شاعر بشروط

[لبشة]

الشاعر اللي يحكم الكلمة ويعرف وش يقول= يامرحبا به والنشاما مانبيّح سرّها
واللي يلامخها يدوّر قرص برّ وصحن فول=وليا ملا بطنه ينام وعيشته يجترّها

[ما عندكم أحد]

يا لله ان تمسينا على خير
وين أصحاب الشعر
ظني أبي أمهلك كم يوم وأن ما جاك أحد قلبتها معك حويس

[سنا الهجرة]

يا سلام عليك يا لبشه شغل ما بعده شغل انا اشهد تحكم الكلمه وزود

بس انا ما ودي ارد عليك اخاف اعميك وانت مندفع خليك بعدين

[مشاكس]

تكفى ياسنا الهجرة
مرغ خشم اللبشه

[ابو الثعالب]

لبشه ومشاكس
ليتني شاعر واحدكم من على الردميه

[لبشة]

ماعندكم احد
وانا أبمهلك لين تجي واوريك الحوسة من جد
شكرا لمرورك.

[لبشة]

سنا الهجرة
ماأدري وش أقلك
شكرا على كلامك الزين والرياجيل عودوا فظهورهم
عارفين العلم وانت كفو ومافيك قصور
لكن قول للخوافين يظهرون من الجحور ويطبون الميدان والايتلحفون بطاطين ولاعاد يطبون المنتدى ويقولون انهم شعار وهم من جنبها، والعلم أمانة معك.

[لبشة]

مشاكس
ماابيك ولاني ذاكرك بخير
وخل الآدمي العاقل في حاله.

[لبشة]

أبو الثعالب
انت من أساسه ماتقدر تصل للردمية
فمابالك تحدنا
قال أحدكم قال..............هههههههههههه

[محمـد العجمي]

ياكثر اللي يلامخها في الايام ذي
لاهنت يا .لبشه. ومتابع

[لبشة]

محمد العجمي
ماتهون ياالنشمي
عساني ماابكيك.

[سنا الهجرة]

أفا ويين الشعار الظاهر مصيفين مدري خايفين

تكفون ياربعي اللبشه محملني أمانه أبلغكم

لا تخلون الرجال لوحده فالميدان واحد منكم يبارزه

والا سليت سيفي

[لبشة]

أفا ويين الشعار الظاهر مصيفين مدري خايفين

تكفون ياربعي اللبشه محملني أمانه أبلغكم

لا تخلون الرجال لوحده فالميدان واحد منكم يبارزه

والا سليت سيفي

أشهد انك بلغت الأمانة ولايلحقك ملامة
ولاينفع فالخايف قولة (لاتخاف)
وسيفك ومعه كم سيف ماعليها كلام
مير الحلاليش اللي ان ضربت ماتنفع وان بدت ماتلمع.

[@ بن سلمان @]

أشهد انك بلغت الأمانة ولايلحقك ملامة
ولاينفع فالخايف قولة (لاتخاف)
وسيفك ومعه كم سيف ماعليها كلام
مير الحلاليش اللي ان ضربت ماتنفع وان بدت ماتلمع.
هههههههه
عورت علينا الله يعور على شيطانك
تراني في صف الحلايش والكالة
لكن الشرهة على ما عندكم أحد يوم تمقلط ولا قلط

[لبشة]

حلفت ماتبقى البدعة يتيمة لكن ابختمهاوارد على نفسي بلسان حال الطرف الآخر
نظرا لعدم حضور من يهمه الأمر واقول صح لسانك يالبشة
واللي حضروا مجملين كلهم وماقصروا .


