المشاكس منتسب

[لبشة]

المشاكس منتسب في مدرسة من كبر همّه=له ثلاث سنين مافكّ الحروف الأبجديّة
لوسكت < والصمت حكمة > كان ماجاب المطمّة= جايلبّسنا قضية والتبس ثوب القضيّة

[سنا الهجرة]

يالله صباح خير هذي والله اللبشه

انت وش لون طلعت بسم الله عليك

بس بيتين على مستوى

[حسن عابد]

والله اللبشه من جد سريت على الرجال يمكن نايم

[لبشة]

يالله صباح خير هذي والله اللبشه

انت وش لون طلعت بسم الله عليك

بس بيتين على مستوى

مشكور مشكور
بس وش جايبك تالي ليل في منطقة مسكونة
روح اقرأ آية الكرسي وامرح لاتلتبش من هاالمكان
وتمسي هجرية وتصبح ميلادية ويسرحون بك على شيخ يقرا عليك مدري تصحي والاّ لا.

[لبشة]

والله اللبشه من جد سريت على الرجال يمكن نايم

وانت الثاني اش دخلك
هذا شغلي وانا أعرف به
تراك تنقّز لمشريّة تسرّي عليك.
لكن عشان انته غشيم بالمناطق الموحشة أشكرك واحذّرك تسيّر هنه مرة ثانية.

[سنا الهجرة]

مشكور مشكور
بس وش جايبك تالي ليل في منطقة مسكونة
روح اقرأ آية الكرسي وامرح لاتلتبش من هاالمكان
وتمسي هجرية وتصبح ميلادية ويسرحون بك على شيخ يقرا عليك مدري تصحي والاّ لا.

انا اول ما شفت موضوعك قريت آية الكرسي والمعوذات

يعني متحصن ابشرك بس انت كذا:26: :26: :26:

[ABO TURKI]

لا والله سرى الليل
يا لبشة انا في صفك روح واحنا معاك

[حي بن ميت بن مدفون الماضي]

لا والله سرى الليل
يا لبشة انا في صفك روح واحنا معاك





يامشاكس والله انك خطيييييييييييييير

[مشاكس]

علموا اللبشه يروح لايقف في درب عمه = ماله الا من يخليها على راسه ذريه
أعرف ان الداب الاسود يلتوي من كثر سمه = ولاذيه مالها عندي جزى غير الاذيه

[سنا الهجرة]

يا سلام عليك يا مشاكس

قف ارض ارض

وعنيف وراح فيها اللبشه

الليله انا بصفك تلعب وانا اخوك تلعب

[@ بن سلمان @]

أعرف ان الداب الاسود يلتوي من كثر سمه = ولاذيه مالها عندي جزى غير الاذيه
يعلموني فيك
كفانا الله شر الاذية والموذين

[أبو علي]

واصلوا يا بن لبشه ويا مشكسس انا معكم على الخط واحترت مع من اقف مع المشاكس والا مع اللبش ، وكلكم هذا ولدعم وهذا ولدخال

[مشاكس]

سنا الهجرة
أنت عزوتي لو اني خايف انك تروغ
بس رزق اليوم مع اليوم
سم طال عمرك مالك الا من يصرمعه لين يقر عقله
اللبشه ماهو شايف أحد فدربه

[أبو عبدالرحمن]

عقبال ما أشوف مهاوش...يكمل المحاورة!!

ومعاك يا لبشه...لكن انتبه على ضروس المشاكس..

[مشاكس]

أيها المدير الحاقد
صدقني ليكون لك يوم
يسمع به كل أهل المنتدى وأنا الآن بدأت
أفكر بجد بهجاءك بمعلقة تدعي بعدها بالويل والثبور
لكل من تسول له نفسه المساس بشخص المشاكس
بس أول عمل رايح أقوم به تفجير سد السملقي لعل
يصيبك من التفجير شضية تريحني من غثاك

[لبشة]

لاتجينا في مهمة وانت اقل من المهمّة=يبدي المدسوس والدنيا تراها شقلبية
أنت ياذمّي رماك الوقت من ذمّة لذمّة=ابلع اللي جاك والذمّة من الذمّة برية

[لبشة]

لا والله سرى الليل
يا لبشة انا في صفك روح واحنا معاك


ماتقصر وقت اللبايش
بس اقعد للملاقيف وامسح المشاركات لين مايبقى في ذا البلد غير ذاالولد.

