الليل ياهاجوس لبشة

[لبشة]

الليل ياهاجوس لبشة ماتعوزك كلمتين=وظّف حروف الشعر مابين المرارة والحلا
لازان طاروق القصايد قولها لاتستكين=ماهي طلاسم سحر والا من حساب الجمّلا
علم بها شبلي لعله مايسوم الا الثمين=شرّاي من سوق الغلا بياع في سوق الغلا
ان قالها لبشة ولاصدّقتها ديّنك دين=والدين يطلب لويطول الوقت والا يمهلا
ياشبلي اللي ونّ له ونّة وصارت ونّتين=الأولة تدفع بلا والثانية جابت بلا
الأولة شفت الهدية بين خشم وبين عين=مضفي عليها من حروف الجر(من.في. عن. على)
لوقلت جبنا الما طلع في دلوها ثلثين طين=كلّ المحال ولاصفا المشروب مع جذب الّدلا
دام انت ماتحسب حسابك للكرام الكاتبين=لابد في يوم القيامة عن كلامك تسألا
ارتاح ياشبلي ولاتسأل عن المتحاربين=تروح واحد من ضحاياهم ولانلت العلا
قدّام لاتندقّ دقّ الحب في وسط الجرين=أحسن لياقرّب عليك الدور تعطيها جلا
ماقلت لي وين انت ياشبلي وهو منقاش وين=أما تحدد موقعك قبل تهرج والا فلا
الثانية قدام وجهك في طريقك سكتين=اختار سكة واضحة مافالطريق محوّلا
المستحيل انك تجيب الذيب جنب اباالحصين =والذيب مايخشر على زاد الحصين الاشهلا
خلك على دينك ولايجذبك غير الدين دين=لن كان تومن بالرسالة والرسول المرسلا
اعلم وعلم من غفل عنها عساكم سالمين=وانا ترى قلبي عن اللي في وصايفها سلا

[مشعل الثمالي]

صح لسانك يابلشه
وبيض الله وجهك

[مشاكس]

ياحبك فاللبايش
والا شبلي اللي يسوى من كماك عشره
لا تحط راسك براسه تراه يبي يشمت عليك كل
العربان من حدود الشام لين حدود اليمن
روق المنقه واهجد

[رويعي الغنم]

لله درك يا لبشه
فهكذا الشعر وهكذا الشعراء والا فلا
حلق عاليا أيها الصقر فهكذا أنت لا تحلق ألا في الأعالي بأسمى المعاني ودع السفوح والأخشاش وجوانب العشاش لغيرك.
حلق عاليا كما هي عادتك أيها الشاعر الصقر وأختر من فرائسك ما تشاء وفي أي زمان ومكان تشاء وكيفما شئت , أخترها من بغاث الطير .
فهكذا أنت لا تحلق ألا في ألأعالي ثم تنقض سهما في سرعة البرق فتخطف روح الفريسة قبل أشلائها وتمزقها أربا أربا وتدع ريشها منثورا في كل الأتجاهات .

[الشيهان]

صح لسانك يالبشه قصيده جميله في مبناها ومعناها

[@ بن سلمان @]

مسكت خط من الرياض ونيتي ما تجاوز140 ويوم دريت قلت الحق الفتنه لاتشب ومادريت ان الهرج من عارفة
صح لسانك يا قطوع

[شبلي أبو الونات]

عوذه
ما ظنيت اللبايش تبي تجيني و الا مسكت ماي في سماي
بس ما شاء الله عليك يالبشة كنت أظن ما فيه الا ثلاثة شعراء في المنتدى أبو عادل و بن داخل والمشاكس واليوم أقوا أنت رابعهم

[شبلي أبو الونات]

عوذه
ما ظنيت اللبايش تبي تجيني و الا مسكت ماي في سماي
بس ما شاء الله عليك يالبشة كنت أظن ما فيه الا ثلاثة شعراء في المنتدى أبو عادل و بن داخل والمشاكس واليوم أقول أنت رابعهم

[منقاش]

تبارك الله ما شاء الله عليك يا لبشه
بدون مجامله أو محاباه أنت شاعر ثقيف كلها , وصقر الشعار بدون منازع وان رغمت أنوف .
صح لسانك وكثر الله من أمثالك .

[أبو عبدالرحمن]

هجدهم ..هجدهم..

صح لسانك يا لبشة أبو اللبايش..