الشاعر اللي يعرف المغزى من اصحاب العقول =يجلس مع العراف والعراف لله درها
والصنف الآخر ماهقيت انه على العلقة عجول=يهرب عن الحرب الضروس اللي وشيكٍ شرها

[سنا الهجرة]

فيك سرررررر يا اللبشه ما يبونك الشعار

هم خايفين منك والا وش السر

[ما عندكم أحد]

هون على قلبك
جاك عمك وهمك
خذها مني وانا اللي بكسر عضامك
واخرج عيونك من راسك
دوب الزهاب جا والبندق
الشاعر اللي تطلبه ماهو مطالع فالخبول = لكن لن كان الك حاجه في ضميرك ورها
يالاعب الكوره ترى فاز العراقي جاب قول = هذا جواب امن الكريم اللي بيطحن برها

[ما عندكم أحد]

أنت يالسان الهجره
روح خلك مكانك
أول كنت أشجعك بس بعد هروجك هذي والله
لتذوق مايذوقه لبشه

[لبشة]

هوّن على روحك شويّ ولاتقربع بالسطول=والصرّة اللي جيت شايلها عساك تصرّها
ياسرع ماورّيتك المخراج مع باب الدخول=حتى الدّيار الاجنبية ماتزيد تمرّها

[حسن عابد]

طيب طيب ياماعندكم احد
نتابع

[لبشة]

فيك سرررررر يا اللبشه ما يبونك الشعار

هم خايفين منك والا وش السر

أبشرك ياسنا
واحد منهم جا مخفور
ووضع في التخشيبة حتى ينظر في أمره
ويتم الآن بحث سجلاته ومطابقة البصمات وعلى ضوء ذلك سيتم
التعامل مع الحالة حسب الأعراف السارية .

[سنا الهجرة]

أبشرك ياسنا
واحد منهم جا مخفور
ووضع في التخشيبة حتى ينظر في أمره
ويتم الآن بحث سجلاته ومطابقة البصمات وعلى ضوء ذلك سيتم
التعامل مع الحالة حسب الأعراف السارية .

الله يعين التخشيبه يا مشاكس

[ما عندكم أحد]

اسمع اسمع
أنته تحسب انك ملكت الارض بقلال الفعول = ادرى على روحك ترى شيطانك اللي غرها
البدو ماترجي ترى الخلفه ليا حالت بحول = لجل انها من طول هذا الحول ينشف درها

[ما عندكم أحد]

لسان الهجرة
وش بك سلامات
كن الصخون تلزمك أنت والمشاكس سوى
اللهم لك الحمد ارفع عنهم ولا تبتلينا

[حسن عابد]

هدو السرعة ماظنتي انكم غريمين

[@ بن سلمان @]

هدو السرعة ماظنتي انكم غريمين
حبة عايره ودربها الرماد

[@ بن سلمان @]

ياسرع ماورّيتك المخراج مع باب الدخول=حتى الدّيار الاجنبية ماتزيد تمرّها
صح لسانك يا لبشة
كنك بتحده يعكس

[لبشة]

من يوم اعرف العلم مايعقرني السبع الختول=أقلع نيوب السبع في برد الليال وحرّها
إسمع ياراع البل يااللي حطّ له جربا ذلول=واحسب حسابك فالعلوم اللي حلاها مرّها

[لبشة]

بن سلمان
صح الله بدنك
وصاحبي هذا باين عليه معوكس
وماله الاعكس لابلاك الله .

[لبشة]

هدو السرعة ماظنتي انكم غريمين

أقول ماانت هين يابن عابد .

[ما عندكم أحد]

صحيح مايعقرك غير الذيب قطاع الحيول = اللي سرى بالحيه الرقطا وبيّح سِرّها
مادامت انك في حياتك من فعايلنا خجول = ارفع يدينك والقبيحه لاتزيد تكرّها

[ما عندكم أحد]

يابن سلمان
أنت وحسن اللي معي
مشكور ومجمل
واللي مع اللبشه يدرق وجهه

[ما عندكم أحد]

أبشرك ياسنا
واحد منهم جا مخفور
ووضع في التخشيبة حتى ينظر في أمره
ويتم الآن بحث سجلاته ومطابقة البصمات وعلى ضوء ذلك سيتم
التعامل مع الحالة حسب الأعراف السارية .

