المساعد الشخصي الرقمي

مشاهدة النسخة كاملة : هذا الزمن والله ياناس غدار = يبدي بوجه اللى تقبح فعوله

زهور الريف
10-19-2007, 01:05 AM
حياكم الله يا عيال عمي اليوم ودي احدثكم عن شيء يختلج في نفسي و لا تتكاثرون علي اكون شيخة .
قال تعالى :
" يا أيها الناس إنا خلقناكم من ذكر وأنثى وجعلناكم شعوبا وقبائل لتعارفو إن أكرمكم عند الله أتقاكم إن الله عليم خبير". (الحجرات : 13)
حين نهدف لنكون لُحمة (بضم اللام) متكاتفة نأمن بوائق بعضناالبعض لابد وأن تتحقق فينا مطالب هي ربما أقرب إلى الحلم منها إلى الواقع , وبمثال بسيط , كيف يمكن للمرأة تحصل على رجل صالح وفيه خير لها وهو عاق بإمه وأبيه , وكيف لي بخير إبن العم وهو ماله خير في شقيقه , وكيف يكون للجماعة خير في بعض و ابناءالعم فيهم متناحرين و كيف يكون لنا لم الشمل ونحن خناجر في خواصر اخوانناجمعني حديث مع احدى صديقاتي عن اناس من معارفها فقالت انهم مثل باقي البشر فيهم من الخير والشر
ولكن الكارثه ان فيهم خصله ذميمه جدا الا وهي ان احدهم اذا اختلف مع ابنا عمومته على اتفه الامور لايُبقي مجلس من المجالس الا وكال فيمه من اقبح الشتائم والاوصاف لابناء عمومته ولم يدع من امورهم الخاصه الا وتحدث به للعامه قبل الخاصه:
المهم وانا راجعه في الطريق مع السواق طبعا ماهو مشتاق يخسي الحمد لله صار عندي سواق سعودي (بركات وزارة العمل) واللى ماهو مصدق ياخذ جريده الوسيط ويشوف
المهم ماعلينا قلت هذي الابيات المتواضعه تعليق على كلام اخيتي


هذا الزمن والله ياناس غدار=يبدي بوجه اللي تقبح فعوله
الله ماشفنا من أحداث وأقدار=يشيب منها الطفل قبل الرجولة
وشلون ترجي خير والخير ماصار=في فعل واحد مايصون العمولة
عيب الفتى ظاهر ولافيه معذار=أما بفعله بان وإلا بقوله
واحد عَقوق لولدينه ونكار=مافيه خير لباقي الناس حوله
واحد تنكر لابن عمه وللجار=مافيه خير وترتجيه ألحَمولة
واحد لسانه في قفى أخوه منشار=وكنه يشوف إبليس لاشاف زوله
هذاك رمه هيس للبوق سمسار=والله مايسوى مع الناس فوله
لأتحسب انك يالغبي تقضي الثار=الذم لابن العم ماهو بطوله
حتى الغريب اللي منحي عن الدار=يقول هرجك مثل هرج الخبوله
وختامها صلوا على خير الأبرار=عداد همال المطر مع سيوله
فـارس الحـرف
10-19-2007, 01:09 AM
لأتحسب انك يالغبي تقضي الثـار=الذم لابـن العـم ماهـو بطولـه

نعم للشعر الهادفـ والنقد البناء
صح السانكـ
ياشاعرة المنتدى
زهور الريف
10-19-2007, 01:35 AM
لأتحسب انك يالغبي تقضي الثـار=الذم لابـن العـم ماهـو بطولـه

نعم للشعر الهادفـ والنقد البناء
صح السانكـ
ياشاعرة المنتدى


صح بدنك ويامرحبا مليون بك يابدرفي منتدانا عامه وفي متصفحي خاصه
أبو عبدالرحمن
10-19-2007, 01:37 AM
اللهم صلِّ وسلم على نبينا محمد وعلى آله وصحبه وسلم

الله يعطيك العافية يا زهور

حكم رائعة وجميلة...كل بيت أجمل من الثاني..
زهور الريف
10-19-2007, 01:49 AM
ابو عبدالرحمن

