اهداء للشاعرالعلم ابن داخل

[سلطان الثبيتي]

ياالله ياخلاق ياعالم الكون =يامسلم الارزاق شرق وشامي
انا نويت الذيب بطروق والحون=يستاهل الترحيب واحلى سلامي
مني تحيه لابن داخل يادندون=ياللي على الطالات تم وتمامي
للجود شيخا والكرم فيه مقرون=والطيب والاخلاق والاحترامي
كل الصفات الطيبه فيه تلقون=هذاك ابن داخل عطيب المرامي
ياجعل من عقبك في الجنه يكون=ويصير في الدنيا رفيع المقامي
وختامها صلواعدد ما تهرجون=واعداد نبت الارض فيها الخزامي

[فـارس الحـرف]

كفو يا سلطان للطيب

وبن داخل كفو كفو ويستاهل البيضاء

الله يعوكم جميعاً
قصيده شيخه

[أبو عبدالرحمن]

صح لسانك يا سلطان..

وبن داخل يستاهل كل خير..

[سنا الهجرة]

تستاهل وانا خالك هذي القيدة الطيبه من سلطان الخير

[بن داخل]

بيض الله وجهك ياسلطان
ومثلك مانستغرب منه هذا الخلق الرفيع

[@ بن سلمان @]

صح لسانك يا سلطان

وبن داخل يستاهل كل خير

[أبو علي]

بيض الله وجهك يا سلطان ، راعي الطيب عزالله ما ندمنا فيك وهذا وسام لك مدح بن داخل لان بعض الرجال ليا مدحته دليل على طيبك وانت راعيه يا سلطان ، بس ودي تزيد تقول قصيدة وتمدح بها رجال ما هو ضني غايب عن ذهنك هو يستاهل وانت تقدر .

[سلطان الثبيتي]

بدرالعجمي يعطيك العافيه وافتخر بمرور شاعر مثلك على قصائدي

[سلطان الثبيتي]

ابو عبدالرحمن مشرفنا الغالي الخلوق انت اول من يعلق على قصائدي اشكر لك جهودك المبذوله في تحفيز
الشعار المبتدئين امثالي تقبل تحياتي

[سلطان الثبيتي]

سنا الهجره اشكر مرورك

[سلطان الثبيتي]

بن سلمان اشكرك على مرورك واتمنى ان لا تبخل علينا بقصائدك الجزله

[سلطان الثبيتي]

بن داخل انت شاعر من الوزن الثقيل ليست مجامله انا اقدر الخطوه اللي تمشي عليها ومهما اكتب لا اوفيك ماتستحق لانك ملك المحاور وهذا ماسمعته عنك ورات عيني واشكر لك الرد السريع #

[سلطان الثبيتي]

حي الله الخال الكريم بن عزاب اسعدني حظورك ومتا بعك لقصائدي المتواضعه واجب عليه اهديك قصيده
تستاهل الطيب واكثر

[خوي الموت]

صح لسانك ياعتيبي وبن داخل شاعرنا

[الشيهان]

صح لسانك ياسلطان الثبيتي

قصيده جزله تدل على شاعريه قويه لكاتبها

[حماد الثمالي]

والله ونعم بالمادح وبالممدوح