الحساب قريب

[ما عندكم أحد]

إعلان هام
يسر ماعندكم أحد أن يعلن من هذا المنبر
إقامة اتحاد (القهر والغلبة لمن عادانا)
ويضم هذاالإتحاد (المشاكس نائبا0وماعندكم أحد رئيسا)
والمجال مفتوح لتسجيل الأعضاء
مع استبعاد (حسن عابد -اللبشة - بدر العجمي - )
وللبقية حق المشاركة

[لبشة]

لاوالله الاّرحت ياالمعتوه من طمي السيول=من بعد هلّ الغيث من سود المزون وغرّها
ودك تنول المرجلة لكن مثلك ماينول=واهل البلد مملوكها ماصارسيّد حرّها

[ما عندكم أحد]

الحمد لله يوم رب الكون ما اوجد لك قبول = مانته بسابح فالبحور ولانت باني برها
محدٍ يدور للمراجل في مواقيع النزول = المرجله فالديره اللي مثلكم مامرّها

[لبشة]

خل الهذاري لاتقول ان السنة خمسة فصول=لكن قبل لايظهر الخافي ثيابك زرّها
انته حياتك فالسهل ماتمشي الاّ فالسهول=لوكنت خيّال الكحيلة قلت قوم وسرّها

[@ بن سلمان @]

لبشة



الشاعر اللي يحكم الكلمة ويعرف وش يقول = يامرحبا بـه والنشامـا مانبيّـح سرّهـا
واللي يلامخها يدوّر قرص برّ وصحن فول =وليا ملا بطنـه ينـام وعيشتـه يجترّهـا


ما عندكم أحد


الشاعر اللي تطلبه ماهو مطالع فالخبـول =لكن لن كان الك حاجه في ضميرك ورهـا
يالاعب الكوره ترى فاز العراقي جاب قول =هذا جواب امن الكريم اللي بيطحن برهـا




لبشة





هوّن على روحك شويّ ولاتقربع بالسطول =والصرّة اللي جيت شايلها عساك تصرّهـا
ياسرع ماورّيتك المخراج مع باب الدخول =حتى الدّيـار الاجنبيـة ماتزيـد تمرّهـا




ما عندكم أحد

أنته تحسب انك ملكت الارض بقلال الفعول =ادرى على روحك ترى شيطانك اللي غرها
البدو ماترجي ترى الخلفه ليا حالت بحول =لجل انها من طول هذا الحول ينشف درها





لبشة
من يوم اعرف العلم مايعقرني السبع الختول =أقلع نيوب السبع في بـرد الليـال وحرّهـا
إسمع ياراع البل يااللي حطّ له جربا ذلـول =واحسب حسابك فالعلوم اللي حلاها مرّهـا





ما عندكم أحد


صحيح مايعقرك غير الذيب قطاع الحيول =اللي سرى بالحيه الرقطا وبيّـح سِرّهـا
مادامت انك في حياتك من فعايلنا خجول =ارفع يدينك والقبيحـه لاتزيـد تكرّهـا





لبشة



لاوالله الاّرحت ياالمعتوه من طمي السيول =من بعد هلّ الغيث من سود المزون وغرّها
ودك تنول المرجلة لكـن مثلـك ماينـول =واهل البلد مملوكهـا ماصارسيّـد حرّهـا





ما عندكم أحد

الحمد لله يوم رب الكون ما اوجد لك قبول =مانته بسابح فالبحور ولانت باني برهـا
محدٍ يدور للمراجل في مواقيـع النـزول =المرجله فالديـره اللـي مثلكـم مامرّهـا





لبشة

خل الهذاري لاتقول ان السنة خمسة فصول =لكن قبل لايظهـر الخافـي ثيابـك زرّهـا
انته حياتك فالسهل ماتمشـي الاّ فالسهـول =لوكنت خيّال الكحيلة قلـت قـوم وسرّهـا

[@ بن سلمان @]

اصبحنا واصبح الملك لله
من يلاقيها من لبشة يطلع له ما عندم أحد
إنذار لشعراء المنتدى
الشيطان وقرينه ( أعانكم الله )

[أبو عبدالرحمن]

قواك الله يا لبشه

الأيام دول...

وأنا في صفك..

