مشاهدة النسخة كاملة : نسمع ونسلم
منقاش
10-04-2007, 11:16 PM
يخواني اللي ما جرب الطرد من المنتدى مثل ما جرب منفاش ترونه ثور ما يعرف العنى والمعاناه ولا يدري ويش الحالة الكلابيه للمطرودين , وهذا السبب خلاني دايم أتعاطف مع كل عضو حل عليه غضب المشرفين وأعطوه كما يقول المصرين شلوت على مقفاه وحذفوه مع الطاقه بعد ما كان داخل عليهم مع الباب .
والزبده , أنه أتصل بي اليوم مخاوي منقاش ويقول (أن صدق) أن سبب غياب أقزوز منسم والعمده أنهم أنطردوا من المنتدى بسبب حركاتهم القرعاء ..
وسعلت المخاوي : من وين قش لنا هذا الخبر الشين؟, رد عليه وقال : أنه جابه من عند واحد من المشرفين بعد شبك معه صحبه بشوية تمر , ورفض لا يعطيني أسم المشرف بزعم أنه حريص على سمعتة .
ويزعم المخاوي أن علامة صدقه من كذبه (هو والمشرف اللي بلغه) أن فيه ناس يبي ياخذون كم شلوت بعد رمضان ومنهم أبو أمجد وابن عزاب والمشاكس وابو هاشم ورويعي الكلاب .
ما علينا من ألأخيرين في مية زفت ومية داهيه , أنما المهم طمنونا تكفون على المساكين العمده والأقزوز , وسلامتكم ..
زيد الخير
10-05-2007, 03:08 AM
ابو نشقة.انت ما تركت هذه العادة .
النميمة بين الاحباب .
كم خربت من بيت؟ وكم افسدت زوجة من زوجها!
طردوك أهل الديرة علشان هذه سواتك.اطالب بطردك من كنفورد ثمالة
أظن من ذكرت اسماءهم في مهمة خاصة
الشيهان
10-05-2007, 03:40 AM
مايخسي الا انت يامنقاش
انت وراك تحسب كل الناس زيك
لايحبيبي الدنيا مقامات والا اقول الدنيا بالوجيه
انت يوم انك تنطرد لانك من عامة الشعب في المنتدى يعني وجودك زي عدمك وعدمك احسن
والا نحن علية القوم ترانا فوق النظام ( شغل عربي ) مالك خص ولامن حقك تقول ليه وش السبب
بغيت اهلا وسهلا مابغيت شوف لك دير غيرها
ترى احنا عيال ( المنتدى ) منت كفوا انت ووجهك يالمخيس تحط راسك بروسنا في ذا
فهمت هالحين ليش تنطرد واحناماننطرد وتنحبس واحنا ماننحبس وتدفع غرامة مخالفاتك واحنا ماندفع
ولعلمك ترى حتى فواتيرنا تتسدد على حساب المنتدى الهاتف والكهرباء والمويه وحتى الحفلات الخاصه بعد
وينكتب لنا مؤسسين ومتبرعين واحنا ماندفع شي انت تدفع وينكتب باسمنا ومالك خص
انا ولد ( المنتدى ) انت وخشتك
واحمد الله ان احنا معطينك اللقب وهذا فضل منا عليك
ومالك حق تتحسن احوالك ولاتاخذ شي من ( المنتدى ) لانه حلالنا وانت لك حمار ويخب عليك بعد
عساك فهمت
@ بن سلمان @
10-05-2007, 03:56 AM
كلام خبير ومجرب يا منقاش وكلام واحد تعلم من سواليفه الشينه وترى على فكرة الطرد ليس عداوة أو كرها لكنه تهذيب و تأديب فها أنت عدت وعودك أحمد
أما بن عزاب و أبو أمجد والمشاكس مجتهدون يصيبون ويخطئون ونحسبهم عونا لا فرعونا
سمعت إنك أخيرا إعتمرت فتقبل الله منا ومنك
منقاش
10-05-2007, 05:13 PM
يا مخاوي منقاش يا جبان وراك ما ترد حتى نعرف صدقك من كذبك .
زيد الخير : ويش ذنبي يبن عمي , الكلام اللي قريته ما هو كلامي ,, لا ,, هذا كلام قليل الخاتمه المخاوي .
ابو أمجد : خير , ويش اللي محرق رزك وبصلك ؟ , ومنقاش ويش قال فيك من علم يثورك ؟.
وترى كلامك عن المنتدى زودت عياره وزميت على أبو عبدالرحمن وابو نايف والمبرد وبقية الناس اللي قام المنتدى على أكتافهم ,, أما أنت طفيلي خشيت راسك تبي تاكل من قروش شريط فخر ثماله مع باقي الحراميه وقطاع الطرق .
