(بعد السلام من العايدين) للتواصل.. !!!

[{بعيدالنظر}]

salam:

أذكروا الله .

وصلوا على النبي .
.
.
.

الشهر كله عيد بالتأكيد ومن العايدين=بعد التحيه والسلام اللي على نهج النبي
ليت الليالي ياثماله ماتجيب الا سمين=أقلها شاعر قريّب منصبه من منصبي

[ابو عادل]

وعليكم السلام ورحمة الله وبركاته



الشهر كله عيد ياابن سعيد ومن الفايزين=واثني لك الترحيب قدر وطيب ياالراس الصبي
حقق لك الله زود عن مطلبك ياالقلب الفطين=أبشر بمايرضيك دام انك تراجع مكتبي

[@ بن سلمان @]

بعيد النظر وابو عادل
صباح الخير عليكما
متابعين ومستمتعين

[{بعيدالنظر}]

الشهر كله عيد مير العاقبه للمتقين=دام البقا وأهل الشقا دايم تقوم وتحتبي
يبا يزين العلم ماهو حلم والقاسي يلين=وإن جيت ماسلّمت للحلاق دقني وشنبي

[{بعيدالنظر}]

أسعد الله كل أوقاتك يابن سلمان
كل عام وآنت بألف خير يالغالي
متابعتك تسعدنا
تقديري

[ابو عادل]

بن سلمان
الله يصبحك بالنور
وجودك معنا يشرفنا
مانعدمك

[ابو عادل]

حنا وساع صدور والطابور يوفي كل دين=واللي يثوّرها يدوّرها وقلي وش تبي
اللي تقوله ماتطوله وانت سيد العارفين=الارض طول وعرض ماتاقف بصفّ الاجنبي

[ابو عادل]

بعيد النظر
نكمل في وقت لاحق (غداً) ان شاء الله
تصبح على خير

[{بعيدالنظر}]

أنتم وساع صدور ماش قصور ياعبدالمعين=واللي نشدني قلت ماش عراش في راس الظبي
عزالله إنك خابر إن الحب لاروّح طحين=ما أحدٍ ذراه ولاترجىّ في جناه ألا غبي

[أبو عبدالرحمن]

الشهر كله عيد بالتأكيد ومن العايدين=بعد التحيه والسلام اللي على نهج النبي
ليت الليالي ياثماله ماتجيب الا سمين=أقلها شاعر قريّب منصبه من منصبي







الشهر كله عيد ياابن سعيد ومن الفايزين=واثني لك الترحيب قدر وطيب ياالراس الصبي
حقق لك الله زود عن مطلبك ياالقلب الفطين=أبشر بمايرضيك دام انك تراجع مكتبي


الشهر كله عيد مير العاقبه للمتقين=دام البقا وأهل الشقا دايم تقوم وتحتبي
يبا يزين العلم ماهو حلم والقاسي يلين=وإن جيت ماسلّمت للحلاق دقني وشنبي


حنا وساع صدور والطابور يوفي كل دين=واللي يثوّرها يدوّرها وقلي وش تبي
اللي تقوله ماتطوله وانت سيد العارفين=الارض طول وعرض ماتاقف بصفّ الاجنبي


أنتم وساع صدور ماش قصور ياعبدالمعين=واللي نشدني قلت ماش عراش في راس الظبي
عزالله إنك خابر إن الحب لاروّح طحين=ما أحدٍ ذراه ولاترجىّ في جناه ألا غبي

وما زال الرقي يرفرف على منتدياتنا..

عساكم على القوة : أبو عادل ـ عبيد الله ( لا عدمناكم)

[سنا الهجرة]

ما شاء الله تبارك الله

اللهم صلي وسلم عليك يا رسول الله

بعيد النظر

و أبو عادل

مرة وحده

وفي العيد

شي جميل جدا وفن راقي جداً جداً

بكل صراحة طروقكم تشوقني انتم الثنين

متابعين بشوق ولهفة لكل ما تكتبون

وعسانا ما نعدمكم يارب

[الصياد]

اللهم صل على نبينا محمد
يعطيكم العافية

[{بعيدالنظر}]