[لبشة]

سنة الهجرية
البارح وانته لحالك سامعك تقرا وتتمتم من الخوف
واليوم تهرج لكن الوعد الليلة تالي الليل اذا ماخمتك ام الخلا والا بحقّ.

[لبشة]

يعلموني فيك
كفانا الله شر الاذية والموذين

خذ اذيّة وخلّ اذية
والليل على اوله.

[لبشة]

بن عزاب
معروف من اللي توقف معه
طبعاً أنا والا المشاكس رايح في خرايطها لاتروح يمّه يلحقك من المطر رشاش.

[لبشة]

ومعاك يا لبشه...لكن انتبه على ضروس المشاكس..


سم طال عمرك يامدير
ماباقي مع المشاكس غير ضرس واحد لاصق فالجما أبت تمسكه الزرادية
لأنه رايح اشكله من السوسة ومن غشامته باقي يلحس عسل ويصيح من ضروسه
قلنا نخلي له هذا الضرس يعذّبه والايحرمه العسل.

[أبو علي]

بما اني عنصر ولي الفخر بعنصريتي حيال ابناء عمومتي سوف اقف معك بلاشك ، والمثل يقول ما يبني في الدار الا حصاها ،

روح يا مشاكس في حالك اقف معك في حالة ما تكون على مع غير ربعي انت الان لنا خصم توكل علىالله .

[محمـد العجمي]

ياسلام ياسلام
محاوره قويه ومعنى اقوى وشعراء رائعين
متابع للمحاورات هذه

[أبو عبدالرحمن]

سم طال عمرك يامدير
ماباقي مع المشاكس غير ضرس واحد لاصق فالجما أبت تمسكه الزرادية
لأنه رايح اشكله من السوسة ومن غشامته باقي يلحس عسل ويصيح من ضروسه
قلنا نخلي له هذا الضرس يعذّبه والايحرمه العسل.

يا لبشه: تراني خائف من هذا المشاكس ...

عارف أنه مدور شرّ!!! وأنت زدته شرور !!!

[مشاكس]

علمك اللي في ضميرك يابيض الخدين لمه = لانت ابو مازن ولا انته فالبلد ولدت هنيه
كان غرك صغر عِد الما يبا يفجعك جمه = لو تروح طوال والا قصار خنقتك فعشيه

[مشاكس]

محمد العجمي
سنا الهجرة
أنتما اللي بقيتو لي فهذا المنتدى
بس تدرون الإتفاقيات معك أخي محمد اعتبرها
نافذه بجميع شروطك
وسنا الهجرة سأوقع معه معاهدة عدم إعتداء

[لبشة]

والله انك نكبة اللي طلعك من تحت كمّه=قال انا جايب هدية قلت وامحق من هديّة
مالعظم الكوع مايكسيه من لحمه ودمه=وإعرف انك ياالمشاكس بين شمس وبين فيّه

[لبشة]

بن عزاب
خلك حولي وتعنصر معي على كيفك
ومالك الا بياض الوجه.

[لبشة]

محمد العجمي
نقول لك حياك الله وتابع بشرط:
ماتتحيز مع اللي اسمه مشاكس وإلا.......!!؟؟

[لبشة]

أبو عبدالرحمن
لاتخاف من المشاكس أتركه ينتفخ وينفشّ من حاله
والا شفناله صرفه.فقط تذكر المقولة (( مع اللبشة ماتجيك لبشة))

[مشاكس]

و الله اني سم عين اللي يدور لي مذمه = يالفقارا يالفقارا كبو الناس الغنيه
المشاكس في طريقه وانت علمك مايهمه = ياكبير اهل اللبايش ماتحب العبقريه

[ABO TURKI]

شد حيلك يا لبشة
العبوا يا جماعة
بيض الله وجيهكم

[لبشة]

طحت في صبر ومرار وتطعمه والا تشمّه=لاتبحلق بالعيون اللي عبايرها هميّة
رمية الرمّاي راحت بين هفت وبين زمّه=ياخسارة ياالكتوف اللي تشيل البندقيّة

[لبشة]

شد حيلك يا لبشة
العبوا يا جماعة
بيض الله وجيهكم

امسك الصف ولايهمك
تعجبني يابو اللبايش ، خلك كذا (الموت خير من حياة المذلّة )
وانا وانت مانذلّ. اسلم........... اسلم.