ابن سلمان : بخصوص العمره سهله وودي كان أعتمر لكن يحول بيني وبينها الماء ما أطيق أتروش به حتى يوم العيد , ما أنا مثل بعض الناس اللي يتروش كل شهر والا شهرين مره , حتى ما بقي الا يتحول سمكه .
@ بن سلمان @
10-05-2007, 05:34 PM
.
ابن سلمان : بخصوص العمره سهله وودي كان أعتمر لكن يحول بيني وبينها الماء ما أطيق أتروش به حتى يوم العيد , ما أنا مثل بعض الناس اللي يتروش كل شهر والا شهرين مره , حتى ما بقي الا يتحول سمكه .
الله يهديك يا منقاش
نجاسة لسان و تجاوزنا عنها لكن نجاسة بدن ( عوذة بالله )
لكن لك نصيحة عندي اذا ما كنت تقبل الماء أو إنه يضرك فلا ضرر ولا ضرار عليك بالتراب دور لك هذيك المراغة وإمترغ فيها على الاقل لو كل جمعة .
الشيهان
10-06-2007, 12:53 AM
يامنقاش
انت باين عليك ناوي شر
انا من يومي وانا ولد عز في هذا المنتدى وهذا حلالنا زي ماقلت لك واحنا المؤسسين وبعدين من قلك ان الشله اللى قلت عنهم حراميه
هذولي الناس ياكلون من عرق جبينهم وحلالهم والا انت واشكالك مجرد اشخاص وجودكم لهدف واحد فقط وهو تسليتنا في كل يوم ترقصون لنا وتغنون وتعرضون وتسولفون ونعطيكم ملاليم وهذا كرم حاتمي منا
عاجبك اهلا وسهلا ماهو عاجبك قطعنا عنك كل الهبات والعطايا واعطيناها لغيرك يقوم بدورك واحسن منك وياما ناس تتمنى رضانا وهذي المكانه اللى انت فيها حتى اسأل حمارك وحمار مشاكس كيف حياتهم في المنتدى وتشوف الاجابه يحمدون ويشكرون ويدعون لنا بطولة العمر وان يمد الله في ارزاقنا الخ الخ الخ الخ الخ الخ
والله انك جبتها ياسلمان وبعدين منقاش اكيد بيروح لمكه على حماره يصير يتمرغون سوا بالمره هههههههههههههههههههه
مخاوي منقاش
10-06-2007, 02:08 AM
يامنقاشانا ماني جبان يا خطاب انا رجال احافظ على حسناتي والله يقيض لي واحد مثل الهمام ابو امجد اطال الله لسانة لكي يلعطك بما لذ وطاب من الكلام الي يحبة قلبك والرجال المشرفين من ابو عبد الرحمن الي اصغر (؟) يعرفوني انسان محترم لا اتعرض احد ولا انشر الفتنة اسال الله العافية وانا ماني من اللي يسحبة خيط عنكبوت (الثقل بالعشر الاواخر زين)00
ابن سلمان / قبل ماكون انا وياك حلفاء قلت لمنقاش ترى اذهن(اذكى) واحد بالمنتدى ابن سلمان وقلت الله والعام ان ذهانة بليس متعلمها من ابن سلمان واذا بغي يسوي شي استشار ابن سلمان لاكن بعد ماصرنا حلفاء غيرت الكلام كلة واقول وانعم ياحليف
منقاش
10-06-2007, 01:34 PM
بن سلمان , ابو أمجد , مخاوي منقاش : اللي مثلي ما يتنازل ينزل من على حماره ويرد عليكم , ومثلكم ما ينحطب ولا ينسقي له ولايقدر يفك الحمار من مربطه , وبالكثير على أجيد واحد فيكم يسقي له عنز .
أشغلتونا عن السعال عن الرجال الكمال اللي تستحق ينسأل عنها وهم أقزوز منسم والعمده , عسى طردتهم عنا في خير .
@ بن سلمان @
10-08-2007, 06:25 PM
تراني طالب الله ثم طالبك يا منقاش
تراني موكلك تاخذ عني عمره دامك اعتمرت واطلب اللي تبي 500 والا 1000 ريال
انا ما عندي اجازة وكل ما اتصلت على مكاتب العمرة يقعدون يتشرطون في يقولون تبي وكيلك بلحية والا بسكسوكة والا حليق ويوم سألتهم قالوا كل شي بسعر
عاد انا ما اثق الا فيك يا بو الفزعات وابيك تجتهد فيها كانها لك
منقاش
10-08-2007, 08:31 PM
ثقتك في محلها يبن سلمان , وزين اللي نصيت رجال راعي دين وراعي قاله وطاله ورجاله, ماهو مثل الهقنقل والطراثيث مثل رويعي الكلاب ومخاوي منقاش والشيهان وصاحب القوارير .
