سنا الهجرة/تفضل

[لبشة]

ياسلام الله سلام بدون ريب ودون شكي=نايض الهاجوس غنى به ولايغوى دليله
ياسنا الهجرة بغيت أقرا عليك حدود صكي=ثم تحجز طارش البدوان لاتصبح نزيلة

[أبو عبدالرحمن]

إن شاء الله ـ سنا الهجرة ـ وصفه له الفوز...

عساكم على القوة جميعًا...

ملاحظة عامة للشاعرين : آمل إفراد بيتي المحاورة بمشاركة مستقلة؛ليسهل التنسيق...

ومتابعين,,,

[@ بن سلمان @]

يا سلام والله يا لبشة
جا اليوم اللي اتمناه واشوف سنا الهجرة خلف حجر الزاوية
متابع ومشجع للبايش وفي صف اللبشة

[مشاكس]

تكفى ياخال
جا اليوم اللي أشوف اللبشه
تحت الصفيح ويصبح في خانة الصفر
الليل في صف السنا مع كرهي للمدير اللس فس صفه

[حسن عابد]

اللبشه شد حيلك ترة سنا الهجرة له شعبيه كبيرة اكتسبها هذه الايام ويمكن زميل ولا صاحب ولا تربطني به صلات القرابه وكلها تجعلني في صفه

[ما عندكم أحد]

اشتم عبق محاورة غير
مع حبي للبايش والمهاوش الا ان سنا الهجرة جذاب
سنا الهجرة ابشر صفك زاد ( 1 )

[سنا الهجرة]

البقا ياللي يرحبي وترحيبه يبكي=من هجوسٍ يوم غنا به كما لو كان غيله
أحمد الله ما علي خلاف انا صلي وازكي=والبدو تعرف منازلها وتعرف وش تجيله



.

[سنا الهجرة]

يا سلام والله يا لبشة
جا اليوم اللي اتمناه واشوف سنا الهجرة خلف حجر الزاوية
متابع ومشجع للبايش وفي صف اللبشة

أبن سلمان تراك عزيز وغالي بس مدري وش بلاك مايل

[سنا الهجرة]

مشاكس أبشر بعزك ما طلبت شي غلي والطلب رخيص


حسن عابد أنت أخ وغالي علي بالحيل أمسك الصف وانا أخوك

ما عندك أحد أنت طال عمرك واحد عن عشره يكفيني حضورك

[أبو عبدالرحمن]

ياسلام الله سلام بدون ريب ودون شكي=نايض الهاجوس غنى به ولايغوى دليله
ياسنا الهجرة بغيت أقرا عليك حدود صكي=ثم تحجز طارش البدوان لاتصبح نزيلة

البقا ياللي يرحبي وترحيبه يبكي=من هجوسٍ يوم غنا به كما لو كان غيله
أحمد الله ما علي خلاف انا صلي وازكي=والبدو تعرف منازلها وتعرف وش تجيله



.

متابعين للمحاورة من البداية

[سنا الهجرة]

ما شاء الله عليك يابو عبدالرحمن

دائما مستعد

صراحه مهيء الجو على آخر ما يرام

بارك الله فيك

[@ بن سلمان @]

سنا اهجرة ما ملت
لكن قريت ان بوكك فاضي
وما خبرت الا ان الزكاة تزيد في المال

[سنا الهجرة]

سنا اهجرة ما ملت
لكن قريت ان بوكك فاضي
وما خبرت الا ان الزكاة تزيد في المال

أما عليك طلعات يابن سمان

الحين اثللك البوك فاضي تقلي زكي

أقول

ما عندك زكاة

هههههههههه

الله يخلف هذا واليوم جمعه وش لون لو انه سبت وش بتسوي

[لبشة]

ياسناالهجرة بلشنا بالحكاوي والمحكّي=والمحكّي مايشب النار في راس الفتيلة
يوم حقّينا عن الدعوة وراعيها مزكّي= لامعه منها خراج ولاتسهّل في سبيله

[لبشة]

أبوعبدالرحمن
عارف انك ماانت في صفي قبل تعلنها
بس برضه ماهمني.
نسيت اشكرك على التنسيق.

