طرد الخفاش في قضية فؤاد ومنقاش

[أبو عبدالرحمن]

في الزمان والمكان المحددين
اجتمعت هيئة النظر بأصحاب القضية ..
المدعي والمدعى عليه ومن يمثلهما
وذلك لسماع الدعوى والبينة من أطراف النزاع
بدأ المدعي ـ وكالة : المحامي : مشاكس ـ وقال ما أقوله كلام موكلي ( فؤاد ) وأخذ بسرد دعواه التي قال فيها :
يا حضرة القاضي . وحضرات السادة المستشارين ..
إنني أتقدم بدعواي دي ضد أخو أمي خالو ( منقاش ) والذي أخذ بغير حق ميراث أمي الغالية الحنون ( عصرية ) - الله يجعل الطوبة اللي تحت راسها من الجنة – ومنعني أنا ولدها وضناها وفلذة كبدها من هذا الحق بعد ما راحت وولت .. فبأي حق يمنع حق الله في الميراث ؟!!

حضرة القاض : وحضرات السادة المستشارين ..
إنني أناشد عدالتكم بإعادة الأمور إلى نصابها 24 حصة قصدي إلى وضعها الطبيعي ، حتى ياخد كل واحد حقه ومستحقه من غير أنّة ولا منة .
انا ميراثي من أمي عصرية استراحات كتيرة . يعني بساتين وركبان.وفلوس الغلة والدخل من هده الاستراحات لمدة سنتين ...

وبعد استماع الدعوى من المدعي...
طلبت من المدعى عليه الرد على الدعوى ،وهو الشيخ : منقاش
يا منقاش: من هذا الذي رفع عليك دعوى .
منقاش : هذا خليل الخاتمة .وهذا الحضري التعبان . والله لو كان موجود اللي ما فيه خير . لبطيت في بطنه !
منقاش . ما اسم اختك؟!
منقاش : حضرة القاضي . انا مازلت احترمك واقدرك . وهذه علوم ما نعرفها . والعيب ما يجي منا . الحرمة والكرامة ما نقول اسمها !!
وشوف يا قاضي زبدة الكلام..( وأخذ يشد حزام بطنه . وسمعنا صوت لا ندري ما هو!!!)
يا قاضي يا قاضينا .. ياللي بالحق ترضينا ..

خلك من كلام وعريضه هالواد لأنه ما عنده سالفة طال عمرك ، القضية سهلتن وبسيطتن وما يحتاج لها نظر ولا دعاوي ولا شكاوي .
الحين من متى البنت تاخذ مال أبوها وتعطيه للغريب ؟!! المال مال أبونا والغرب أكلونا ..
أم الولد المعصي هذه .
من هي يا منقاش؟؟!!
منقاش : عصرية ذي – أكرمكم الله والسامعين والحاضرين – كانت عندنا بالبيت لين ما جاء أبو ذا الوالد اللي اسمه ( طرطشلي ) وخطبها رديناه ورفضناه لأن البنت عندنا ما تطلع من جماعتها ، لكن هي قالت : ما أبي ألا هو ، قلنا لها باللي ما يردك أنت ورجلك وعيالك .. وراحت معاه وماتت والحمد لله
وشرطنا عليها إن وافقت على هذا المتعوس ليس لها حق في الميراث!!
الحين وش لها من ورث أبوها ؟!! .. الورث بس للرجاجيل .. البنات والأخوات مالهم شي أبد ، واللي يدور عليها فؤادووه مو عندي ، يروح يدوره في غير ذي الديرة ، هذا علمي وسلامتكم ..

لما سمعنا هذا الكلام من المدعي عليه ( منقاش ) تفاجأنا بالمنطق الذي يتكلم به حيث إن فيه الكثير من المغالطات والانتهاكات .وهي من الأعراف القبيلة . التي محها الإسلام بتعاليمه السمحة ..
لذلك قلنا له :
اسمع يا منقاش .. والعلم عندك تراه ماش ..
الكلام اللي قلته مه صحيح ..
منطقك هذا لا طيب ولا مليح .. والحق لزوم يبان .. في كل زمان ومكان .
ترى دين الإسلام حرم ظلم المرأة ، وجعل هذه جريمة عظيمة في حقها ..

وبعد النظر في سماع الجميع..رأينا تأجيل الحكم على هذه القضية...وأعطاء منقاش فرصة ..
وكذلك سماع مجموعة من الشهود الذين تغيبوا عن حضور الجلسة...
وسوف يكون الحكم بإذن في الجلسة القادمة..ويكون فيه إعادة الحق لأصحابه بإذن الله..

[أبو عبدالرحمن]

ملاحظة بسيطة..
تم كتابة النص بلسان أصحاب الدعوى..من أجل ذلك كثرة الأخطاء الأملائية!!!!