بس يا رفيقي العيد على البيبان , وخلي العمره بعده حتى أتروش للعيد والعمره سوا , وخامس العيد أن كنا من الحيين أمشي للمدينه المنوره أعتمر عنك وعن الجماعه كلهم حيهم وميتهم .
أما الايجار فهو بسيط ولا بيننا وبينك حساب وكيسنا واحد والجيب واحد , بس تراه ما يقل عن عشر من الغنم دفع وبقره والد وجحيش أعسفه حتى لو جاء لحماري واحده من الثنتين الا والبديل موجود , والزياده من كريم مثلك ما يردها الكرام مثلي .
وانتبه , خلي علومك في صندوق لا يدري عنها المخاوي وباقي الشله التعبانه.
@ بن سلمان @
10-08-2007, 09:44 PM
يا منقاش بارك الله فيك أنا سألت وإستفتيت والجواب هو التالي
التوكيل في العمرة والحج
سؤال:
هل يجوز لشخص مقيم في السعودية أن يؤدي العمرة لشخص في بلده الأصلي :
أ)إذا كان ذلك الشخص قادراً على القدوم للملكة حتى لو في المستقبل؟
ب)إذا كان لا يستطيع القدوم للمملكة إما لسبب صحي أو مادي؟.
الجواب:
الحمد لله
لا تصح النيابة عن القادر الذي يستطيع أداء العمرة ببدنه ، ( لو حضر بنفسه ) .
أما الذي لا يستطيع لسبب مادي فهذا لا يجب عليه الحج ولا العمرة ، وإنما تصح النيابة في العمرة والحج عن العاجز عن مُبَاشَرةِ ذلك بِبَدَنِهِ ، والميِّت ، والله أعلم .
فتاوى اللجنة الدائمة 11/52 .
منقاش
10-09-2007, 12:37 AM
يا كبرها عليك يبن سلمان , ما كنت أظن يجي منك مثل هذا الكلام .
أنت يا قليل الخاتمه كاب شيوخ ثقيف وعاير للاجناب ,, وكاب كلامي ورايح تليم لي هروج ناس ما تصل مواصيل منقاش .
@ بن سلمان @
10-09-2007, 03:00 AM
ماش يا منقاش
لا يمكن ينصلح حالك
أنا ما راح أرد عليك خل الرد من الرجال الكمل اللي ما يعيبوني
رويعي الغنم
10-09-2007, 03:13 AM
عشت وبقيت يبن سلمان يوم ترفعت عن هرطقة منقاش ولا نزلت بعقلك لمستوى عقله , والكبير يبقى كبير , ومنقاش يبقى ابو حمير .
ومن متى منقاش يعتمر اللي ما يصلي مع الجماعه , ولعط راعي القوارير في المسجد , وصلى السنه ثلاث ركعات ؟.
العمدة مروق المنقة
10-09-2007, 03:51 AM
سيس ادب خرسيس ولد امجد ولد سلمان
مين انته وهوه حتى تتكلمو مع سيدكم وتاج راسكم منقاش بهدي الطريقة ياواد انته وهوه اوقفوا عوج وتكلموا عدل
استاز منقاش تحياتي واشواقي لك ولحمارك المحترم صدقني ان غبنا عنكم بمشاركاتنا لكن قلوبنا معكم
ابشرك احنا بخير ولا ينقصنا الا قرائة مشاركاتكم المتميزة والمبدعة والتي لا تصدر الا من بدوي فاهم جدا
ولك بالغ التقدير
مخاوي منقاش
10-18-2007, 02:36 PM
الا ياعمدة زمانك يالمنقاوي/ عندك مثل شيري ولا نشتغلك ؟
شبلي أبو الونات
10-19-2007, 03:50 PM
عوذه
انا الشيخ شبلي ابو الونات
اللي وناتي يسمعها القاصي والداني
اقرا للي تسمونه عندكم يا لحضر عمده
يا هم لا لي
العمدة مروق المنقة
10-21-2007, 08:10 PM
سلام عليكم يابدو
ياواد يامخاوي
تحية لك ياراعي العقال المايل
وشيري ترى تمشي على درب وضحى
يابو الونات
ونيت من وجع بطنك يالبعيد
انت لك الشرف انت وكل البدو انكم تقرون لاهل مكة المعمورة
اش عرفك ياواد
انت لسة شبل وسط اسود
ياقعود
منقاش
10-21-2007, 09:26 PM
أبشرك يا عمدتنا المخاوي خوى على راسه واكل له لعطه يتمناها قلبك من واحد من عيال حارة سوق الليل .
والسالفه أن الدايخ مشتري شقه في محبس الجن وكل ما خرج في الشارع طلع اسانه يحسب أنه في النفود , وهاك الليله المباركه قال كم كلمه لبايع بليله فيها شوية طوالة لسان , وبعدها الله لا يوريك . ولا أفتكه من تحت راعي البليله ألا فرقة الدفاع المدني بعد أعطاه من الركب والتمغيل ما يبرد الخاطر .