[لبشة]

بن سلمان
تعجبني لبايشك
تراك من اليوم ذراعي اليمين
أنت لحالك صف وصفنا مايطيح.

[لبشة]

مشاكس
روح ياخواف
ماتظهر لين تشوف واحد تندرق فيه
لكن لك يوم منيل بنيلة.

[لبشة]

حسن عابد
ياليلتك السوداء
وينك وين المشاكس روح وقف جنبه في الصف
وبن سلمان طارحكم طارحكم.

[لبشة]

ماعندكم احد
أفا والله كنت احسبك جريْ في مواقف اللبايش
مير اثر ماعندنا أحد
صف معهم وانا يكفيني بن سلمان .

[سنا الهجرة]

الله أعلم جاك من حكاك والا مستشكي=إحسن النيه ومالك بالقصيره والطويله
لا بلاك الله لسان اللي حكى مثل المفكي=من حكى لو طالت اعلومه محاصيله قليله





.

[سنا الهجرة]

بن سلمان
تعجبني لبايشك
تراك من اليوم ذراعي اليمين
أنت لحالك صف وصفنا مايطيح.

سوف أحرمك

من

خلاص الخرج لمدة عام يابن سلمان جزاءً لك وردعاً لامثالك

على شان ما عاد توقف ضدي

[حسن عابد]

ياسنا الهجرة ما احب الوقفه جنب مشاكس لكن على شانك اقف في الصف جنب ماعندكم احد

[محمـد العجمي]

أحمد الله ما علي خلاف انا صلي وازكي
والبدو تعرف منازلها وتعرف وش تجيله

نعم وراء اسم سنا الهجره شاعر كبير
نقض وتخليص موقف رايع

[سنا الهجرة]

الله لا يحرمني منك يا حسن

هذا من طيب أصلك لا عدمناك

ترى المشاكس حبوب بس بندقه أحيانا يزم شوي لكن قلبه أبيض كبياض الثلج

[لبشة]

ماخبرنا خبزة الخباز تاصل مدّ مكّي =لكن الخباز يخبز في دقيقٍ مايكيله
سيف أبن غانم يقص الروس والشلفا تذكّي=يوم سال الدّمّ بانت له فصيلة من فصيلة

[@ بن سلمان @]

اثللك البوك


اثلك ثلاح
ثبت والا ذمعة
خلك في الثعر وبث
يالله ثفكم لا يطيح انت والمثاكث

[مشاكس]

ماخبرنا خبزة الخباز تاصل مدّ مكّي =لكن الخباز يخبز في دقيقٍ مايكيله
سيف أبن غانم يقص الروس والشلفا تذكّي=يوم سال الدّمّ بانت له فصيلة من فصيلة
والختام السموحة من الجميع

[سنا الهجرة]

مشاكس وشبك قاطع الوادي

[سنا الهجرة]

المراجل ما تجي للي على كوعه متكي=كل رجالٍ من أفعاله عرفنا وش حصيله
والمدافع فالسما والضرب دك الارض دكي=ضاع بن غانم وسيفه ما لقا زندٍ يشيله





.

[مشاكس]

ياخال اشتبكت غنمي وغنم جيراننا
وقاعد أحرد فالهريد واثره ماهو هريدي
عساها بالذيب الغنم
واحد دوبه صاحي من النوم

[سنا الهجرة]

مشاكس والله أني كنت عارف إنك داج انته و هريدي

[أبو عبدالرحمن]

ياسلام الله سلام بدون ريب ودون شكي=نايض الهاجوس غنى به ولايغوى دليله
ياسنا الهجرة بغيت أقرا عليك حدود صكي=ثم تحجز طارش البدوان لاتصبح نزيلة

البقا ياللي يرحبي وترحيبه يبكي=من هجوسٍ يوم غنا به كما لو كان غيله
أحمد الله ما علي خلاف انا صلي وازكي=والبدو تعرف منازلها وتعرف وش تجيله



.