[محمـد العجمي]

كان غرك صغر عِد الما يبا يفجعك جمـه
لو تروح طوال والا قصار خنقتك فعشيـه

اقسم بالله انك قمه يا مشاكس ولايهون اخوي لبشه لله درررك
دربك خظر

[مشاكس]

أنت في وسط المسيل وصاحبك في راس قمه =ماتبي تاصله رميه منك ياليمنا الهفية
المشاكس لو يبي يسري بكم في ليل ظلمه = جاك قايد فيلق الانصار ياراعي السرية

[محمـد العجمي]

محمد العجمي
نقول لك حياك الله وتابع بشرط:
ماتتحيز مع اللي اسمه مشاكس وإلا.......!!؟؟

زين انك قلت حياك الله هههههه
ما عاد فيه يا لبشه الاتفاقيه ساري مفعولها
وانا اقول اسم لبشه ما يصلح لك!!!

[حسن عابد]

سرى الليل
مافيكم حيله ولا لكم امان وين حليفي وابو امجد عنكم

[محمـد العجمي]

أنت في وسط المسيل وصاحبك في راس قمه
ماتبي تاصله رميـه منـك ياليمنـا الهفيـة

وهذا تأكيد على كلامي في راس قمه
العب العب لبشه قرب موته

[محمـد العجمي]

حسن مساك الله بالخير
كيف حالك طال عمرك؟ مبطي منك
بعدين انت وين رايح وراك صفنا دونك جعلك تحيا وبعلمك في صفقه جديده اقصد اتفاقيه جديده.
روّح جاي

[مشاكس]

كان غرك صغر عِد الما يبا يفجعك جمـه
لو تروح طوال والا قصار خنقتك فعشيـه

اقسم بالله انك قمه يا مشاكس ولايهون اخوي لبشه لله درررك
دربك خظر

الله يسعدك يامحمد
والله أني بعد الله بأمثالك متشرف
أسعدني مرورك

[لبشة]

كبرت الرقعة على الراقع وثوبه مايصمّه=صاحبي فاقد صوابه فالديار الاجنبيّة
أنته اكبر من يضحّى به بليلة مدلهمّة= شيلها ياالقايد الملهم بضغط العسكريّة

[حسن عابد]

هلا محمد حياك الله وابقاك طال عمرك
انا وانت كنا نشجع المشاكس في احدى الرحلات وقلب علينا والراي رايك

[حسن عابد]

شيلها يالقايد الملهم بضغط العسكريه
الله يخارجنا

[لبشة]

محمد العجمي
أنت قاعد توحي له بالقوافي لكن ياويلك لوجبت قافية ثانية في ردودك
أحرقها عليك وعليه . بعدين اسمي وانا حرفيه .

[مشاكس]

صاحبي ليته يروّح يم بياع الازمه = يوم رجله ماتطيعه غير فالارض الوطيه
كل يوم تشيل في يمناك يالملبوش نمه = والمراجل لاهلها وانته ترى صنع الحمية

[لبشة]

حسن عابد
انا بس اللي مافيه حيله والا المشاكس هههههههههههها
الزم الصف وماباقي الا انخع المشاكس بس وجّهه للقبلة.

[مشاكس]

ياحسن
كب اللبشه منتهي منتهي
وجايته الضربه القاضيه
بس خله يكتب الوصية

[لبشة]

الله الله ياالمشاكس بعدما كبّر معمّه =مانسيت ايامك اللي من بليّة في بليّة
كل يوم اكحل عيونك لين جافالعين خمّة=لايداويها طبيب ولاعلاج الصيدليّة



اختمها يامشاكس ماقصرت وباقي شغلك بعدين
واما الليلة عفى الله عنك.

[محمـد العجمي]

لبشه
ماش بزين من الاوّلي ههههههههه
العب يا مشاكس عطه آر بي جي

[مشاكس]

المشاكس كل ماحول فوادي حط ختمه = وانت ياحبك فهرج البلطجه والعنجهية
والله اني خابر انك فاول الهجره مخمه = والعشيه تدعي بالعافيه وانته ضحية

[حسن عابد]

والمراجل لاهلها وانته ترى صنع الحميه
ياولد يامشاكس

[محمـد العجمي]

هلا محمد حياك الله وابقاك طال عمرك
انا وانت كنا نشجع المشاكس في احدى الرحلات وقلب علينا والراي رايك

الله يسلمك ياحسن انفداك
عفى الله عمّا سلف ياحسن
وحنا عيال اليوم ههههههههههه لاتكب الاتفاقيه .
( صارت إتفاقيه فيقو والإتحاد ياحسن ههههههههههه )

[محمـد العجمي]

بيض الله وجييهكم ولاهنتوا وصحت السنتكم

[لبشة]

بعد انتهينا نقول شكرا مدبول لكل الحاضرين
رغم اني ممغوص من ثنين :
سنة الجرة، ومحمد العجمي لوقوفهم ضدي
لكن مع كل اللي سووه لهم نص شكرا يتقاسمونه
وسامحونا.