الاجمل من كل هذا وذاك تواجدك وردك وطيبة قلبك وحسن ضنك
ابو عادل
10-19-2007, 01:50 AM
ياسلام يازهور
الحقيقة قصيدة كلها حكم
صح لسانك وننتظر منك المزيد.
زهور الريف
10-19-2007, 02:02 AM
اشكرك يابو عادل وكيف لنا ان لانملك الحكمه ونحن نقراء شعرك

صح بدنك وانت شاعرنا ومنك نستفيد ونتعلم
زهور الريف
10-19-2007, 03:05 AM
مشتاق

ابو عادل شاعر ويقول الحق ولو على نفسه

ماهو راعي باطل زيك انت واشباهك
فاعل خير
10-19-2007, 03:25 AM
الله يعطيك العافية
@ بن سلمان @
10-19-2007, 03:07 PM
حتى الغريب اللي منحي عن الدار =يقول هرجك مثل هـرج الخبولـه

صح لسانك يا بنت العم
الينك تحطين اليد على الجرح
شبلي أبو الونات
10-19-2007, 03:45 PM
عوذه منك يا مره
صح لسانك يا بنت الرجال
اللي ما فيه خير لاهله ما فيه خير للناس
زهور الريف
10-19-2007, 08:00 PM
الله يعطيك العافية


عافاك الله يافاعل الخير وحياك وبياك
زهور الريف
10-19-2007, 08:02 PM
صح بدنك يابن سلمان
وعيوننا ميزاننا على ماقالوا فالامثال
زهور الريف
10-19-2007, 08:08 PM
عوذه منك يا مره
صح لسانك يا بنت الرجال
اللي ما فيه خير لاهله ما فيه خير للناس

صح بدنك يابو الونات ويامرحبا بك في منتدى ثماله

شرفني حظورك

انت في mbc مت في الحلقه اعتقد22 انتبه هنا ممكن تموت من اول حلقه ترى البوارديه هنا كثير خذ حذرك

ولايكون انك جاي تبي تدور لك عرب تتشيخ عليهم عربنا كلها بشيوخها مافيه مكان شاغر وانا ماسكه سراء قبلك
المشتاق
10-19-2007, 10:52 PM
الله يديم المحبه
يقال ما من محبة إلا من بعد عداوة
سبحان مغير الحال من حال إلى حال كان بن سلمان يتهجول من جبل في الثاني وترصد تحركاته السيده زهور الريف واليوم ذراعها اليمين واعتقد إنه مستشار أمني لها بل ومن الأصدقاء الخاصين

مجرد خاطره
زهور الريف
10-20-2007, 12:56 AM
الله يديم المحبه
يقال ما من محبة إلا من بعد عداوة
سبحان مغير الحال من حال إلى حال كان بن سلمان يتهجول من جبل في الثاني وترصد تحركاته السيده زهور الريف واليوم ذراعها اليمين واعتقد إنه مستشار أمني لها بل ومن الأصدقاء الخاصين

مجرد خاطره

عساك بالخاطر

عين الحسود ماتسود

بعدين من قلك اني لي اعداء انا كل الناس احبهم وكل مازادت المحبه زادت الموانه وثقل الكلام هذا هو تفسير كل مايدور من زهور
الشيهان
10-21-2007, 12:26 AM
صح لسانك ياشاعرة المنتدى

حكمه بالغه
زهور الريف
10-22-2007, 01:04 AM
صح بدنك يالشيهان

فهل تغني النذر
سلطان الثبيتي
10-22-2007, 08:05 AM
صح لسانك يابنت الرجال قصيده فيها من الحكم الكثير
انا اشهد انك شيخه بنت شيخ
ابن عرب
10-22-2007, 10:31 AM
يعطيك العافيه وماقصرتي يا بنت الريف
خوي الموت
10-22-2007, 11:01 AM
صح لسانك ابدعت
حسن عابد
10-22-2007, 02:29 PM
الذم لابن العم ماهو بطوله
الذم لابن العم والقريب والبعيد منكر الا الردي ينذم فاقصى الارض وادناها
صح لسانك ودربك خضر هكذا
شبلي أبو الونات
10-22-2007, 11:54 PM
الذم لابن العم ماهو بطوله
الذم لابن العم والقريب والبعيد منكر الا الردي ينذم فاقصى الارض وادناها
صح لسانك ودربك خضر هكذا

