عسى الديره ومن فيها فداك / الحلقه الأولى. [الأرشيف]

مشاهدة النسخة كاملة : عسى الديره ومن فيها فداك / الحلقه الأولى.

منقاش

10-29-2007, 11:44 PM

قبل فتره ما هي طويله أرسل عليه العمده مروق المنقه برساله يقول فيها : عليه جاي , وبل يدك ولا تجف الا عندي , أبغيك في علم ضروري ..
ما طولت بعد وصلتني الرساله حتى مريت هاك العصريه على صاحبي العمده ألا وهو جالس على كرويته طويله حاطها في الشارع جنب باب بيته وجالس وعلى يساره مخاوي منقاش والمشاكس وعلى يمينه رجال أجنبي ما عمري شفته وعليه سحنه ما هي عربيه .
بعد السلام والمصافحه قال العمده للمشاكس والمخاوي قوموا خلوا الشيخ منقاش يجلس مكانكم وانقلعوا واحد منكم يجيب براد ابو عشره والثاني يولع التعميره .
كانوا يجحشون ويحرنون كما يوم يحرن العير , ويهمهمون بمثمثة كلام يعنون فيه أنهم عيال تسعه أشهر مثل منقاش ماهم خدم له ولأمثاله .
كان العمده يتناول هاك الشون ويلهد بها المشاكس من الكتف الى الكتف ويلتفت يبي يثني بها على المخاوي لكني مسكته ورديته عنهم وقلت يا عمده الكبير ما يصغر , لا تزفر يدك في ناس ما هم في مستواك . ويوم شافوا العين الحمراء وهم يخرخرون ويتعذبلون من أبليس ويقولون : أحلم علينا يا عمده , بس أنت آمر ونحنا عصاك اللي ما تعصاك .
قال العمده : هيا أنت يا واد مخاوي عليك الشاهي عساك البلا في خشتك , وانت يا واد مشاكس ولع التعميره ووظب الشيشه بسرعه .
ويوم دوبهم جابوا الشاهي والتعميره وحطوها وانا ألتفت على العمده واهمس في أذنه بسعال قلت فيه : يا عمده من اللحيه الغانمه هذا اللي جالس معنا على يمناك؟, جاوبني : هذا صهيوني أصل وفصل من بقايا بني قينقاع واسمه مناحيم ولد شلومو, وترى قروشه تلحف ألأرض لو ينثرها عليها .
كنت أقوم مع الربشه والعجله وأقلب الطاوله اللي قدامنا بالفناجيل وبراد الشاهي اللي عليها في الأرض , وأتغشرد مناحيم واسلم عليه من جديد , وآخذه كما يقول المصرين بالأحضان , واهش وابش في وجهه , وأحيي به بين عيال عمه العرب وآخذ تكايتي واحطها له على تكايته .
حاول العمده يهديني وقال : يا منقاش يا زفت خسرتنا براد شاهي وكسرت علينا الفناجيل وحست علينا الجلسه وخوفت الرجال بهبلشتك , وبعدين يا عالم يا هوه ابن شلومو عنده تكايه ليش تبتليه بتكايتك وهو ما هو بحاجه لها .
رديت عليه وقلت : ألأوله الله سامحك يا عمده , والثانيه أنا ما أنا زفت ,,الزفت مخاوي والمشاكس اللي ما باشروا علينا ألا بالشون ثم من غلاستهم وقلة خاتمتهم حطوا البراد والفناجيل على دربي ,, وأهل الهبلشه ماهو أنا , أهلها هم بعيدين الذكرعني وعنك أبو أمجد وابن عزاب وابو هاشم ورويعي الكلاب .
ثم التفت على مناحيم الصهيوني وقلت : مرحبا بابن العم ولد حياة المرحوم شلوموا , يا مرحبا بك من يوم مشيت حتى لفيت , محيابك في الوادي والبيت , وتراني متعسف على اللي سار على أجدادك بني كينكاع , وترانا عيال اليوم منه ورايح واللي فات مات, ويا ليتكم يا بقايا بني كينكاع تكتبون معنا يا ثماله ونسير نحنا واياكم مثل عيال الرجال الواحد #
وترى يا ولد شلومو عشاك القابله والا المقبله عندي في حلة الضفا والوفا , في حلة منقاش في بلاد ثماله أنت وكل من يعز عليك .
رد عليه ولد شلومو وقال : البقا ولا شقا , وقهوتك مشروبه بس نبغيها بترول ... قاطعنا العمده وقال : يا منقاش ترى مناحيم رجال مهامله كثيره وعنده شركات على عدد شعر راسك , ولا هو فاضي للعزايم لا عندك ولا عند غيرك,,, والرجال يقول أن بلاد ثماله طلع بها من صور ألأقمار الصناعيه صربة بترول لكن فيها بيوت ومزرعة للرجال أبو حمار اللي هو أنت يا منقاش يقول أنها من بين كل الديار تعوم على بحر من البترول , وخطر أن ما أحد طلعه بسرعه تميد بها ألأرض من تحتها وتخسف بمن عليها من مزارع وبيوت ومن فيها.
رديت وقلت : عسى الديره ومن فيها فداك يا ولد حياة شلومو , بس من وين لمنقاش قروش تخرج البترول من تحته وتحت واديه ؟ .
الى عند الديره وولد شلومو والبلاوي اللي تحت منقاش نتوقف , خلوكم حواليه حتى نعرفون باقي العلوم في الحلقه الجايه .
وسلامتكم أنتم وحماري والعمده وولد شلومو .

