نبطي انجليزي

[الفاقوش]

قوم جورج وجون واعينهم زغر =ماتعرف لترجمتهم بالكلام ..

عندهم الأم سموها مذر =والابو فاذر قليلين الرحام ..

الـ بدي جسمك وباك اسم الظهر=واليدين الـ هاندز والـ فنقر بهــام ..

والغنم هي شيب والكاو البقـر=واللحم هو ميت والبون العظــــام ..

والدجاجه هن والهوك الصقر =والبجن قالوا ترى اسم الحمــام ..

وشمس ربي صن والمون القمــر=والشهر سموه مانث وييــر عــــــام ..

والدقيقه منت والســــــــاعه أور=و هولدي عطلة وديــــــــــوتي دوام ..

والبريد الخبز والسكــــر شقـــر =والعسل هاني وسوب اسم اليدام

والشجر تريز والنهــر الريــفــر=والسمـــاء اسكــاي وكلاود غمــام ..

والنجوم ستارز والطقس الوذر =والضوء لايت ودارك اسم الظـــــلام ..

وكلمة فلاور ترى تعني زهـــر=وكل عشب قراص لونه رمــــــــام

والرمل هو ساند وستون الصخر=والحديد المثل والولدر لحــــــــــام ..

وكل غرفه روم والهاوس قصـــر =وباب بيتك دور والروف الطعـــــام ..

ولو على بلدانــــهم غيم و مطــــــــــــر =ماتــساوي ديرة العرب الكــــــرام ..

الشاعر .. حمدان العتيبي

هذي عاد تصلح للي ولده متعبه في الإنجليزي ....تسهل له الحفظ.......

دمتم بود.......

[@ بن سلمان @]

يعطيك العافية يا لفاقوش
إن شاء الله إنك فاقوش في الحق

[شبلي أبو الونات]

الله يفقشك بالعفو والعافية يالفاقوش
وصح لسان قايلها

[مدهش]

يعطيك العافية يا لفاقوش

[سنا الهجرة]

والله انها زينه ومن وجه زين
بس وينك عنا يوم احنا ندرس ما جيت لنا بهذي الرائع في فن التعليم الحيد بواسطه الشعر التعليمي

بارك الله فيك ونفع بك يا فاقوش

[قائد الطابور]

نجح الطلاب وهذا نتاج جيد في تعليمنا ، انجليزي رهيب ,
يا خوي يا فاقوش لو قراها اهل اللغة الانجليزيه وشافو هذا الهذيان لطشوك تلطيش انت واللي قالها وركب معانيها .

[أبو عبيدة]

يعطيك العافيه

[الفاقوش]

يعطيك العافية يا لفاقوش
إن شاء الله إنك فاقوش في الحق



الله يسمع منك وشكرا لمرورك.

[الفاقوش]

الله يفقشك بالعفو والعافية يالفاقوش
وصح لسان قايلها

آمين وترى عاد ياشبلي الفاقوش على اسمه
مشكووور.

[الفاقوش]

مدهش
الله يعافيك.

[الفاقوش]

والله انها زينه ومن وجه زين
بس وينك عنا يوم احنا ندرس ما جيت لنا بهذي الرائع في فن التعليم الحيد بواسطه الشعر التعليمي

بارك الله فيك ونفع بك يا فاقوش


يوم انت تدرس انا زيك ادرس وهذي جديدة مااستفدنا منها كلنا لكن خلها للي باقي يدرسون
شاكر لك.

[الفاقوش]

نجح الطلاب وهذا نتاج جيد في تعليمنا ، انجليزي رهيب ,
يا خوي يا فاقوش لو قراها اهل اللغة الانجليزيه وشافو هذا الهذيان لطشوك تلطيش انت واللي قالها وركب معانيها .


اللي قالها مجتهد
والعفس حاصل حتى حنا نعفس في لغتنا كما يحلو لناوالا على بالك العرب يفهمون العربي على اصوله؟
وانا وانت اولهم. صح والا لا؟
مشكور على التعليق.

[الفاقوش]

ابوعبيدة
الله يعافيك ومشكور على المرور.