وانا ادري انك ياسنا الهجره كما الثعبانية

[مشاكس]

إن كان للهجره سنه الارض مسنيه هجور = وانا ادري انك ياسنا الهجره كما الثعبانية
لكن قبل نقيد اسمك في عداد اهل القبور = لابد ما ننشد عن الصدقان والعدوانية

[أبو عبدالرحمن]

يا مرحبا بالمشاكس...

عسى ضروسك ما تسلم هذه المرة..

بانتظارك ـ سنا الهجرة ـ وتراني في صفك...

[محمـد العجمي]

مبدا هجومي من مشاكس وبإنتظار سنا الهجره

متابع متابع

[مشاكس]

أبو عبد الرحمن
ضروسي لا تخاف عليها
وعقبال ماأعض اذنك حتى تتوب من الدخول لمصفحي
بس وجودك عطر

[مشاكس]

أخي محمد العجمي
حياك الله وبياك
وجودك زاد الأنوار
والله يحييك

[ابو عادل]

حسبي الله عليك يامشاكس
كلما قلنا يكبر ويعقل وانت شرك يزيد
تعوذ من الشيطان واترك الخلق تراني مااحبك (البتّة)
وأغلب الناس يشاركوني نفس الشعور ويتمنون لك خنقة في سفل.. ههههههههههه
لكن وش اسوي؟
أحسن شي أتابع وألتزم الصمت والله المستعان.

[مشاكس]

ياها اللبشه من هذا المرجوج
أنت وش مصحيك ذلحين
روح ارقد أطيب لك خليك مع صف الشيابه
اللي بعيدين عنك يرقدون من عشا
كب الشباب ياعود دور لي فؤاد والا بن سلمان
والا حسن عابد والا اللبشه وانت حل عن سمانا
بس سرني وجودك لو انك حشري مره هههههههههههههههههههههههه

[ابو عادل]

مايعقلها الا شايب والا تايب يامتهور
ماألومك ياولدي.

[مشاكس]

ولا زمان الأمثال واصبح
مايعقلها الاداشر والا فاشل

[@ بن سلمان @]

أمسينا وأمسى الملك لله
وين قوامة الليل ؟

[المبرِّد]

اف اف اف . هذه محاورة يبغالها جلسة
متابعين

[سلطان الثبيتي]

مشاكس ماشاءلله عليك انته تحفة المنتدى
ولا تكل ولاتمل تنتهي من واحد تستلم الثاني
صح لسانك وننتضر شاعرنا سنا الهجره

[مشاكس]

سلطان الثبيتي
وجودك هو المضفي على المنتدى الحيوية
أشكر لك هذا الشعور الطيب
بس وديأخلص من اللبشة ويخلالي الجو

[سنا الهجرة]

يا أخوان أعتذر جدا جدا عن عدم تواجدي وذلك بسبب مشاغل الدنيا الله لا يشغلنا الا في طاعته

ولكني جيت ومن جا ما أبطا والا .... لا
المهم جاك العلم يامشاكس والله يعينك على ما بلاك

يا طيب قولك يا عميلي بس قدام الحظور=والا ترى بيني وبينك به علومٍ ثانيه
أنا تراني سم ساعة لا تلف ولا تدور=خل الصداقة والعداوة ماتجي في ثانية

[أبو عبدالرحمن]

بيض الله وجهك ـ سنا الهجرة ـ

وما زلت في صفك...مع حبي وتقديري للمشاكس

[سنا الهجرة]

بيض الله وجهك ـ سنا الهجرة ـ

وما زلت في صفك...مع حبي وتقديري للمشاكس

وجهك أبيض يابو عبدالرحمن

المره هذي أنت في صفي أجل المشاكس راح فيها

[مشاكس]

الظاهر انك ياسنا الهجره معك قلب صبور = لكن لن جاك المشاكس كسر الضلعانية
قبلك ميه راحو ضحايا فالصحون وفالقدور = وانته على راس العدد فالزود والنقصانية

[حسن عابد]

ان للهجرة سنه الارض مسنيه شهور
مشاكس يقول حكمة اش جرى في الدنيا
سنا الهجرة
رد جميل لاتعتذر واصل

[الشيهان]