ولا أقول ألا اللهم لا شماته , وتستاهل أكثر يا مخاوي يا جبان , ويعيش العمده مروق المنقه والمشاكس أبو حمار وعربيه , ويسقط أبو أمجد وابن عزاب ورويعي الكلاب .
أبو عبدالرحمن
10-21-2007, 10:09 PM
يعطيك العافية يا عمدة..
العمدة مروق المنقة
10-22-2007, 12:57 AM
مية ترحيبة لبيت ال منقاش وللمناقيش قلهم
والواد مخاوي العفاريت هدا اكيد انه بيحط عقلة في راسة ويعرف ان العمدة ومنقاش ما ينداس لهم على جرة
وانا اشوف الندم باين على محياه
بعد حيي يامخاوي الجن والعفاريت
ضربوك اهل مكة
معليش هدي دقة وان شاء الله انها بتعليمة يالخوي
والاعضاء الي زكرتهم ياخوية يامنقاش في معرض ردك ما اعرف منهم احد
يعني نكرات بالنسبة لاخوك العمدة
لكن ما ارتحت لهدا الي اسمة بن عزاب شكلة يلعب على الحبلين وبيطيح في سؤ اعمالة البعيد
العمدة مروق المنقة
10-22-2007, 01:02 AM
مشكور يابوعبدالرحمن
انته استاز وسيد الاساتزة كمان
والختم لو اني ما حطيتةعند منقاش عشان يختم لاهل الحارة في غيبتي
تعرف حرام تتعطل مصالح الناس
كان خليتة عندك يابو عبدالرحمن
تحياتي
مخاوي منقاش
10-22-2007, 04:36 PM
اخوي ابن سلمان سبحان من كملك بالعقل والظاهر انك سلبت عقل بناخيك منقاس لو اني شرهت عليك يوم تجيب لراعي الحمير فتاوى الرجال الصالحين ومنقاش والمنقة الفاسدة وراعي الملاريا ابو الونات والي يتكلم حضري ويقول اسكت ياقعود ارجوا ان تتكتك مع هالشراذم وسر وعين الحسود فيها منتو من شغل يد شير الي تساوي الف من شلة منقاش --
اما حكاية محبس الجن هذه ماتمشي علي انا الحمد لله ذكائي فوق 95 (يعني ذكي جدا) وافهمها وهي طايرة ماني مثلك ياللي ماتنصاب الا بالحمامات ماهو في ميادين البطولة والملاحم الخالدة ياقليل الخاتمة والمرؤة0والي يخليني تاركك والاوباش (ارجو من ابن سلمان تفسير كلمة الاوباش لاني مادري وشمعناها) لانها استراحة محارب وفترة صيام الست (رعم انف خياط)ويوم امس الاحد اقول ابغى اروح حايل اشتري لك تمر تقول انت فيك خصلتان يحبهما جابر ومنقاش هما التمر وزيت الزيتون وغيرهما ماتسوى قرش ولكن ماقول الا ماقال نبي الله يعقوب فصبرا
@ بن سلمان @
10-22-2007, 05:23 PM
الحمد لله على السلامة يا مخاوي منقاش
الاوباش جمع وبش بمعنى ان مفردها وبش
والوبش او الوبيش ابن الحصيني والحصيني حيوان يشبه الثعلب ولا هو بثعلب يعني لا يتصف بذكاء الثعلب وان شابهه في الخلقة ( سبحان الله ) .
ولو سألت أبو أمجد تراه أعلم مني في الأمور هذه
شبلي أبو الونات
10-22-2007, 05:42 PM
عوذة
ياهم لا لي
هم متى الحضران حقين مكة يعرفون يضربون
قول يضربون من السوبيا و يتهيا لهم انهم سوو شيء
وبعدين يا المخاوي عندي من الاوباش هذه مسرحها مع الحلال عشان اخوف بها الذيابة تظنها كلاب وان كان انك تبي لك وبشين والا ثلاثة ابشر
منقاش
10-22-2007, 10:39 PM
الحمد لله اللي رد علينا العمده مروق المنقه , واقطع واخس يا مخاوي .
لكن وين المرجوج أقزوز منسم ؟, فتشوا عنه وطلعوه بأذنه من الجحر اللي منجحر فيه .
أبو علي
10-22-2007, 11:34 PM
الناس اليوم اليا شافوا الواحد رايح في حاله ما يتركونه إلا يدخلونه في الشبكة خاصة اليا كانت مثل شبكة ( منقاش والعمده اللي مروق المنقه ) ـ
والله لاخير في العمده ولا في منقاش كلهم حبرتيه ، داجين مالهم حادي ، وانا سرب ها ليومين اتبعد عن ها الاشكال الفاضيه .