أبو عبدالرحمن

10-30-2007, 12:10 AM

يا سلام عليك...

بس ليش المخاوي والمشاكس دائما طريقك يا منقاش..اعرف أنهم لا يحبونك!

وبخصوص الديرة .أشوف الشبك محاط بديرتك من كل مكان!ويقال هذا الشبك لـشاعر من الشعراء!!!

شبلي أبو الونات

10-30-2007, 12:21 AM

عوذة
منقاش الله من الفك والنصب وزود الملح
سبحان الله تجالس مخاوي منقاش و تاخذ علومه وتركبها عليك و تظهر نفسك فيها البطل
هذه السالفة سمعتها من مخاوي منقاش يقول عندهم مزرعة وطلع فيها بترول وان هذا الصهيوني جاه وعرض عليه يشري منه المزرعة بنخيلها وانه يبي يبورها يا الباير يعني يبي يجعلها بور ويبي يجيب عدته ويبي ينقب فيها والدليل يا النصاب ان اسعار البترول طمرت للتسعين دولار

الصياد

10-30-2007, 12:58 AM

يا زين علومك يا منقاشو

الشيهان

10-30-2007, 12:59 AM

على هونك ياشبلي الرجال الشيخ منقاش عداه الكذب وتعداه
مايكذب ابد في حياته الا اذا قال انه من الصادقين
العلم هذا متوقع وانا اقول ان العلم منه شي بس عاد لاتستعجل بنشوف النهايه معه
اتوقع والله العالم ان البترول هذا من بقايا رفاة حمير منقاش اللى هلكت منذ عصور غابره الله يغبر وجه العدو واليوم تحولت لبترول
ترى منقاش ماهو سهل اذا كان اليهودي عقله كله دراهم ترى منقاش عقله كله حمير

العمدة مروق المنقة

10-30-2007, 01:34 AM

منقاش كمل القصة واعطي الرجاجيل الزبدة
وانتبة لليهودي لا ياخذ امتياز التنقيب لمدة طويلة
ترى تبلش بعدين وتتطر تشري الامتياز من اليهودي
وفي ذاك الوقت بيتشرط فيك
والي صار لمخاوي ومشاكس تمنيت انك تستره رغم انهم يستاهلون الشوحط ومطارق الرمان تتقطع على ضهورهم ومعهم الطابور الخامس والهريد ابو الزفرات
كمل كمل يابو نقشة
ترى علومك غانمه يا مال الغنيمة

أبو علي

10-30-2007, 11:39 AM

الله اكبر كيف مسح باصحابه الارض هذا منقاش امس يمدح في مشاكس ووصله السماء اللي ما يسوا له شي واليوم قلب الهرجه عليه ليه يا منقاش ياللي مالك صاحب ،

بس انا شامت على مشاكس وخليك يا مشاكس حتى المرة الثانية تعرف ان ما عند احد ، هذا منقاش انذرنا وحذرنا وقلنا خذوه وغلوه , يعني اقتلوه وما فيه فايده .
وبعدين ابعلمكم بقصتي مع منقاش يوم انه عزمني واكلني لحم بساس .

