بن داخل (وينك)

[ابو عادل]

لي صاحبٍ غاب مدري مات والاّ من ظروف الزمان=واصحابنا كلما غابت نشدنا والله يجيبها
البرّ ينبت ونبت البرّ يطلع حنظلة واقحوان=مدري من الارض والاّ حبّته شانت مشاريبها

[أبو عبدالرحمن]

الليل الليل

أبو عادل :ما يحتاج التفكر
أنا في صفك ...

وعساكم على القوة جميعًا...

[أبو علي]

ماشاء الله يا ابو عادل تارك عمارتك وقاعد تدور لبن داخل ، ابن داخل شوفه عند النحل يجني في العسل لانه جاه خبر ان النحل ثار اليوم وما هو فاضي ،

بدع مشرف يا ابا عادل واصل والله معك !!!!!!!!!!

[سنا الهجرة]

يقول أبو عبد الرحمن الليل الليل

لكن ابن داخل مثل الديزل ما يحمى بسرعه

ولو أني بصف بن داخل ودي أتلعب معه الليله

من دون قور في أبو عادل شاعر الصفين

الليل يابن داخل وانا خالك لا تحير علينا أخلصصصصصصصصصص

[بن داخل]

نادى المنادي وجاني الصوت وتلقيت ظهر الحصان = واقفيت للديره اللي صايح العراف ساري بها
إن كان ولين بن بركي يبي كل العرب له خَوَان = يقرى كتابه قبل يصل الديار اللي عوى ذيبها

[بن داخل]

الليل الليل

أبو عادل :ما يحتاج التفكر
أنا في صفك ...

وعساكم على القوة جميعًا...

نسعد بوجودك يامديرنا الغالي
والعذر لطول الغياب
ولك جزيل الشكر وأنا وابو عادل أخوان

[بن داخل]

يقول أبو عبد الرحمن الليل الليل



لكن ابن داخل مثل الديزل ما يحمى بسرعه

ولو أني بصف بن داخل ودي أتلعب معه الليله

من دون قور في أبو عادل شاعر الصفين


الليل يابن داخل وانا خالك لا تحير علينا أخلصصصصصصصصصص

سنا الهجرة
وجودك وسام شرف
وكونك من أخوالي مصدر فخر لي
فأنت من أثبت وجوده بكل مقاييس الإبداع
والبطا ماهو عيب
ومن جا ماابطى

[ابو عادل]

يامرحبا وابن داخل بعد لبّى دعوتي مايهان=والطيبة من رجال الطيب نقبلها على طيبها
اللي تعلّى المنابر يابن داخل قبل وقت الاذان=قلّه ترى الخطبة اللي جبتها بانت عذاريبها

[فـارس الحـرف]

لي صاحبٍ غاب مدري مات والاّ من ظروف الزمان=واصحابنا كلما غابت نشدنا والله يجيبها
البرّ ينبت ونبت البرّ يطلع حنظلة واقحوان=مدري من الارض والاّ حبّته شانت مشاريبها


ياسلام عليك هنا الابدع الاصيل بمعنى الجمال والاصاله

بدون كلام فى صف ابو عااااااااادل مافيه ولا يهون المدرسه الشعريه بن داخل

[ابو عادل]

أبوعبدالرحمن
بيض الله وجهك على الوقفة المشرفة
والصف يظل بحاجة اليك.

[ابو عادل]

بن عزاب
بن داخل وقت الطلب مايتأخر ولايرده عن الماقف لاعسل ولاغيره
مشكور على تواجدك ولاهنت.

[ابو عادل]

سنا الهجرة
ابعد الناروالفوانيس غمتنا ريحة القاز
وخطير تشب النار فالمخيام والا ترى اتصل على الدفاع المدني يجون ياخذونك ويبقى صف بن داخل بدونك
شكرا لتواجدك عزيزي ولك مني وافر التقدير.

[ابو عادل]

ياسلام عليك هنا الابدع الاصيل بمعنى الجمال والاصاله

بدون كلام فى صف ابو عااااااااادل مافيه ولا يهون المدرسه الشعريه بن داخل


عزالله الصف اللي تقف فيه مايظام يابوسعد راعي الوقفات المشرفة والقوات المرعبة
مرحبا مليون يامهننننننننننننننننننننننننننننننننننننننننننندس.