[بن داخل]

والقاضي ابو عبد الرحمن طول باله علىهم جزاك الله خير

[منقاش]

ألاوله يا فضيلة القاضي الصوت اللي سمعتوه يوم شديت حزامي كان صوت الشكمان لأني غيرت التعشيق وشديت الحزام حاسب حساب طلعة الهروج وطلع اللي سمعتوه.
وليتها بقيت على حد الصوت ,, لالا .. فيه علوم ثانيه طلعت مع الصوت ,, بس خلها مدمدمه , والله يكون في عون من ينقيها ويردها بيضاء .
أما الواد فؤاد فنا رجال لا أنكره ولا أعترف بقربه واطلبك يا فضيلة الشيخ تطلبه يثبت قرابته لعصريه وقرابة عصريه لمنقاش وبعدها تسمع جابه ثانيه أقوى من اللي سمعتها يوم شديت حزامي .

[الشيهان]

الله اكبر عليك يامنقاش

هالحين تعيبت من ذكر اسم اختك وقلت انه عيب وقلنا ماشي بحكم جهلك والتخلف المطبق على ضهرك

ثم تقول الله يعزكم يوم تقول اسم الحرمه وكنك ذاكر شي نجس والعياذ بالله وقلنا هذي تلحق اختها

وانكرت حقوق النسوان في الورث اللى شرعه ربنا من فوق سبع سمواتٍ طباقا وقلنا الجاهل عدو نفسه

وذلحين تنكر نسب الرجال ونسب اختك ياقليل الشيمه والقيمه وثمالة من علوها الين اسفلها يعرفون ان عصريه اختك من يوم هي في بطن امها

اقول ترى زودتها وانا اشوف ان القاضي اقل مايحكم عليك بضرب عنقك بالسيف الاملح تعزيرا لانك من المفسدين في الارض والله الهادي الى سواء السبيل

[@ بن سلمان @]

منقاش . ما اسم اختك؟!
منقاش : حضرة القاضي . انا مازلت احترمك واقدرك . وهذه علوم ما نعرفها . والعيب ما يجي منا . الحرمة والكرامة ما نقول اسمها !!
يا قاضي يا قاضينا .. ياللي بالحق ترضينا ..
خلك من كلام وعريضه هالواد لأنه ما عنده سالفة طال عمرك ، القضية سهلتن وبسيطتن وما يحتاج لها نظر ولا دعاوي ولا شكاوي .
الحين من متى البنت تاخذ مال أبوها وتعطيه للغريب ؟!! المال مال أبونا والغرب أكلونا ..
أم الولد المعصي هذه .
من هي يا منقاش؟؟!!
منقاش : عصرية ذي – أكرمكم الله والسامعين والحاضرين – كانت عندنا بالبيت لين ما جاء أبو ذا الوالد اللي اسمه ( طرطشلي ) وخطبها رديناه ورفضناه لأن البنت عندنا ما تطلع من جماعتها ، لكن هي قالت : ما أبي ألا هو ، قلنا لها باللي ما يردك أنت ورجلك وعيالك .. وراحت معاه وماتت والحمد لله
وشرطنا عليها إن وافقت على هذا المتعوس ليس لها حق في الميراث!!
الحين وش لها من ورث أبوها ؟!! .. الورث بس للرجاجيل .. البنات والأخوات مالهم شي أبد ، واللي يدور عليها فؤادووه مو عندي ، يروح يدوره في غير ذي الديرة ، هذا علمي وسلامتكم ..

ما بعد هذه اثبات يا منقاش
الا ان كانك تشكك في القاضي

[فؤاد طرطشلي]

اش فيها لما الراجل يقول اسم امه والا اسم اخته
عندكم انا يا بدو
اسم امي عصرية
اسم مرتي شيري
اش فيها لما اعرف اسم مرتاتكم
واخواتي فتو وفتحية
وكمانه اسماء امهات المؤمنين كلنا عارفينهم واسماء الصحابيات
اقول يا بدو خلوها بساط احمدي

[منقاش]

يا ولدي يا واد فؤاد لا يغويك المغويه أمثال ابن داخل وابن سلمان وابو أمجد .
يا ولدي ترى أمك يتيمه مات ابوها وامها وربيناها , يعني مقطوعه من شجرة ولا أدري الشجره اللي أنقطعت منها هي حماطه والا طلحه , الله أعلم .
صحيح أمك أختي من الرضاعه واختي في الأسلام لا أقل ولا أكثر , وانتبه خلك رجال واترك عنك كلام المغويه والملويه ,وعيب عليك تجيب أسم أمك في درجان الحكومه.
وانت يا قاضينا ترى القضاه ثلاثه , الأول منهم مات في عصر الصحابه والتابعين ولا بقي حتى زمانك الا أثنين , وختامها ترى لك واجب أبغيك تجيني له في الديره والا رايح أجيبه الى على حدك , الله لا يحدك على قاضي .

