ابو امجد مطلوب

[حسن عابد]

يابو امجد باصنا في الخط واقف ماتحرك=واكثر الركاب تنظر يمكم ياهل القياده
انت قايد ومتعلم كل حاجة ماتغرك=ان خرب واحد دخيلك لا يجي بعده زياده

[الشيهان]

مرحبا مليون بك ياحليف اخويه

مرحبا بك ياحسن عابد على علم(ن)يسرك=وانت راعي الاوله معروف ياراعي الرياده
ياحليف اخوي انا ادعي ربي انه لايضرك=والبعير اليا رغى لازم توثق في شداده

[محمـد العجمي]

يسعد صباحك اخي حسن عابد بدعه رائعه وبإنتظار الاخ ابو امجد

اطربونا ومتابعين

[أبو عبدالرحمن]

يا سلام عليك يا أبا علي

ويا سلام عليك يا شيهان ـ أبا امجد ـ

متابعين لهذا الإبداع..

[@ بن سلمان @]

لا حول ولا قوة الا بالله
يا ما نصحنا ابو امجد عن دروب الغواية
وهذا اخرتها صار مطلوب

[حسن عابد]

البقا وانت تعزمني ياسلام لله درك=والبعير اللي تقوله قصروا له في قياده
لو عرفنا منك خيرك ماعرفنا منك شرك=مابزكيكم على الله انت من جملة عباده

[حسن عابد]

يسعد صباحك اخي حسن عابد بدعه رائعه وبإنتظار الاخ ابو امجد

اطربونا ومتابعين




الشاعر الكبير والصديق العزيز محمد العجمي
الله يصبحك بالخير والعافية حضورك تاج على الراس

[حسن عابد]

يا سلام عليك يا أبا علي

ويا سلام عليك يا شيهان ـ أبا امجد ـ

متابعين لهذا الإبداع..

اخي الفاضل ابو عبدالرحمن
شكرا لحضورك وتشجيعك للجميع ودعمك المستمر
الله لا يحرمنا منك طال عمرك

[حسن عابد]

لا حول ولا قوة الا بالله
يا ما نصحنا ابو امجد عن دروب الغواية
وهذا اخرتها صار مطلوب


بن سلمان
ابو امجد عزمته وعزمني يمكن حليفي وابو عادل وابو عبدالرحمن يحضرون بس انت بعيد ما اظن يمديك بالحضور لكن خيرها بغيرها
شكرا لحضورك وكريم تواصلك

[الشيهان]

لاتجر العاصيه والعاصيه حذرا تجرك =وانت فرق بين شكل الجندب وحجم الجراده
وسع الخاطروخلك ياعميلي وسط برك=كل حبه عايره ماتمسي الا فالرماده

[الشيهان]

الاخ محمد العجمي سعداء بتواصلك ومتابعتك لنا يالغالي

[الشيهان]

الاخ ابو عبد الرحمن اشكرك على هذا الاطراء والاهتمام ونحن بكم

[الشيهان]

بن سلمان

يامرحبا والله بك في هذا المتصفح المتواضع

والله يهديك ودك تورطني وبس

[@ بن سلمان @]

أبا على أعزم وتوكل على الله
بحول الله غداي الاربعاء عند ابوي ةالخميس عازمني ابو أمجد على الغداء

[ما عندكم أحد]

حسن عابد
بيض الله وجهك بدعه ولا احلى
وانت يا بو امجد ودي انك حليفي
قول تم
اتمنى ان نستمتع مع شاعرين لهما حضوتهما

[الشيهان]

عجيب والله يابن سلمان اشوفك فصلت ولبست الله ربنا وربك ماهي كفايه توصيتك في ينساب تبي تلحقها غداء

[الشيهان]

ماعندكم احد
ابشر والله يحيك تراني معك وانت معي في كل خير

بس ياخي اسمك صعب في الكتابه بالرغم من موسيقيته العاليه

[ما عندكم أحد]

ان بغيت تكتب اسمي اكتبه بدون ما
وش رايك اخاوي بن سلمان على الغداء

[حسن عابد]

لاتجر العاصيه والعاصيه حذرا تجرك =وانت فرق بين شكل الجندب وحجم الجراده
وسع الخاطروخلك ياعميلي وسط برك=كل حبه عايره ماتمسي الا فالرماده




الغبار اللي ظهر قدم العرب من كثر فرّك=لوسلمت السيف ماتسلم من الفرد وزناده
لوتغازي في ممرك كلنا نعرف ممرّك=لاتجينا لابس المقلد وتقلبها نكادة

[حسن عابد]

حسن عابد
بيض الله وجهك بدعه ولا احلى
وانت يا بو امجد ودي انك حليفي
قول تم
اتمنى ان نستمتع مع شاعرين لهما حضوتهما

