لن شفت بن سلمان انا عقلي يطير = أخاف لاتكبر علي السالفة

[مشاكس]

سلام رديه لها باب(ن) كبير = يحتدها يم القصور النايفه
لن شفت بن سلمان انا عقلي يطير = أخاف لاتكبر علي السالفة

[المبرِّد]

هو عندك عقل
معليش:19: شفت الموضوع و جات كذه على دخولي بالمنتدى

[مشاكس]

يمكن يالمبرد توك خارج من الثلاجة
مسموح عود البراده اصرف لك

[عوض بن سلمان]

خلوها
يامرحبا يا شاعر (ن ) ما انته صغير = ياللي تلبست العباه الطارفة
عسى المشاكس ما يدور ويستدير = ولا يجينا في علوم مخالفة

[عوض بن سلمان]

يالمبرد خلك في عشك لين احد ينشك

[حسن عابد]

المشاكس
ابو شرف
متابعبن لكم وفقكم الله

[عوض بن سلمان]

وين الصفوف
وين اللعابة

[عوض بن سلمان]

المشاكس
لا تضيع القارعة

[مشاكس]

دام البقا وانته لنا نعم الشوير = ميقافنا تقدير لاكبر عارفه
ان كان تبغينا معك دايم نغير = ازهم على كل الجيوش الواقفه

[عوض بن سلمان]

خلوها
عساك يوم اقفيت شاورت المدير = قدام لا تعصف عليك العاصفة
اليا اقبلت يجرها سلك الحرير = والا اقفت الدنيا تراها سارفة

[عوض بن سلمان]

حسن عابد
الزم الصف وانا عمك

[مشاكس]

لا تحسب ان شعيل يفجعه الهدير = وش عاد لا كان النياق موالفه
ماني من اللي فالمواقف له خشير = أبيع واشري في ظلال وارفه

[عوض بن سلمان]

حول مع الصحرا ودور لك مضير = تلقى القبايل كلهم متكاتفه
انته تعينها لكن اعمى بصير = لانته بشايفها ولا هي شايفه

[الساعدي]

الله الله
عزالله والنعم بكم شاعرين
شدوا الهمة عزالله انها قمة

[ابو عادل]

حول مع الصحرا ودور لك مضير = تلقى القبايل كلهم متكاتفه
انته تعينها لكن اعمى بصير = لانته بشايفها ولا هي شايفه


ياسلام يابوشرف ياسلام لله درك
انا في صفك مايبغالها كلام وانت يامشاكس وينك وين المضير
العب العب ، الليل الليل.

[مشاكس]

خل المضير لراعي الحبل القصير = ولاني زبون التمره اللي كاشفه
وأنا ادري انك من عصر ودك تسير =لكن في يمناك كسره ناشفه

[عوض بن سلمان]

الساعدي
ابو عادل
هي سعة صدر لا عدمتكم

[عوض بن سلمان]

مره عوا وامرار نسمعها صفير = واياك تتلفها تراها تالفه
الله رمابك يوم جيت جوف بير = واخاف لو تردف عليك الرادفه

[ابو عادل]

الساعدي
ابو عادل
هي سعة صدر لا عدمتكم


صادق يابوشرف وحنا والله عارفين بس ودنا نزيد الحماس ونحرك الصفوف
ونوسع صدورنا معكم ......واصلوا ، الله يقويكم.

[مشاكس]

الناضجه ماهي كما القرص الفطير = واحنا نبي نرجف سوات الراجفه
يابو شرف تمسي وتصبح بالف خير = قدام لا تصل الجيوش الزاحفة

[الساعدي]

صادق يابوشرف وحنا والله عارفين بس ودنا نزيد الحماس ونحرك الصفوف
ونوسع صدورنا معكم ......واصلوا ، الله يقويكم.


الله يبيض وجهك يابو عادل ولازم من زيادة الحماس وتقوية الصفوف

والعب يامشاكس وانا في صفك

[ابو عادل]

مره عوا وامرار نسمعها صفير = واياك تتلفها تراها تالفه


الله الله الله / تفصيل يابوشرف
هجّ ياالمشاكس والحق عمرك، ليلك مافيه مسرى

[أبو عبدالرحمن]

متابعين

الله يديم عليك الصحة والعافية يا عم عوض
وتراني في صفك...

وخفوا على المدير!!!

[حسن عابد]

ابو شرف
انا في الصف

[محمـد العجمي]

قاف خطافي يطير العقول
مشاكس بيض الله وجهك
عوض بن سلمان بيض الله وجهك
لاهنتوا

[مشاكس]

الساعدي
محمد العجمي
عز الله انكم نعم الأخويا اللي
أعتز بهم فالمواقيف
والا البقية إني عليهم ناقم
وفي مقدمتهم خسن عابد
وابو عادل محرق العشاش
والا المدير أنا غاسل ايدي منه من اول نهار
بس حكم القوي على الضعيف
أشكر جميع من تابعنا وأبو شرف هو قايدنا ومعلمنا
والعين ماتعلى على الحاجب

[سنا الهجرة]

نشكربن داخال
وإلى الأمام