رويعي الغنم

10-30-2007, 12:50 PM

هناك ما جاك يا مخاوي , وتستاهل أكثر من ما جاك يا مشاكس حتى ثاني مره ما تحط يدك في يد منكاش اللي مسح بك البلاط أنت والملطشه مخاوي منقاش.

مشاكس

10-30-2007, 12:55 PM

الشرهه ماهي عليك أنت والعمده
الشرهه على اللي يصدقكم وأنا أعرف
إن المثل اللي يقول ( حدث العاقل بمالا يعقل فإن صدقك فلا عقل له )
معروف عند الجماعة كلهم ومادام ان العرب بيغيرون السالفة
ماعلى ستر ربي عطا العلم هذا هوه وأنتم ميزوها بالعقل
ليت لول جالس في المجلس وعندي شبلي ومشتاق يدور علينا بالقهوة
على لدة مني والجوال يقرشع أطالع ولين ماعني وعن خوي منقاش
سلام وردية وتحية وعلوم طيبة قال العلم لك خير ياولد قلت هات العلم
أنتم خابرين كان بيننا كدر نفوس وتصافينا على ثلاثه كراتين خلاص
وبعد ما استلمتها المهم يوم سمعت الرجال يقول العلم لك خير دقني قلبي
قلت الرجال الشياطين قلبوه بغيت أنفر فيه قال ياولد وشب صوتك قلت أعطني العلم
أنا عندي شغل قال اجل بعدين اتصل ضروري عندي علم مهم عودت قلت أجل هات العلم
قال العلم لك خير اليوم أنا مار من عند واحد من حقول البترول في أطاريف نجد وليني على هاك الموتر
اللي فيه هاك الرجال الأحمر ويوم عديته ويوم طالع فيه وشر لي وأعود أوقف واندر والاقيه الا وهو خارج ومعه
خرايط وأوراق وقال فين طريق حجاز بلكنه أعجمية قلت ودك بمكه قال لا تايف يعني الطايف قلت خير وش تدور برشومي
والا رمان قال لا بترول قلت الطايف فيه بترول ضحك وقال فيه شويه ماهي بتاله يعني بطاله قلت وين من الطايف عود أخرج لي كمبيوتر
وقال هذا برنامج قوقل إيرث والكلام (لخوي منقاش مازال) أوريك المكان اللي نبيه المهم دار بي منه لا منه ولا دريت وأنا أشوف هاك الجبال قلت يمكن كرى والا حواليها هاثم بدى يقرب وليني اشوف شجاري البرشومي قلت لا هذا الشفا وزاد قرب الصورة ولين عيني أحسن ماتحلى منقاش وحماره تحت هاك الوغيفة اللي يقلون لها عندنا في نجد شجرة المهم قلت وقف وقف تحققت ولا والله منقاش ماغيره منسدح جنب الحمار فاتح فمه والذبان على فمه مثل النحل واحد يدخل وواحد يخرج وتعجعج عليه وعلى ذنب حماره طالع فيه الخوجه قال وشبك مبحلق فالصورة قلت هذا المكان اللي تبيه قال ايوه قلت وصلنا هذا منقاش صاحبي أيام زمان قال تعرف راعي الحمار قلت أعز المعرفه قال هذا الرجال كل ماجينا نكتشف المكان نلقاه أظنه هو راعي هذي المزرعة قلت الأمر هين قالو ومعه رجال مدهمل ما عرفنا كل يوم يمر عليه ولا ماعنا وعنه جاي من يم اسفل الوادي قال هذا هذا تعرفه قلت لا هذا ماأعرفه ولو اعرفه وجهه ماهو باين والاول ماعرفته الا بحماره