[بيقبن بن فنحاص]

يوجد لدي لبس في ماهية الصوت الذي صدر من منقاش وهو يشد جزامه وسبب صدوره ,, هل من توضيح ؟؟.

[بن داخل]

يا بن سلمان
الموضوع واضح من كلام منقاش من أول
الرجال الظاهر انه حقاني قال لكم باللسان الفصيح
ان البنت عصريه كانت عندهم في البيت
ولم يقل لكم انها اخته وقال لكم ان الحرمه لا تنقل مال ابوها يعني انها جاتهم ومال ابوها عن اهلها اللي مايدري عنهم وهذا الرجل من كلامه انه ماهو راعي لغوسه
اسمعو كلامه وبعدين احكمو

[منقاش]

تمام عليك يبن داخل , ما تكبك من الدحلسه والدنفسه .
ولا والف لا لكلامك .
وانا لعلمك لغوسي ولا ألغس مني الا مخاوي وانت وابو أمجد وابن عزاب وبوش. لكن ألغس العشره كلهم الرجال اللي يسمونه مخاوي منقاش , هذا الرجال مقطع ونصاب من أكبر النصابين .

[الشيهان]

يالشيخ القاضي الله يطول عمرك اضن الوقت حان لتطبيق الشرع

الدعوه فيها مافيها من الهابي منقاش الحرامي ان صدق وان كذب والثانيه اقرب

اقول يالشيخ ماضنيت انك تحتاج من واحد مثلي شبه عارفه ينورك انت عارفه من يومك

البينه على المدعي واليمين على من انكر

يالله ترزق القاضي بشهود عدول لانها لن عودت لليمين فلت منقاش من القضيه لان الرجال اليمين عنده طارفه على بردعة حماره

وهذي ماهي غريبه عليه ترى عند امثاله من الجهله اليمين اهون من العيب وكلام الرياجيل وضياع الزعيمه

[منقاش]

يبو أمجد أنت ناسي ويش حصل يوم شديت حزامي , (أرجع للصفحه الأولى) , تراه كان أنذار وهالحين القاضي خايف من السلاح الكيماوي يقضي عليه هو والشهود والمشاكس والواد فؤاد.

[ما عندكم أحد]

يبو أمجد أنت ناسي ويش حصل يوم شديت حزامي , (أرجع للصفحه الأولى) , تراه كان أنذار وهالحين القاضي خايف من السلاح الكيماوي يقضي عليه هو والشهود والمشاكس والواد فؤاد.

ذكرتني بقصيدة مشهورة فيها من الغازات ما الله به عليم

[ما عندكم أحد]

يعني مقطوعه من شجرة ولا أدري الشجره اللي أنقطعت منها هي حماطه والا طلحه , الله أعلم .
.

وش تقصد وانا اشهد
كنك تشكك في نسب عصرية ام فؤاد
تقول ما تدري انقطعت من حماطه يعني اختك والا من طلحة يعني لقطه
لكن فؤاد ان علم باللي تقوله راح يصيبك وحده من ثنتين
اما تعترف به وتعطيه حق امه
والا تنكره وهذه فيها قذف
وش يخارجك يا منقاش غير شهادتي

[محب الجميع]

مساكين الولايا في هالبلد اذا انفكت المره من ظلم الزوج مانفكت من ظلم الاخ امثال منقاش .
وبعدين كل ماادخل المحكمه اراجع لي صك . قالو عند القاضي جلسة ورثة .راجعنا بعد شهرين .
حسبي الله ونعم الوكيل .الله يكون في عون فؤاد واللي زي فؤاد.

[زهور الريف]

طيب يامنقاش

صار البنت اسمها عيب
ومالها حق في ورث ابوها
ومالها حق تتكلم
وعيب وتنطم

اصلا ماودي اغلط والا انت واللى زيك من حملة هذه الافكار وجودهم على الارض غير مرغوب فيه

اسمع احذرك وانذرك انك ماعاد تعود لهذي الخزعبلات وتعيش مع ماينطق به الشرع والا لاانسفك بقصيدة هجاء يسمعها من به صمم ويرى حروفها من به عمى عساك العمى انت واللى يمشي بهذه الافكار المعتوهه

ارجع لهذا الرابط في موضوع سابق لي يمكن تتعلم مع العلم انك تعاني من صعوبات في التعلم للافكار النيره مجرد محاولة تطوير لك

اتمنى من اصحاب الصلاحيه تعديل وتنسيق القصيده في الرابط لانها مشاركه قديمه قبل تحديث المنتدى
http://www.thomala.com/vb/showthread.php?t=3989