ياسناالهجرة بلشنا بالحكاوي والمحكّي=والمحكّي مايشب النار في راس الفتيلة
يوم حقّينا عن الدعوة وراعيها مزكّي= لامعه منها خراج ولاتسهّل في سبيله

الله أعلم جاك من حكاك والا مستشكي=إحسن النيه ومالك بالقصيره والطويله
لا بلاك الله لسان اللي حكى مثل المفكي=من حكى لو طالت اعلومه محاصيله قليله





.

ماخبرنا خبزة الخباز تاصل مدّ مكّي =لكن الخباز يخبز في دقيقٍ مايكيله
سيف أبن غانم يقص الروس والشلفا تذكّي=يوم سال الدّمّ بانت له فصيلة من فصيلة

المراجل ما تجي للي على كوعه متكي=كل رجالٍ من أفعاله عرفنا وش حصيله
والمدافع فالسما والضرب دك الارض دكي=ضاع بن غانم وسيفه ما لقا زندٍ يشيله





.

لا تتأخروا علينا

[مشاكس]

المراجل ما تجي للي على كوعه متكي=كل رجالٍ من أفعاله عرفنا وش حصيله
والمدافع فالسما والضرب دك الارض دكي=ضاع بن غانم وسيفه ما لقا زندٍ يشيله





.
دوبني لزمت الدرب وصحصحت
ياخال حد اللبشه على الرصيف واقلبه
الله يخارجنا منه بخير

[@ بن سلمان @]

ياخال اشتبكت غنمي وغنم جيراننا
وقاعد أحرد فالهريد واثره ماهو هريدي
عساها بالذيب الغنم
واحد دوبه صاحي من النوم
أنت شبر أمهات البهم
وخل الهردان للي يسدك فيها

[سنا الهجرة]

مشكور يا بو عبدالرحمن على التنسيق

سلمت اناملك يا مشرفنا

وآسفين على التأخير لكن وش تبينا نسوي

انت ما سمعت الشاعر وش يقول

يقول : لا تحسب اللعب رعية غنم هههههههه

[لبشة]

بعدحطيت السفير وشنطته تحت المحكّي=شفت شيٍّ تطرحه يمناه واليسرى تشيله
الجدر لن كان مايبنى على سيسان فكّي=وان تلقّته العوالي راحت احجاره هليلة

[لبشة]

عذرا أخي سنا في التأخر في الردود لضيق وقتي.
خبرك من ملابش فالثاني.

[سنا الهجرة]

الحال من بعضه وانا أخوك

لا تثريب عليكم اليوم يغفر الله لي ولكم

آه ياكثر اللبايش خصًً به لا جات هكََي=لابتلاك إنسان ما يعرف قوانين القبيلة
أما حدك للنقد والا حديته للتشكِِي=هذي حالة كل شاعر ما معه للخصم حيله

>


.

[لبشة]

إيه ياروس الظبا ماجيت في حروة مرقكي=يوم اخيل قرونها تبدي علينا كل ليلة
يامشرّكة الشرك ماطاح غيرك في شركّي=أبصمي بالخمس ماتبدين في ريع الفشيلة

[مشاكس]

حيوما ياحيوما ياحيوم ياحيم حييه = يالله في نوة تمطر علينا العشية
حيوما ياحيوما ياحيوم ياحيم حييه= سيلها يحدر الوادي ياحيوماا ياحيم حييه

[لبشة]

حيوما ياحيوما ياحيوم ياحيم حييه = يالله في نوة تمطر علينا العشية
حيوما ياحيوما ياحيوم ياحيم حييه= سيلها يحدر الوادي ياحيوماا ياحيم حييه


مشاكس
انت انهبلت ؟
الخلف على الله.

