ابو عادل

[حسن عابد]

ياعسى الحجاج تسعى على البيت وتطوف=يوم تاقف بعرفه ويوم ترمي في منا
يامشيلح لا وضعنا النقط فوق الحروف =ينتهي المطلوب والناس تقرا خطنا

[@ بن سلمان @]

يعطيك العافية ابا علي
بس ايام منى 3

[أبو عبدالرحمن]

صح لسانك أبو علي

بن سلمان: في يوم من أيام منى يختلف عن البقية!

[حسن عابد]

يعطيك العافية ابا علي
بس ايام منى 3
الله يعافيك ابو هبه
وابو عبدالرحمن عطاك العلم

[حسن عابد]

[quote=أبو عبدالرحمن;85118]صح لسانك أبو علي

بن سلمان: في يوم من أيام منى يختلف عن البقية![/quot

شاعر يابو عبدالرحمن

[حسن عابد]

يوم تاقف بعرفه
ويوم ترمي في
منى

[ابو عادل]

الله الله ياحسن لوتشوف اللي نشوف=من لقي درب السعد وش يودّيه العنا
لاتحزم بالجنابي وتومي بالسيوف=هاتها فوق البلاطة ماغير انته وانا

[أبو عبدالرحمن]

صح لسانك أبو عادل..
وانتظر اتصال قريب لاقتراح بسيط!!!

[حسن عابد]

الله الله ياحسن لوتشوف اللي نشوف=من لقي درب السعد وش يودّيه العنا
لاتحزم بالجنابي وتومي بالسيوف=هاتها فوق البلاطة ماغير انته وانا



انت لا تشكي علينا زمانك والظروف =الترابي لا بنى الصرح تسكن فالبنا
الجنابي سلاح والسيف صنف من الصنوف =ليت من يجمع سلاح البدو قبل الفنا

[ابو عادل]

صح بدنك أبوعبدالرحمن
وفي انتظارك.

[ابو عادل]

لك ثلاث سنين وانته تهزهز فالكتوف=لاتقف في صفنا وانت ماانته مثلنا
السيوف اللي معك خلها فوق الرفوف = والقرار يجيك بكره موقع باسمنا

[محمـد العجمي]

حسن

الجنابي سلاح والسيف صنف من الصنوف
ليت من يجمع سـلاح البـدو قبـل الفنـا

ابوعادل

السيوف اللي معك خلها فوق الرفوف
والقرار يجيك بكره موقـع باسمنـا


الله اكبر اشوى اني لحقت حسن وابوعادل وطرق رايع رايع
بيض الله وجيهكم وانا خارج للصلاه وراجع أتابع إبداعاتكما

[ما عندكم أحد]

يوم تاقف بعرفه
ويوم ترمي في
منى

ابا علي ابيض وجه وجعلك على القوة
انت تقول : يوم تاقف بعرفة ويوم ترمي في منى
وبن سلمان يقولك ايام منى ثلاثة يخاف تمسك معك يوم تاقف بعرفة ويوم ترمي بمنى وهكذا دواليك يخلص الحج وانت يوم واقف ويوم رامي
لكن اقول لين سلمان انت تجهل في حسن وحجه
وابو عبدالرحمن مفتيه يقول ان فيه يوم من ايام منى مختلف
ايام منى كلها رمي والا شاعرنا متعجل في يومين

[ما عندكم أحد]

الله الله ياحسن لوتشوف اللي نشوف=من لقي درب السعد وش يودّيه العنا
لاتحزم بالجنابي وتومي بالسيوف=هاتها فوق البلاطة ماغير انته وانا


ابا عادل
على البلاطه ما احد قدك

[@ بن سلمان @]

ما عندك أحد
لا تقرصينا يا نحلة ولا نبي لك عسل

[ابو عادل]

محمد العجمي
مررررررررررررررررررررحبا مليون ولايكفون
وجودك فال خير ولايفوتك الا الشر ان شاء الله.

[ابو عادل]

ماعندكم احد
انت شايف كذه؟
اذن من الليلة رايح يكون للبلاطة شأن
مشكور على المرور..

[ابو عادل]

بن سلمان
لايسمعك بن داخل
تراه أعرف واحد بالنحل.
بس قله كيف تحصل على العسل ؟.