تحيه وافيه من بنت ريفي =تعم اللي حضر فالمنتدى
أقوله دام جوي فالمصيفي =اعدل من شفاها للهدى
ليا لديت فالعالي المنيفي =تقول الناس روح وانتهى
ولااصيد الضعيفه والضعيفي=ومن صاد الضعيفه مااشتوى
ومبلوسي نضيف(ن)من نضيفي=واذري من يدور للذرى
ومن يمشي على فكري وكيفي=يجيه العز مني والغنى
ومن يقلب موازين الشريفي=يعّزي له تقلب مادرى
زهور الريف علماحد سيفي=تقص لسان من قال افترى
كمامن طاح في فصل الخريفي=وامسى سالفه لاهل القرى
وجاه العلم مصروف(ن)صريفي=وشديت الربط حتى بكى
ومن يمشي على دربه بحيفي=بيشكيني كما قبله شكى
حقوق البنت فالدين الحنيفي=حفضها اللى على العرش استوى
تصان حقوقنا من غير زيفي=ومن يهضم حقوقي مااهتدى
حقوق البنت ماهي شرب كيفي=تعدل ثم تبدل من فتى
يقول البنت هذي لاتصيفي=وذيك البنت تقعد فالشتى
وانا مابغاك تمشي لي كفيفي=ولاكن لاتقول انتي ورا
ابي ما جابه الدين النصيفي=حقوقي ما بها بيع وشرا
اباخذها على مسمع وشوفي=رضي الرجال والا لارضا
يواسيني ابو عقل(ن)حصيفي=حوى اللى فالكتاب المنزلا
وابو العادات والعقل الخفيفي=يقول افكار راعين الهوى
انا قصدي ومقصودي عفيفي=واهل الغي تمشي للغوى

[مشاكس]

أيها المقرود منقاش
ليتك تركتها على الأولى
بس تدري إن نسب عصريه في والدك أثبت من اذنك
وخشمك الأعوج فراسك ياقليل الخاتمة
عصرية تحمل تابعية وقبل ماتموت باسبوع قدمت على
بطاقة أحوال شخصية وكانت ماسكه سرى فالأحوال
لأن الكمرة كانت خربانه وكانو طالبين خبير فرنسي
يصلحها ويقلون يوم أقبل على المطار جاهم خبر إن الطيارات
ممكن تتعرض لعمل ارهابي وعود الرجال التقط شنطته وعدته
واخذ له حمار وقالو ليت انهم ماشافوه مقبل على تبوك من يم
الديار اللي ماتتسمى
المهم ماتت عصريه والمصور ماجا والا التابعية موجوده
وشهودها فيها
وعلومك يامنقاش حطها في خرج حمارك واخرم

[منقاش]

وقعت ولا أحد سمى عليك يا مشاكس , وقعت يالبعيد في سو أعمالك .
وحتى تفهمني زين , يوم الربوع الفايت كنت عند شيخ صاحب لي في الدور الثالث أول أسمه يبدا بحرف العين , وعلمت له عن لغاوسك اللي تلغوس فيها ورد عليه وقال أترك المشاكس عليه يا منقاش وأن ما تنازل عن الوكاله عن فؤاد قدم عليه معارضه في معامله له عندي حتى يجي فاله في ثفاله .
بقية الملاقيف رايح أرد عليكم بس ما هو هالحين لأني مشغول في ضرمة الحمار .ز

[مخاوي منقاش]

والا لاانسفك بقصيدة هجاء يسمعها من به صمم ويرى حروفها من به عمى عساك العمى انت واللى يمشي بهذه الافكار المعتوهه000000
الله يازهور وريه العين الزرقا (لان العين الحمراء خاصة لنا معشر طوال الشوارب لذا خبراء التجميل عمرهم ما حطو عدسات حمرا لانها لا تليق بالعيون النسائية والشيوخ ابخص) واقلها خذي بثار بنت عمك فراشةثمالة ولكن طالبك لا تاصلين العظم ترية ضعيف ولسان بس00

[منقاش]

يا بنتي يا زهور كيف تجرين وتسطين تسبين واحد من كمال ربعك؟ , ومن قال أني ضد النسا ؟؟ , أذا الموضوع فيه نسا أنا مع النسا ضد نفسي .
وترين المروحين مخاوي منقاش والمشاكس نسوان بمعرفات رجال , واللي ما يعرف الصقر يشويه .
أما أبو أمجد وابن عزاب فهم أبطال يوم كانوا يرعون حمير ثماله في الحمى ويشربون حليبها , أما اليوم فهم قلال شيمه ما يحترمون المره مثل يوم يتجوز ابو أمجد ثلاث نسا مسيار مع زوجته , وابن عزاب متزوج زوجتين مسيار على زوجاته الثنتين .
حسبي الله عليهم ما يحترمون الضعايف .

