وين شعار الشقر لايهونون

[مشاكس]

ساقتني القدره لجده عساها بالسحايب =اللي يساوي برها من جوانب مع بحرها
مير المشاكس ضاع مابين لحم وبين دم =كل مالدت عيونه فموجات القني
كان صد العين عنها وليف القلب لد =ماترد سهومها بالجيوش القاهرة
لو يخالط ودها شوق لاصحاب السراير =صد عنها يالمشاكس ولا تطري بها

[حسن عابد]

مشاكس
مشاركة بيضاء

[ابو عادل]

عزالله انك ماسح من يومك يامشاكس
حتى متصفحك ماسح مثلك
أي شقر؟ وأي هباب ؟
أستغفرالله.

[أبو عبدالرحمن]

اعذروه يا جماعة
الرجال موجعته ضروسه!!!

لكن تم إعادة التنسيق ...

[مشاكس]

سودت وجهي يابو عبد الرحمن
هيب عليك الله شاهد
وش بقرشوعك اليوم مايقبل علوم الرياجيل
حسن أحسن الله اليك في طيب ردك
أبو عادل لو ماني عارف انك صاحب هيلمان
وشعبية كبيرة كان قلت لك كلمه لم تلد ه امه من يقولها لمشاكس
بس من ذل سلم

[ابو عادل]

يامشاكس رغم الرجة اللي فيك لكن أحيانا يوري لي فيك بعلوم زينة
مشكلتك انك تجيب بدعات بطالة ولاتعتدل فالخط الا بعد تقطع 100كم
لكن الليلة بدعتك زينة واخاف انك تحوسها بعد 2كم


وينك يابوشرف المشاكس الليلة عندك وتقدر توزن بلوفه وتكفينا شره
حنا لنا فترة طويلة أزرينا فيه ، عساك تقضي عليه بدري وتريحنا وانا في صفك.

[@ بن سلمان @]

نستغفر الله ونتوب إليه
قلنا بطلنا تهشيم من أيام الجامعة
لكن رفيق السوء !!!!!!

[محمـد العجمي]

الله الله يا مشاكس
ياسلام وانا بصفك وارق سنود

[سنا الهجرة]

لا يهمونك يا مشاكس
اللي ما يطول العنب يقول عنه حامظ

خذني معاك على الباب الايمن معاون
وابشر بسعد

العبوا العبوا الناس مصيفين

[عوض بن سلمان]

المشاكس وده يزور جده بس حايب = بعد خيم في جوانبها وبعيونه بحرها
مير روح يالمشاكس بالندم ماعاد ينفعك الندم = بعد مالدت عيونك في النخل مانت بواصل للقني
لو درا عنك المدير العام ما خلاك تسكن فالبلد = اما تروح لسوريا والا تروح القاهرة
والا يجيك امراض واليا انك على ذيك السراير = تدري انك لا بليت بحبها لابد تستطري بها

[سنا الهجرة]

ما شاء الله عليك يا عم عوض

بس هذي قويه

[مشاكس]

لو تلد العين يابو شرف لي علم صايب = والديار نحوز ضهيانها من سمرها
والمديراللي تمدر على كورة قدم = قال هوجات الملاعب مصامخ وادعني
ودنا باللاعب اللي يحد الموج حد = يكفي الحارس هموم الهجوم الغادره
مير لاجات الملاعب وتوقيت المساير = تبعد الكوره ويتعب على تقريبها

[ابو عادل]

المشاكس وده يزور جده بس حايب = بعد خيم في جوانبها وبعيونه بحرها
مير روح يالمشاكس بالندم ماعاد ينفعك الندم = بعد مالدت عيونك في النخل مانت بواصل للقني
لو درا عنك المدير العام ما خلاك تسكن فالبلد = اما تروح لسوريا والا تروح القاهرة
والا يجيك امراض واليا انك على ذيك السراير = تدري انك لا بليت بحبها لابد تستطري بها


ياسلام ياسلام صح لسانك يابوشرف
دكتور/ كشف ، وتشخيص، ووصفة طبية
صك المشاكس وفكنا منه الله لايهينك
وانافي صفك لين يروح المشاكس من صيد امس.

