قصتي مع الشجـــاعه

[خرمان نعناع]

بسم الله الرحمن الرحيم ..

هذا أول موضوع لي معكم . وصدقوني ما كتبت هذا الموضوع للغرور .

ولكن كان نفسي إنكم تعرفون الحقيقه أتركم مع القصه بس على الله ألقى ردود تبرد الخاطر .

طبعا الموضوع ياشباب يحتاج ستر ...

في يوم من الايام السابقات قاعد بالبيت وعند االجهاز اتصفح مواقع الانترنت

والمهم جاني اتصال من صاحبي كان يبغاني امر عليه عنده بعض الاشغال

أخذت سيارة الوالد الله يحفظه ويخليه .. ورحت للرجال

ومتجه لبيت الرجال ,, وعند اشارة تكثر فيها الزحمة والاشارة من النوع اللى ماعندها وقت

يعني تفتح واحد اثنين ثلاثه وخلاص تقفل ثاني مرة كان قدامي سياره لموزين عاد اكره

ماعلى هالسيارة من كثر مااشوفها وهي وسيارات السواقين الخاصه بالعوائل مسويه زحمه

بالشوارع ويجوك هنود وبنقاله مايعرفون يسوقون ويتعلمون السواقه على حسبانا ...

واللموزين اللى قدامي هو ثاني سيارة عند الاشارة والسيارة اللى قدامه مشت وهو ما عليه من

احد ماكن وراه عشرين سيارة ولما سمع البوري مشا على اقل من مهله انا وصلت عند الاشارة

وهي حمرا ومن الزعل قطعت الاشارة ورحت حديت راعي اللموزين بسيارتي وخليته يوقف بعد

كذا مشيت قلت بنفسي يستاهل قليل الحياء , الرجال زعل وجا وراي يكشح بالنور يبغاني اوقف

وانا ياجماعه الخير لاتوروني احد من هالاجانب ينفخ على مواطن سعودي وقفت وانا ابغا

اشوف وش اللى براسه هالمعفن نزلت من السيارة كني رايح اصكه بكف يلفه مرتين ..

ولا اشوف سواق اللموزين ينزل من السيارة طلع باكستاني طوله مترين وشوي وعرضه متر

وعيونه حممممر ... ركزو على عيونه حمر ..

وقبل مااكمل السالفه احب اذكركم ان الهروب هو نصف الشجاعه بس انا ماهربت عشان اكون

شجاع واواجه هالبليه واتحمل اللى يجيني .. وفي هذا الوقت جيت اهدي الوضع

والطف الجو بإبتسامة: واقول للباكستاني وشفيك .. وجاني بكل سرعته وحط يده

تحت دقني ويقول انت اس فيك ..!؟انا عاد بديت اعصب الرجال ايده على وجهي وريحته

الله يستر من الريحه وقلت بكل شجاعه وانا انزل ايده من على وجهي (مافيه سوي كذا) راح

رفع ايده فووووق يبغا يعطيني مخمس ويقول ياهيوااان واقول (لاتقول كذا )وانا ماتحركت

ولارفعت ايدي عشان اصد الكف بس بقيت اطالع بيدنه اللى تقل صبه بكل خوف وانتظر الكف

عشان يطلع ماعندي من قوه واسوي اللى علي .. الرجال متردد على الكف يعطيني

ولامايعطيني وانا ادعي من ربي جعله مايسويها قام رفع ايده الثانيه وعيني تطالع ايده

الثانيه ويقول يا (كلفه) وانا اقول (لاتقول كذا )هذي حيلتي في ذاك الوقت ابي اي حيله المهم

اني اطلع من المشكله بصحة وعافيه الرجال ضل يرفع ايده اليمن مرة واليسار مرة ثانيه طولت

السالفه على هالحال بغيت اقوول عطني الكف وخلصني خليني امشي ....

وبلحضه سمعت صوت اغنيه جاكم الاعصار ولا اربع سعوديين جايين جري وانا يتغير موقفي

من جابان الى شجاع واقول للباكستاني ايش سوي انت تبغا تضرب يالله اشوف ... هههه :27:

الشباب جو يهدون الوضع والباكستاني قعد يشكي على اللى سويته معه انا رحت متفشل

من اللى صار وصاحبي اللى رحت عنده لاحظ اني زعلان وسالني وش فيك قلت له ليتني مت

ولاشفت اللى صار معي وهذي سالفتي ....

شباب نصيحة المشكله ما تصلح وخلك محترم الناس تحترمك واذا انت قوي فيه اللى اقوى منك

تدرون انا حسيت اني لوهربت كان ارحم من اللى شفته وسمعته من الباكستاني بس يالله هي الدنيا كذا نتعلم من مواقفها ...