[ابو عادل]

وينك ياحسن تبلشنا معك وتروح وتخلينا في الخلا.
تراني برسل لك منقاش وابو أمجد وبن داخل وبن سلمان
أمايجيبونك والا ياخذون عليك تعهد ماعاد تحوّم.
معك نصف ساعة من الآن على الأكثر.

[بن داخل]

ابو علي
بصراحة بدعة غاية في الروعة
وأنا في صفك ياعديلي
وقول لمشيلح السارحه ضاوية وابليس مطرود
وبعدين ابعد يامشيلح عن النحل انت وبن سلمان وغني له

[حسن عابد]

لك ثلاث سنين وانته تهزهز فالكتوف=لاتقف في صفنا وانت ماانته مثلنا
السيوف اللي معك خلها فوق الرفوف = والقرار يجيك بكره موقع باسمنا



لي ثلاث سنين ماحزى الخطر ولا الحتوف=صفكم من دون شاعر نضمه لصفنا
من ملك له سيف ماخاف من خمسة ضعوف=لا صدر مكتوب هذا مصدر بامرنا

[حسن عابد]

حسن

الجنابي سلاح والسيف صنف من الصنوف
ليت من يجمع سـلاح البـدو قبـل الفنـا

ابوعادل

السيوف اللي معك خلها فوق الرفوف
والقرار يجيك بكره موقـع باسمنـا


الله اكبر اشوى اني لحقت حسن وابوعادل وطرق رايع رايع
بيض الله وجيهكم وانا خارج للصلاه وراجع أتابع إبداعاتكما

الله يسعد مساك بالصحة والعافيه والحقيقة اتباهى بحضورك فانت من الشعراء الكبار الذين نفتخر بوجودهم وتقبل الله منا ومنك انه سميع مجيب

[ابو عادل]

يامدور راهي الجم وسنينك عجوف=كلما تارد على الجم تلقى رسمنا
لاتصرف يابن عابد وتاخذك الصروف=حقكم معروف واحنا نعرف اللي لنا

[حسن عابد]

ابا علي ابيض وجه وجعلك على القوة
انت تقول : يوم تاقف بعرفة ويوم ترمي في منى
وبن سلمان يقولك ايام منى ثلاثة يخاف تمسك معك يوم تاقف بعرفة ويوم ترمي بمنى وهكذا دواليك يخلص الحج وانت يوم واقف ويوم رامي
لكن اقول لين سلمان انت تجهل في حسن وحجه
وابو عبدالرحمن مفتيه يقول ان فيه يوم من ايام منى مختلف
ايام منى كلها رمي والا شاعرنا متعجل في يومين

ووجهك ابيض اخي الكريم ماعندكم احد
بن سلمان يسحبني في الكلام لكن ان عرفت شي لا يدري احد ولا انا ماني متعجل وايام التشريق اجلس في منى وارمي

[حسن عابد]

يامدور راهي الجم وسنينك عجوف=كلما تارد على الجم تلقى رسمنا
لاتصرف يابن عابد وتاخذك الصروف=حقكم معروف واحنا نعرف اللي لنا




يامدور راهي الجم تاخذها كفوف =والزمن يشهد على فعلكم من فعلنا
يامجاهيم الزمن ياحسوفك بالحسوف=كل ماجاها سهم تدري انه سهمنا

[حسن عابد]

ما عندك أحد
لا تقرصينا يا نحلة ولا نبي لك عسل

بن سلمان
لا بالله الا عسل الصيف مطلوب والرجال يامر

[حسن عابد]

وينك ياحسن تبلشنا معك وتروح وتخلينا في الخلا.
تراني برسل لك منقاش وابو أمجد وبن داخل وبن سلمان
أمايجيبونك والا ياخذون عليك تعهد ماعاد تحوّم.
معك نصف ساعة من الآن على الأكثر.

