حب وعصاغير......

[النادر]

المعذره على التاخير والانقطاع ولمصالحة حروف العتب لكم آخر ماكتبت ولم انشره في غير هذا المكان من قبل ...........



مبطي وشعرك مابداله مظاهير=والبدو دوم رحالهم مشعفانه
ياشاعر ٍ دايم حباله على بير=وش آخرة جبد الدلى وميحانه
ومتى تحلب ام الديود المصارير=كم لك شهر ماجبت لو كان دانه
ياناشدي وشلك ووش للمشاوير=العد راهي وانت راعي ميانه
خللك من حساب الخرز والمخاسير=كم سبحة تحتاج فك وصيانه
غيري يوردها وذودي مصادير=وتشبع نياقه من دحيس البطانه
وانا لياسرحتها فالمخاضير=ترعى زهر نوير زان قطفانه
واليا حلبت بكارها والمصاغير=نقري لبنها لكل راعي أمانه
الشعر صرف ٍ مثل صرف الدنانير=ماينصرف في كل حانه وخانه
واليا استوى عند العرب شعر وشعير=يشوم عنها كل ضلع وتكانه
ومادامها حب وشوية عصافير=والله ماثور بندقي في سمانه
تنشد.! ورى مبطي لسوق المظاهير=من القصيد اللي جديد سمانه
بلاي يالصاحب../ جموع وطوابير=وكل ٍ يوصي صاحبه في حصانه
احد ٍ يخيّل له غدا سالم الزير=مطلق لشيطان اللقافه عنانه
واحد ٍ بدع له منصب ٍ كنه أمير=يامر وينهى من طوارف لسانه
واحد ٍ على العالم يحد السواطير=لسانه اطول من ظليعات ابانه
عفت القصيد وقلت يالله عسى خير=يعيب من هو عابوا اللي وزانه




تحياتي / النــــــادر

[ما عندكم أحد]

غبت وجيت الغايبة
حياك الله

[سلطان الثبيتي]

صح لسانك قصيده رائعه جدا تقبل مروري

[سنا الهجرة]

صح لسانك يالنادر

والمعنى ببطن الساعر


قصيده جزله لكن من المقصود ؟؟؟؟؟؟؟؟

[ابو عادل]

من حيث المبنى
قصيدة جميلة بلاشك
من حيث المعنى ؟؟؟؟؟؟؟؟حب ؟؟؟؟؟؟؟ عصافير؟؟؟؟؟؟؟
الله يخارجنا.
صح لسانك ياالنادر.

[فؤاد طرطشلي]

#


# يا فؤاد اترك كلام البدو .واجلس مع الحضر ـ تحرير المشرف الفني ـ

[{بعيدالنظر}]

المعذره على التاخير والانقطاع ولمصالحة حروف العتب لكم آخر ماكتبت ولم انشره في غير هذا المكان من قبل ...........



مبطي وشعرك مابداله مظاهير=والبدو دوم رحالهم مشعفانه
ياشاعر ٍ دايم حباله على بير=وش آخرة جبد الدلى وميحانه
ومتى تحلب ام الديود المصارير=كم لك شهر ماجبت لو كان دانه
ياناشدي وشلك ووش للمشاوير=العد راهي وانت راعي ميانه
خللك من حساب الخرز والمخاسير=كم سبحة تحتاج فك وصيانه
غيري يوردها وذودي مصادير=وتشبع نياقه من دحيس البطانه
وانا لياسرحتها فالمخاضير=ترعى زهر نوير زان قطفانه
واليا حلبت بكارها والمصاغير=نقري لبنها لكل راعي أمانه
الشعر صرف ٍ مثل صرف الدنانير=ماينصرف في كل حانه وخانه
واليا استوى عند العرب شعر وشعير=يشوم عنها كل ضلع وتكانه
ومادامها حب وشوية عصافير=والله ماثور بندقي في سمانه
تنشد.! ورى مبطي لسوق المظاهير=من القصيد اللي جديد سمانه
بلاي يالصاحب../ جموع وطوابير=وكل ٍ يوصي صاحبه في حصانه
احد ٍ يخيّل له غدا سالم الزير=مطلق لشيطان اللقافه عنانه
واحد ٍ بدع له منصب ٍ كنه أمير=يامر وينهى من طوارف لسانه
واحد ٍ على العالم يحد السواطير=لسانه اطول من ظليعات ابانه
عفت القصيد وقلت يالله عسى خير=يعيب من هو عابوا اللي وزانه