عودت سحبت التلفون وزهمت على منقاش قلت وينك قال أزعجتني في الوادي قلت شي رجال جايك قل هب يالساحر كان يقفز ولاني اسمعه في الجوال قال حياك الله يالعمده وصك السماعة قلت عرفنا الرجال العمده اسمع دايم يطرونه قال كيف بس نصل لهم ونتفق معهم قلت اسمع ياخواجه البدو حراميه بس عندي لك خطه أنا بكلم منقاش واتواعد معه وبقية العلوم عندي قال براسك هذا من قيس علومي يامشاكس واللي مثلك ما نستغني عنه 0 قلت ابشر نهار السبت عشان اجازة القشران تكون عندي عودت زهمت على منقاش قلت ياولد جاني علوم ما تسر الخاطر ابيك بسرعة قال اجيك ذحينه قلت وجيب لي معك العمده ضروري قال ابشر طال عمرك يامشاكس ونهار الجمعه عشي وهم عند الباب واعود افك لهم واتلفت يمين ويسار واتلفت فالسما قلت سلمنا قال افا سلمنا من ايش قلت العلم لكم خير اندرو طرف الوادي البيوت فيها وراعين وانا خايف عليهم نزلو العرب واحطهم تحت هاك الحماطة على طرف الفلج متروية ماتبون احسن منا قلت العلم لكم خير
أنتم في خطر بيوتكم لا تقربونا وورعانك لا توايقون عليهم لين اربنا نحل المشكلة قال منقاش خير تراك فجعتني قلت اتصل عليه مخاوي منقاش خابره قال ايوه السفله وش يبي قلت لا تقول سفله ترى سلا متك بعد الله بيدينه قال يخسى قلت خذ العلم وبعدين اهرج قال هاه وش العلم قلت الرجال يقول أمس جاه واحد من زملاه في عمريكا وقال له ياولد شي مكان عندكم وصل لشالوم انه يتردد عليه بن لادن هاثم ان العرب قعدو يصورون فيه بالاقمار الصناعية ولقيو بن لادن ياخذ ويجي عند رجال راعي حمار ووصوفه كذه ويسكن في جبال الحجاز
انما هو العرب ناوين يضربون ثلاثه بن لادن والثنين الثانين ودقني قلبي قلت تكفى دلني عليهم خلني اشوف الصور ترى لي صاحب وصوفه قريبة وجابني صاحبي ماقصر ولا ماعني وعن صور حمار منقاش وشي رجال منسدح جنبه واعود اطالع قالو هذا خويه جايه وازهم على رقم منقاش ولاه يوم قام ( ولا غلقت هذا الكلام الا وأنا اسمع الله يجيركم هاك الصوت اللي ماتبونه ولا الريحه يوم ثارت واعود
أقوم واقوم المكينه واقول للعمده اقلب الرجال فالفلج وغسل اسفل خويك اثر الرجال من الفجعه هده بطنه وعود قام العمده وربط على خشمه وقال الله لايعيد نهارك يامنقاش كل المصايب تجينا من وراك ويوم انثنا عليه بيرفعه والعمده ثوبه يترطرط
اثرهم كل واحد اخس من الثاني واعود اجنب عنم ويقومون يتقلبون فالفلج ويتغسلون ويندرون يتراقفون واهدي عليهم قلت بس العلم طيب
خوي منقاش يبا يجينا بوفد مفاوض وان شاء الله العلوم تبي تجي زينه
واعطيكم بقية السالفه بعدين