[سنا الهجرة]

نادى المنادي وجاني الصوت وتلقيت ظهر الحصان = واقفيت للديره اللي صايح العراف ساري بها
إن كان ولين بن بركي يبي كل العرب له خَوَان = يقرى كتابه قبل يصل الديار اللي عوى ذيبها




يا سلام يا سلام يابن داخل فارس من يومك

هذا الكلام والا بلاش

ولا يهون شاعرنا الكبير
أبو عادل


واصلوا والله معاكم

[بن داخل]

جعل البقى للمرحب يوم ما روح عن اهل المكان = والوافيه عند اهلها ماتغير مع مناديبها
الظاهر انك يابن بركي تبي وادي الحيا لك وكان = ماودك الا سروحك تلتوي الديره واشاعيبها

[ابو عادل]

مايحثي الرمل فوق الزّاد غير اللي طراه الجنان=ردّ المجانين عنا قبل تصلب في مصاليبها
دوب استوى الليل للمسرى ونور الجدي وسهيل بان=لكن جتك السباع انيابها تسبق مخاليبها

[بن داخل]

عزالله الصف اللي تقف فيه مايظام يابوسعد راعي الوقفات المشرفة والقوات المرعبة
مرحبا مليون يامهننننننننننننننننننننننننننننننننننننننننننندس.
نسعد بوجود ابو سعد
بس سنا الهجره بيولع في جميع أسلحتكم
والنصر لنا والفانوس معنا

[سنا الهجرة]

نسعد بوجود ابو سعد
بس سنا الهجره بيولع في جميع أسلحتكم
والنصر لنا والفانوس معنا

يالربع تروا الفانوس عندي من أيام الازمه مدري وين أوديه قلت أحطه بجنب المشب خل الشاب يشوفون المعانهة اللي عشناه أيام زمان الله لايعيدها

بس مدري وش بلاه يبق

الليل الملعبه حاميه والشغل علىمستوى عالي

[admin]

لي صاحبٍ غاب مدري مات والاّ من ظروف الزمان=واصحابنا كلما غابت نشدنا والله يجيبها
البرّ ينبت ونبت البرّ يطلع حنظلة واقحوان=مدري من الارض والاّ حبّته شانت مشاريبها



نادى المنادي وجاني الصوت وتلقيت ظهر الحصان = واقفيت للديره اللي صايح العراف ساري بها
إن كان ولين بن بركي يبي كل العرب له خَوَان = يقرى كتابه قبل يصل الديار اللي عوى ذيبها



يامرحبا وابن داخل بعد لبّى دعوتي مايهان=والطيبة من رجال الطيب نقبلها على طيبها
اللي تعلّى المنابر يابن داخل قبل وقت الاذان=قلّه ترى الخطبة اللي جبتها بانت عذاريبها



جعل البقى للمرحب يوم ما روح عن اهل المكان = والوافيه عند اهلها ماتغير مع مناديبها
الظاهر انك يابن بركي تبي وادي الحيا لك وكان = ماودك الا سروحك تلتوي الديره واشاعيبها



مايحثي الرمل فوق الزّاد غير اللي طراه الجنان=ردّ المجانين عنا قبل تصلب في مصاليبها
دوب استوى الليل للمسرى ونور الجدي وسهيل بان=لكن جتك السباع انيابها تسبق مخاليبها


الله على بدع الكبار
أنا مشغول بالتصوير والإضاءة

[فـارس الحـرف]

مايحثي الرمل فوق الزّاد غير اللي طـراه الجنـان
ردّ المجانين عنـا قبـل تصلـب فـي مصاليبهـا


هههههههههههههههه اى والله مايحثى الرمل فوق الزد الا مهبول




المهم 666 جندى على اهبة الاستعداد تدعمهم 20 طياره و60 صاروخ توماهوك وهجومهم ليلى ههههههههه على نور الفوانيس ابلشووووووو

[ابو عادل]

dmin
أحسنت في التنسيق وجمع الشتات
بارك الله في جهدك.

[ابن عرب]

يعطيكم العافيه مافيكم حيله اشوف قصف مجهول
الله يخارجنا

[ابو عادل]

المهم 666 جندى على اهبة الاستعداد تدعمهم 20 طياره و60 صاروخ توماهوك وهجومهم ليلى ههههههههه على نور الفوانيس ابلشووووووو[/quote]


والله والنعم فيك ياسنايدي يابوسعد
لكن الأوضاع حتى الآن مستقرة وبن داخل ماعنده غير مناوشات
بسيطة وقدسلطنا عليه كم قذيفة من المدفعية دمرت مصادر نيرانه
ولكن ابق على أهبة الاستعداد ان شفنا فيها والافيها مالها الا القوة الجوية.

