قصيدة وفا لاهل الوفا

[سلطان الثبيتي]

سلام ياثماله وانا شاعر ثبيت=والطيب في الرجال عود لخاله
أبطيت عنكم ياخوالي واشفيت=اشفيت لرجالٍ تفك الشكاله
عزالله اني ماتجاهلت واقفيت=لكن وقتي زاد فيه انشغاله
وياللي بنيت الساس والصرح واوفيت=هذاك ابو حمزه مبهر دلاله
يكرم ضيوفه حين تلفي على البيت=يستاهل التقدير مشرف ثماله
ومانسى ولد سلمان وان قلت ماخطيت=امنسق ابيات الشعر والجزاله
والمستعين اللي غدا ذايع الصيت=نعم المؤرخ فيه قاله وطاله
وان كنت ابنسى لاحشا ماتناسيت=المشرف الهامور ذاك بمجاله
حتى ابو نايف حبيبٍ ليا اطريت=روس الرجال اهل الوفا والصماله
واثنين عنهم بالوفا ماتوانيت=بن داخل وخالي خلف طيب فاله
والختم صلى الله عددما تدعيت=على النبي المختار والحق قاله

[@ بن سلمان @]

صح لسانك يا سلطان
ولن غبت ما غاب ذكرك الطيب ولا خبرنا لك قصور دايم راعي مبدا و مواجيب

[أبو عبدالرحمن]

والنعم بك يا سلطان ...صح لسانك...وبيض الله وجهك..

أنت منا وفينا..

[الشيهان]

صح لسان ياسلطان


لفيت وانت صاحب بيت مكانك في العيون ويامرحبا مليون

اخوك (الشيهان)

[سنا الهجرة]

صح لسانك يا سلطان

وفيت وكفيت بس للاسف القصيدة ناقصها بيت

يمتدح فيه سنا الهجرة وعساني ما تعديت

وياهلا ويا مرحبا بك في دارك وفي العيون قبل كل شي

[فاعل خير]

صح لسانك ياسلطان

[المبرِّد]

والنعم بحالك والنعم بخوالكم كلهم . نقدر نقول لك : صح لسانك يا الشاعر وبيض الله وجهك

[سلطان الثبيتي]

بن سلمان الله يبقيك وعساني ماعدمك

[سلطان الثبيتي]

ابو عبد الرحمن مشرفنا الخلوق صح بدنك واشكرك على المرور العطر

[سلطان الثبيتي]

شاعرنا الشيهان الله يبقيك ويخليك

[سلطان الثبيتي]

سنا الهجره صح بدنك ومثلك محله القلب

وهذا سنا الهجره والا عنه صديت=من ماله في قلبي مدحته لحاله

[سلطان الثبيتي]

فاعل خير صح بدنك

[سلطان الثبيتي]

المبرد لا هنت والا هان مرورك يالغالي واقولك ونعم بحالك