تجمل واختصر

[سنا الهجرة]

تجمل واختصر معروف طبعك والزمن عداد=حسبناها مثل ماتحسب الدينار في جيبك
تقللي نورت ولا اسفهلت وامطرت وش عاد=تبالغ فالثنا والا تكثر من تراحيبك
ترحب بي تهلي بي تعاندني تزيد عناد=على بالك جهلت اسلوبك اللي ماستر عيبك
هذاك أول عيوني تعتبر شوفك شراب وزاد=زمان أول وانا مخدوع فيك وغرني طيبك
إذا قصدك تنسيني زمان العهد والميعاد=ترى هذي قديمه واضحه من ظمن الاعيبك
عرفتك تظهر الطيبه وتخفيلي عصا الجلاد=وليش تلف لي وتدور ظنك مقدر آجيبك
أنا مررت لك واجد ولكن للأسف مافاد=ولو بيدك بعد تاخذ تبي تاخذ انا ادريبك
تراني لي حدود اصبر بعدها مستحيل ازداد=إذا قفلت تعرفني وتعرف كيف اسويبك
إذا ما شفتني طيب وطيب حيل وابن اجود=تأكد لو نفذ صبري ابتفنن بتعذيبك
تبيها ملعنه منته بلاقي غير قدح زناد=أبخربها معك حتى تشق من القهر جيبك
نصيحه جوز عن طبعك وخلينا على المعتاد=وانا بصبر على عنادك وبتكفل بتهذيبك

[((مايهموني))]

سنا الهجرة
*
*
الحين هذا كللللللللله عشان سنا الهرة خخخخخخخ << امزح والله
*
*
ماشالله عليك // شاااااااااااااااااعر

[سنا الهجرة]

كما توقعت

بس شرفتيني

واسعدتيني بتواجدك

لا عدمتك

[حسن عابد]

الله عليك ياسنا الهجرة
مبنى ومعنى وفقك الله شاعرنا الحبيب

[المستشار]

دائماً مبدع ياسنا الهجرة
وحقيقة قصيدك يطرب
الله يعطيك القوة

[أبو عبدالرحمن]

شديد يا خالي...

لا فض الله فاك .. ولا حرمنا قصائدك..

رقة ألفاظ ...سلاسة عبارات

رائعة من الروائع ، بأسلوبها الماتع ، وعطرها الذائع

[ما عندكم أحد]

والنعم والله يا خالي
تجمل ولا تقطعنا

[سنا الهجرة]

الله عليك ياسنا الهجرة
مبنى ومعنى وفقك الله شاعرنا الحبيب

حسن عابد

دائما حضورك يسعدني وأسمك يرتاح له قلبي

لا عدمتك

[سنا الهجرة]

دائماً مبدع ياسنا الهجرة
وحقيقة قصيدك يطرب
الله يعطيك القوة

شهادة من مستشار هذي ما عليها غبار

بارك الله فيك يا مستشاري العزيز

وأمتعني الله بتواجدك المستمر

[سنا الهجرة]

شديد يا خالي...

لا فض الله فاك .. ولا حرمنا قصائدك..

رقة ألفاظ ...سلاسة عبارات

رائعة من الروائع ، بأسلوبها الماتع ، وعطرها الذائع



أبو عبد الرحمن

أشكر لك هذا الاطراء الذي لا أستحقه

يكفيني أرى معرفك على أوراقي المبعثر

يسلملي راسك وانا خالك
حسب ما ذكرت أنت والا أنا والله مدري أنا خالك والا أنت خالي

[الساعدي]

صح لسانك وبيض الله وجهك

شاعر كبير وقصيدة جميلة

[سنا الهجرة]

صح لسانك وبيض الله وجهك

شاعر كبير وقصيدة جميلة

تشريفك اللي جملها يالساعدي

لا عدمناك

[ابو عادل]

سناالهجرة
أنت مكسب وانتصار للرصانة
تعجز حروفي عن ايفاء القصيدة حقها
ولاأجد انك بحاجة الى المدح فقد بلغت شأواً ليس بالهين
واصل امتاعنا بماتجود به قريحتك بارك الله فيك وحفظك.