أبا عبدالرحمن .. أهلاً وسهلاً بهذا النور
كل عام وآنت بخير
سلمت يداك على التنسيق الجميل
وحضورك على معناه في أنفسنا وهو تشجيعُ لنا .
لاخلا ولاعدم

[{بعيدالنظر}]

الغالي شاعرنا واستاذنا : سناالهجره
الله يحييك يالغالي .
وحضورك اسعدنا ومتابعتك لنا تعني لنا الكثير
تقديري لك

[{بعيدالنظر}]

مراقبنا : الصياد
اللهم صلي وسلم وبارك عليه وعلى آله وصحبه
حضورك اسعدنا يالغالي

تقديري

[ابو عادل]

أبوعبدالرحمن
خلك قريب منا
ترى نستانس بوجودك.

[ابو عادل]

سنا الهجرة
يكفيني احساسي بأن ماتكتبه صادر من قلبك
وهذا مايزيدك قربا من القلب
لاعدمت طلتك الميمونة.

[ابو عادل]

الصياد
دمت ودام حضورك
وكل عام وأنتم بخهير.

[ابو عادل]

مافيه مومن ينقرص من جحر واحد مرتين=وان قلت لي عن راس مالك قلت لك عن مكسبي
عصاك لوتضرب على يسراك ماتضرب يمين=بين انتباهاتك وغفلاتك تحقّق مطلبي

[{بعيدالنظر}]

إغتاض يالكافي قرينا في رياض الصالحين=واللي معي في حرزها واللي معك راحت سبي

عصاي سيف أملح وقيس وعوّذ بليس اللعين=لوّ إن أبو فضه كبر حظه حسدني فى ذهبي

[ابو عادل]

من زلّ شقّه ماشبع والخافية لازم تبين=بلاك ماتدري عن اصحابي وقوّة مذهبي
واللي لصق سطر E ضاع بين المرجعين=والمرجعين مسطّرة بلسان وبحرف عربي

[أبو عبدالرحمن]

الشهر كله عيد بالتأكيد ومن العايدين=بعد التحيه والسلام اللي على نهج النبي
ليت الليالي ياثماله ماتجيب الا سمين=أقلها شاعر قريّب منصبه من منصبي





الشهر كله عيد ياابن سعيد ومن الفايزين=واثني لك الترحيب قدر وطيب ياالراس الصبي
حقق لك الله زود عن مطلبك ياالقلب الفطين=أبشر بمايرضيك دام انك تراجع مكتبي


الشهر كله عيد مير العاقبه للمتقين=دام البقا وأهل الشقا دايم تقوم وتحتبي
يبا يزين العلم ماهو حلم والقاسي يلين=وإن جيت ماسلّمت للحلاق دقني وشنبي


حنا وساع صدور والطابور يوفي كل دين=واللي يثوّرها يدوّرها وقلي وش تبي
اللي تقوله ماتطوله وانت سيد العارفين=الارض طول وعرض ماتاقف بصفّ الاجنبي


أنتم وساع صدور ماش قصور ياعبدالمعين=واللي نشدني قلت ماش عراش في راس الظبي
عزالله إنك خابر إن الحب لاروّح طحين=ما أحدٍ ذراه ولاترجىّ في جناه ألا غبي


مافيه مومن ينقرص من جحر واحد مرتين=وان قلت لي عن راس مالك قلت لك عن مكسبي
عصاك لوتضرب على يسراك ماتضرب يمين=بين انتباهاتك وغفلاتك تحقّق مطلبي


إغتاض يالكافي قرينا في رياض الصالحين=واللي معي في حرزها واللي معك راحت سبي

عصاي سيف أملح وقيس وعوّذ بليس اللعين=لوّ إن أبو فضه كبر حظه حسدني فى ذهبي


من زلّ شقّه ماشبع والخافية لازم تبين=بلاك ماتدري عن اصحابي وقوّة مذهبي
واللي لصق سطر E ضاع بين المرجعين=والمرجعين مسطّرة بلسان وبحرف عربي



يعطيكم العافية جميعًا..