[منقاش]

ما عندكم أحد ومحب الجميع : تروني أحبكم يا هالأثنين وابغيكم تذبون عني صولة الصايلين , واعرف أن شهامتكم ما تخليكم تتركون الشيوخ الفحول مثل منقاش وتروحون مع الشبختان .
أما أنت يا مخاوي منقاش تراني ساكت عنك لأني ما أتنازل أنزل لمستواك وتقول الرجال منقاش يلاغي مخاوي ويرد عقله بعقله , يعني أني أترفع واشوفك مثل الذباب والا بعض الخنافس مثل أبو دربيه أمثال ابن عزاب وابو أمجد والمشاكس ورويعي الكلاب والقاضي اللي يحكم عليه ولا يحكم لي .

[مخاوي منقاش]

اخوي ابوامجد سبق وان قلت لك اني ارحم منقاش وخاصة اذا كثرت السكاكين علية وابي احكيلك قصة حصلت قبل سنتين وهي دليل على ضعف منقاش 00
اتصلت علية من الرياض ابي اسلم ونشده عن احوالة واحوال جماعته طبعا فرح يحسبني ابي اجية يبغي يملي علي طلبات العادة جب هيل وقهوة الى اخره حتى تمتلي الدينا قلت له انا ابي اسلم عليك رايح للصين قال وين الصين قلت باخرالدنيا قال احمار ياصلها قلت لا بس الحمير الادمية مثلك ولا ردعلي اثارية بلعها لحاجة في نفسة ما اطول عليك نشب بحلقي لين وافقت يروح معي طبعا كالعادة اجهز كل شي وتكاليف الرحلة علي وهو يقول الله لايشكر فضلك اذا رجعنا اعطيك حقك ولا ابغي منك هلله وانا عرف انه كذاب00
حصل خلال الرحله مواقف كثيرة منها كنا في مدينة اسمها شندا فيها مول كبير كلة سراميك واطقم حمامات
وهو لاناقة له في البيع ولا الشراء واحيانا مادري الا مجتمعين معاه مجموعة تجار ويفاوض بمبالغ كبيرة ويالله اخلصة من الورطة 0 وقالي ابي اروح اتوضاء وانا قلت تلقاني في الكفي شوب قال خلاص وانا جالس مبسوط(لاتروح بعيد يبن سلمان)الا جاني منقاش وجهه اصفر وش فيك قال لا مافيه شي علمن يارجل الا ويورينن يده منفوخة 00ضربك احد قال لا وبعد جهد قال انه دخل الحمام وكان السراميك اسود وكا الصيني كاب فيري يبغى ينضفه وحاول الصيني يفهمه .قاله ابي ادخل وملعون ابوك ومن يوم حط رجلة بالارض وهو الله لا يبلا صاير مثل حبت الكيرم يحوس والجدران تصاقع فية والصيني يحاول يمسك رجلة ولا قدر 0
وهو يحكي القصة وانا اضحك الين زعل وقال ابي اروح ولحقته وحبيت راسة وتاسفت 000 ووباليل اشتد الا لم علية وخا صة اليد اليمنى ووديته للطبيب وطلع فيها كسر وجبره تجبير عربي قديم والحقيقية كنت مبسوط اول الوقت بس بعدين تاسفت لاني تورطت فية كل مابغى يروح الحمام قال فك سروالي وبعد مايخلص اربطة والبسة الصباح حتى الاكل صرت اوكلة بيدي لانه يقول الاكل باليسري حرام ولين رجعنا وهو على هالحالة وتاليتها يوم وصل الطايف اتصل وقال الله لا يبارك فيك انت ورحلتك 0 وهي والله قصة حقيقية

[ما عندكم أحد]

انت يا بنت الريف
وش فينا حنا يالرجال
اشناب ولحا وستر وغطا عليكم
حيث انك ما لقيتي الرجال اللي يلمك قمتي تطاولين
يا عانس الريف

[منقاش]

المعذره يا اخوان , ترونا نسينا موضوع مهم ذكره لكم فضيلة الشيخ وهو عملية شد الحزام والصوت الغريب الذي طلع او طقع , فيا ترى ما هو ذلك الصوت المزلزل ؟ ومن أطلقه ؟ وما هو سبب ألأطلاق ؟ , وعلى من أطلق ؟.
أعتبروها مسابقة شعبان , واللي يعرف الجواب نبي نلقبه أبو طقعه .
ملاحظه : اللي ما فهم يقرا أول الماضوع ..

[admin]

يا منقاش اللي ماتنحاش
أشوف السكاكين أقصد الرجاجيل والنسوان تعاونوا عليك!
تراني في صفك.
بس وقت شدة الحزام أعطيني خبر . حتى انحاش

[الشيهان]

حياك الله يامخاوي الرياجيل امثالي انا واياك والا منقاش يسلم من هذا الوصف اللى ماهو لايق عليه

علومك غانمه وبدون ماتحلف اصلا انت ماتقول غير الصدق يوم منقاش مايقول غير الكذب سبحان اللى خلق وفرق

تصدق الفرصه جات للصيني الين حده انه يخلص البشريه والكره الارضيه من هذه الكارثه العظيمه اللى اسمه منقاش بس اهل الصين عقولهم خطيره