ابو عادل ماعليكم الا امان الله والرجال المذكورين في صفي مامعك الا رويعي والمشتاق روح دورهم

[حسن عابد]

ابو علي
بصراحة بدعة غاية في الروعة
وأنا في صفك ياعديلي
وقول لمشيلح السارحه ضاوية وابليس مطرود
وبعدين ابعد يامشيلح عن النحل انت وبن سلمان وغني له

حليفي واستاذي العزيز
الله يخليك ويعطيك الصحة والعافيه الروعة حضورك واتعلم منكم الله يجزاكم بالخير
انت بس حرضني وفكني بس اذا شفتها ماهي مخارجة معي تصرف

[ابو عادل]

أدري انك تجتلد بين الاحسا والهفوف=مير ماعندك سنع من هنا والاهنا
شفت زول اللي يغني وهو خلف الصفوف=لقمة اكبر منك تذبحك ياراع القنا

[حسن عابد]

أدري انك تجتلد بين الاحسا والهفوف=مير ماعندك سنع من هنا والاهنا
شفت زول اللي يغني وهو خلف الصفوف=لقمة اكبر منك تذبحك ياراع القنا




لاتقول اني تعنيت من شان الهنوف =لكن ان جتني تراني ابغنيها غنى
وانت لا تزعل عليها وترمي بالدفوف =الذبيحه بالصحن مير قلي بالهنا

[ابو عادل]

حفيت اقدامك على الزين ياالقلب اللهوف=مير ماحصلت من يمها مدح وثنا
الذبيحة في صحنها وصحنك فيه صوف= التحف وادفا ولاتغدي النعمة خنا

[@ بن سلمان @]

ابا علي , ابا عادل
يعطيكما العافية
أضفتما الى صيفنا حرارة إلى حرارته فأستعر نهار الرياض
عسى الله يجيبك يالطائف

[حسن عابد]

[quote=ابو عادل;85749]
حفيت اقدامك على الزين ياالقلب اللهوف=مير ماحصلت من يمها مدح وثنا
الذبيحة في صحنها وصحنك فيه صوف= التحف وادفا ولاتغدي النعمة خنا
[/qu



لدت العينين مني وانا قلبي عطوف= وانت تعرفني من اللي لهم مجد وسنا
ياضعيفين النظر هذا صوف من الخروف=والشكر لله ياللي تخاطب ودنا

[حسن عابد]

هانت يابو هبة كم يوم وتصل الطائف والبراد والمحاورات الشعرية

[@ بن سلمان @]

بن سلمان
لايسمعك بن داخل
تراه أعرف واحد بالنحل.
بس قله كيف تحصل على العسل ؟.
ابا عادل
ماني داعي عليه بالقاري
والا حرمته يجني منه لو كعبر

[ابو عادل]

ماتولف بك ولا خابرِ قلبك ولوف=من كثر ضربك بسيفك على الصخر انثنى
حوف ياحواف والا تريح لا تحوف= انحرق دمك ولايتّفق مع دمّنا

[ابو عادل]

بن سلمان
لاتدعي تصادف دعوة استجابة
وانت عارف الصيفية جات وجبل المعلم له حقوق
بعدين الرجال مايقدر يوفي بها (ادع بالبركة وينوبك ثواب )

[حسن عابد]

ماتولف بك ولا خابرِ قلبك ولوف=من كثر ضربك بسيفك على الصخر انثنى
حوف ياحواف والا تريح لا تحوف= انحرق دمك ولايتّفق مع دمّنا



تدري انا قوم نملك ملايين والوف =كل عاصي لا لمحني تملق وانحنى
مانلوم اللي من الناس داخل فيه خوف=الشجاعه ورث ياصاحبي من جدنا

[ابو عادل]

اعتبرها الختام

[ابو عادل]

لو بغيت الصدق انا ياحسن نفسي عزوف= ترتفع ماني كمااللي يهبّش من دنا
وانت دام انك تطارد ورا ناقة علوف= روح في حالك وغادر سمانا وارضنا


اعتبرها الختام يابو علي تراني مشغولوالعذر والسموحة
لاهنت .

[المبرِّد]

يعطيكم العافية
وصح لسان كل شاعر منكم

[عثمان الثمالي]

الله يعطيكم العافية جميعا

[حسن عابد]

المبرد
عثمان
الله يعافيكم تشرفنا بحضوركم

[مشعل الثمالي]

بيض الله وجيهكم ياشعار السواعده
نعتز ونحتفل بكم ذخرا ودمتم بود.
تحياتي ,,,

[حسن عابد]

بيض الله وجيهكم ياشعار السواعده

نعتز ونحتفل بكم ذخرا ودمتم بود.

تحياتي ,,,


هلا وغلا بشاعرنا العزيز مشعل ونحتفل بعرسك ان شاء الله