[بن داخل]

آخر حياتك تبي تكتب لخلق الله صكوك الجنان = ماتدري ان الجنان الخالده للي علم غيبها
قدام تبدي لسانك للعرب وتقول سيف الامان = جنب فدربك وخلق الله تبي تعرف مجانيبها

[ابو عادل]

يعطيكم العافيه مافيكم حيله اشوف قصف مجهول
الله يخارجنا

حياك الله ياضيفنا ابن عرب
وللمعلومية ليس لدينا مجهول
شكرا لتواجدك.

[بن داخل]

مايحثي الرمل فوق الزّاد غير اللي طـراه الجنـان
ردّ المجانين عنـا قبـل تصلـب فـي مصاليبهـا


هههههههههههههههه اى والله مايحثى الرمل فوق الزد الا مهبول




المهم 666 جندى على اهبة الاستعداد تدعمهم 20 طياره و60 صاروخ توماهوك وهجومهم ليلى ههههههههه على نور الفوانيس ابلشووووووو
أبو سعد لايغرك فانوس سنا الهجرة
تشوف الأسلاك اللي وراه
تراها كلها قنابل عنقودية وألغام أرضية
ودباباتك محاصرة قول اللي تقول

[بن داخل]

يعطيكم العافيه مافيكم حيله اشوف قصف مجهول
الله يخارجنا
يابن عرب
شرفت
الله يحييك
والقصف مركز وارفع يدينك تراك بتلحق بدر العجمي

[ابو عادل]

لوتذبح الحية الرقطا طلع لك عقبها عقربان=وليا اظلم الليل شفت الأرض يامااكثر دباديبها
يااللي على الجانب الشرقي وجبت السيف والصولجان=أنا على الجانب الغربي ولانخطي مضاريبها

[فـارس الحـرف]

ههههههههههههه

طيب طيب يابن داخل الفانوس فى الاسر هو وراعيه وانت تحضر بيتك مادريت

وابشرك بينباع فى متحاف تركيا شكله اثرى

[ابو عادل]

ههههههههههههه

طيب طيب يابن داخل الفانوس فى الاسر هو وراعيه وانت تحضر بيتك مادريت

وابشرك بينباع فى متحاف تركيا شكله اثرى


وش بقي مع بن داخل بعد راح الفانوس وراعيه
تهقى كم يجيب في المزاد؟

[السيل]

الليلة على شرف امير امارة مكة المكرمة صاحب السمو الملكي خالد الفيصل افتتاح سوق عكاظ ( شعراء وامراء وادباء ومفكرين وصفوف تبع للشعراء ) وعالم يدبك غريبة ما انتم معهم اكيد انكم شعراء منتديات بس يا الله كثير كثير الشعراء هذي الايام ...................... بس ما بكمل ؟؟؟؟؟؟؟؟؟؟؟؟؟؟؟؟؟

[ابو عادل]

الليلة على شرف امير امارة مكة المكرمة صاحب السمو الملكي خالد الفيصل افتتاح سوق عكاظ ( شعراء وامراء وادباء ومفكرين وصفوف تبع للشعراء ) وعالم يدبك غريبة ما انتم معهم اكيد انكم شعراء منتديات بس يا الله كثير كثير الشعراء هذي الايام ...................... بس ما بكمل ؟؟؟؟؟؟؟؟؟؟؟؟؟؟؟؟؟

الحقيقة ماودنا نترك النقّاد في المنتدى لوحدهم مايلقون شي خاصة اللي مايصلون عكاظ
شكرا على الخبر الذي يثلج الصدر ياسيل.

