المسافر تخيله فالطريق عيون= تتبعه بالنظر سرحة ومرواحي

[أبو عبدالرحمن]

اللهم صل وسلم على نبينا محمد

عساكم على القوة

[ما عندكم أحد]

المسافر تخيله فالطريق عيون =تتبعه بالنظر سرحة ومرواحي


مشيلح بن بركي
عبيدالله العرابي
لا ادري من أقدم على الاخر
اقبلوها كما هي
مساؤكم عطر

[المشتاق]

حموها
وخلوها
اكيد راح تبرد
يعطيكما العافية

[{بعيدالنظر}]

خذ خطام البعير وسلّمه مامون=وإنهجه لين يبدي نور الاصباحي
أترك الحاجه اللي مالها ماعون=ماتضرّك خسارة سوق الارباحي

[{بعيدالنظر}]

ابو عبدالرحمن يسعد لي مساك يالغالي
حضورك الاول يعني لنا النجاح وآنت من رواده
حفظك الله يالغالي
لاخلا ولاعدم

[{بعيدالنظر}]

أخي الغالي : ماعندكم أحد
يسعدنا حضورك ويكفينا أن تكون معنا .
دمت ودام هذا التألق

تقديري

[{بعيدالنظر}]

الغالي المشتاق
كنت حريصاً على ان تكون مباشره .. لكن للظروف أحكام
أشكرك عدد ما احمله لك من تقدير

[ابو عادل]

لاتفتش عن اللي فاسفل الكرتون=لوظهر لك سعد في صورة مناحي
من يسوم البضاعة يدفع العربون=لاتسوي كما من جاولاراحي

[ابو عادل]

أبو عبدالرحمن
الله يقويك
شكرا لحضورك المتجدد.

[ابو عادل]

ماعندكم احد
(مقبول منك كل شي مقبول)
وانت بدورك اقبلنا كمانحن
ومشكور على مرورك العطر.

[ابو عادل]

المشتاق
المبرد احسن من المثلج
تشرفنا بمرورك العطر.

[@ بن سلمان @]

بعيد النظر
أبا عادل
بالتأكيد للجمال بقية

[مشاكس]

لاتفتش عن اللي فاسفل الكرتون=لوظهر لك سعد في صورة مناحي
من يسوم البضاعة يدفع العربون=لاتسوي كما من جاولاراحي


عزالله انك قلبته مافتشته بس
الله يستر لايكون فيه جرو

[{بعيدالنظر}]

علم اللي بعين أم الكحل مفتون=الكحل للحجر ساتر وفضاحي
الدوى عندنا لأهل الخطا مسحون=بالمنيمس ليا ثوّرت قداحي

[{بعيدالنظر}]

الغالي : بن سلمان
مرحبا هيل حضورك يسعدنا طال عمرك
لاهنت

[{بعيدالنظر}]

المشاكس
حضورك نوماس يالغالي
أبطيت مانشوفك
لاخلا ولا عدم

[@ بن سلمان @]

المشاكس
الحين الجرو ولد الكلب
والا الجرو نواة الخوخ او فصم التمر
وضحها شوي

[ابو عادل]

بن سلمان
أنت من يضفي على المحاورة روح الاثارة والحماس
لاهنت.

[ابو عادل]

مشاكس
فين الغيبة ياخويه
عساك بخير!
والله اني ضحكت في غير سنع من تعليقاتك العجيبة
واللي ماتخطر على البال.
عساك سالم.

[ابو عادل]

مامعك فايدة يامديّن المديون=ان طلب زود قلّه جعلك الماحي
من رمى من ورا بابه وهو ممنون= أفتح الباب واقفاله بمفتاحي

[حسن عابد]

بعيد النظر
ابو عادل
افتخر بوجودكم وما تقدمون شكرا لكما