[مشاكس]

نادو مدهش يربط السلوك

[الشيهان]

صح لسانك يالبشه شاعر كفو والقصيده جميله جدا ولكن عيبها الوحيد وعيبك شهادة منقاش لها ولك من هذا الخرم حصل التنسيم واصبحت انت وقصيدك على الجنط اشطب على منقاش وتشوف كيف يعتلي نجمك على كل النجوم يالشاعر العبقري لاتضيع نفسك في البيعه الخسرانه وانت تشوف المكاسب مع الرجال امثالنا انا وانت ولاعلينا زود

[مدهش]

تبارك الله ما شاء الله عليك يا لبشه
بدون مجامله أو محاباه أنت شاعر ثقيف كلها , وصقر الشعار بدون منازع وان رغمت أنوف .
صح لسانك وكثر الله من أمثالك .

انا وانت يا منقاش لا نفرق بين الشعر و الشعير و كلامنا لو نبي نمدح الشعار مردود علينا لكن ما اعجبني في لبشه انه رجال نصوح حشيم اديب ما لقيت الزلة في كلامة وله مني بياض الوجه ولك انت يا منقاش سواد الوجه

[منقاش]

يا مدهش تكلم عن نفسك ولا تكلم عن الرجال غيرك وشوف كيف أفرق لك بين الشعر والشعير ؟.
يعني ببساطه الشعر لمنقاش والرجال اللي شرواه ,, والشعير لشرواك يا مدهش , وتحتاج معه مخلاه تعلقها في رقبتك حتى يسير تقظم منها الشعير بالشفا والهنا .
والزبده : ينطبق عليك المثل اللي يقول أن السحليه نطقت يوم وخطبت في حشود السحالي وقالت نحنا يالحنشان لو خرجنا على العالم أهلكناهم ..
يعني لا تقارن تفسك بمنقاش , لأن منقاش سيف وانت قطله
وينطبق بحقي أنا واياك بيت الشعر اللي يقول :
ألم تر أن السيف ينقص قدره ,,,,, أذا قيل أن السيف أمضى من العصا ..

[لبشة]

مشعل الثمالي
صح بدنك ، ووجهك أبيض.

[لبشة]

مشاكس
تعوذ من ابليس. شبلي رجال يتكلم عن نفسه ماهوقاصر وانت مالك دخل تهرج على فمه مثل الله يامنا.
وانا صحيح احب اللبايش بس في وجودك أنا مخدوم أشوفك موصلها للسما وجيت أتفرج بس على حد كذه.

[لبشة]

رويعي الغنم
مشكور ياالويعي على الاشادة فأنت متذوق وناقد وصاحب نظرة ثاقبة.

[لبشة]

الشيهان
صح بدنك
والجمال لايكتمل الا بوجودك .

[لبشة]

بن سلمان
الله يقطع شيطانك
أنا ماني قطوع لكن الجمل مايشوف عوجة رقبته
ويمكنك سؤال أعيان منتدى الاستراحة عني مثل الشيخ منقاش والشيخ شبلي والمخاوي ومشاكس ومدهش
وماعندكم والمشتاق أحد وشوف وش يقولون لك.

[لبشة]

شبلي أبو الونات
لاوابشرك العدد أكثر من كذه بكثير:
فيه 1+1=1
وفيه2×1=1
وفيه3×1=1
وغيره... وغيره
المهم احفظ القاعدة :
للتثبت من صحة المعادلة غالباً الناتج =1

[لبشة]

منقاش
هلاوالله بالشيخ منقاش راعي العلوم الطيبة أول وتالي
وان شاء الله أصبح شاعر المعلقات النبطية وبطريقتي الخاصة . مشكور ياالشيخ.

[لبشة]

هجدهم ..هجدهم..

صح لسانك يا لبشة أبو اللبايش..

كان بودي ياابوعبدالرحمن لكن وجدتهم هجدوا قبل مجيئي بقليل
صح بدنك ومشكور.

[لبشة]

أبو أمجد
أضحي بالجميع الا الشيخ منقاش اللي ماينحاش ولو أمعنت النظر تجد أن أهم أسباب جمال القصيدة هووجود اسم منقاش في أحد أبياتها وهذا اللي محليها هذا شي والشي الثاني أنا ماشي على جنزير مافيه لاهواء ولاجنط بس غشك النظر وتفتكر اني قاعد انفخ لساتك زي بعض الناس.