[حسن عابد]

شكرا لكما على هذا الابداع المتواصل

[ابو عادل]

فاتتنا المحاورة لكن تم تصفحها بعد نهايتها
صح لسان الشاعرين وشكرا لهما.

[@ بن سلمان @]

فاتتنا المحاورة لكن تم تصفحها بعد نهايتها
صح لسان الشاعرين وشكرا لهما.
شرح ابو عادل
يا ماهوجست من وين طالع لنا هاللبشة
لكن يا لمشاكس وانا ابن عمك
ما للبشة الا الكلبشة

[المستشار]

صح لسانك ياللبشة
صح لسانك يامشاكس
ومافيكم حيلة

[أبو عبدالرحمن]

المشاكس منتسب في مدرسة من كبر همّه=له ثلاث سنين مافكّ الحروف الأبجديّة
لوسكت < والصمت حكمة > كان ماجاب المطمّة= جايلبّسنا قضية والتبس ثوب القضيّة

علموا اللبشه يروح لايقف في درب عمه = ماله الا من يخليها على راسه ذريه
أعرف ان الداب الاسود يلتوي من كثر سمه = ولاذيه مالها عندي جزى غير الاذيه

لاتجينا في مهمة وانت اقل من المهمّة=يبدي المدسوس والدنيا تراها شقلبية
أنت ياذمّي رماك الوقت من ذمّة لذمّة=ابلع اللي جاك والذمّة من الذمّة برية

علمك اللي في ضميرك يابيض الخدين لمه = لانت ابو مازن ولا انته فالبلد ولدت هنيه
كان غرك صغر عِد الما يبا يفجعك جمه = لو تروح طوال والا قصار خنقتك فعشيه

والله انك نكبة اللي طلعك من تحت كمّه=قال انا جايب هدية قلت وامحق من هديّة
مالعظم الكوع مايكسيه من لحمه ودمه=وإعرف انك ياالمشاكس بين شمس وبين فيّه

و الله اني سم عين اللي يدور لي مذمه = يالفقارا يالفقارا كبو الناس الغنيه
المشاكس في طريقه وانت علمك مايهمه = ياكبير اهل اللبايش ماتحب العبقريه

طحت في صبر ومرار وتطعمه والا تشمّه=لاتبحلق بالعيون اللي عبايرها هميّة
رمية الرمّاي راحت بين هفت وبين زمّه=ياخسارة ياالكتوف اللي تشيل البندقيّة

أنت في وسط المسيل وصاحبك في راس قمه =ماتبي تاصله رميه منك ياليمنا الهفية
المشاكس لو يبي يسري بكم في ليل ظلمه = جاك قايد فيلق الانصار ياراعي السرية

كبرت الرقعة على الراقع وثوبه مايصمّه=صاحبي فاقد صوابه فالديار الاجنبيّة
أنته اكبر من يضحّى به بليلة مدلهمّة= شيلها ياالقايد الملهم بضغط العسكريّة

صاحبي ليته يروّح يم بياع الازمه = يوم رجله ماتطيعه غير فالارض الوطيه
كل يوم تشيل في يمناك يالملبوش نمه = والمراجل لاهلها وانته ترى صنع الحمية

الله الله ياالمشاكس بعدما كبّر معمّه =مانسيت ايامك اللي من بليّة في بليّة
كل يوم اكحل عيونك لين جافالعين خمّة=لايداويها طبيب ولاعلاج الصيدليّة

المشاكس كل ماحول فوادي حط ختمه = وانت ياحبك فهرج البلطجه والعنجهية
والله اني خابر انك فاول الهجره مخمه = والعشيه تدعي بالعافيه وانته ضحية


عساكم على القوة...

نتمنى من شعراء المحاورة :
إفراد الرد على المحاورة بمشاركة مستقلة..والتعقيبات على الأعضاء أيضًا تكون في مشاركة مستقلة..
ونسأل الله تعالى أن يعجل بنصر المسلمين على أعدائهم أعداء الدين...