القرار الوزارى

[فـارس الحـرف]

يالهجوس اللى تلاعبنى على 90 طارى=كنها غبة بحر بالقيس مايلحق مداها
يامشليح بعد صدرنا القرار اللى وزارى=مانبا الا راحتن فالبال والنفس واهوها

[حسن عابد]

بدر هلا وغلا
ابو عادل في رحلة عمل ويسلم عليك ويقول انتظرني بكرة في المساء ان شاء الله

[فـارس الحـرف]

ارحب يا شاعرنا الكبير حسن

وجودك يثلج الصدر وسلم على ابو عادل

[بن وافي]

الشاعر الكبير بدر العجمي
وجودك في منتديات ثمالة أثلج صدورنا جميعاً
وبانتظار مزيد من الابداع في المحاورة اللي تجمعك بأبو عادل

[محمـد العجمي]

الله الله الله الله بدر وابوعادل ثنائي لايشق له غبار

مسج : وصلك المطر يابوعادل :)

[أبو عبدالرحمن]

الله يعينك يا أبا عادل ـ قرار ـ لا مفر له..

وعساك على القوة شاعرنا الفاضل : بدر

[ابو عادل]

حسن عابد
شكرا لحضورك وإبلاغ الرسالة.

[ابو عادل]

الله الله الله الله بدر وابوعادل ثنائي لايشق له غبار

مسج : وصلك المطر يابوعادل :)


حياك الله يامحمد
وقدومك يبشر بالغيث.

[ابو عادل]

أبو عبدالرحمن
مشكور طال عمرك
وخلك بصفي.

[ابو عادل]

بن وافي
بيض الله وجهك على المتابعة والتشجيع
والزم الصف وعساك سالم.

[ابو عادل]

بدر العجمي
حياك الله يابوسعد تحية المطر وتراني أسأل عنك محمد العجمي
لكنك جيت فوقتك .



جيت فالوقت المناسب يابدر والبحث جاري= والوزارة لاتقرّر من خلاها في خلاها
بعد زان السوق لاهل السوق من بايع وشاري =من قفل سوق الشرا والبيع وعقوده لغاها؟

[المبرِّد]

صح لسانك بدر
صح لسانك مشيلح
أنا في صف الضيف العزيز.ولا هان شاعرنا
وترون القرارت ما تنفع حتى إن كانت من مجلس الوزراء إن لم يكن الوزراء ناصحين لمهماتهم:26: :5:

[ابو عادل]

المبرد
حياك الله وصح بدنك
وصفي وصف أبوسعد واحد.

[فـارس الحـرف]

يامشليح يوم افكر لين مابه حد غارى= زد علاها ام الكابير ما تقلل من غثاها
ادرى ان الرايه العليا ترفرف وانت دارى=لو تبى تبحث عن اللى باعها واللى شراها

[ابو عادل]

جيت ادوّربدرقالوا راح مع باب الطواري=قلت جيبوا لي خبر والناس يامااصعب رضاها
طيع شوري لاتسرّع واتبع النهج الحضاري=خذ براي الاغلبيّة ثم حقق مبتغاها

[فـارس الحـرف]

هههههههههههه

تم تم تم انت المتسبب بعدوة الروح بعد هالبيت

[ابو عادل]

بيض الله وجهك
ماخاب من استخار، ولاندم من استشار
وانت كفو لها كلها.

[فـارس الحـرف]

مر تمشى بالرضى ومرار تجبرنا جبارى=المهم العلم الابيض دونها ولا وراها
لاجل من وجه نداه الحين وسمع وش قرارى=عادت الديره وشغلنا كهاربها وماها

[ابو عادل]

أحزن ليا زرت ديرة لاصقور ولاحباري=مجدبة قيعانها والغيث ماكنه سقاها
بيض الله وجه من يوم انتخيته مايواري=ولك علينا وقفة اللي ماتخيّب من نصاها

[فـارس الحـرف]

للعلوم الطيبه فى وجه راعيها موارى=والحميه تاخذ اهل الطيب واللى فى حماها
مرحبا بهل النبا وانا مع اهل الطيب ضارى=يسعد الله صبحها واقول يسعد لى مساها

[ابو عادل]

القدم بالساق والمعروف تبدي له شواري=من بناها بالشرف والعز مايهدم بناها
شب نارك يابدر وانا معك شبيت ناري=ومن وطا جمر اللظا يابدر باقدامه كواها

[admin]

يعطيك العافية
متابع لهذا الإبداع

[فـارس الحـرف]

