شاعر (غني)-(محتاج) - للتواصل معكم !!!!{بعيد النظر}

[أبو عبدالرحمن]

قصيدة كتبها الشاعر وضيف المنتدى الأخ الفاضل : عبيد الله العرابي...وبسبب الخلل الفني الذي حدث فقد أصابها الحذف..ومن حسن الحظ اني كنت محتفظ بها..

يقلي صاحبي مابه ورق يشـرب صـدى الأدراج=ولابه ما يناسـب حزنـي الجـارف وضحكاتـي
سنين العمر مرت مأستقـرت والسنيـن إحـراج=تلفت ولقيت اللي مضـى... أكثـر مـن الأتـي
وقفت أستعرض الماضي وأنا شاعر(غني)(محتاج)=معـي مايفقـده غيـري ولا ياكثـر حاجـاتـي
ولا ياكثر مـا ضاقـت وأنـا ادور لهـا مخـراج=تجيني مقبلـه وتـروح وأبقـى فـي معاناتـي
سألت وكنت أعرف الأجوبه وأدري عن المنهـاج=وأعرف إني على شان استريح أشعلت وجهاتـي
ومن شان أقلب أحزان الورق بسمه وضحك حجاج=عطيت الحاضر من الذكريـات أجمـل خيالاتـي
حياتي في خيال ومـن خيالاتـي بنيـت أبـراج=على ترتيلها سولفـت بأشيـاء تشبـه سكاتـي
أسولـف للخطيـه بالبحـر والريـح والامـواج=وفي ظـل الطمـوح المستريـح أشعـر بلذاتـي
وبعد أعلنت في ذاتي فتيل أطفى الزمـان سـراج=وضاع الحلم والـدرب الطويـل يعـد خطواتـي
ومع هذا سنين العمـر مـرت والسنيـن حـراج=تلفت ولقيت اللي مضـى ...أكثـر مـن الأتـي

[المبرِّد]

دام تواصلك يا بعيد النظر
صح لسانك

[ابو عادل]

الله الله عليك يابعيد النظر
اعتدنا منك التميز الذي يصلح للذائقة الراقية
مشكور على التواصل والابداع وصح لسانك .