والمعذره ابوكلك يا بن سلمان لحيث انك من طرف الشلة ، وتعرف لهم والوكالة بتجيك على البريد .
قائد الطابور
10-23-2007, 12:38 AM
الله اكبر كيف تظهر يا بن عزاب بالطيبه وحسن النوايا والله انك اشبه بالماء تحت التبن زي ما يقول المثل ، ولا وكلت الا بن سلمان بن سلمان ما يتوكل لاشكاللك عنده ناس خاصين يتوكل لهم ، ههههههه .
وانت يا منقاش يا سيد الرجاجيل خلك شامخ تراك لك سمعتك وشهرتك لا يهزك ريح يا جبل ,
منقاش
10-23-2007, 12:55 AM
مسكين يبن عزاب ,, وهو من متى البيضه تداقش حجر ؟.
أنت يبو قوارير ويش يدخلك في علوم الرجال شروا منقاش والعمده وقايد الطابور , والا غرك مخاوي خويت أنت وياه في فم كلب مثل كلب أبو عادل .
وبعدين ليتك خليت قدوتك رجال قدوه مثل العمده ما هو مثل مخاوي ملطشة بياع البليله في محبس الجن .
قائد الطابور
10-23-2007, 01:16 AM
المشكلة يا منقاش ان بن عزاب خبل من يوم عرفته مرة تشوف شكله وتقول يا محسن هالرجال ومرة تقول هذا من ايات ،،،،،،،،،،،،،،،،،،،،،،
وخل بالك الرجال من يوم اخذ الثانية ما عاد يرد للرجاجيل اعتبار مسوي فيها انه ما احد قده ، ابو قوارير .
وبعدين بن عزاب ما سك عليه حاجة اتحداه يواجهني انا خاصه وشوفه زي البس ما يقدر يلف ويدور معي واليا بغيت تمشيه على راحتك عاهدني بالله يا منقاش ومالك الا من خليه في يدك ,, ،
مشاكس
10-23-2007, 12:30 PM
منقاش
أسمعو كلامي
المشاكس كاشف راسه وخرو عنه
وقايد الطابور ماغير يتهدد فالمسكين بن عزاب
اللي لايهش ولا ينش
بس لو بن عزاب يعتزي بي سويت فيه الهوايل
مشاكس
10-23-2007, 12:39 PM
ماعليش
الشيطان حاضر
فار دمي يو شفت المغوضه في بن عزاب
الحقيقه ان خوي منقاش رجال كمله ويجيب العلوم
والاقزوز واللي من طقته يستاهلون الترحيل خارج الوطن العربي
مو بس الطرد ولو يودونهم جزر الوطواط يكون أصرف
قائد الطابور
10-23-2007, 12:55 PM
يا بن عزاب لا تنخدع بكلام مشاكس ، مشاكس يبي يستفزني على شان افشي سرك اللي انت تعرفها ( الفضيحه ) اللي سويتها قبل العام وما دراء عنك الا ربي ويوم الله يبي يكشفك ,
مشاكس : على رسلك ، وخلك من اللف والدوران ( روق ) ( روق ) قبل تطب المساعده من المراقب .
العمدة مروق المنقة
10-24-2007, 12:42 AM
مستر برزدنت منقاش المحترم
تحياتي لك
ارى بعض العقل(جمع عقال) المايلة قد سقطت من فوق روس اصحابها
وارى الحفاه العراة رعاة الشاه قد تطاولوا
ولا اراك الا حجاج ثقيف
فظع عمامتك ليعفرك اهل العراق اهل........و...........
واضرب المربوط ليتعض المفلوت
واحذر الاعراب فهم اشد .........و..........
مستر برزدنت
يقول الشاعر الحضري
لا تامن فروخ الداب لن عاشن وابوهن مات
يجنك بنيابن تنسل كنها انيابه
لك تحياتي سيادة الرئيس
@ بن سلمان @
10-24-2007, 12:48 AM
يا بن عزاب لا تنخدع بكلام مشاكس ، مشاكس يبي يستفزني على شان افشي سرك اللي انت تعرفها ( الفضيحه ) اللي سويتها قبل العام وما دراء عنك الا ربي ويوم الله يبي يكشفك ,
مشاكس : على رسلك ، وخلك من اللف والدوران ( روق ) ( روق ) قبل تطب المساعده من المراقب .