ماعندكم احد
ووجهك ابيض طال عمرك واتمنى ان تكون المحاورة نالت استحسان الجميع

[حسن عابد]

أبا على أعزم وتوكل على الله
بحول الله غداي الاربعاء عند ابوي ةالخميس عازمني ابو أمجد على الغداء

ابو امجد بن سلمان جاي معنا لا تقلل الغداء واحتزي ماعندكم احد يمكن يجي ومنقاش
الله يعينك هههههه

[الشيهان]

لاتراوغ ياحسن عابد ترى نعرف مقرك=والحروب اللى تسّعر مابها سِلم وهواده
لاتقول ان الجمل سحمان في داره مبرك=وانت اشوفك قمت تنشدعنه واكثرت النشاده

[الشيهان]

ماعندنا احد
كذا اسهل في الرد
اولا من قلك ان سلمان صادق تراه يمزح الرجال مزاح

وخصوصا من يوم درى ان منقاش يحترى هذي الفرصه تراه مهون لو هو صادق من كرهة مقابل منقاش

[محمـد العجمي]

الله الله هنا اللعب الرائع بروعة شعرائه

اتمنى ان تستكمل ومتابع لها بلا شك

تحيتي لكما

[حسن عابد]

لاتراوغ ياحسن عابد ترى نعرف مقرك=والحروب اللى تسّعر مابها سِلم وهواده
لاتقول ان الجمل سحمان في داره مبرك=وانت اشوفك قمت تنشدعنه واكثرت النشاده


اخشى ما اخشى عليك الذيب في ليل (ن)يزرك =عندها ماعاد ينفعك الطبيب ولا العياده
ماني بضامن للجمل سمحان وشعيل (ن) مدرك=وان كان جمعت الثنين نقلدك باحلى قلاده

[حسن عابد]

هلا محمد شرفتنا يالغالي وترى ابو عادل ينتظرك

[حسن عابد]

اخشى ما اخشى عليك الذيب في ليل (ن)يزرك =عندها ماعاد ينفعك الطبيب ولا العياده
ماني ضامن للجمل سمحان وشعيل (ن) مدرك=وان كان جمعت الثنين نقلدك باحلى قلاده

[بن وافي]

حضور را ئع وجميل أخي حسن عابد
يعطيكما العافية
على الابداع
بانتظار المزيد

[بن داخل]

حليفي أخي الشيهان ان ارفعته فالشارب وان ارخيتها فاللحية بس تدرون الصمت مني أطيب مبدعين أنتم ونحن مستمتعين

[حسن عابد]

بن وافي الاروع هو حضورك طال عمرك
حليفي نورتنا بحضورك الكريم وترانا مسافرين بعيد

[الشيهان]

معذرتا على التاخير بس المنتدى اول اليل عطلان عندي مدري انتم كمان والا انا بس

كان تبغى العلم هون وأنت موتر زاد حرك=البلد في حكم حاكم وأنت كبر فالوسادة
بعد زاد شعيل حِمله قامت كتوفه تفرك=يحسب إن أيام ربي كلها عز وسعادة

[الشيهان]

الاخ محمد العجمي نشكرك على المتابعه والاهتمام وهذا دليل رقيك الشعري

[الشيهان]

الاخ بن وافي لك من اسمك نصيب
وحياك الله

[الشيهان]

الشاعر الكبير بن داخل حظور زادنا شرف ومانحن الا تلاميذ مدرستك الشعريه نعتز بمدحك ونقدك

وترى حليفك خطير ماهو هين

[بن وافي]

اخي الشيهان

اشكرك على الاطراء ولكن ماعليك زود
هذا بعض مما عندكم طال عمرك

وبانتظار شعراء منتديات ثمالة العمالقة
الذين لايهزمون ولا يقهرون

[@ بن سلمان @]

خلوني من هذا كله
من بيطلع لي المطار
اكيد الشيهان اقرب واحد
ترى رحلتي 10 صباح الاربعاء
ضبط المعروكة

[بن وافي]

دام الدعوة فيها معروكة
حتى انا بسافر مع يابن سلمان
وبنكون في المطار سوى
والله يعين الشيهان

[ابو عادل]

يابو أمجد
وياحسن عابد
مافيكم حيلة وخطيرين ماشاء الله عليكم
صح الله ألسنتكم
أبوأمجد/ تراني جارك المنتظر .... لاتنسانا من المعروكة وفيه رجال أبرسلك له عنده عسل صيف ممتاز وساكن عندكم في نفس الحي . هيه لاتقول ماعلمتني .