انا لواني من الصيني يوم شفت منقاش يمحط في السراميك كان لزيته براس رجلي الين انكفت على راسه مع اقرب فتحه وكان طريقه على مجاري الصين العظيم وهيا خله يطلع ان كان هو ابو نقشه

لكن الصيني مؤكد انه حسبها صح وقال الفيران في مجاري الصين تقوم بخدمه جليله في ميزان الحياه في الطبيعه ولن دخل عليها منقاش سوف تصاب بالتسمم وتهلك جميعا وهناك سوف يختل قانون الطبيعه في الصين

قال خله يروح ديرته عساهم يهلكون جميعا والله فيران الصين اهم من منقاش

[زهور الريف]

يا بنتي يا زهور كيف تجرين وتسطين تسبين واحد من كمال ربعك؟ , ومن قال أني ضد النسا ؟؟ , أذا الموضوع فيه نسا أنا مع النسا ضد نفسي .
وترين المروحين مخاوي منقاش والمشاكس نسوان بمعرفات رجال , واللي ما يعرف الصقر يشويه .
أما أبو أمجد وابن عزاب فهم أبطال يوم كانوا يرعون حمير ثماله في الحمى ويشربون حليبها , أما اليوم فهم قلال شيمه ما يحترمون المره مثل يوم يتجوز ابو أمجد ثلاث نسا مسيار مع زوجته , وابن عزاب متزوج زوجتين مسيار على زوجاته الثنتين .
حسبي الله عليهم ما يحترمون الضعايف .

لاتتمسكن يامنقاش مثل عوايدك اذا شفتها حمظت

لن كنت في صف النسوان وهذي عادك زي ماقلت ادي فؤاد فلوسه وحقوقه واعتذر عن كل الكلام حقك في البنات اللي قلته في مجلس القاضي

وان كان هذي مخادعه منك مثل عوايدك انتبه لاتلعب معي ترى اللي يلعب بالنار تحرقه

اما انت ياماعندكم احد والله انك اسم على مسمى

لاتتميلح وتسوي فيها انك خفيف دم وتعرف ترد على الناس وتلاغيهم

انت بالنسبه لزهور الريف مجرد خيال فقط لاحقيقه له على الوجود

بعدين لاتعتزي بالدقن والشارب ترى ماهي علامات الرجوله

شوف بوش لادقن ولاشنب ومسكت الجميع بدون استثناء وانت ابخص

[@ بن سلمان @]

وانا جالس مبسوط(لاتروح بعيد يبن سلمان)الا جاني منقاش وجهه اصفر وش فيك قال لا مافيه شي علمن يارجل الا ويورينن يده منفوخة 00ضربك
ما نيب رايح بعيد
بس اعجبتن النون حقت القصمان واسأل نفسي وين تعلمتها منه يا بعد حيي
لا تقول انكم متقاطين فيها

[المشتاق]

وين الهبش الدبش منقاش ربيب الغيران والعشاش
يا بويه خلصنا واعطي فؤاد نصيبة
اشغلت الاستراحة عندي موضوع ابي انزله
هيا خلصنا لا تتعادى لي اتعادى لك
موضوعي ابعطيك فيه دور بطولة
يالله بسرعة قفل لنا هذا الموضوع

[منقاش]

يا بنتي يا زهور ترين ما معكم يالنسوان بحق وحقيق الا الشيخ منقاش , واذا ما تصدقين قولي لأي واحد فيهم يا حرمه وشوفي كيف يثور ويظهر الحقد اللي في قلبه على النسيونات .
أما أنت يا مشتاق وبقية الربع ترى ما تحتاجون ألا شدة حزام كما اللي سويتها في مجلس فضيلة القاضي وتظلوم شريد من يوم تسمعون الصوت كما الفيران اذا شافت البس .

[مخاوي منقاش]

ما اقبح منقاش اذا ابدى ضعفة 00يوم انك مانت قد المواجه ليه تطول لسانك وقبل يومين طلع تقرير ان اقوى امراة في العلم السيدة ميركل رئيسة وزراء المانيا وانا اقول ما دريو عن زهور وخرشتها منقاش

[الشيهان]

والله ان كان تبي الصدق يامخاوي منقاش البنت هذي ماهي سهله

انا شاعر بس والله ما اتجراء احوم على علومها وانا الشيهان

كيف منقاش اللى ماعنده ذيك الهرجه

الحقيقه ان الرجال انخرش منها خرشه ولاخرشة بعض العرب من كندليزا رايس

ترى انا خويك ابو امجد بس مالي حيل اخرج وادخل مره ثانيه ماهو كسل بس من عيفة منقاش

[مخاوي منقاش]

والله العقل الراجح ماهو عقول بعض الناس يالشيهان وابو امجد هاليومين مريح بس ميزته يطلع بالوقت المناسب كثر الله من امثاله