منقاش

10-30-2007, 07:55 PM

يا الله مساء خير
ابو عبدالرحمن : صدقت أن المشاكس والمخاوي ما ينحبون ولا ينفرش لهم الفراش ولا ينأكل معهم المعاش.
شبلي ابو الونات : ما تكبك من حركات نص الكم أنت والطقعان اللي من وراك , وان كنت ابو نقشه لصرها لك وتشوف بعدين .
الصياد : ويا زينك أنت وزين علومك , بس فهم الناس اللي ما تفهم بهالمنتدى .
ابو أمجد : خل مطقعتك وتريقتك تنفعك , وبعدين أنا ما أعلم لك أنت وشبلك ابو ونانات , أنا أعلم لكمال المنتدى.
العمده مروق المنقه : أنعم واكرم بالعمده الشوكه اللي تدمي العدا وتوردهم الردى .
والمجموعه تراهم كلهم هردان (جفار) ماهو بس ابو الونات , يعني تسمع لهم عفيط ولا غير العفيط شي .
ابن عزاب : أنا ما أنا قايل لك يبو القوارير لا عاد أشوفك تعرج على المنتدى , ويش مدخلك بين الدوافير (الرجال) وانت ما أنت شاطر الا مع القوارير اللي رسميات واللي مسيار.
رويعي الكلاب : ياخويه مالك دخل بيني وبين المشاكس والمخاوي , هالأثنين مساكين ولا هي فلاحه مرمطتهم لأنهم ممرمطين من يوم خلقوا , وانا ما رويت الا اللي سار والعمده شاهد .
المشاكس : أفا أفا , فعلا الصياح على قد الوجع ,, صفحه كامله ونهايتها رطيط في الفلج ,, بس ويش حال مزرعتك بعد ترطرطت ؟؟.
أيش هذي العلوم اللي تفضح وتذكرني بسالفة رويعي الكلاب عن طيارة ابو تركي الله يذكره بالخير وعوارش ولويخها المخيخ .
الزبده , عسى ما يدري عن كذوبك العمده ويطلع لك طلعه يكرهك فيها العيشه .

مخاوي منقاش

10-30-2007, 10:32 PM

المشاكس والله لا اخليك لحالك مع حصاني الاستراحة على شان يادبونك لين تصير رجال له محور واضح ولا من من؟ اخس خلق الله العمدة مروق الحنظل وابو الكيماوي منقاش واذا استسلمت اعتذر مني ومت بقية محور الخير وهكا الوقت افكك منهم

رويعي الغنم

10-30-2007, 10:45 PM

يا مخاوي منقاش تكفي تكرم علينا وتوضح معنى دنبوك اللي وصفت بها المشاكس , وتوضح ابو الكيماوي اللي وصفت بها كامل الأوصاف منقاش , لأن ابو الكيماوي مسجون ويحاكم في المنطقه الخضراء في بغداد على يد سلنتح العراق .

مخاوي منقاش

10-31-2007, 12:50 AM

اقراء زين عساك تلبس نظارة وكيماوى علي المجيد اقلها يقتل بدون ريح بس انت يطلع منك ريح مع الخنق الشديد وعليك بالمشاكس تراه يستاهل

مشاكس

10-31-2007, 10:02 AM

مخاوي حمار منقاش
حدني عليك الوقت القصي
والا مافي أخوتك لي راس مال
ومادام حدني عليك الزمان
أقدم لك العذر
وبعدين لك شغل عندي
وزمان عندنا مثل يقولون مامع العربان غير حميرها

منقاش

10-31-2007, 03:09 PM

يا مشاكس يا قليل الخاتمه
المثل يقول سب الرجال ولا تسب حماره , وبعدين ويش دخل حماري في المشاكل اللي بينك وبين مخاوي خويت أنت واياه في فم كلب ابو عادل .
وخذوا في حسابكم يا هالأثنين أن لو فيكم خير كان طلع خيركم وبان معي قبل غيري , لكني عايفكم وبايعكم بقرن بصل والا لوية برسيم من اللي أضرم بها حماري .