[بن وافي]

ابو عادل
خلاص دامك تعرف الرجال اللي يبيع العسل دل ابو أمجد عليه

المعروكة لابن سلمان
وانا بروح المطار استقبله ولازم يعزمني على المعركة
وانت قابلنا عند ابو أمجد

ابو أمجد
حسن عابد
في انتظار المزيد والقادم أحلى

[حسن عابد]

معذرتا على التاخير بس المنتدى اول اليل عطلان عندي مدري انتم كمان والا انا بس

كان تبغى العلم هون وأنت موتر زاد حرك=البلد في حكم حاكم وأنت كبر فالوسادة
بعد زاد شعيل حِمله قامت كتوفه تفرك=يحسب إن أيام ربي كلها عز وسعادة



لا زعلنا ولا رضينا ولا سبحنا جوف بحرك=البلد فيه الزراعة وكل واحد من حصاده
الجمل لاهاج يالشيهان حذرى لايكرك=الجمل ممتاز بس الباص يامحلى براده

[حسن عابد]

ابو عادل حضورك غير وشهادة نعتز بها استاذي
بن سلمان بن وافي ابو عادل الظاهر رايح تسبقوني عند معزبي

[@ بن سلمان @]

أذكروا الله وصلوا على رسول الله
أنا رجال مجاز وأنتم رجاجيل على راس العمل ولا أحد يعذركم عن واجب
وبن عزاب خلوه في ظلاله

[حسن عابد]

تم يابن سلمان تم وبن عزاب يلحق خير ان شاء الله اذا جاء من السفر

[الشيهان]

يوم تضحك لي بسن ويوم تدحمني بنحرك=والمِزارع ما يهون لين يتحقق مراده
والجمل وسط المجازر في سلاسلها مشرك=حافته سود أليالي يوم ضيع في رشاده

[الشيهان]

بن وافي الله يحيك عند من حيابك

ابو عادل كمان الله يحيك عند من حيابك بس وش رايك تخليها لين نتجاور حتى تكون سمن على عسل مره وحده
وترى الرجال اللى بالي بالك هذي اليومين متغير علينا بعد شد بالنحل من مكه وجابه الطايف ماغير يزمر ويلاطم ذبان خشمه مدري وش بلاه الضاهر انه بيقص النحل وماوده نحسن العلاقه معه

بن سلمان انت رجال محمي عن العسل والضاهر انك مجاز وتحسب الناس كلهم في اجازه الله ربنا وربك

[حسن عابد]

يوم تضحك لي بسن ويوم تدحمني بنحرك=والمِزارع ما يهون لين يتحقق مراده
والجمل وسط المجازر في سلاسلها مشرك=حافته سود أليالي يوم ضيع في رشاده


ان فتلها وان نقضها صاحبك والله ماشرك=والمشورب يحتزي للحرب خيله مع عتاده
ياعميل الخير ودي كل قشرى ماتمرك=وان طلبك الشيخ تحضر ثم تدلي بالشهاده

[بن وافي]

الله يبقيك يالشيهان
ماتقصر راعي طيب ما يبيلك نشده

يعطيك العافية
انت وحسن عابد
على الابيات الجميلة
ولا زلنا بانتظاركم كالعادة
ولا بن سلمان يبي يستفرد بالمعروكة لوحده مايبي أحد يشاركه
لكن تكفى يالشيهان ان جاك جيبله حبه تميس وجبن وحلاوة
عشان ثاني مرة ياخذنا بعزيمته

[الشيهان]

أنت تحسب ياعميلي مابقي فالدار غيرك=مير ماينفع كبير القوم لو كثر عناده
وش فبطنك من حلال القوم قلي وش فظهرك=والقضية ضد مجهول الهوية في بلاده

[حسن عابد]

أنت تحسب ياعميلي مابقي فالدار غيرك=مير ماينفع كبير القوم لو كثر عناده
وش فبطنك من حلال القوم قلي وش فظهرك=والقضية ضد مجهول الهوية في بلاده


ماني ايلحالي ولكن لو حدث قطعت سيرك=اما مجهول الهويه مابقرب صوب زاده
انت لاجاك الحرامي ثم سرق فالليل طيرك=اقطع ايدين الحرامي ماتظلي فيه عاده

[الشيهان]

لو يحوم الصقر فوقك كان قرر لك قريرك=خل مجهول الهوية صايبه ذل وقراده
والحرامي مايحوف البيت لو يسمع هديرك=كان صابه وسط قلبه منك رعشه وارتعاده

[حسن عابد]

الشيهان
بيض الله وجهك عزالله انك كفيت ووفيت والى لقاءات اخرى والبدع من عندك
شكرا لكل من حضر معنا وشرفنا

[@ بن سلمان @]

اه منكم يا الحلنج
بيض الله وجهك يا بو عبدالرحمن كفيت ووفيت