[زهور الريف]

ياناس لاتكبرون الهرجه

منقاش غلط يوم حقر البنات في مجلس القاضي والرجال يمكن ماكان يقصد ممكن العادات والتقاليد هي اللى اجبرته

بعد اليوم عاد لرشده واعترف انه في صف البنات على الحق اشوف ان الهرجه منتهيه

كان ودي انه يقول ان الكلام اللى قاله في مجلس القاضي كان غلطه ويعترف بالحق الله يهديه الى رشده

[منقاش]

يا بنتي يا زهور : فشر من قال أن النسا ما هم شقايق الرجال , وهو فيه رجال يجمد على كلامه الشارب ما وراه حرمه جمدت شاربه ؟.
وبعدين يا بنتي شوفي اللي ساير في زمانك .
الشبكه ووراها النسوان ولو عند الرجال علم ما سمحوا بها , والزفاف اللي يكلف مبالغ ويخلف أكوام الرز واللحم في المكبات وراه النسوان والرجال طراطير يدفعون قروش ويتدينون ويملون كروشهم وبس .
والدقاقات اللي تكلف ساعتهم أكثر من ألفين ريال واغلبهم تكرونيات وراهم النسوان , والرجال يدفعون وهم يضحكون ولو طلب منهم مسكين مية ريال صعروا فيه وتكلموا عليه ..
يا زهور ما بقي من الرجال الا منقاش وابن فنحاص وراعي السواني والباقين حريم نسوانهم واولهم مخاوي منقاش ورويعي الكلاب والمشاكس .

[مخاوي منقاش]

يازهور ما قلتلك الرجال ما ينفع معاه الكلام الطيب شفتى السب بالنسوان وانهن سبب البلاوي وانتي شاعرة وتفهمينها وهي طايرة نصيحتي لك وللشاعرات امثالك لا تستسلمن فهو يعتبر محاسن الاخلاق ضعفا وشراستها شجاعة والبخل اقتصاد والكذب فذلكة واستغفال الناس ذكاء00قاتلة الله انى يؤفك

[زهور الريف]

مساء النور على كل الحظور من الشيخه زهور

والله شوف يامنقاش كلامك فيه كثير من الصدق وهذي اول مره تقارب الصدق

الحريم لهم دور مهم وهناك رجال كثير ودهم باللي صاير من باب الاستعراض وفرد العظلات ومافيه احد احسن من احد والفلاينه ماهم احسن منا

الهروج اللى قلتها كلها ما انزل الله بها من سلطان وان كان الحريم طالبوا بها والرجال رضيوا بها

ولو مالقيوا الحريم رجال تنفذ ورغبانين ماطلبوا والا مافيه احد يكره الفشخره حتى كبير الخنفره

المهم يامخاوي منقاش ترى انا شاعره صح والنسوان يطلبون كل شي من باب جلد ماهو جلدك اشويه واذا راعي الجلد مستشوي وش علينا منه

الرجال يناقش ونحن ودنا نناقشه بالمنطق وان نطق بغير المنطق منطقناه صح

[بيقبن بن فنحاص]

https://il.packet.me.uk/dmirror/http/alsaha.fares.net/sahat?13@52.j93Ohf1JGHm.0@.3baa5c4f

[مخاوي منقاش]

بكرى تطلع علينا ان منقاش فقير ويعول قبيلة ثمالة ويحتاج للمساعدة طمعه يخلية يعمل اكثر

[الشيهان]

صدقت والله يامخاوي ومثلك ماهو غريب عليه الصدق يوم ان منقاش ماهو غريب عليه الكذب

جاني خبر من مصدر موثوق مثلك وشرواك يامخاوي منقاش يقول ان منقاش الهابي متفرغ لتنسيق جدول الزيارات للمساجد والجمعيات الخيريه في شهر رمضان المبارك

وانه يقول ان شعار الحمله (الصيف لاهل العماير ورمضان لاهل الحماير)

الرجال ناوي شر ولا وده يخربها مع زهور الريف لاتلطه بقصيده يسمع عنها الناس والقائمين على الجمعيات والمساجد ويخرب الموسم قال الاطفها الين نشرب الماء ومن هناك يجي جواب


بعدين ياناس ترونا خرجنا ونسينا الهرجه

حق فؤاد ماجاه ومنقاش يتمخطر حر طليق الى اليوم والقاضي الله ربنا وربه ماعاد له وحي مدري متى الجلسه الجايه ومشاكس عود يخظرط

[منقاش]

يا ليتك يبو أمجد تحضر ومعك مخاوي منقاش وتشهدون مع الواد فؤاد حتى أشد الحزام شده توديكم في داهيه أنتم والقاضي والمشاكس .