يبدو لي انك حظيت بمتصفح لك خاص بالمراقب وهذه حظوة لم تسبق لاحد
وفر جهدك ووقتك لها واترك الحديث هنا عن المرافب
مخاوي منقاش
10-24-2007, 02:19 AM
ياثمالة العنو الشيطان واتركو فضايحكم بينكم ماهو قدام الناس وانا ارى ان ابوعبد الرحمن (بدون شيخ او القاب) قادر يجمعكم في حوش وتتصارعو كما الديكة لين تتصافون وياكل القوي فيكم الضعيف وانا ارجوكم لا تدخلوني بينكم كل من هب ودب اطرى المخاوي وبعضكم يستدرجني يبغاني اجيبها مطبله وعلي وعلى اعدائي انا يجماعة الخير ضيف وبنجمة تزعلل العين ما يمديني استمتع برؤيتها وانا متورط بمنقاش والمنقة وراع الحمى (بتشديد الميم)ابو الونات وانا ياحلفائي الاعزاء ابشركم بصمود الجبهه ولا احتاج منكم احد الان والقافلة تسير الكلاب تنبح واذا لاسمح الله احتجت شكلنا مايسمى يجبهة الصمود والتصدي بس خلو بالكم من ابن عزاب لا تخلوه لحالة تراه ضعييف والسهام موجهه له لان الثلاثي المذكورين يحاولون اختراق صفوفنا من الجهة الاضعف والا الشيطان المحترم المشاكس اراه في الميدان لوحده وهو كفو بس اوجه نداء لاابو امجد واقول اياك اياك ان نؤتى من قبلك ولا نامت اعين الوباء الثلاثي ارومهم بالمنجيق فخبرتكم باستخدام المنجنيق تمتد لقرون كثيرةياثقيف
مشاكس
10-24-2007, 02:00 PM
ويلك يامخاوي منقاش
ألم تعتبر بحمار منقاش
لك علينا إن طحت في يدينا لنربطك ربط الضب
ونحطك في خرج حمار منقاش ونشهر بك في كل الديار
هون عليك لو تناقرنا كلنا أصحاب قوة متكافئة وأسلحة متشابهه بس
الخوف عليك هههههههههههههههههههههههههههههههههههههه
شبلي أبو الونات
10-24-2007, 06:09 PM
حنا مهتدين يا مخاوي منقاش
وانا تراني خويك يوم الليالي السود تعطيك مقفاها
شوف المشاكس المعاكس ينقلب عليك و يميل في صف منقاش وحماره ويهددك بالويل والثبور
معي هرج واجد لكن ابي اخليه لين اشوف وش يجي به المروح منقاش
منقاش
10-24-2007, 07:34 PM
يالله تكفينا شر عيال الحرام وبنات الحرام .
العمده مروق المنقه : يا راعي الوقفه والصوله والجوله والشون الطويله اللي تطول جماجم الجبناء الرعاديد عدوان منقاش , لك من منقاش التحيه والتقدير ولا نامت أعين الجبناء اللي عارفين أنفسهم .
قايد الطابور : أشكرك على وقفتك مع الحق وكرهك للباطل واهله مثل ابن عزاب والمخاوي وابو أمجد والأقزوز الجبان الهارب من أرض المعركه.
المشاكس : بيض الله وجهك ويكفي أني أنا وياك ركابة حمير (خياله) , ومعروف أنك أذا كشفت عن راسك تحولت الى شجاع أقرع يطيح بكل الروس حتى بوتن ريس الروس , بس لي عتب عليك يوم بغيت تمدح قليل الخاتمه المخاوي لكن سرتني مداخلتك الأخيره اللي هزأته فيها وتهددته بالويل والثبور وعظائم الأمور.
مخاوي منقاش : أيامك الجايه سود وتبي تشوف فيها النجوم قايله وتبي تنخم الشيطان اللي يجر فيك بقرونك .
شبلي أبو الونات : لا بالله طحت ولا أحد سمى عليك من يوم سار حليفك مخاوي خويت أنت وياه في وسط قروش البحر , وترى لن ما تعذبلت من الشيطان وعودت الحظيره رايح يا بعيد تروح في داهيه وتكثر وناتك ولا أحد يترحم عليك.
قائد الطابور
10-25-2007, 01:23 AM
يا منقاش راحت علوم الرجاجيل ، للاسف انه فيه جبناء ، ما هم قد النزلة لمقابلتي ومقابلتك بس انا بسحب قواتي للاسف يوم اني جيت ابصفي حساباتي مع بن عزاب وبن سلمان اه ثم اه يا بن سلمان يدافع عنك المدير ( راعي الاوله يا بو عبدالرحمن ) ادري ان بن سلمان تمكن من قلبك ، عسى اللي اخذ قلبك من غير عيالك واهلك ما يتهنابه ،
أبو علي
10-25-2007, 01:32 AM
يا قايد الطابور الله يمسك بالخير ( اولاً سامحك الله يوم انك تهددني قدام الرجال وتخلي اللي يسوى واللي ما يسوى يضعفني وينظر لي الناس بالضعف ، علما بانك ما معك علوم تبيض الوجه انا ادري بك وبعلومك خلها في صدرك ترى الليال والايام كفيلة بمواجهتك واللي يحسب معك علوم ما عنده سالفه .
عموما : ترى هرج القفا ما ادناه والوشوشه ما تناسبني .