واعذرووني على الإطاله ..

وشكرا لكم ..

[راعي السواني]

أخي خرمان نعناع : كل مشكله لها حل .
فيه انواع من البهارات يكفي أنك تحط منها شويه في جيبك , والا تحط تحت مقعدة سيارتك كيس مطحون منها وتتبع قواعد ألأشتباك , قللي كيف ؟.
اولا : لاتخلي خصمك يفوز بالضربه الأولى بالحذر منه ثم بالتظاهر أمامه بالعقلانيه والجبن فالحرب خدعه.
ثانيا : أغتفل الخصم من بعد متر تقريبا وارمي البهارات مباشرة في عينيه وخنفرته .
ثالثا : جنب فورا من أمامه واختله من أحد جوانبه وزيد بهر عيونه .
رابعا : افتري فيه كأن تشق سرواله بمقص وتتركه فرجه بلاش للرايح والجاي .

الطريقة الثانيه : فيه جهاز كهربائي يشل الخصم ويخليك تظهر أمام الناس عنترة بن شداد .
ا

[النشمي]

اقوول ياخرمان نعناع
لايكون اكلت الكف وماتبغا تقولنا
قووووول الصدق

خخخخخخخ
يبيــــــــ معاد تتلقف على الناس ــــله

[الساعدي]

الله خارجك من كف الباكستاني والحمدلله

لكن الحمدلله علي السلامة

وانتبه مرة ثانية دور اقل منك في الكبر وافترى فيه قدام اخوياك الي فرعولك من الباكستاني

[خرمان نعناع]

خخخخخ

مشكور أخوي راعي السواني على المرور ..

بس والله لو شفت الباكستاني الي قابلني .. صدقني راح تنسى البهارات .. والخرابيط هذي ..

بعدين نصيحتك هذي تنفع لو كان الباكستاني كان يشتغل في مطعم ..

ولكن بعد التحريات ... إكتشفت إن الباكستاني كان يشتغل حــداد .. يعني البهارات ما تنفع معاه .. هههههه

شاكر لك نصيحتك أخوي راعي السواني .. بس الله لا يطرحك في واحد باكستاني مثل هذا ..

[خرمان نعناع]

النشمي .. أسعدني تواجدك في الموضوع ولا تحرمنا من تواجدك ..

الساعدي .. شاكر لك المرور .. ويا ليت تعطيني رقم الهيئه حقتكم .. علشان إذا صار شئ ولا شئ .

تعرف رجال الهيئه ما شاء الله عليهم ..

[أبو رامز]

شكلك شربت نعناع قبل ما تروح
وهذه عواقبه
أنا ما أدري إن النعناع يسوي كذا
هههههههههههههههههههههه

[الساعدي]

رجال الهيئة رجال السلم والخير

اذا تبي عضيد وتبي مشاكل انا مستعد روح وعطني خبر وين تبي تسوي المشكلة وتلقاني قبلك مسوي مشاكل
الله يخارجنا

[النشمي]

راعي السواني والله انت خطير
الناس تحط تحت المرتبه حقت السياره عصا
ولا سكين عشان يدافع عن نفسه
وانت تلقاك حاط تحت المرتيه كيس بهارات خخخخخخخ
حلوه الحركه

[المستشار]

انا قلت وش ها البطل
اثاريك رحت فريسة في يد الباكستاني

[بن وافي]

الله ستر عليك
من الباكستاني
ماذبحك ؟؟
إذا على كف عادي قول بسيطة ؟

[محب الجميع]

كويس انه مارصك كف كان صرت خرمان كفوف بالنعناع

[خرمان نعناع]

أشكر الجميع على المرور ..

لكن أتوقع إنكم أخذتم العبره .. إن شاء الله ..

محب للجميع .. عسا الله يطرحك في أفغاااااااني .. وأشوف وش تسوي معاه .. خههههههههههههه

مشكوري على المرور ..

[محب الجميع]

يارجل قول باكستاني سواق ليموزين ولاافغاني ولله لادوخ من غير كف والسبب الوايت اللي يسوقه لاني ما اشوف الافغان الا وايتات الصباح ومطبق في الليل واحنا ماشا الله نلهف مطبق وتميس افغاني

[سنا الهجرة]

أقول الحمد لله على سلامتك بس لا تكررها مره ثانيه ترى العقل زينه

هذا حنا يالسعوديين ما حد يضايقنا شوي الا لفينا عليه وسوينا مشاكل ياكثره والنهايه ليتنا نفتكككككككككككك


اليوم الواحد يمشي ويقول يارب سترك وش له وش للمشاكل