[فـارس الحـرف]

الله الله الله

هنا الابداع هنا العمالقه هنا نكهة النقض والفتل

هنا فرصه لمن اراد ان يتتلمذ على ايدى فطاحلة وعامالقه فن المحاوره

هنا يطيب لى الاستمتاع كيف ولا وهى بين بعيد النظر مدرسة الشعراء وداهية الشعراء ومعلم الاجيالـ ابو عادل

حقيقه سعادتى لا توصف عندما اجد هؤلا العمالقه اطال الله فى اعمارهم وجعلنا من الفايزين بحضور لقائتهم دائماً

تحياتى لكا جميعاً


وبالتالى انا بصف ابو عادل ههههههههههههههه الحق احق ان يقالـ :) لانى احب ان اثير بعيد النظر حتى نستمتع اكثر

[ابو عادل]

أبوعبدالرحمن
مشكور على التنسيق الذي يريحنا ويريح المتابعين.

[ابو عادل]

بــ الشاعر ــدر

ونحن أكثر سعادة بوجودك
ولاأخفيك أنني اذا رأيتك موجود على متصفح المحاورة أعتبر نفسي أحاور شاعرين
وهما أنت والشاعر الذي أتحاور معه فقلائل هم الذين يحسب حساب حضورهم
وليسو طرفا في المحاورة وأنت أولهم.
أشكرك على العبارات الجميلة وعلى الوقوف بصفي وتبقى أبيض وجه ونقي السريرة
بارك الله فيك.

[@ بن سلمان @]

متابع لكما و مستمتع بوجودكما

[شبلي أبو الونات]

شي جميل جدا وفن راقي جداً جداً
ما أحد خلا لي شيء أقوله
الله لا يحرمني مبداكم

[المشتاق]

مافيه مومن ينقرص من جحـر واحـد مرتيـن
صح لسانك يا بو عادل ( حكمة )

[ما عندكم أحد]

الشهر كله عيد بالتأكيد ومن العايديـن
كل عام وانتم بخير جميعا

[ابو عادل]

بن سلمان
نسعد بمتابعتك ونشكر لك ذلك.

[ابو عادل]

شبلي أبو الونات
والاجمل متابعتك وتواجدك
ويكفي مرورك عن الكلام
لك تحية اعزاز وتقدير.

[ابو عادل]

المشتاق
صح بدنك
لاعدمناك ياغالي.

[ابو عادل]

ماعندكم احد
كل عام وأنت بخير وصحة وسلامة
شكرا لحضورك المتواصل.

[{بعيدالنظر}]

الشجره اللي ظلها وارف ثمرها مايحين=ياطيبها في ظلها وإن حدك الجوع تهبي
ياللي تخيّر لاتحيّر وآنت مابين الثنين=إن عشت ولاّ متّ فى الحالين ماهو بسببي

[{بعيدالنظر}]

ابو عبدالرحمن
اشكرك على الإهتمام وهذا ليس بغريب على رجلٍ مثلك
لاخلا ولاعدم يالغالي

[{بعيدالنظر}]

شبلي أبو الونات
والاجمل متابعتك وتواجدك
ويكفي مرورك عن الكلام
لك تحية اعزاز وتقدير.

[{بعيدالنظر}]

الكبير شعراً وخلقاً . بدر العجمي
الله يسعد ايامك يابو سعد
حضورك بلا شك يحملنا مسؤليه كبيره
كل عام وآنت بخير يالغالي

[{بعيدالنظر}]

بن سلمان
الله يطول عمرك يالغالي
متابعتك تعني لنا الكثير

[{بعيدالنظر}]

المشتاق
صح بدنك
لاعدمناك ياغالي.

[{بعيدالنظر}]

ماعندكم احد
كل عام وأنت بخير وصحة وسلامة
شكرا لحضورك الجميل

[فـارس الحـرف]

ياسلام لازلت استمتع بروعة النقض والفتل اشعر بمحاورة الكبار مع هؤلا العمالقه

[@ بن سلمان @]

أبا عادل
لي عندك ذاهبة صبحتك ولا أمست عندي

[ابو عادل]

الشاعر بدر
شكراً مليون على الحضور المستمر الذي يزيدنا شرفاً
وفخراً فوجود أمثالك يعني الكثير وتسلم على تشجيعك
ودعمك المتواصل . لاهنت.