ان كان قصدك ضلعان الناس ترى العلم هين

المشكله ان كان انك تكسر الضلعان ( الجبال ) هذي اللى ماتنطار

مستمتعين

وانا في صف سنا الهجره معاكس لمشاكس

[سنا الهجرة]

الصبر مفتاح الفرج لوكان في بعض لامور=ما يتسع صدري لمثل اللي عظامه فانيه
لك حربتين مسننه بالبطن يالسبع العقور=تجعلك ما تلقى دواها الا بغرب المانيه

[سنا الهجرة]

ان كان قصدك ضلعان الناس ترى العلم هين

المشكله ان كان انك تكسر الضلعان ( الجبال ) هذي اللى ماتنطار

مستمتعين

وانا في صف سنا الهجره معاكس لمشاكس


يامرحبا والله يابو أمجد

الزم الصف يارفيقي تراني بلشان بهذا المشاكس

لكن قمعته قربت

[فـارس الحـرف]

ههههههههه

الله يسعدك يا مشاكس


وصح السانك واللسان شاعرما الكبير سنا الهجرة

[سنا الهجرة]

ههههههههه

الله يسعدك يا مشاكس


وصح السانك واللسان شاعرما الكبير سنا الهجرة


صح بدنك يابدر وجودك منور الصيوان

[فـارس الحـرف]

اسجل شديد اعجابى بقوة النقض والفتل


حقيقه لا زلت اقول هذان الشاعران كبيران بحق ولازال الشعر بخير طالما هنا فتل ونقض بمستوى حقيقى

[سنا الهجرة]

اسجل شديد اعجابى بقوة النقض والفتل


حقيقه لا زلت اقول هذان الشاعران كبيران بحق ولازال الشعر بخير طالما هنا فتل ونقض بمستوى حقيقى


طالما للشعر ذائقة كذائقة بدر العجمي لابد أن يبرز شعار كبار كـــ أمثال المشاكس أما أنا

لا ارى نفسي الا مبتدء وتلميذ لك أخي بدر ولبقية الشعراء المبدعين

[مشاكس]

الظاهر انك ياسنا الهجره تبي كسر الظهور = اياك لا تعوي لنا ياذيب ياسرحانيه
حربتك في ايدينك ومدفاعي لياشالله يثور = وان ثار مدفاعي تبي تمسي عشى الغربانية
السموحة للتأخير بس اعتبروها تقصيد

[مشاكس]

بدر العجمي
أستاذ الجميع شهادتك وش بعدها


أبو أمجد لزمتك قريب والشيطان مغيب

[سنا الهجرة]

هذا المشاكس ما درى ان الشعر له عدة بحور=وهو على شاطئ البحر مايقرب القيعانيه
وش عرف الفلاح صيد الحوت لو يبحر شهور=الحوت تحت الما وسنارتك فالعمدانيه


يالله على قولك يالمشاكس هذا القصد حل والديانه تبي حقها

[حسن عابد]

محاورة جميله والهدف المشاركة من الجميع
شكرا لكما

[راعي الطيب]

محاورة رائعة , والقادم أجمل بإذن الله , يعطيكم العافيه.

[مشاكس]

إن كان وانك فالبحر ياسرع صيدك يالشعور = وان كنت فالما والبحر صيدتك فالغيرانيه
لكن لك مني تحيه وافيه يابن الصقور = لجل ان عين الحر ماتعلى على الخيلانيه
سنا الهجرة
أشكر لك إمتنانك
والختام عندك

[سنا الهجرة]

البارح امسى خاطري مرتاح وانعم في سرور=لجل ان خصمي خصم له وزنه مع العربانيه
ما خاب ظني يوم واجهني ولا وقت النفور=أحباب فيما بيننا واخصام فالميدانه


اشكر المشاكس على رحابت صدره وتفاعله وأشكر جميع الاعضاء على حضورهم وتفاعلهم وإنشاء الله الجايات أحلى

ولكم فائق تحياتي

سنا الهجرة

[المشتاق]

لكن لك مني تحيه وافيه يابن الصقور = لجل ان عين الحر ماتعلى على الخيلانيه

والنعم بالمشاكس والنعم بالخوال
حقيقة استمتعنا وكنت انتظر ختام يليق بالمشاكس ولا يهون سنا الهجره وهو الخال

[مشاكس]

مشتاق روح للبرشومي
خلك من تلفيق الهروج
وش دخل عصك في شي مايخصك