مخاوي منقاش
10-25-2007, 02:36 AM
يالمشاكس وش قلب سنجك ردك الله لعقلك وترا الرجل الموثوق مايغير مواقفة شف صاحب العقل الكامل المكمل ابن سلمان ثابت على الحق والسراط المستقيم وانت تروغ يمين يسار مثل ابليس وانا اهني نفسي والمسلمين عموما بتوبة العبد الصالح ابو الونات ودخولة سفساط الخير فهنيئا لة الصحبة الصالحةوابتعادة عن زمرة منقاش اخزاة الله وعثر به حمارة
اما انت بامروق المنقة لا تتحكحك بالزمل وانت حويشي ولو سمعت منقاش وش كان يقول فيك كان ماناصرته وانت تعرف انه ظالم وامامك باب التوبة مفتوح خلال اسبوع والا خصصنا ابو امجد لاسكاتك ترى عملنا منظم ماهوعمل قايدكم منقاش اللي معتبركم مرتزقه ويعاملكم كخونه لا يثق في احد منكم فعد الى رشدك وكل ماياكل منقاش والسلام على من اتبع الهدى
@ بن سلمان @
10-25-2007, 03:22 AM
يا منقاش راحت علوم الرجاجيل ، للاسف انه فيه جبناء ، ما هم قد النزلة لمقابلتي ومقابلتك بس انا بسحب قواتي للاسف يوم اني جيت ابصفي حساباتي مع بن عزاب وبن سلمان اه ثم اه يا بن سلمان يدافع عنك المدير ( راعي الاوله يا بو عبدالرحمن ) ادري ان بن سلمان تمكن من قلبك ، عسى اللي اخذ قلبك من غير عيالك واهلك ما يتهنابه ،
هلا والله يا قايد الطابور وابو عبدالرحمن من غلانا الاثنين ما يرضى فينا ويقول كبو اللعب اللي ما من وراه الا المناقر والمناحل
يا قايد الطابور الله يمسك بالخير ( اولاً سامحك الله يوم انك تهددني قدام الرجال وتخلي اللي يسوى واللي ما يسوى يضعفني وينظر لي الناس بالضعف ، علما بانك ما معك علوم تبيض الوجه انا ادري بك وبعلومك خلها في صدرك ترى الليال والايام كفيلة بمواجهتك واللي يحسب معك علوم ما عنده سالفه .
عموما : ترى هرج القفا ما ادناه والوشوشه ما تناسبني .
الاستاذ بن عزاب عطني واحد تكفى من الاقلام اللي في جيبك ماشاء الله ازرق واسود واحمر
بس ولو خطك تحسن عن اول كثير
@ بن سلمان @
10-25-2007, 03:26 AM
يالمشاكس وش قلب سنجك ردك الله لعقلك وترا الرجل الموثوق مايغير مواقفة شف صاحب العقل الكامل المكمل ابن سلمان ثابت على الحق والسراط المستقيم وانت تروغ يمين يسار مثل ابليس وانا اهني نفسي والمسلمين عموما بتوبة العبد الصالح ابو الونات ودخولة سفساط الخير فهنيئا لة الصحبة الصالحةوابتعادة عن زمرة منقاش اخزاة الله وعثر به حمارة
اما انت بامروق المنقة لا تتحكحك بالزمل وانت حويشي ولو سمعت منقاش وش كان يقول فيك كان ماناصرته وانت تعرف انه ظالم وامامك باب التوبة مفتوح خلال اسبوع والا خصصنا ابو امجد لاسكاتك ترى عملنا منظم ماهوعمل قايدكم منقاش اللي معتبركم مرتزقه ويعاملكم كخونه لا يثق في احد منكم فعد الى رشدك وكل ماياكل منقاش والسلام على من اتبع الهدى
ما احد يلومني فيك يوم قلت عنك سنافي
فرق كبير بين مفعول الحبةالصفراء والزرقاء مثل الفرق بينك و بين منقاش
قائد الطابور
10-25-2007, 10:16 AM
يعجبني فيك يا بن سلمان ذكاءك وفطنتك , وسرعة البديهه اللي ما شفتها الا فيك ، ترى سهمك في مكانه بس وثق الرجال !!!!!!!!!!!!!!!!!!!