[المستشار]

لبشة






الشاعر اللي يحكم الكلمة ويعرف وش يقول = يامرحبا بـه والنشامـا مانبيّـح سرّهـا
واللي يلامخها يدوّر قرص برّ وصحن فول =وليا ملا بطنـه ينـام وعيشتـه يجترّهـا


ما عندكم أحد


الشاعر اللي تطلبه ماهو مطالع فالخبـول =لكن لن كان الك حاجه في ضميرك ورهـا
يالاعب الكوره ترى فاز العراقي جاب قول =هذا جواب امن الكريم اللي بيطحن برهـا




لبشة





هوّن على روحك شويّ ولاتقربع بالسطول =والصرّة اللي جيت شايلها عساك تصرّهـا
ياسرع ماورّيتك المخراج مع باب الدخول =حتى الدّيـار الاجنبيـة ماتزيـد تمرّهـا




ما عندكم أحد

أنته تحسب انك ملكت الارض بقلال الفعول =ادرى على روحك ترى شيطانك اللي غرها
البدو ماترجي ترى الخلفه ليا حالت بحول =لجل انها من طول هذا الحول ينشف درها





لبشة
من يوم اعرف العلم مايعقرني السبع الختول =أقلع نيوب السبع في بـرد الليـال وحرّهـا
إسمع ياراع البل يااللي حطّ له جربا ذلـول =واحسب حسابك فالعلوم اللي حلاها مرّهـا





ما عندكم أحد


صحيح مايعقرك غير الذيب قطاع الحيول =اللي سرى بالحيه الرقطا وبيّـح سِرّهـا
مادامت انك في حياتك من فعايلنا خجول =ارفع يدينك والقبيحـه لاتزيـد تكرّهـا





لبشة



لاوالله الاّرحت ياالمعتوه من طمي السيول =من بعد هلّ الغيث من سود المزون وغرّها
ودك تنول المرجلة لكـن مثلـك ماينـول =واهل البلد مملوكهـا ماصارسيّـد حرّهـا





ما عندكم أحد

الحمد لله يوم رب الكون ما اوجد لك قبول =مانته بسابح فالبحور ولانت باني برهـا
محدٍ يدور للمراجل في مواقيـع النـزول =المرجله فالديـره اللـي مثلكـم مامرّهـا





لبشة

خل الهذاري لاتقول ان السنة خمسة فصول =لكن قبل لايظهـر الخافـي ثيابـك زرّهـا
انته حياتك فالسهل ماتمشـي الاّ فالسهـول =لوكنت خيّال الكحيلة قلـت قـوم وسرّهـا



لبشة يعطيك العافية وتراني بصفك

ماعندكم احد صح لسانك والله يقويك

[ما عندكم أحد]

يالله عساكم بالفنا يا قادة أحلاف الفضول = أرواحكم دايم تدافع للفنى من شرها
انا على درب الوفى ماشي وتحداني الأصول = يا بادع القيفان روحك بالجمايل ضرها

[ما عندكم أحد]

لبشة
لا تحدني على الشر
أنا ما غير احدى في نفسي عنك حدي
وخل عنك تتنقز لي في المحاضير
هذه جاتك سلامات
والثانية بيقولون الله يرحمه مات

[ما عندكم أحد]

لبشة يعطيك العافية وتراني بصفك

ماعندكم احد صح لسانك والله يقويك

المستشار
هذه سمحة والثانية بتعالم صندوق السمك

[@ بن سلمان @]

لبشة
لا تحدني على الشر
أنا ما غير احدى في نفسي عنك حدي
وخل عنك تتنقز لي في المحاضير
هذه جاتك سلامات
والثانية بيقولون الله يرحمه مات
تكفى يالبطران
الله يرحم مقاتيلك
قلتها اول واعيدها
حبة عايره ودربها الرماد

[حسن عابد]

ابداع متواصل الله يكثر شعارنا

[لبشة]

ماعندنا أحد
عطنا الختام والليل اللي مالك فيه مسرى لاتسريه
أنت ياوليدي مازال عظمك طري ولاودّنا نعسرك باكثر من طاقتك
أبعتقك المرة هذي لوجه الله والمرة الثانية أبعلقك بإذنك سمعت ؟
ولوتروح تلعب شرعت تراها أفيدلك .