[سنا الهجرة]

خصمك الشاعر سنا الهجرة يدك الخصم دكِِي=مير ما وده يبي يكسب مع اخصامه جميله
إحترامي للحضور ولك وتقريراً لـ نكٍٍي=والا خصمي ما يروِِح قبل ما ينهد حيله

[سنا الهجرة]

يا حيووووووووووووما يا حيووووووووما

أنت شايف كذا يا مشاكس

يا حبي لك وانا خالك

[لبشة]

خصمي الشاعر سنا الهجرة على زاده موكّي=مامعه فالخرج غير الملح والما والبليلة
عان لبشة فوق مركازه على دربك مركّي =والجزيلة مالها عنده جزا غير الجزيلة

[لبشة]

خذها شهادة من لبشة انك طحطوح ياسنا الهجرة
مع اني ماأشهد لكل واحد لكن بعد الفحص المكثّف
النتيجة : اجتيــــــــــــــــــــــــــــــــــــــــــــــ ــــــــاز
أبيض وجه واختم من عندك احسن الله ختامك .

[مشاكس]

والله ياللبشه الاولين يقلون الفاس تعرف الحجر
اشهد والا اقعد مالك من خالي الا الصالي
دكه بالختام ياخالي دكة واحد معلم
ولا عاد نشوف له جره في دياري أنا وياك

[سنا الهجرة]

يا طروقٍٍ تتعب الشعار غيري من طركِِي=يا سحاب الصيف من يقدر يقف في وجه سيله

لو شهد لبشه يبي يتعب ولا يلقى مزكِِي=والنهاية شاهد ماله مزكي عزتي له



يعطيك الف عافيه يا خصمي اللدود لبشه

شاعر ما فيك حيله ولا عنك محوال

تشرفت بمنازلتك وإكتسبت منك الكثير

وشهادتك من دون مزكي تكفي وزود

بس عاد انت عارف يجوز للشاعر مالا يجوز لغيره

[مشاكس]

والله دندون ياخال
ماهو غريب تطلع زيي
بيض الله وجهك

[سنا الهجرة]

أما زيك والله ما أعتقد
لكن قول احسن شوي يمكن
هو مشاكس مثلك

أشك في ذلك

لكن بيض الله وجهك وقفت معي

في وجه هالبشه اللي مدري من وين جاني

بس الله خارجني منه بشادة حسن سيره وسلوك

[لبشة]

والله ياللبشه الاولين يقلون الفاس تعرف الحجر
اشهد والا اقعد مالك من خالي الا الصالي
دكه بالختام ياخالي دكة واحد معلم
ولا عاد نشوف له جره في دياري أنا وياك

ذاالحين ياقليل الخاتمة ماتقلي وش دخّلك بين العود ولحاه؟
خالك ونعم أماانت مافيك من خالك ولاحبة وهذا من سوء حظك ياالبعيد.

[لبشة]

أما زيك والله ما أعتقد
لكن قول احسن شوي يمكن
هو مشاكس مثلك

أشك في ذلك

لكن بيض الله وجهك وقفت معي

في وجه هالبشه اللي مدري من وين جاني

بس الله خارجني منه بشادة حسن سيره وسلوك

شوف ياسنا
أنا أعطيتك شهادة حسن سلوك على شان تنضبط
وان شفت المشاكس الملقوف يسحبك معه تراني أسحب الشهادة
هيه خلك معي تمام وترى المشاكس يروغك أعرفه حوّيص ولاينشدّ به الظهر.