الحقيقه مابها الا من يدقون البوارى=تزعج العقال والعقال ماترضى علاها
الثبيتى وده انه مع شليوح المطارى=مايبا اللى كل مايرد لها قطع عراها

[ابو عادل]

بدّد الله ظلمة الليل وتهاويل المساري=ابد في وضح النهار ودونك الشمس وضحاها
راس مالك مايغشك وانت مع كاتب وقاري=شاركوهاسوقها واحسب سراكم مع سراها



الله يبيض وجهك يابوسعد
والله انك داهية المحاورة وتعرف كل شاردة وواردة وهذا ماسرني كثيرا
فأنا المستفيد الأول من المحاورة التي تكون أنت طرفها الثاني معي
كفيت ووفيت والى لقاء قريب
أتركك في حفظ الله .

[ابو عادل]

admin
كيف حالك من زمان ماشفناك ،لعلك بخير
أشكرك على تواجدك معنا .

[محمد النمري]

بدر العجمي
قرار مفاجيء

ابو عادل بيض الله وجهك وقبل الله شفاعتك

ثنائي خطير
وكلام جميل

بيض الله وجيهكم يالقروم

تحياتي

[فـارس الحـرف]

وبيض الله وجهك يابو عادل معليك زود

وياهلا بالجميع ومحمد النمرى ارحب يالقرم

تحياتى لكم

[ابو عادل]

هلا وغلا ياأبوزياد
والله انك نورتنا الليلة
الله لايحرمنا طلتك ياغالي.

[سلطان الثبيتي]

الشاعر الكبير المتألق
بدر العجمي
ابداع بلا حدود وبيض الله وجهك

شاعرنا الكبير المتألق
ابو عادل
ابداع بلا حدود بيض الله وجهك
محاوره جميلة

[بن داخل]

بيض الله وجهيكما

[النادر]

استمتعنا هنا بالبدر والعلم ابوعادل

والمهم الزبده اللي وصلنا لها الغـاء القرار الوزاري

تحياتي لقلوبكم

النادر

[أبو عبدالرحمن]

ليس هناك أفضل من هذه المحاروة إلا تنسيقها كاملة!


بدر العجمى


يالهجوس اللى تلاعبنى على 90 طارى=كنها غبة بحر بالقيس مايلحق مداها
يامشليح بعد صدرنا القرار اللى وزارى=مانبا الا راحتن فالبال والنفس واهوها






جيت فالوقت المناسب يابدر والبحث جاري= والوزارة لاتقرّر من خلاها في خلاها
بعد زان السوق لاهل السوق من بايع وشاري =من قفل سوق الشرا والبيع وعقوده لغاها؟


بدر العجمى


يامشليح يوم افكر لين مابه حد غارى= زد علاها ام الكابير ما تقلل من غثاها
ادرى ان الرايه العليا ترفرف وانت دارى=لو تبى تبحث عن اللى باعها واللى شراها



جيت ادوّربدرقالوا راح مع باب الطواري=قلت جيبوا لي خبر والناس يامااصعب رضاها
طيع شوري لاتسرّع واتبع النهج الحضاري=خذ براي الاغلبيّة ثم حقق مبتغاها


بدر العجمى


مر تمشى بالرضى ومرار تجبرنا جبارى=المهم العلم الابيض دونها ولا وراها
لاجل من وجه نداه الحين وسمع وش قرارى=عادت الديره وشغلنا كهاربها وماها



أحزن ليا زرت ديرة لاصقور ولاحباري=مجدبة قيعانها والغيث ماكنه سقاها
بيض الله وجه من يوم انتخيته مايواري=ولك علينا وقفة اللي ماتخيّب من نصاها


بدر العجمى


للعلوم الطيبه فى وجه راعيها موارى=والحميه تاخذ اهل الطيب واللى فى حماها
مرحبا بهل النبا وانا مع اهل الطيب ضارى=يسعد الله صبحها واقول يسعد لى مساها



القدم بالساق والمعروف تبدي له شواري=من بناها بالشرف والعز مايهدم بناها
شب نارك يابدر وانا معك شبيت ناري=ومن وطا جمر اللظا يابدر باقدامه كواها


بدر العجمى


الحقيقه مابها الا من يدقون البوارى=تزعج العقال والعقال ماترضى علاها
الثبيتى وده انه مع شليوح المطارى=مايبا اللى كل مايرد لها قطع عراها


[quote=ابو عادل;83336]
بدّد الله ظلمة الليل وتهاويل المساري=ابد في وضح النهار ودونك الشمس وضحاها
راس مالك مايغشك وانت مع كاتب وقاري=شاركوهاسوقها واحسب سراكم مع سراها