[ابو عادل]

بن سلمان
عطني وسمها واجيك بعلمها
مايضيع عندنا شي طال عمرك.

[ابو عادل]

الراس لويثبت على حلّه بليّا منكبين=ماشفت بعض الروس مع صفق الهبايب تختبي
خلك تركّد ياحنين ان كنت ماتعرف طنين=والكورة الليلة على ملعبك ماهو ملعبي

[@ بن سلمان @]

بن سلمان

عطني وسمها واجيك بعلمها

مايضيع عندنا شي طال عمرك.

انا في الرياض ولو ني في الطائف لقيتني على بابك ووسمها سكين ومسن
511 لعتيبة

[{بعيدالنظر}]

اللي ليا حده خطر يزبن على الضلع الزبين=سمعتها من عهد جدانك وجداني وأبي
تضحك ودلوْك يالثمالي يمتلي مويه وطين=والغمز واللمز إستوى في عيون أهل سود العبي

[{بعيدالنظر}]

أستاذنا الكبير : بدر العجمي .
أشكرك يابو سعد من القلب على متابعتك وحسن ظنك ومانحن إلا تلاميذ في مدرسة الكبار امثالك
أشكرك كما يليق بك يالأمير
لاخلا ولاعدم

[{بعيدالنظر}]

إبن سلمان : لاعدمتك حضورك أسعدنا أول وتالي
لكن معي فيك وآنت تستغل المحاوره وتسأل عن الذواهب .
إلزم الصف وخلك من الهروج والبربره .
يمديك على النشد ولاتطرح اذمار هنا
عساني ما أعدمك والله إني أحبك محبه لايعلم بها الا الله هذا وأنا ماشفتك .

تقديري لك ولاتزعل هذي نصيحه فقط هههههه

[ابو عادل]

بن سلمان
لياوصلت الطائف تبشر بالعلوم الغانمة
ولاتروح غير ونفسك راضية مير لاتنسى.

[ابو عادل]

وقّف على هذي تراها كلمة الحق المبين=والنعم بك وبحال جدانك وجدّاني وبي
في عرف ابوزيد الهلالي يرجع الداين مدين=والنار والبارود بين التونسي والمغربي

[@ بن سلمان @]

إبن سلمان : لاعدمتك حضورك أسعدنا أول وتالي
لكن معي فيك وآنت تستغل المحاوره وتسأل عن الذواهب .
إلزم الصف وخلك من الهروج والبربره .
يمديك على النشد ولاتطرح اذمار هنا
عساني ما أعدمك والله إني أحبك محبه لايعلم بها الا الله هذا وأنا ماشفتك .

تقديري لك ولاتزعل هذي نصيحه فقط هههههه
عبيدالله
انا في الصف مير لا خذت المايك احب اشغل ابو عادل عنك
احبك الله الذي احببتني فيه ومثلك وشرواك ينحب
ولا تحرص على شوفتي إسأل أبو عادل ويجاوبك

[@ بن سلمان @]

بن سلمان
لياوصلت الطائف تبشر بالعلوم الغانمة
ولاتروح غير ونفسك راضية مير لاتنسى.
كفو يا بو عادل
مثلك يسمح الدمح

[ابو الثعالب]

من العايدين وابو عادل بمرتبة وزير

[فـارس الحـرف]

ياسلام جمالـ المفرده يبهرنى بكلـ امانة عند صناع المفرده الجزيله العرابى وابو عادلـ
والله انى اجد محاورتكما انها كالزاد بطعم الملح ومهارة طباخ

متابعين ولا تحرمونا من محاورتكم انا من الناس اللى اشتاق لها


متابع

[ابو عادل]

كفو يا بو عادل
مثلك يسمح الدمح


أي دمح ؟

[ابو عادل]

ابو الثعالب
عاد عيدك ، ولاوزير ولاغيره
خلنا في الوارد والصادر
مشكووووووووووووووووور.