تحياتي / النــــــادر



ماشاء الله عليك
نص نادر وآنت بلاشك ابو النوادر والروائع
صح الله قلبك وفكرك
شكراً يليق بهامتك ورقيّك

تقديري

[العنكبوت]

المعذره على التاخير والانقطاع ولمصالحة حروف العتب لكم آخر ماكتبت ولم انشره في غير هذا المكان من قبل ...........



تنشد.! ورى مبطي لسوق المظاهير=من القصيد اللي جديد سمانه
بلاي يالصاحب../ جموع وطوابير=وكل ٍ يوصي صاحبه في حصانه
احد ٍ يخيّل له غدا سالم الزير=مطلق لشيطان اللقافه عنانه
واحد ٍ بدع له منصب ٍ كنه أمير=يامر وينهى من طوارف لسانه
واحد ٍ على العالم يحد السواطير=لسانه اطول من ظليعات ابانه
عفت القصيد وقلت يالله عسى خير=يعيب من هو عابوا اللي وزانه




تحياتي / النــــــادر

اتسائل عن سبب البعض في التسائل عن سبب القصيده وكأنهم لم يقرؤ ما اقتبسته من القصيده

يعطيك العافيه النادر
فانت ناقدا ناقما على كل ما يسيئ للذوق العام
تتبعت جميع قصائدك اغلبها يدعو الى الارتقاء فاستمر بهذا الارتقاء لعلك تجد اذانا صاغيه

دم بخير

[النادر]

ماعندكم احد

الغايبه ماغابت الا من عقول اصحابها

هنا شعر فقط لمن يقراء

تحياتي لمرورك


النادر

[النادر]

سلطان الثبيتي

صح بدنك ولاهنت ياراقي


النادر

[النادر]

سنا الهجره

شكرا لك مرورك اخي

لابطن ولاظهر المعنى في طيات النص لمن يقراء

تحياتي/ النادر

[النادر]

ابو عادل

انت تكون من حيث المبنى جيده فهذه منك هديه

وان تكون من حيث المعنى **** حب****وعصافير

فلا اشك انك لم تفهمها ........ وانت ممن يسعدني بقائه بجانبي

تقبل شكري واحتراماتي

النادر

[النادر]

#


# يا فؤاد اترك كلام البدو .واجلس مع الحضر ـ تحرير المشرف الفني ـ


فؤاد

يبدوا انه كان هنا بعض العقلاء في زمن قل فيه المتؤدبون

شكرا للمشرف والقائمين على الاخلاق


النادر

[ما عندكم أحد]

ماعندكم احد

الغايبه ماغابت الا من عقول اصحابها

هنا شعر فقط لمن يقراء

تحياتي لمرورك


النادر

نعم هنا شعر وهناك شعير
حب وعصافير
بودي انك اغتنمت صيفنا وشاركت بها في سوق ##### عفوا سوق عكاظ

[@ بن سلمان @]

المعذره على التاخير والانقطاع ولمصالحة حروف العتب لكم آخر ماكتبت ولم انشره في غير هذا المكان من قبل ...........

احسنت اختيار المكان للنشر الاول
قديمك نديمك لو الوقت اغناك , وفرصة لابناء عمومتك لقراءة فكرك
لا تحرمنا تواجدك فالمبتدئين لدينا كثر وهم في حاجة الى النقد والتوجيه

[النادر]

بعيد النظر

انت ممن اهتم للاطلاع على رائيهم
شكرا لك اطراءك على النص وشخصي

تحياتي

النادر

[النادر]

العنكبوت

يكفيني ان هناك من يقراء بصفاء مثلك اخي

شكرا لك الايضاح وشكرا لك صفاء فكرك وقلبك


النادر

[النادر]

ابا هبه

كنت اتمنى ان تكون اول الواصلين لعلمي انك من اوائل المطلعين

لكن مرورك يرفع العتب ..... شكرا لك هذا الفكر....


النادر