[بن داخل]

الحيه ان كان راد الله تبي تمسي بليا لسان = وان طال عمر المغني ما تبي تمشي بالاعيبها
وان كان عينت بدر ازهم عليه وقول له يافلان = ابعد عن العقرب ام ذنيب لاتلحقك بذنيبها

[السيل]

بن داخل عفوا ما تأخذني ما تلاحظ انه في ملاحظه على الشطر الثاني من البيت الاول (با لا عيبها )

[فـارس الحـرف]

ياسلالالالالالام محاوره كبار لله دركم من شعرا مبنى ومعنى

متابعين وخاصه بعد ما انباع الفانوس بسعر خيالى :) والسجين يكتب رساله استرحام

[بن داخل]

الليلة على شرف امير امارة مكة المكرمة صاحب السمو الملكي خالد الفيصل افتتاح سوق عكاظ ( شعراء وامراء وادباء ومفكرين وصفوف تبع للشعراء ) وعالم يدبك غريبة ما انتم معهم اكيد انكم شعراء منتديات بس يا الله كثير كثير الشعراء هذي الايام ...................... بس ما بكمل ؟؟؟؟؟؟؟؟؟؟؟؟؟؟؟؟؟
الله يجبر خاطرك يابو عادل
شكل السيل عارف العلوم كلها وجاي محمل قشيش
بس الزبد يذهب جفاء وما ينفع الناس يمكث في الأرض

[ابو عادل]

يانايم الليل تسري بك فلول الترك والتركمان=ماعاد يمديك باوراقك ولوتعيد ترتيبها
سبحان من جاب شاهدها وانا مااهرج بليّا ضمان=خلك تحلّى وجيه القوم يوم ترفّ اشانيبها

[بن داخل]

بن داخل عفوا ما تأخذني ما تلاحظ انه في ملاحظه على الشطر الثاني من البيت الاول (با لا عيبها )
كلك نظر نستفيد منك نورنا أكثر
وان كان عندك ميزان حساس
عدل الوزن برضه ابو عادل كله نظر
ياناقد المنتدى

[ابو عادل]

الختام عندك يابن داخل وأشكرك وجميع المتابعين الذين أمضوا معنا الكثير من وقتهم
والى لقاء قريب والجميع بخير وعافية.

[فـارس الحـرف]

خلك تحلّى وجيه القـوم يـوم تـرفّ اشانيبهـا

هههههههههه فالصميم يا ابو عادل

[ابن عرب]

يعطيكم الف عافيه شعار كبار وانت يالسيل ليش ماترح سوق عكاظ
اذا مااحد مكيفك وش جايبك

[ابو عادل]

خلك تحلّى وجيه القـوم يـوم تـرفّ اشانيبهـا

هههههههههه فالصميم يا ابو عادل

أبد يابوسعد بس مدري مين اللي رفع الكورة وشفت الفرصة مواتية وكبست.
الله يسعد ايامك ولياليك والله ان وجودك شرف وفائدة لاعدمناك ياغالي.

[ابو عادل]

ابن عرب
شكرا لك على المنافحة والدفاع والمرور.

[حسن عابد]

سبحان من جاب شاهدها وانا مااهرج بليّا ضمان=خلك تحلّى وجيه القوم يوم ترفّ اشانيبها

لله درك يابو عادل حظك يباريك

[حسن عابد]

نادى المنادي وجاني الصوت وتلقيت ظهر الحصان = واقفيت للديره اللي صايح العراف ساري بها

حليفي عزالله ماندمت يوم على حلفي معك
ماشاء الله عليك عندك ناظور تشوف فيه من بعيد

[ابن عرب]

حسن عابد حياك الله ماشاءلله عليك تستاهل اسم شاعر
والواحد مهما كانت بداياته بسيطه الا انه مع الوقت
يتطور وانصحك تكون مع ابن داخل لانه شاعر كبير
وكلنا نستفيد منه انشاءلله ولاننسى ابو عادل تحياتي
لك هذا من حبي لك

[ابو عادل]

سبحان من جاب شاهدها وانا مااهرج بليّا ضمان=خلك تحلّى وجيه القوم يوم ترفّ اشانيبها

لله درك يابو عادل حظك يباريك

مشكور على حضورك الجميل يابوعلي.

[بن داخل]

ياسلالالالالالام محاوره كبار لله دركم من شعرا مبنى ومعنى

متابعين وخاصه بعد ما انباع الفانوس بسعر خيالى :) والسجين يكتب رساله استرحام
أخي بدر
بعد جوله تفقدية وجدت ان الفانوس اللي حصلت عليه
فانوس وهمي والهدف هو توهيق العدو لمحاصرة قواته
ارفع يدينك يابو سعد واستسلم قبل تتم عملية الإنزال المضلي وتفجير المناطق
المحاصرة

[السيل]

بعض المديح يفضح اهله لكن يمدح السوق من ربح فيه ، امدحني اليوم وامدحك باكر ، هذا حال المبتدئين .