[ABO TURKI]

صح لسانك يا سنا الهجرة
شاعر كبير صرت احب الشعر من قصايدك

[الشيهان]

وش عاد نقول وش عاد ماعاد بعد هذا الفن من تعداد

الله الله عليك ياسنا الهجره

[سنا الهجرة]

والنعم والله يا خالي
تجمل ولا تقطعنا


ماعنكم أحد
والله وانا خالك ما عاد أدري أنا خال مين فيكم

لكن حضورك يشرفي على أي حال
وانا معاكم باذن الله على طول
لا عدمتك يالغالي

[سنا الهجرة]

سناالهجرة
أنت مكسب وانتصار للرصانة
تعجز حروفي عن ايفاء القصيدة حقها
ولاأجد انك بحاجة الى المدح فقد بلغت شأواً ليس بالهين
واصل امتاعنا بماتجود به قريحتك بارك الله فيك وحفظك.

يسعدلي هالراس يابو عادل

دائما تواجدك في صفحتي يسعدني ويزيدني حماس

لا خلا ولا عدم يا شاعر القبيله

الله لا يحرمني من طلاتك

[سنا الهجرة]

صح لسانك يا سنا الهجرة
شاعر كبير صرت احب الشعر من قصايدك

أحبك الله يا أبا تركي

لي الشرف ان تكون من ضمن من تواجد على متصفحي

لا حرمنا من طلاتك يالغالي

[سنا الهجرة]

وش عاد نقول وش عاد ماعاد بعد هذا الفن من تعداد

الله الله عليك ياسنا الهجره

لا تقول ولا تعيد

انا بتواجدك سعيد

يكفين أرى معرفك على صفحاتي

وهذا فخر لي

لا عدمتك

[ابن عرب]

صح لسانك وقواك ربي

[ابو الثعالب]

انت مبدع حفظك الله تعالى

[سنا الهجرة]

صح لسانك وقواك ربي

صح بدنك يا بن عزاب

شاكر مرورك
لا عدمتك

[سنا الهجرة]

انت مبدع حفظك الله تعالى

شاكر مرورك يابو الثعالب

ولا عدمتك

[أبو عبدالرحمن]

سنا الهجرة : يا خالي...
سمعتك تقول لابن داخل ...وأنا خالك ـ !!!

[ما عندكم أحد]

ماعنكم أحد
والله وانا خالك ما عاد أدري أنا خال مين فيكم

لكن حضورك يشرفي على أي حال
وانا معاكم باذن الله على طول
لا عدمتك يالغالي

أنا أتكلم عن نفسي وما علي من غيري
وأنا أشتري خوالة رجال يا خال

[مشاكس]

أيوه ياخال
الليل بس
دس لي قصيده كما هذي
وارسلها خلني أتنومس بها عند الرياجيل
الظاهر انك أخذت كل شي ماخليت لنا الا المشاش
صح لسانك
وأنتظرك على الخاص

[سنا الهجرة]

أيوه ياخال
الليل بس
دس لي قصيده كما هذي
وارسلها خلني أتنومس بها عند الرياجيل
الظاهر انك أخذت كل شي ماخليت لنا الا المشاش
صح لسانك
وأنتظرك على الخاص

هذي يبيلها علوم وانا أخوك
بس انت والله ما عليك زود ابد شاعر لا يشق له غبار



لكن الغالي يرخص لك لو تطلب عيوني يا عيوني

[سنا الهجرة]

سنا الهجرة : يا خالي...
سمعتك تقول لابن داخل ...وأنا خالك ـ !!!

والله ما عاد أدري كل البلا من بن داخل ما عطاني العلوم زين

[سنا الهجرة]

أنا أتكلم عن نفسي وما علي من غيري
وأنا أشتري خوالة رجال يا خال
هذا وانا خالك يزيدني شرف

واللي مثل ينسند به الظهر

لا عدمتك