[مشاكس]

أبو عادل
أبو شرف المدرب بس
أنت وش ضويت لنفسك
عقبال مايلزمك اللبشه ولا أسمع الا صريرك

[مشاكس]

أبو عادل
خليك حنين علينا شوية
بس الله يجيب لك بدر ويسدني فيك
محمد العجمي
سنا الهجرة
والله ونعم العون بكم
بن سلمان ان كان فيها رفيق والا صديق شوف مشتاق

[محمـد العجمي]

لو تلد العين يابو شرف لي علم صايب = والديار نحوز ضهيانها من سمرها
والمديراللي تمدر على كورة قدم = قال هوجات الملاعب مصامخ وادعني
ودنا باللاعب اللي يحد الموج حد = يكفي الحارس هموم الهجوم الغادره
مير لالجات الملاعب وتوقيت المساير = تبعد الكوره ويتعب على تقريبها

لله درك ياشيخ لله درك.
مشاكس عاد الاتفاقيه براسك
اظنّي بهوّن.
الشقر زين يامشاكس ههههههههه
العب العب العب معك انا وسنا الهجره وجايب صف من الكويت لا يكل ولا يمل قداام بس قداام.

[admin]

يا سلام عليكم
اتمنى أن أعرف الشفرة.وإن شاء الله تتضح

متابعين!

[@ بن سلمان @]

حيلهم بينهم
أنا محايد وهذه جلسة جنب النار
قهوتكم بهيل والا مسمار

[مشاكس]

محمد العجمي
تدري الإتفاقية شروطه بإيدك
بس بشرط تبعد أبو عادل من قائمة المقربين
وتعلن عداءك له بعدها مر تدلل وانا عصاك اللي ماتعصاك

[عوض بن سلمان]

مسمار وأنا عمك
وأسق المشاكس لين تحرق كبده

[عوض بن سلمان]

حياك الله يا بو عادل
انت والعجمي وسنا الهجرة وكل من حضر
الملعبه سلم على اللي في صفي وحرب على صف المشاكس

[مشاكس]

يابو شرف لا يولعونها بيني وبينك
أنت قيدومنا بس اللي يجي منك مقبول ومحبوب

[مشاكس]

أبو عادل
سنا الهجرة
الفلك دوار
رايح اشمت فيكم يوم من الأيام

[عوض بن سلمان]

خذها قل جبها
الله أنه يجيرك يالمشاكس من كبار المصايب = والليالي الطيبة يا حليل اللي سمرها
والمدير اللي تمدر جاعلنه على دربه تقدم = والملاعب تراها يالمشاكس عليكم ود عني
خايف اللاعب اللي تبيه يجيك ركبة في المحد = خايف ان الحارس يعود يترك ملعبه ويغادره
والله انه ما يقف للعب لين انه يربط بالمساير = بعد بكره لا جات اللوازم تبي تقريبها

[عوض بن سلمان]

المشاكس أنفاسي تطرد عليك خذ هذه قفله وابدع لنا جديد عنها

الله أكبر يوم أرى وأستمع ما شوف قلبي = وين رحت اليوم يالقلب عني وين وين
كل ما اسمع من خبر قلت انا ما ادري ولا اعلم = والمشاكس جايني بالخبر مع كل ريع
مالي ومال المشاكس ولا بمشاكساته = مير ما ودي يخيم على شاطي بحر
العيون وساع تاسع ميه والفين عله = والقلوب صحاح والا بها ما ادري بها

[مشاكس]

الله اكبر يازمان المواجع كيف قلبي = رحت مابين الفعايل وبين اللي نوين
المولع في حياته بهذا الولع لم = مايفكر كيف ريع الحلال اللي يريع
لو تكسى من غلايله ماتدفي كساته = وان عجل موته يبا يقتبل موته بحر
يمتني لو كان بيدينه العمر ويعله = لا تذكر وحشة القبر والمدري بها

[المبرِّد]

أطربتمونا بهذا النوع الجديد في المنتدى

[عوض بن سلمان]

يالمبرد لا تخلينا بكرة

[ابو عادل]

ولو اني مااحبك ياالمشاكس لكن اقول انك ماانت سهل
مير الفاس تعرف الحجر والله يبيض وجه ابوشرف اللي
عرف سوتشك وغير السنن وقفلت عليك الطارة. هيه على جنب لوسمحت.
صح لسان الشاعرين فقد استمتعنا بماكتبا عبر هذه المحاورة.

[محمـد العجمي]

مشاكس
الاتفاقيه على وشك الإنتهاء ولا يوجد من العقبات
سوى عقبه واحده سنعمل على تخطيَّها

[محمـد العجمي]

لاهنتوا لاهنتوا
وصح الساااااانكم

[المستشار]

بيض الله وجهك يالمشاكس
وصح لسانك يابوشرف