مخاوي منقاش

10-31-2007, 06:02 PM

تم التشاور مع بقية الحلفاء ابو امجد وابن عزاب وبن سلمان والعشرة الباقين من المشهود لهم بالصلاح والتقوى في موضوع توبة المشاكس واتقديمة اعتذارللمخاوي ولا اخفيكم انه حصل خلاف كبير وطارت الصحون يمين ويسار واشتباكات بالايدي ورفس ونهيق وقد اغمي على ابو الونات وزاد ونيينه حت قلنا ليتة سكت ونظرا لحساسية موقفي فقد اضطررت اضطرارا للتصال بالمفلس منقاش وطلبت منة التدخل ولكنة كالعادة قال (كلاب هادتن بحمير بالف صنقير )وقلت مالها الاشيري واتصل عليها الحقينا يابنت الاجواد قالت بس احمم فؤاد وآ جي قلت عساك الحمي الوضع خطير وفعلا طلعت رجالة ولما دخلت علينا بالصالة وسلمت قرات اية الكرسي وسمت بالرحمن وصعدت على اقرب كرسى والناس اصابها ذهول وجلسو كان على رؤسهم الطير وبعضهم صار يلخسها (ينظر من طرف خفي)واستمر الموقف المؤثر عشر دقائق ثم قالت (تف عليكم) ثم استدارت وهمست في اذني كلام لا استطيع ذكرة وطلعت من الميدان وبعدها تم التصويت على قبول الاعتذار من رفضة وكانت النتيجة قبوله بفارق صوت واحد فهنيئا لك اخونا المشاكس بهذا الفوز ولتقر عينك به ومن تاب تاب الله علية والتوبة تجب ماقبلها

فؤاد طرطشلي

10-31-2007, 07:10 PM

اشهد يا منقاش انت والعمدة ومشاكس وابو امجد اني طلقت هذه الوليه شيري لوجه الله ثم لعيون هذا المخاوي اللي شكله ذايب في دباديبها ومو قادر يمر من دون ما يزكر اسمها ما تقول الا بن عدوان يسولف عن وضحى
تراها يا مخاوي لك هديه ما ابغى بدالها

واقعي جدا

10-31-2007, 07:58 PM

اولا لا حول ولا قوة الا بالله
وثانيا البيضا لك يا فؤاد وصحيح الرجال الكريم ما يرضى ياكل من ماعون عيون الناس فيه
اما انت يا مخاوي يا قليل الخاتمة يا زايغ البصر والبصيرة اتق الله عن البصبصة في محارم الناس
ولا تفتن البيوت يا راغب علامه

مخاوي منقاش

10-31-2007, 08:00 PM

قل موتوا بغيظكم يامنقاش وربعه طول عمرك وانت تحلم احد يهديك حمارة وانا تجيني هدايا بنات حمايل طاجيكستان ولكني اردها لفؤاد واقول ماتوخذ عقبك يالغالي وما دام انك مهدي شفلي وحدة على الزيروانا عمري ماركبت سيارة مستعملة ماهو مرة وان كان لشيري اخت جديدة فهي هدية مقبولة( وخل شيري تنومسك قدام الرجال ) 00
نما لعلمنا ان مروق الحنظل كان واقف عند الباب اثناء المعركة وحاط اذنة يسمع ويذكرون اللي شافوه انه ابتسم حتى بدت لوزة ويقال ان عمه منقاش هو اللى مرسلة 00
لم اكن اتوقع ان ابو عبد الرحمن بهذه الشجاعة فكان كالاسد يشق الصفوف شقا ويوم اقبل على ابو الونات وبيدة عقال عراقي اغمي على ابوونة ولكن اكثر ماهالني فعل ابن عزاب وخاصة بالهامورولكن كلمة وقعت في اذني والمقصود بها ابن عزاب قالة واحد ياجبان الخال وانا ودي اعرف منهو الجبان الي يعيير فيه اسد ثمالة ؟

شبلي أبو الونات

10-31-2007, 08:09 PM

عوذه يا مخاوي الشر
عساك بمن يغير عليك ويلهدك على ظهرك وبطنك الين اسمع صواك
الحين يوم جيتنا ضيف واكرمناك وبن سلمان مدحك مدحة ما تلقى لا في شمر ولا طي من يمدحك بمثلها
ثكلوك نساء المسيار حتى لا تهنى بهن

