من يدور لي مشيلح

[النادر]

الليله النادر كثيره شطونه=والشعر في صدري تزاحم لحونه
لكن وين اللي يبي يسمعونه=الرجل ماينده على ناس صقهان





من يدور لي مشيلح وياتي به=يكسب المعروف فيه وبعد فيه
صاحب ٍ مبطي وانا قول ياطيبه=ليت فاهل الطيب دايم اماريه

[محمـد العجمي]

ياسلام عليك يالنادر

مبدا رائع وشعاره اروع ومتابعين باذن الله والله يجيب ابو عادل

[النادر]

محمد

مشكور ..... توني شايف ابو عادل لكن الظاهر انه لحق خويه

شيبان خبرك يامحمد مالهم بالسهر

[محمـد العجمي]

ههههههههههه ماعليه يالنادر لو هواجيسك ثايره ماشاء الله تبارك الله يجيك يجيك ان شاء الله

[حسن عابد]

الله الله عليك يالنادر موال جميل بس لو استبدلت حرف الهاء عوضا عن الياء في كلمة صدري

[ما عندكم أحد]

النادر
هلا والله بعودتك بعد أن ظننت إبتعادك
موال جميل ورائع وأختيارك لشاعر بحجم مشيلح
لاشك إضافة اكثر روعة

[ابو عادل]

الليله النادر لحونه جديدة
بعد قطعنا من رسايل بريده
يمكن مع الأيام زوّد رصيده
هذا الصحيح وقولوا اللي تقولون
لايدوّرلي ويتعب مناديبه=يعرف العنوان والرايحة جيّه
من يودي العلم ياالنادر يجيبه=سرّها مسرى الهبوب الشمالية

[ابو عادل]

محمد العجمي
حيا الله حضور ك
مرحبا ياالقرم.

[ابو عادل]

ماعندكم احد
مشكور على الاطراء والحضور
لاهنت

[النادر]

لامن نشد ت الناس عنك انت وينك
ادري ان مثلي به بشر فاقدينك
دينت قبلك ناس واليوم دينك
والرجل مايزهم على ناس صقهان


لو مشيلح يلتفت في مكاتيبه=كان محدٍ جالها من الحراميه
من يطوي فالحيايا وسط جيبه =تقرصه مابين جرجه واهل ليه

[النادر]

حسن عابد

ماعندكم احد

شكرا لكما تواصلكما وسؤالكما عني

[ما عندكم أحد]

الله يعينك يالنادر
اللي يقعد على كرسيين

[ابو عادل]

ان كان لك دين اذكره بالتفاصيل
واعطيك حقك قبلما ينحي الليل
والانعدّك من هل القال والقيل
هذا الصحيح وقولوا اللي تقولون

ضيف ويجيه الشنا من معازيبه=بعدراحوا في يدين الشريطية
أمس عبدالله تكسر عراقيبه=والعشيه في جبارة صناعية

[@ بن سلمان @]

النادر
أبا عادل
متابعين ومنتظرين التتمة

[النادر]

يوم اندهك وتصد ماكنك الا
واحد على سطح الثريا تعلى
ماهي بلي ياصحبي لا وكلا

والرجل ماينده على ناس صقهان


ضيف وايدينه قريبه من الريبه=من يلوم معزبه لو نوى كيه
رجل عبدالله على الدرب تمشيبه=والحسد يملى نفوس الحسوديه




ابو عادل اعذر انقطاعي لكن علم الله اشغالي اكثر من الزمن المتاح لي على النت

اعدك عند تفرغي بلقاء يليق باسمك ....

تحياتي

[النادر]

ابو هبه

انت اعلم بأنشغالي وكثرة اشغالي

اسئل كم لي ماجيت الرياض

سأحاول ان اتواصل ما استطعت


سلم على هبه واخواتها

عبدالله

[ابو عادل]

عادي ، شغلك أولى والجيات أحسن ان شاء الله
وهذا الختام


أنا بغيت آقف مواقف رياجيل
يوم انت تمسح دمعتك بالمناديل
ولياك تالي وقتك تحط وتشيل
هذا الصحيح وقولوا اللي تقولون


شيب راس مضيع الشور واشيبه=أثر عقله بعض الايام عاريه
مبتلى بالخوف تقبل وتقفي به =وين عينك وين خط اليمانية

[ابو عادل]

بن سلمان
حضورك محل التقدير
شكرا لك.

[مشعل الثمالي]

العب يابو عادل
حط شاره قبل يبدا نهاره