[بن داخل]

الوادي اللي مشينا به لقينا فيه معزا وضان = ياراعي البل خل البل تكفيها عراقيبها
أنا بغيت انتصر لكن جا في بحرها قلبان = ماباقي الا نقول الدار تكرم من معازيبها

[السيل]

جمال وكمال يا بن داخل ختام يبييض الوجه ،،،،،،،،،،،،،،،،

[الساعدي]

اكملوا وحنا نتابع بالتوفيق لكما

[محمـد العجمي]

الله يعطيكم العافيه امتعتونا

[مشاكس]

المعذرة على التأخير
بس بيض الله وجيهكم
كفيتو ووفيتو

[مشاكس]

بعض المديح يفضح اهله لكن يمدح السوق من ربح فيه ، امدحني اليوم وامدحك باكر ، هذا حال المبتدئين .
ياسويل
وش صار لك مولع لك شبه
ان كنت رجال راعي معرفه الميدان قدامك وكل
الشعراء موجودين وهات حصيلك ونعرف انك
راعي معرفة وان كان بس هرطقه وبقبقه ترى فيه منتديات
تصلح لك أنت واللي على شاكلتك كبك من الهروج اللي ماأنت قدها
شعراء المنتدى في غنى عن وجهة نظرك

[حسن عابد]

حسن عابد حياك الله ماشاءلله عليك تستاهل اسم شاعر
والواحد مهما كانت بداياته بسيطه الا انه مع الوقت
يتطور وانصحك تكون مع ابن داخل لانه شاعر كبير
وكلنا نستفيد منه انشاءلله ولاننسى ابو عادل تحياتي
لك هذا من حبي لك

ودك تسير شاعر مع الشعراء الكبار لكن يابعدك خلك مع اللي مايدرون ان قصايدك مكسرة
وتجميع صيني وبعدين حتى لو غيرت اسمك بمعرف او اثنين معروف لدى الجميع
ارثي لوضعك واحاول اساعدك لكن حظك تعبان

[المستشار]

صح لسانك يابوعادل
صح لسانك يابن داخل
وبيض الله وجيهكم على المحاورة الرائعة

[أبو عبدالرحمن]

لي صاحبٍ غاب مدري مات والاّ من ظروف الزمان=واصحابنا كلما غابت نشدنا والله يجيبها
البرّ ينبت ونبت البرّ يطلع حنظلة واقحوان=مدري من الارض والاّ حبّته شانت مشاريبها



نادى المنادي وجاني الصوت وتلقيت ظهر الحصان = واقفيت للديره اللي صايح العراف ساري بها
إن كان ولين بن بركي يبي كل العرب له خَوَان = يقرى كتابه قبل يصل الديار اللي عوى ذيبها



يامرحبا وابن داخل بعد لبّى دعوتي مايهان=والطيبة من رجال الطيب نقبلها على طيبها
اللي تعلّى المنابر يابن داخل قبل وقت الاذان=قلّه ترى الخطبة اللي جبتها بانت عذاريبها



جعل البقى للمرحب يوم ما روح عن اهل المكان = والوافيه عند اهلها ماتغير مع مناديبها
الظاهر انك يابن بركي تبي وادي الحيا لك وكان = ماودك الا سروحك تلتوي الديره واشاعيبها



مايحثي الرمل فوق الزّاد غير اللي طراه الجنان=ردّ المجانين عنا قبل تصلب في مصاليبها
دوب استوى الليل للمسرى ونور الجدي وسهيل بان=لكن جتك السباع انيابها تسبق مخاليبها



آخر حياتك تبي تكتب لخلق الله صكوك الجنان = ماتدري ان الجنان الخالده للي علم غيبها
قدام تبدي لسانك للعرب وتقول سيف الامان = جنب فدربك وخلق الله تبي تعرف مجانيبها



لوتذبح الحية الرقطا طلع لك عقبها عقربان=وليا اظلم الليل شفت الأرض يامااكثر دباديبها
يااللي على الجانب الشرقي وجبت السيف والصولجان=أنا على الجانب الغربي ولانخطي مضاريبها