[سنا الهجرة]

يا ابن الحلال أنا ماشي بجنب الحييييييييييييييييييط

مالي ومال المشاكسات واللبايش

بس انتم ما تخلون الواحد في حاله

معرفاتكم تشهد عليكم

[حسن عابد]

الله يعينك ياسنا الهجرة على هذا الثنائي
تدري احسن طريقه نطردهم من المنتدى

[سنا الهجرة]

لا يا حسن ما يصير طرد لا لا

أصلا هم ملح المنتدى بس أحيانا يزودونها شوي

لكن نتحملهم وش نسوي

من بلاه الله صبرررررررررر

[المستشار]

لبشة فعلاً انت خصم لدود
سنا الهجرة اكيد شاعر طحطوح مثل ماقال اللبشة

[حسن عابد]

مافيه تنسيق للمحاورة

[سنا الهجرة]

نسق المحاوره ياحسن

[@ بن سلمان @]

ياسلام الله سلام بدون ريب ودون شكي=نايض الهاجوس غنى به ولايغوى دليله
ياسنا الهجرة بغيت أقرا عليك حدود صكي=ثم تحجز طارش البدوان لاتصبح نزيلة

البقا ياللي يرحبي وترحيبه يبكي=من هجوسٍ يوم غنا به كما لو كان غيله
أحمد الله ما علي خلاف انا صلي وازكي=والبدو تعرف منازلها وتعرف وش تجيله



.

ياسناالهجرة بلشنا بالحكاوي والمحكّي=والمحكّي مايشب النار في راس الفتيلة
يوم حقّينا عن الدعوة وراعيها مزكّي= لامعه منها خراج ولاتسهّل في سبيله

الله أعلم جاك من حكاك والا مستشكي=إحسن النيه ومالك بالقصيره والطويله
لا بلاك الله لسان اللي حكى مثل المفكي=من حكى لو طالت اعلومه محاصيله قليله





.

ماخبرنا خبزة الخباز تاصل مدّ مكّي =لكن الخباز يخبز في دقيقٍ مايكيله
سيف أبن غانم يقص الروس والشلفا تذكّي=يوم سال الدّمّ بانت له فصيلة من فصيلة

المراجل ما تجي للي على كوعه متكي=كل رجالٍ من أفعاله عرفنا وش حصيله
والمدافع فالسما والضرب دك الارض دكي=ضاع بن غانم وسيفه ما لقا زندٍ يشيله





.

بعدحطيت السفير وشنطته تحت المحكّي=شفت شيٍّ تطرحه يمناه واليسرى تشيله
الجدر لن كان مايبنى على سيسان فكّي=وان تلقّته العوالي راحت احجاره هليلة



آه ياكثر اللبايش خصًً به لا جات هكََي=لابتلاك إنسان ما يعرف قوانين القبيلة
أما حدك للنقد والا حديته للتشكِِي=هذي حالة كل شاعر ما معه للخصم حيله

>


.

إيه ياروس الظبا ماجيت في حروة مرقكي=يوم اخيل قرونها تبدي علينا كل ليلة
يامشرّكة الشرك ماطاح غيرك في شركّي=أبصمي بالخمس ماتبدين في ريع الفشيلة

خصمك الشاعر سنا الهجرة يدك الخصم دكِِي=مير ما وده يبي يكسب مع اخصامه جميله
إحترامي للحضور ولك وتقريراً لـ نكٍٍي=والا خصمي ما يروِِح قبل ما ينهد حيله

خصمي الشاعر سنا الهجرة على زاده موكّي=مامعه فالخرج غير الملح والما والبليلة
عان لبشة فوق مركازه على دربك مركّي =والجزيلة مالها عنده جزا غير الجزيلة

يا طروقٍٍ تتعب الشعار غيري من طركِِي=يا سحاب الصيف من يقدر يقف في وجه سيله

لو شهد لبشه يبي يتعب ولا يلقى مزكِِي=والنهاية شاهد ماله مزكي عزتي له



يعطيكم العافية ولا قصرتوا

[سنا الهجرة]

بيض الله وجهك يابن سلمان


ما للحمول الا جماله

هيا ارفع الطيران الين انشدك عنها

[حسن عابد]

ابداع الله يعطيكم الصحة والعافيه