مخاوي منقاش

10-31-2007, 10:12 PM

ياشيخ شبليي هذا جزاى اللي تحملت الكذب على ثمالة وقلت اغمي عليه ولاقلت انك هربت مثل مايهرب بليس اذا سمع الاذان وابن سلمان يوم مدحني ماكذب ولا مدحني الا بعد ماعرفني ماهو مثل ابو امجد وده يمدحني بس مسوي عم ثقيل 000
الاخ واقعي جدا / الظاهر انك من حزب الشيطان منقاش والبصبصه الاولى لي والباقي من ابليس لعنة الله ولكن اهم شي النية الزينة لازانت النية لو تبات معها بالخلا الخالي وانا لاني راغب علامة ولا محمد عبدة( بين بين) واعتبر هالرد جس نبض نبي نشوف وش انت من رجال واستسلم تسلم000

سنا الهجرة

10-31-2007, 10:33 PM

طول منقاش عن بقية السالفه

يبدو أنه استخار وعساها خيره

خيره عساها يا بن عمي وتفتك=مالك ومال طوال بض السوالف

الشيهان

11-01-2007, 01:33 AM

اقول ياعرب هدوا اعصابكم منقاش يشفط في البترول وانتم تتجالدون
الى متى والعرب مستعربه ماهي عاربه
بدل هذا الانشقاق والتشرذم وهذا من شيعتك وهذا من عدوك خلوكم صف مصطف وانتبهوا لحلالكم وبترولكم اللى شافطه ابن عمكم منقاش ذنب الصهاينه وحليفهم بعد ان مكن لهم في الارض المباركه ديار ثماله
مخاوي منقاش والله اني احبك مثل حب منقاش لحماره وازود ولاتزعل هذ بلاغه شاعر اقتداء بقول الشاعر
انت كالكلب في الوفاء == وكالتيس في قرع الخطوب
بس ماودي امدحك تشوف نفسك وتشخص عليه والا انت مكانك في الاذين الايمن

واما انت يامنقاش ياذنب الصهاينه يابايع ديارك لليهود ياخاين الامه يامن استحوذت على خيراتها وسلمتها لاسيادك الصهاينه الغاصبين يامن زرعت الشقاق والنفاق وسؤ الاخلاق بين ابنا عمومتك يامن اشعلت الفتن الطائفيه على المعتقدات الدينيه وايقضت العصبيات القبليه بحفلات مزاين الحميرواشغلت ابنا عمومتك عن هدفها لتحقيق اهدافك الشريره لن تكون نهايتك على قدر من الجمال والدلال فلكل ضالم نهايه والله المستعان على ماتصفون

مخاوي منقاش

11-01-2007, 02:39 AM

بن داخل

11-01-2007, 03:01 PM

أنا مع الكرماء أهل العفو والصفح
هنيئا لك يالمشاكس
والشكر موصول لصاحب العفو الكبير
مخاوي المروح منقاش

منقاش

11-01-2007, 06:31 PM

يبن داخل أنت معروف بالطيب والعلوم الطيبه
واللي مثلي ومثلك ومثل العمده ما ينزل نفسه لمستوى الجفار المشاكس والمخاوي وطقتهم .

شبلي أبو الونات

11-01-2007, 07:24 PM

البرميل اليوم يصل في نيويورك الى 96.20 دولار
والسبب اكيد في بترول منقاش
وين زهور ان كان تبي الشور نزوجها ذا المخرف ويصير لها تتحكم في اكبر قارة في العالم

فؤاد طرطشلي

11-01-2007, 07:44 PM

فؤاد طرطشلي

11-01-2007, 07:51 PM

البرميل اليوم يصل في نيويورك الى 96.20 دولار
والسبب اكيد في بترول منقاش
وين زهور ان كان تبي الشور نزوجها ذا المخرف ويصير لها تتحكم في اكبر قارة في العالم

برميل ايه يا بو براميل
جالون المنقه دحينا ب15 ريال
الله يرحم ايام زمان يوم كان ب10 ريال
واسالوا العمده يمكن يكون هوا السبب

