مشيلح _ إستلم

[عوض بن سلمان]

يالله إني طلبتك فالهدى يا ولي العالمين =العرب ينقدون الشايب ليا مشى ف قصر ثوبه
والله اللي خلف عبده ويرضى بثوبه لو قصر=حلها بالحكم يالشاعر اللهي جوابه لولبي

[مشاكس]

الليل يامشيلح جات خنقتك
الحمد لله اللي جا اليوم اللي أشوفك فيه بين صرس وناب ابو شرف

[أبو عبدالرحمن]

صح لسانك / عم عوض

لا تخاف يا مشاكس ..يا أبو ضرس..

أبو عادل : قدها وقدود...

[أبو علي]

وينك يا مشيلح لا تبطي عمنا عوض ناويك الليلة وتراني ماني في صفك انا في صف عمنا عوض ،

[ابو عادل]

والله ماعاد انا داري عن الدون من والعال مين
يكفي الشايب اليامات جا من بكى والا رثوابه
والعذر مااقبله لو قلت ابهدم حصن وابني قصر
وانا ماعاد ابرعى الصور واصبر عليها لولابي

[ابو عادل]

هذي المرة نويت اسبقك بالبدعة يابوشرف ولاتزعل مني ولو قطعت الاشارة
استلم طال عمرك:


ياسلامي لبن سلمان حيث ان له فالشعر بـــاع
لاظهر مثل نجم سهيل وان غاب مثل المشتري
ماقعد ينتظر فزعة ونزعة ولاهوفي حــــــــــرا
والقدر لووقف فوق الثلاث الاثافي طاش طاش
حلها ياولد سلمان والا فانا حــــــــــــــــــــلاّلها

[سنا الهجرة]

أبو عادل هذا التعدي ما نرضاه

مرررررررررررررررررررررررررره


أبن سلمان وش رايك بهذي

انا أشوف انها ما تمشي

الا ان كان انت تبي تمشيها بصرك

قولوا ملقوف بكيفكم بس انا أشوف انها بدع من ابو عادل

وانا ادري ان لها مغزى من ابو عادل بس يا هل ترى يعدي ولا ما يعدي


هاااااااااااااااااااااااااه

لعلها بدعه حسنه

واصلوا والله معاكمممممممممممممممم

وانا الليله في صف أبو عادل الين الفجرررررر

[المستشار]

يعطيكم العافية

[@ بن سلمان @]

هذي المرة نويت اسبقك بالبدعة يابوشرف ولاتزعل مني ولو قطعت الاشارة
استلم طال عمرك:


ياسلامي لبن سلمان حيث ان له فالشعر بـــاع
لاظهر مثل نجم سهيل وان غاب مثل المشتري
ماقعد ينتظر فزعة ونزعة ولاهوفي حــــــــــرا
والقدر لووقف فوق الثلاث الاثافي طاش طاش
حلها ياولد سلمان والا فانا حــــــــــــــــــــلاّلها

يعطيك العافية يا بو عادل
يعجبني قلب الطاولة وانت حققت لي شيء في نفسي

[مشاكس]

في صف ابو شرف
والغلبة لنا على أعدائنا
اقلب الطاوله والا ردها
الميل عليك

[مشقاص]

انا في صف ابو عادل
وعلى القوة ويعطيكم العافية

[عوض بن سلمان]

يا مرحبا يا شاعر قد شرا فيها وباع
نحمد الله دام أنا وياك نقدر نبيع ونشتري
اطلب الله فستره مثل ما أنجا محمد في حرا
لا تسمّع على تمثيل مريم ولا في طاش طاش
بعد بكرة بعينك يا ولد بركي تحلا لها

[عوض بن سلمان]

يا الله ياللي خلقت الإنس من طين وأخزيت الجنون
والشياطين من نار ولهب لين صارت كوم جن
والبشر يستعيذ بالله من كل شيطانٍ و جني
كم بشر نعرفه صاحي مصحا في الأرض انجن به

[ابو عادل]

أذكر الله يابن سلمان والجن سرّوا يعجنون
وانا قاري عليهن سورة الغاشية من يوم جَنّ
يقطع الجن ماشافت على دربها قاري وجَنّي
بكرة الصّكّ في راسك لياشفت جني جنِّبه

[ابو عادل]

الوقت ضيق مايمديني يابوشرف اصلح البدع وعندي مشوار
لكن الله يعينك تصلح بدعة ثانية وانا اذا جيت ارد .
ويمكن في وقت متأخر
لاعدمتك يابوشرف.

[الساعدي]

بيض الله وجهك يابو عادل انت وابو شرف
انتم قمة المتعة

[سنا الهجرة]

مستمتعين بعمالقة المحاروة

واصلوا
واحنا معاكم على الخطططططط

[حسن عابد]

انتظار

[عوض بن سلمان]

والله إنك يابو عادل بنيت القصر من طابقين
من سكن فالبيوت الطيبة لا يذل ولا يهاب
ما يعمر يقولون العرب فالديارإلا حصاها
علم اللي سمع واللي بعد ما سمع زد علمه

[سنا الهجرة]

علم اللي سمع واللي بعد ما سمع زد علمه


ياسلام عليك يا عم عوض

[ابو عادل]

حذف للتكرار

[ابو عادل]

كل الإخوة الذين حضروا والذين في صفي والذين في صف أبوشرف
لهم مني الشكر ولكم علينا حق الرد بشكل منفرد كل على حدة ولكنني أستميحكم العذر
لضيق الوقت وكثرة المشاغل وأنتم خير من يقدر الظروف مع العلم بأن صفي وصف أبو شرف واحد
فمن وقف معه أعتبره معي أيضا .
أكرر لكم الشكر والاعتذار وفقكم الله.
شكر خاص لأستاذنا ومعلمنا صاحب التجربة الطويلة والفكر المتّقد أبو شرف الذي أتاح لنا فرصة مجاراته
والاستفادة من تجربته الشعرية المديدة نتمنى له دوام الصحة وراحة البال وأطلب منه العذر فيما لايليق
بمقامه الرفيع فماأنا الا مجتهد فإن أصبت فذلك توفيق من الله وإن أخطأت فمن نفسي ومن الشيطان، ولكن حسبي أنني أجتهدت.
.
.


قالوا اهل التجارب لوتطيب البشر ماطــــــاب قين
الذي يعشق الزّلاّت واقلها قولة يهـــــــــــــــــــاب
والذي عدّ واحصى لك بقي علم ثاني ماحصــــــاه
والمريض اعزله وان خفت تنسى وصوفه علّمه

سبحانك اللهم وبحمدك. أشهد أن لااله الا أنت . أستغفرك وأتوب اليك.

[ابو عادل]

قالوا اهل التجارب لو تطيب البشر ماطاب قين
مايعود عن الزلات واقلّها قولة يهاب
والذي عدّ واحصى لك بقي علم ثاني ماحصاه
والمريض اعزله وان خفت تنسى وصوفه علّمه