مشاكس
10-25-2007, 06:02 PM
منقاش
خوي منقاش ماله عندنا الا ام خمس الرجال طولها وهي قصيره
قام يحدد ويردد في ديارنا مادرى ان احنا من زمان نثارة شر
بس ابي منك خدمه تمهلاله لين تجيبه يم ديارنا ونوديه شعبة الشوحطه
ونقطع لنا خمسه بواكير ونعلمه أنا وياك درب العلوم الغانمه اللي مايعرفها
شبلي أبو الونات
10-25-2007, 06:18 PM
الاستاذ بن عزاب عطني واحد تكفى من الاقلام اللي في جيبك ماشاء الله ازرق واسود واحمر
بس ولو خطك تحسن عن اول كثير
عوذة
بن عزاب يا بن سلمان متعود على التعدد
يعني لا تستغرب ان لقيت في جيبة اربعة
مخاوي منقاش
10-25-2007, 08:11 PM
بس لو جيتنا يالمساكس بديارنا نذبحلك الحيل والوسط من الخرفان وندسم شاربك وشارب اللي خلفوك وتصير انت صاحب الدار وحتا الضيوف وهي عاداتنا وتقاليدنا ولا وش رأيك ياحليفي ابو هبة؟
@ بن سلمان @
10-25-2007, 08:25 PM
بس لو جيتنا يالمساكس بديارنا نذبحلك الحيل والوسط من الخرفان وندسم شاربك وشارب اللي خلفوك وتصير انت صاحب الدار وحتا الضيوف وهي عاداتنا وتقاليدنا ولا وش رأيك ياحليفي ابو هبة؟
الا بلى
هو لو ضاف منقاش ما لقى عنده الا خبزة من رماد امس وما وراها الا غضارة ماء
لكن لا تأسى يا بعد حي على من كتب على نفسه النقيصة
منقاش
10-25-2007, 09:17 PM
بيض الله وجهك يا مشاكس وليت ثماله كلها من مثلي أنا وياك , وترى المخاوي يوم تسحر عندي في رمضان كنت ناوي أستدرجه يم الديره لكن راغ من يدي .
على كل حال الرجال باقي فيه نفعة تميرات وزيت زيتون , خلينا نصبر عليه ما دام لنا عنده مصلحه واليوم اللي نقضي حاجتنا منه نسنعه سنعه زينه تشفي قلوبنا من اللي راح واللي جاي .
وتراه جبان لكن أنا أعرف كيف أستدرجه الى وسط الحفره واسلمه للعمده ..
الشيهان
10-26-2007, 01:33 AM
مساكم الله بالخير (ياوجيه الرياجيل) واللى ( ماهم رياجيل) طبعا اقصد منقاش وحماره بالاخيره
ومخاوي منقاش بالاوله والباقين خارج الحسبتين الا ابو حبتين
كني اشوف اثار عراك وفراك في هذا الشعب ومدري منهو المعروك ومنهو المفروك ومنهو المفرك
المهم بدون مقدمات ولامؤخرات وانا ما احب الثنتين الا بالحلال انا في صف مخاوي منقاش على الحلوه واللى احلى منها واما المُره ماني لها مَره
وتصبحون على خير
@ بن سلمان @
10-26-2007, 03:35 AM
مساكم الله بالخير (ياوجيه الرياجيل) واللى ( ماهم رياجيل) طبعا اقصد منقاش وحماره بالاخيره
ومخاوي منقاش بالاوله والباقين خارج الحسبتين الا ابو حبتين
كني اشوف اثار عراك وفراك في هذا الشعب ومدري منهو المعروك ومنهو المفروك ومنهو المفرك
المهم بدون مقدمات ولامؤخرات وانا ما احب الثنتين الا بالحلال انا في صف مخاوي منقاش على الحلوه واللى احلى منها واما المُره ماني لها مَره
وتصبحون على خير
بعدي يا بو امجد
ما ينلام مخاوي منقاش يوم يعتزي بك
المفرك هو راعي الحبتين بس مدري ليه تستثنيه
من اول قارورة والحين حبتين و ما تشوفه الا يدخل دخلة الحصيني
اللهم لا تجعل القوارير اكبر همنا
نسمع ونسلم
@ بن سلمان @
10-26-2007, 01:41 PM
يعجبني فيك يا بن سلمان ذكاءك وفطنتك , وسرعة البديهه اللي ما شفتها الا فيك ، ترى سهمك في مكانه بس وثق الرجال !!!!!!!!!!!!!!!!!!!
من عاشر أمثالك سار منهم ولو اني كان ودي بارتفاع سهمي مع الربع الثالث الا ان اليوم جمعة وعيدي عيدين
الشيهان
10-27-2007, 02:05 AM
بعدي يا بو امجد
ما ينلام مخاوي منقاش يوم يعتزي بك
المفرك هو راعي الحبتين بس مدري ليه تستثنيه
من اول قارورة والحين حبتين و ما تشوفه الا يدخل دخلة الحصيني
اللهم لا تجعل القوارير اكبر همنا
نسمع ونسلم
يابن سلمان هذي مراحل الادمان
البديه دلع واخرها ولع
قاروره ثم حبتين ثم صاروخ ثم ابره واخرتها حصيني مايهش ولاينش
محمود عادل
11-12-2007, 02:51 PM
مشكور
vBulletin® v3.8.7, Copyright ©2000-2025, vBulletin Solutions, Inc Trans by mbcbaba