((أساااافر في شموس الوقت)) .. للتواصل معكم !

[{بعيدالنظر}]

حبيبي مشتريك وبايعٍ غيرك وهذا شيّ=لو إني مانويته ماعطيت الدرب خطواتي
أسافر في شموس الوقت حافي وآشتري لك فيّ=ظلالٍ يحتويك ويالعله يجمع شتاتي
من أجلك كنت أدوس النار وأصبر للجمر والكي=من أجلك قلت من يغلا وضحيت بعلاقاتي
عطيتك ياحبيبي فوق مايعطيه حاتم طي=لو إنه عاش مات من الخجل بآصغر عطياتي
وفي لحظه رميته بالظلام اللي عطاك الضيّ=بغير اسباب غير إني صدقت بكل حالاتي
تحجج بالظروف وتلبس لخبث النوايا زي=وآنا لوكنت أعرف إنك كذا غيّرت وجهاتي
ظروفك ربعها صدق وثلاث ارباعها من غيّ=أصدق بعضها ولاّبعضها زاد مأساتي
أنا الصادق ولكنك لويت عروق قلبي ليّ=وغيّرت المشاعر لجل أغيّر فيك نظراتي
لك الله ماتسامحك العيون اللي تهامل مي=ولاسامحك تاريخ المدامع فوق وجناتي

[أبو عبدالرحمن]

مرحبًا وهلا بهذه الطلّة الجميلة!

صح لسانك ـ بعيد النظر ـ

لا عدمناك ..ولا عدمنا قصائدك ..وحضورك..

[فـارس الحـرف]

الله الله يابو سعيد

استاذ ومُعلم لشعرك نكهة خاصه
والكبار دائماً فى سماء الابداع يحلقون

[فتى ثماله]

صح لسانك وسلم بنانك
روعه
يعطيك العافية

سجل اعجابي

تحياتي لك

[سلطان الثبيتي]

من طول الغيبات جاب الغنايم
عزالله انك جبتها يالعرابي
قصيدة جميلة جدا

[حسن عابد]

اهلا ياعميد الادب

[ما عندكم أحد]

هلا والله بعمبد الشعر واللي غاب ولا أبطى
نعم جئت في الموعد

[@ بن سلمان @]

عطيتك ياحبيبي فـوق مايعطيـه حاتـم طـي =لو إنه عاش مات من الخجل بآصغر عطياتـي

[ابو عادل]

بعيد النظر
هذا ماكنا ننتظره منك
حضورك له مكانة خاصة
وحروفك لها رونق خاص وهذا ماعهدناه .
صح لسانك ومرحبا بعودتك .

[فارس الظلام]

اشهد انك شاعر كبير يالعرابي

[سنا الهجرة]

الكبير كبير