[ابو عادل]

بدر الشاعر
لي الشرف كل الشرف أن أجدك على هذا المتصفح فأنت في المحاورة كالبوصلة في الباخرة في عرض البحر
لاحرمنا من وجودك وارشاداتك فوجودك معنا بحد ذاته يرفع المعنوية ويزيدنا فخراً فلك مني جزيل الشكر.

[{بعيدالنظر}]

بيض الله وجهك يابو عادل على السماح لي بمجاراتك والتعلم والإستفاده منك
كان شرف لي هذه المحاوره يضاف إلى رصيدي من الفخر . وكان ختامك خير ختام

والشكر موصول للجميع هنا على متابعتهم لنا طيلة هذا المشوار الشيّق مع أخي الأستاذ الشاعر / ابو عادل
نلتقي بإذنه تعالى على خير

[ابو عادل]

بعيد النظر
ووجهك أبيض أخي أبوسعيد
وفقك الله أينماحللت فأنت أستاذنا بلاشك ، منك نستفيد، وللمحاورة معك مذاق مختلف
فلك الشكر ولكل من علق وحضر وآزر.
وللجميع تحياتي.

[@ بن سلمان @]

الشهر كله عيد بالتأكيد ومن العايدين=بعد التحيه والسلام اللي على نهج النبي
ليت الليالي ياثماله ماتجيب الا سمين=أقلها شاعر قريّب منصبه من منصبي







الشهر كله عيد ياابن سعيد ومن الفايزين=واثني لك الترحيب قدر وطيب ياالراس الصبي
حقق لك الله زود عن مطلبك ياالقلب الفطين=أبشر بمايرضيك دام انك تراجع مكتبي


الشهر كله عيد مير العاقبه للمتقين=دام البقا وأهل الشقا دايم تقوم وتحتبي
يبا يزين العلم ماهو حلم والقاسي يلين=وإن جيت ماسلّمت للحلاق دقني وشنبي


حنا وساع صدور والطابور يوفي كل دين=واللي يثوّرها يدوّرها وقلي وش تبي
اللي تقوله ماتطوله وانت سيد العارفين=الارض طول وعرض ماتاقف بصفّ الاجنبي


أنتم وساع صدور ماش قصور ياعبدالمعين=واللي نشدني قلت ماش عراش في راس الظبي
عزالله إنك خابر إن الحب لاروّح طحين=ما أحدٍ ذراه ولاترجىّ في جناه ألا غبي


مافيه مومن ينقرص من جحر واحد مرتين=وان قلت لي عن راس مالك قلت لك عن مكسبي
عصاك لوتضرب على يسراك ماتضرب يمين=بين انتباهاتك وغفلاتك تحقّق مطلبي


إغتاض يالكافي قرينا في رياض الصالحين=واللي معي في حرزها واللي معك راحت سبي

عصاي سيف أملح وقيس وعوّذ بليس اللعين=لوّ إن أبو فضه كبر حظه حسدني فى ذهبي


من زلّ شقّه ماشبع والخافية لازم تبين=بلاك ماتدري عن اصحابي وقوّة مذهبي
واللي لصق سطر E ضاع بين المرجعين=والمرجعين مسطّرة بلسان وبحرف عربي


الشجره اللي ظلها وارف ثمرها مايحين=ياطيبها في ظلها وإن حدك الجوع تهبي
ياللي تخيّر لاتحيّر وآنت مابين الثنين=إن عشت ولاّ متّ فى الحالين ماهو بسببي


الراس لويثبت على حلّه بليّا منكبين=ماشفت بعض الروس مع صفق الهبايب تختبي
خلك تركّد ياحنين ان كنت ماتعرف طنين=والكورة الليلة على ملعبك ماهو ملعبي


اللي ليا حده خطر يزبن على الضلع الزبين=سمعتها من عهد جدانك وجداني وأبي
تضحك ودلوْك يالثمالي يمتلي مويه وطين=والغمز واللمز إستوى في عيون أهل سود العبي



وقّف على هذي تراها كلمة الحق المبين=والنعم بك وبحال جدانك وجدّاني وبي
في عرف ابوزيد الهلالي يرجع الداين مدين=والنار والبارود بين التونسي والمغربي

على القوة ان شاء الله