هذا بلا أبوك يا عقاب
زهور الريف
10-22-2007, 11:57 PM
صح لسانك يابنت الرجال قصيده فيها من الحكم الكثير
انا اشهد انك شيخه بنت شيخ

صح بدنك ياسلطان الثبيتي
وانا اشهد انك شاعر وتنومس بين القبايل ولايهونون ربعك عتيبه
زهور الريف
10-22-2007, 11:58 PM
يعطيك العافيه وماقصرتي يا بنت الريف

الله يعافيك يابن عرب ونعمين بك بعد
زهور الريف
10-23-2007, 12:50 AM
صح لسانك ابدعت
صح بدنك
زهور الريف
10-23-2007, 12:53 AM
الذم لابن العم ماهو بطوله
الذم لابن العم والقريب والبعيد منكر الا الردي ينذم فاقصى الارض وادناها
صح لسانك ودربك خضر هكذا
صح بدنك يا اخ حسن

والذم مايشفي مافي النفوس

خل الردي رداه على نفسه والواحد يعمل باصله

ودربك خضر يالشاعر
قائد الطابور
10-23-2007, 01:03 AM
شاعرة يا بنت زهور ولا مثلك شاعرة ، تمدحين ابو عادل إوالله سهمه ما يخطي ، ما اقول الا الله يعينك على حالك ، تكبرين وعقلك يصغر ،
زهور الريف
10-23-2007, 01:23 AM
شاعرة يا بنت زهور ولا مثلك شاعرة ، تمدحين ابو عادل إوالله سهمه ما يخطي ، ما اقول الا الله يعينك على حالك ، تكبرين وعقلك يصغر ،
اشكرك ياقايد
شاعره شهادة حق اعتز بها وانت ماتقدر تقول غيرها ههههههه
وابو عادل شاعر ويستاهل المدح وسهمه مايخطي اللى يعترض له زيك
واما عقلي يمكن انت تشوفه صغير لعدم قدرة عقلك على استيعاب نتائج عقلي

اشكرك على روحك وكلامك وانت قايد لا واحسن القائدين
سنا الهجرة
10-23-2007, 03:16 AM
صح لسانك يا زهور

قصيدك حكم لمن يفهم ويبي يتعلم

بارك الله فيكي ولا تحرمينا جديدك
زهور الريف
10-24-2007, 02:44 AM
صح لسانك يا زهور

قصيدك حكم لمن يفهم ويبي يتعلم

بارك الله فيكي ولا تحرمينا جديدك

صح بدنك يالشاعر المفوه سنا الهجره

اثلج صدري مرورك ومشاركتك ولاعدمناك يامبدع
{بعيدالنظر}
10-24-2007, 08:34 AM
لله درك ياشاعرتنا لله درك
نص مضيء بالحكم والنصائح..
وهذا هو الشعر القضيه ..
أجدني هنا ممتن لبوحٍ كهذا البوح .
زهور الريف .
كنت أتمنى أن يبقى النص بديباجته السوداء فقط ..
لأن الشعر هنا يتسامى على كل ماخرج عنه.
بورك فيكِ يازهور .
زهور الريف
10-24-2007, 05:52 PM
لله درك ياشاعرتنا لله درك
نص مضيء بالحكم والنصائح..
وهذا هو الشعر القضيه ..
أجدني هنا ممتن لبوحٍ كهذا البوح .
زهور الريف .
كنت أتمنى أن يبقى النص بديباجته السوداء فقط ..
لأن الشعر هنا يتسامى على كل ماخرج عنه.
بورك فيكِ يازهور .

الشاعر الكبير بفكره ومعانيه وثقافته بعيد النظر

لك من اسمك اوفر الحظ والنصيب بعيد وثاقب البصر والبصيره

ثناء من شاعر بهذا الحجم وسام تتقلده جميع قصائدي المتواضعه

تقف جميع عبارات الشكر والثناء مني لعدم قدرتها عى مجاراة عباراتك في مضمارها الجميل

كنت اتمنى ان يرقى من يقراء مثل رقيك ولكن لابد لنا مما ليس منه بدُ

وجها لوجه مع الحياه ومافيها خيرا من السكون والانهزاميه