سلام

[فـارس الحـرف]

سلام ياهل المنزل المعمور والقدر الرفيع=تسلميةٍ بين الرجال اللى نحسب احسابها
اليله اليله ضربت السوق وبشرى وبيع=وسواق دار العز دايم مايقفل بابها

[ابو عادل]

مرحبا يابوسعد الله يحييك تحية المطر




يامرحبا ترحيب بالعجمان يبدي كل ريع=ماهي غريبة جية الاصحاب بين اصحابها
التاجر الياطبّ سوق البيع قرشه مايضيع=يحكم على السلعة وهومالدّ في جلاّبها

[فـارس الحـرف]

ياسلام لاهنت يابو عادل


دام البقا بالشاعر اللى وقفته وقفة شجيع=اما يودى فى علوم الناس ولا جابها
الوقت لن ماطاوعك خلك مع وقتك مطيع=وحفظ وصاة العجمى اللى من قبل وصابها

[أبو عبدالرحمن]

الليلة أكتمل البدر..

ليس لأن الليلة 14 من هذا الشهر...بل لمتابعة هذا الجمال والإبداع!!

[فـارس الحـرف]

الليلة أكتمل البدر..

ليس لأن الليلة 14 من هذا الشهر...بل لمتابعة هذا الجمال والإبداع!!

ابو عبدالرحمن


يسعد مساءك واهلا وجودك شرف يا استاذى

[ابو عادل]

الله ... الله



الواجب ان الرجل يعمل خير باللي يستطيع=واهل الوفا تحمي مواقفها ولوبرقابها
يابدر ماضاعت وصاتك في شتا والاربيع=وافرح لياشفت الامور معوّده لنصابها

[ابو عادل]

أبو عبدالرحمن
هلا وغلا آنست وشرفت ...... الله يرفع مقدارك.

[فـارس الحـرف]

هذى الاذاعه يامشيلح بس مفقود المذيع=وانا ماعرف القصه ..الا .. لا.. عرفت اسبابها
كم قلت لك لا بان نور الشمس.. لزبده تميع=ام الكباير تنبى العراف وانت اداربها

[ابو عادل]

يازين طول البال والله ربنا جاله وسيع=ماادري عن القصة وانا اللي ماقريت كتابها
لازلت بالظن الحسن واقف على الخط السريع= وارحل عن الديرة لياشفت السنة باشعابها

[بن داخل]

الله يكفينا شر السنين
والمطر بيجي يابو عادل
بس شاعرين كبيرين
نرحب بالعلم بدر العجمي
وأنا في صف العجمي أخذ بثاري يابو عادل
وقلت لك البارح السارحه ضاويه
وقد النار ياشبابها

[فـارس الحـرف]

هههههههه

طيب طيب


ترا اليالى يامشليح تلقح وتصبح دفيع= لو كان تضحك لك بعد بكره ترف اشنابها
اطرح احساب وجمع الحسبه على مهلك جميع= عوج الرقاب ابها العوج لوهى تمد ارقابها

[ابو عادل]

طيب بالله كيف توقف في صف حليفك حسن وفي نفس الوقت
في صف ابوسعد وانت واحد ؟لكن تدري ماهمي فيك شويه ويجي صاحبي
المعاكس والله ليوريك شغلك يابن داخل.

[فـارس الحـرف]

ابن داخل ياهلا ومرحبا الف والعفو كلنا طلاب فى مدارسكم

وجودك شرف يالغالى

[بن داخل]

أخي الفاضل بدر
بيني وبين أبو عادل تصفية حسابات متراكمه
أرجو أن يتسع صدرك لنا شوي
وبصراحة ترى هو البادي في الموضوع

[مشاكس]

لعيونك ابو عادل
أأمر تبيني ادعسهم الثلاثة
السيارة بين يديك
أشر وأناأقشر
دقيقة خليني أحجر للسيارة
أشوف واحد كني شفته قبل كذه

[مشاكس]

الليل الليل الميل عليكم

[فـارس الحـرف]

ههههههههه

لا ماعتقد الا المحبه


وابو السياره هوو الخطر :)

حيلوه لمحكمة الجنايات

[ابو عادل]

ياسلام ياسلام
.
.
.

من قلّك انك في زمن عثمان واصحاب البقيع=دنياك لاتجزعك حتى لوبدى لك نابها
أنا لقيت ان العسل فعّال للسّمّ النقيع=مافيه علّة غير تلقى فالبلد طبّابها

[مشاكس]

يازين طول البال والله ربنـا جالـه وسيـع
ماادري عن القصة وانا اللي ماقريت كتابهـا
لازلت بالظن الحسن واقف على الخط السريع
وارحل عن الديرة لياشفت السنة باشعابهـا
درر يابو عادل درر

[بن داخل]

من قلّك انك في زمن عثمان واصحاب البقيع
دنياك لاتجزعك حتـى لوبـدى لـك نابهـا
أنا لقيت ان العسـل فعّـال للسّـمّ النقيـع
مافيـه علّـة غيـر تلقـى فالبلـد طبّابهـا
خلي العسل لأهله

[ابو عادل]

لله درك ياالمعاكس
عزالله انك نعم العزوة وجيت في الوقت المناسب.
أنا اشوف السواق يلتفت لليسار وجّهه على بن داخل
وان ماهج قلّه يطلق الأصوات التحذيرية
مشكوووووووووووووور يامعاكس
تراك انت عن صف كامل.
العب العب.