الحيه ان كان راد الله تبي تمسي بليا لسان = وان طال عمر المغني ما تبي تمشي بالاعيبها
وان كان عينت بدر ازهم عليه وقول له يافلان = ابعد عن العقرب ام ذنيب لاتلحقك بذنيبها



يانايم الليل تسري بك فلول الترك والتركمان=ماعاد يمديك باوراقك ولوتعيد ترتيبها
سبحان من جاب شاهدها وانا مااهرج بليّا ضمان=خلك تحلّى وجيه القوم يوم ترفّ اشانيبها



الوادي اللي مشينا به لقينا فيه معزا وضان = ياراعي البل خل البل تكفيها عراقيبها
أنا بغيت انتصر لكن جا في بحرها قلبان = ماباقي الا نقول الدار تكرم من معازيبها


كل الشكر والتقدير للشاعرين الكبيرين ـ الأستاذ : مشيلح بن بركي . والأستاذ : محمد بن داخل
على هذه المحاورة التي استمتعنا بها...
والشكر موصول لكل عضو حضر وشارك . و نتمنى أن لا تخرج الردود وتأخذ منحى يشويه جمال المحاورة!

[مشعل الثمالي]

سلمــــــــــــــــــــتوا شعار وحضور
ثماله سلمت الحميه ونعم
بيض الله وجيهكم.

[@ بن سلمان @]

الليلة على شرف امير امارة مكة المكرمة صاحب السمو الملكي خالد الفيصل افتتاح سوق عكاظ ( شعراء وامراء وادباء ومفكرين وصفوف تبع للشعراء ) وعالم يدبك غريبة ما انتم معهم اكيد انكم شعراء منتديات بس يا الله كثير كثير الشعراء هذي الايام ...................... بس ما بكمل ؟؟؟؟؟؟؟؟؟؟؟؟؟؟؟؟؟


بن داخل عفوا ما تأخذني ما تلاحظ انه في ملاحظه على الشطر الثاني من البيت الاول (با لا عيبها )

حسن عابد حياك الله ماشاءلله عليك تستاهل اسم شاعر
والواحد مهما كانت بداياته بسيطه الا انه مع الوقت
يتطور وانصحك تكون مع ابن داخل لانه شاعر كبير
وكلنا نستفيد منه انشاءلله ولاننسى ابو عادل تحياتي
لك هذا من حبي لك

بعض المديح يفضح اهله لكن يمدح السوق من ربح فيه ، امدحني اليوم وامدحك باكر ، هذا حال المبتدئين .

جمال وكمال يا بن داخل ختام يبييض الوجه ،،،،،،،،،،،،،،،،

أبا عادل
بن داخل
حضور مبهر اطرب الاسماع و تجاوز حدود الابداع , والبس من يتربص القناع

[سنا الهجرة]

بيض وجيه الشعار والحضور

أمتاع على قول بعض الناس يكشف القناع

ويسري السباع

[ما عندكم أحد]

أبا عادل
بن داخل
حضور مبهر اطرب الاسماع و تجاوز حدود الابداع , والبس من يتربص القناع

حسن عابد حياك الله ماشاءلله عليك تستاهل اسم شاعر
والواحد مهما كانت بداياته بسيطه الا انه مع الوقت
يتطور وانصحك تكون مع ابن داخل لانه شاعر كبير
وكلنا نستفيد منه انشاءلله ولاننسى ابو عادل تحياتي
لك هذا من حبي لك

أقول يا بن عرب ما انت هين
خل ابو علي واركب موترك الفورد وكمل محاورتك مع الشيهان
خل مبداك مبدا رجال ولا تتفشل مع الرجاجيل

[ابن عرب]

#




# الأخ الكريم : آمل التركيز فيما يخص الموضوع . وعدم التطرق لأي عضو من أعضاء المنتدى .دون مناسبة . فقد نضطر لإيقاف العضوية ـ تحرير المشرف العام ـ

[ابو عادل]

الساعدي
محمد العجمي
مشاكس
المستشار
مشعل الثمالي
بن سلمان
سنا الهجرة
ماعندكم احد
مروركم وتعليقاتكم شرف كبير لنا لاعدمنا هذا الحضور المتميز وشكرا لكم.

أبوعبدالرحمن
والشكر لك أيضا على المتابعة والتنسيق الجميل.

[@ بن سلمان @]

بيض وجيه الشعار والحضور