[@ بن سلمان @]

حياك الله يا بو امجد انت ومخاوي منقاش وابشركم وصلت عاصمة العرب
والسبت ن شاء الله ابعرض موضوع منقاش وفؤاد على وزير العدل وشوف وش يوجه به

[مخاوي منقاش]

يا منقاش انا ابي ادعيك من اليوم ورايح منقاش الكيماوي وحملة الحزام الي تهدد فيها اسمها حملة طرطشلال(على وزن حملة الانفال)والتنايج تجيب اجلك مثل على المجيد على يد قاضي ظالم مثل العاقل بشهود اظلم مه مثل ابن عزاب وابو امجد وانا طبع0
ابن سلمان الحمد لله على السلامة والرياض نور وفعلا حاسين ان الجو فيه ريحه فواكه الطائف وتكفينا الريحة0

[@ بن سلمان @]

ابن سلمان الحمد لله على السلامة والرياض نور وفعلا حاسين ان الجو فيه ريحه فواكه الطائف وتكفينا الريحة0
الله يسلمك
بس ترى هناك فرق بين الريحة والرائحة
الرائحة مرتبطه بالشيء الزكي
اما الريحة ترتبط بالشيء الكريه
شاهد / نقول رائحة مخاوي منقاش
ونقول / ريحة منقاش

[مخاوي منقاش]

حنا ماهمنا الروائح اوالروايح نحن نبحث عن المصدر الحسي وليس الفلسفي

[@ بن سلمان @]

اذا انتظر الصوت

[منقاش]

الاوله : تستاهل يا فؤاد يوم انك اطعت المغويه وتعلقت في الخفاش (المشاكس) وطلعت منها بلاش.
والثانيه: الفضل يعود لشدة الحزام اللي خلت القاضي يتغيب عن الجلسات وخلت الفاضي مثل مخاوي منقاش وابو أمجد وابن سلمان والمشاكس وابن عزاب يضيعون الدعوه وشهادة الزور ويروحون ورا نتيجة شدة الحزام .

[محب الجميع]

حقيقة انت يامنقاش كنز حربي لايستهان فيه.بس انتبه لسر الصنعة لا يعرفه خويك . مخاوي منقاش .ثمن يطوره ويدمرك بسلاحك ترا الحرب خدعة .
وبعدين الاحظ ان مخاويك انسان طيب يحب الصلح .بس ابو امجد هذا يوشوش عليه الافكار .حاول تجمع الاطراف لصالحك .وانشاء الله تكسب القضية ضد الواد طرطش

[منقاش]

يبن عمي يا محب الجميع : الحقيقه أني أكتشفت سلاح شد الحزام بالصدفه وثارت الزهبه في مجلس الشيخ وفي الخصوم وموكليهم على غفله مني ( يعني غره) .
لكن ظهر أثرها فتاك وخلى القاضي يلعن الساعه اللي عرف فيها دعاوي المشاكس وفؤاد ,ما تشوفه ما عاد يعلق على الموضوع ؟؟.
وبلغني أن المشاكس بعدها أصبح ما يرقد الليل الا بالأكسجين والمهديات ويسري عليه تفجع وتفزز , أما المخاوي فهو كان في المجلس عند القاضي وظهر لي أنه مدمن على أستنشاق الغازات لدرجة أنه لوى خشمه حتى سار مثل خشم أبو كلبشه في مسلسلات دريد لحام أيام زمان .

[@ بن سلمان @]

عن الغيبة يا منقاش
اتق الله لا تاكل في لحم الناس

[رويعي الغنم]

يخواني بلغني أن منقاش تعشى لحم حاشي في الليله اللي سبقت الجلسه وشدة الحزام .
وفي يوم الجلسه أفطر بفول مدمس مع الشطه الحاره والبصل والثوم والحلبه, وختم عليها بشن حماط من المخري, وهذي هي الخلطه السريه اللي طلعت نتيجتها فتاكه .

[@ بن سلمان @]

جعل فالك في ثفالك يا رويعي الغنم
تراني داخل على الله ثم عليك انت وخوياك اهل الغنم
جيت ابشري للثلاجة لقيتكم مولعين فيها الغلا
تروا القناعة زينة والا تروني معود على بنات الماذن

[منقاش]

يبن سلمان المشكله في ريالك نزلت قيمته مع الدولار , ما هي في غنم الرويعي وربعه .
قبل أربعين سنه كانت ستين ريال تجيب لك ذبيحه واليوم الست الميه ما تجيبها .
يعني المية ريال اليوم أقل من عشره ريال قبل أربعين سنه .
شفت كيف تضخمت القروش وزاد عددها وقلت قيمتها بسبب الدولار الخبيث.
ولو قروشكم ريالات فضه والا جنيهات كان ما نقصت شي , ولو كان ريالكم أبتعد عن الدولار أمدي نقصه بسيط وامديك تشتري بميتين ريال ذبيحة والا ذبيحتين ما دام أن ورى الريال بترول ومعادن ثانيه وحج وعمره وزياره ..