[بن داخل]

أخي بدر راعي الموتر
على قد حاله دريويش
خذ من علومه وخل
المهم الضربه القاضية لابو عادل
وتموت الفتنة

[ابو عادل]

بن داخل
العسل اللي نوصّفه ماهوعسل البهيتة اللي مايداوي علة
هذا عسل انت ماتعرفه.

[مشاكس]

لله درك ياالمعاكس
عزالله انك نعم العزوة وجيت في الوقت المناسب.
أنا اشوف السواق يلتفت لليسار وجّهه على بن داخل
وان ماهج قلّه يطلق الأصوات التحذيرية
مشكوووووووووووووور يامعاكس
تراك انت عن صف كامل.
العب العب.
المشاكس
عصاك اللي ماتعصاك
وان بغيت مفتاح الكفر فيه وبن داخل
اقرب واحد يمي تبيني اصفقه بين عيونه
لبيك لبيك

[ابو عادل]

لا أوصّيك على بن داخل يامعاكس
تراه باطّ كبدي من البارح وهوناشب في حلقي ويزبد ويرعد
عليك به ، لاعدمتك ياسنايدي.

[فـارس الحـرف]

ماجيتك اشكى يامشليح جيت مهديلك صنيع=مسلم تصلى مع هل الهندوس فى محرابها!
معاد فيها غير اقلك قلت بالقول الفضيع=وانا بريح والحموله فى ظهر قلابها

[فـارس الحـرف]

الختام عندك ياعلم ابو عادل


واشكر جميع الاخوان


واكرر اسفى على ازعاجك يا ابو عادل وصح السانك

[ابو عادل]

عز الله اني يابدر مرسي كما السد المنيع=وانتم هل القالات وانتم ياالفهيم احرى بها
لكن ماابغا العلم بين اهل القرى بكره يشيع=واهل العنت ماهوبنا اللي سايرِ بركابها

[ابو عادل]

أبد يابو سعد
سولفنا وتسلينا وبعدين بكرة اجازه ووالله انك قضيت الوقت معنا
واني ماأمل علومك الغانمة .
ومافيه ازعاج من شرواك اللي نستفيد منهم وحنا الكسبانين.
سلمت وسلم الحاضرون جميعا وتصبحون على خير.

[حسن عابد]

ياسلام عليكم محاورة رائعة ومشاركات جميلة من الاعضاء وفقكم الله

[النادر]

ياسلام عليكم

ابو عادل ان تقدر تثنيه ترى ازين

بدر

الصبر زين وغير التشفير


النادر

[ابو عادل]

حسن عابد
اررررررررررررحب يابوعلي شرّفت.

[ابو عادل]

النادر
أبوسعد رجل حكيم وقلبه على كراسيه
وفكره يسده .
مشكور على تشريفك المتصفح.

[المبرِّد]

يعطيكم العافية
وصح لسان كل شاعر منكم

[ما عندكم أحد]

ياسلام عليكم

ابو عادل ان تقدر تثنيه ترى ازين

بدر

الصبر زين وغير التشفير


النادر

ما ودنا نثني أحد والا نعفطه
اللي يجي الله يحييه واللي يغدي قد غدت أمي الله يرحمها قدامه
وياكثر اللي قالوا مع السلامة ورجعوا وجرتهم ما عفت

[عثمان الثمالي]

الله يعطيكم العافية
وصح لسان كل شاعر منكم

[مشاكس]

ما ودنا نثني أحد والا نعفطه
اللي يجي الله يحييه واللي يغدي قد غدت أمي الله يرحمها قدامه
وياكثر اللي قالوا مع السلامة ورجعوا وجرتهم ما عفت

طيب يافاهم
وش تطلب حتى أفهم مثلك
أثرك مصيبة زمانك
عشنا وشفنا

[ما عندكم أحد]

طيب يافاهم
وش تطلب حتى أفهم مثلك
أثرك مصيبة زمانك
عشنا وشفنا

أيها المشاكس المعاكس
أمسك المسار الأيمن وأنت تفهم
المطلوب لأجل تفهم أني فهمت أن هناك من غضب وأبتعد عن المنتدى
وهناك ايضا من يطلب عفطه عفوا ثنيه عن قراره
عساها وصلتك
على فكرة ما ودك تزعل أنت

[مشعل الثمالي]

بيض الله وجهك يالعجمي بدر
لا فض فوك يابو عادل
يعني بلغتنا صح لسانك
تصدقون كم تمنيت انها تكون مباشره
والصفوف تلعب وتنقل كلام من ذهب.
تحياتي,,,