مشاكس

11-02-2007, 12:09 AM

منقاش التعبان وشلته بن داخل وطقته الفاسدين
والله لو ماحشمةحماري اللي يجر فالعربة وخوي منقاش اللي فيه شبه من حماري
(أقصد فالقوة والتحمل ) إني لوريكم قدركم ياسفله
لكن خوي منقاش يعتبر سيدكم كلكم
رضيتو والا زعلتو
وأنت ياحضري تراك رمز النخوة

الشيهان

11-02-2007, 02:44 AM

اخي الشاعر ابو امجد لم يخب ضني فيك ابدا وانا اول مابدات الكتابة في هالمنتدى المبارك اخترتك الحليف الاقوى الان لا ينافسك الا ابن سلمان وانا مااستجدي المدح بارك الله فيك وهذة اعتبرها زلة لسان كزلات عم منقاش شيخ رعاة البقر الامريكي بوش وابشر ان ذبحلي منقاش وهذا بعيد المنال فاللسان لك 000

الله لايخيب لك هدف ويجعل الخيبات والهيبات والعيبات كلها لمنقاس وزمرته الخوارج علينا هذه الفئه الضاله عن درب العقل والعقلاء امثالي انا وانت يامخاوي
ولا اقول لك الا ابشر بالحليف التقي النقي والله يوم رماك في دربي ورماني في دربك له حكمه في ذالك فقد اصابتك دعوه انسان متقبل الدعاء حيث دعالك ان يعوضك الله بخوي راشد مرشد بدلامن خويك السابق خوي الحمار الحالي منقاش الضال المضل
واما الزله فلاتكبر السالفه ترى العرب ترضيها بوسه على الخدين ولاكن صار شي تنسى الفعول عاد كيف الهروج
والله ماحارق مكرونتي وفاقع شاكلتي الا الصهاينه اللى ياكلون في حلالنا بمباركه من ابناء جلدتنا منقاش ورفقاه
يا الله ماني متخيل ناقلات النفط العملاقه وهي مطابقه على البير في وادي منقاش والشيب يضرب فيها بالنفط وانا اقسط للراجحي اه اه اه اه اه اه يا القهر بس يد وحده ماتلطم زين وجه الحرامي

مخاوي منقاش

11-02-2007, 03:01 AM

يالمشاكس اطال الله جرك للحمار انا لا ازعل اذا شبهتني بتحمل الحمار فالخليفة شبهه الشاعر بالتيس والكلب ولكن ادرس مع ابن سلمان فكرة ان نبعثك للسويد او النروج سنة كاملة ونرى الفاظك اللي مثل وجهك تتحسن ولا لا
المتنازل فؤاد / زهور ما اضنها تفكرفيك لوان المراة اللي انت تاخذها تبي تلوح على ظهرك ياحمار النساء
الشيخ شبلي اترك الحكي بالسياسة وخلك على مستواك ورحم الله امريء ترك السياسة وركز على الحمير0

مشاكس

11-03-2007, 11:27 AM

تكفى يالمخاوي
ما تونا لعنا الشيطان
وتصافينا
وأنت تعرف أعداءنا واجد بقيادة منقاش \
لا يدخلك الشيطان أنا أمدحك طول الله عمرك
بس يمكن العبارات خانتني
:23:

مخاوي منقاش

11-03-2007, 04:57 PM

انت يالمشاكس صرت مثل القذافي مالك صديق ولا عدو ولكن المثل يقول( من حبك دبك)

بن داخل

11-03-2007, 10:35 PM

المخاوي
ترى كرهي لك سابقا من الاسم
والا انت يبدو لي انك رجال مالي ثوبك
بس لوثت سمعتك بمنقاش
أقترح عليك تغير اسمك خوي المشاكس
وشوف يوم أصير فيدك مثل الملوينه
جرب وشوف والمية تكذب الغطاس
والا مادام اسمك مقترن بها الموبوء يمكن
أرى رؤية شينة وتروح أنت وطي

محمود عادل

11-12-2007, 02:50 PM

مشكور