[لبشة]

عصاي تفرق شملكم لوجابكم قرع الطبول=تحرم عليكم شربة العذب الزلال من الرّها
عارف خليطك يوم جالك من ثلاث من الخثول=عيشتك كلها حبّها مع سوسها مع ذرّها

[أبو عبدالرحمن]

نعم ...نعم..

في ناس ما تجي إلا بالعين الحمراء..

عساك على القوة يا أبا اللبشات..

[مشاكس]

برض المدير هذا يتحرش
بالمبدعين
أنا وسلمت مني بس ماعندكم أحد
ماأظن يمرره لك ياعدو الناجحين
أقصد المدير اللي مايتسمى

[ما عندكم أحد]

عصاك وش تعمل بها يانجم جا وقت الافول = واللي معه منكم عصا لاشافنا يجترها
اما عيونك شوفها مشقور والا فيك حوول = صاحبك واحد لد عينك لاتقوم تفرها

[المشتاق]

الشاعر اللي يحكم الكلمة ويعرف وش يقول= يامرحبا به والنشاما مانبيّح سرّها
واللي يلامخها يدوّر قرص برّ وصحن فول=وليا ملا بطنه ينام وعيشته يجترّها

الشاعر اللي تطلبه ماهو مطالع فالخبول = لكن لن كان الك حاجه في ضميرك ورها
يالاعب الكوره ترى فاز العراقي جاب قول = هذا جواب امن الكريم اللي بيطحن برها

هوّن على روحك شويّ ولاتقربع بالسطول=والصرّة اللي جيت شايلها عساك تصرّها
ياسرع ماورّيتك المخراج مع باب الدخول=حتى الدّيار الاجنبية ماتزيد تمرّها


أنته تحسب انك ملكت الارض بقلال الفعول = ادرى على روحك ترى شيطانك اللي غرها
البدو ماترجي ترى الخلفه ليا حالت بحول = لجل انها من طول هذا الحول ينشف درها

من يوم اعرف العلم مايعقرني السبع الختول=أقلع نيوب السبع في برد الليال وحرّها
إسمع ياراع البل يااللي حطّ له جربا ذلول=واحسب حسابك فالعلوم اللي حلاها مرّها

صحيح مايعقرك غير الذيب قطاع الحيول = اللي سرى بالحيه الرقطا وبيّح سِرّها
مادامت انك في حياتك من فعايلنا خجول = ارفع يدينك والقبيحه لاتزيد تكرّها

لاوالله الاّرحت ياالمعتوه من طمي السيول=من بعد هلّ الغيث من سود المزون وغرّها
ودك تنول المرجلة لكن مثلك ماينول=واهل البلد مملوكها ماصارسيّد حرّها

الحمد لله يوم رب الكون ما اوجد لك قبول = مانته بسابح فالبحور ولانت باني برها
محدٍ يدور للمراجل في مواقيع النزول = المرجله فالديره اللي مثلكم مامرّها

خل الهذاري لاتقول ان السنة خمسة فصول=لكن قبل لايظهر الخافي ثيابك زرّها
انته حياتك فالسهل ماتمشي الاّ فالسهول=لوكنت خيّال الكحيلة قلت قوم وسرّها

يالله عساكم بالفنا يا قادة أحلاف الفضول = أرواحكم دايم تدافع للفنى من شرها
انا على درب الوفى ماشي وتحداني الأصول = يا بادع القيفان روحك بالجمايل ضرها

عصاي تفرق شملكم لوجابكم قرع الطبول=تحرم عليكم شربة العذب الزلال من الرّها
عارف خليطك يوم جالك من ثلاث من الخثول=عيشتك كلها حبّها مع سوسها مع ذرّها

عصاك وش تعمل بها يانجم جا وقت الافول = واللي معه منكم عصا لاشافنا يجترها
اما عيونك شوفها مشقور والا فيك حوول = صاحبك واحد لد عينك لاتقوم تفرها
ما عليش الصيف اخذنا عنكم يا مال النهبة
يعطيكما العافية

[حسن عابد]

الله الله الحقيقة عفارم عليكم

[ما عندكم أحد]

عفار ماهي لكم
والا تكملتها ماأعرفها