[لبشة]

مدهش
والله مدري اش اقول لك ترى مامدحني غيرك انت ومنقاش ورويعي وقلة قليلة والباقين اذا مدحوا فهي
(زبيبة في ذنبها عود) يعني يقطعون بالفاس ويمسحون بالقدوم لكن أجرنا على الله. وانت مشكور ..مشكور.

[موادع]

الحقيقه نصيحة مكعبرة وهذا حظ منقاش وفرقته دايم معتلي
رغم اني احب بسالة مخاوي وفرقته
على كل حال يالبشة العربان ماقصرت والامور بتهدأ
والشيهان بيرتاح من مقاشرتكم اللي لها اسبوع

[الشيهان]

شفت المشكله ياموادع والله اني زي برويز مشرف دوبه استلم الرياسه وانهلت عليه المشاكل وهو في حواقها الين اليوم

[المشتاق]

شبلي أبو الونات
لاوابشرك العدد أكثر من كذه بكثير:
فيه 1+1=1
وفيه2×1=1
وفيه3×1=1
وغيره... وغيره
المهم احفظ القاعدة :
للتثبت من صحة المعادلة غالباً الناتج =1
اقول و الله يا علومك شكلها خمسك اربع من يوم عودة على جدول الضرب
4 × 1 = 1
5 × 1 =1
وتراني ما ني حافظ في جدول الضرب الا الين هنا ليتك تكملنا الين 10
عفوا غالبا الناتج 1

[موادع]

لازم التفصيلات
كل واحد يروح في حاله ويعيد وينبسط وخلوا المشرف
يرتاح شويه

[مشاكس]

ترو كل الرياضيات
هي مشله 1.2.3.والباقي تلافيق

[راعي السواني]

يا مشتاق أنت باكستاني ما تفهم
والمعادله حلها تجده في مشاركة الملهم البطل قايد الطابور
http://www.thomala.com/vb/Rwabe2/misc/quotes/quot-top-left.gifإقتباسhttp://www.thomala.com/vb/Rwabe2/misc/quotes/quot-top-right.gifhttp://www.thomala.com/vb/Rwabe2/misc/quotes/quot-by-left.gif http://www.thomala.com/vb/Rwabe2/misc/quotes/viw.gif (http://www.thomala.com/vb/showthread.php?p=140356#post140356) اقتباس من مشاركة قائد الطابورhttp://www.thomala.com/vb/Rwabe2/misc/quotes/quot-by-right.gifhttp://www.thomala.com/vb/Rwabe2/misc/quotes/quot-top-right-10.gifتستاهل يا مشاكس القصيدة منك ولك وانت راعي الاوله واللي كتبها ما معه في الناس الا انت يمدحك والا باقي الناس ما يبون مدح فعالهم تمدحهم قبل المداحين . http://www.thomala.com/vb/Rwabe2/misc/quotes/quot-bot-left.gifhttp://www.thomala.com/vb/Rwabe2/misc/quotes/quot-bot-right.gif
أنتبه للكلمتين :(منك ولك) ,,, يعني 1+1=1
وتستطيع أن تفهمها مفصله من كلام الشاعر الذي لا يجارى وعالم رياضيات الشعر الكبير لبشه
http://www.thomala.com/vb/Rwabe2/misc/quotes/quot-top-left.gifإقتباسhttp://www.thomala.com/vb/Rwabe2/misc/quotes/quot-top-right.gifhttp://www.thomala.com/vb/Rwabe2/misc/quotes/quot-by-left.gif http://www.thomala.com/vb/Rwabe2/misc/quotes/viw.gif (http://www.thomala.com/vb/showthread.php?p=140618#post140618) اقتباس من مشاركة لبشةhttp://www.thomala.com/vb/Rwabe2/misc/quotes/quot-by-right.gifhttp://www.thomala.com/vb/Rwabe2/misc/quotes/quot-top-right-10.gifشبلي أبو الونات
لاوابشرك العدد أكثر من كذه بكثير:
فيه 1+1=1
وفيه2×1=1
وفيه3×1=1
وغيره... وغيره
المهم احفظ القاعدة :
للتثبت من صحة المعادلة غالباً الناتج =1 http://www.thomala.com/vb/Rwabe2/misc/quotes/quot-bot-left.gifhttp://www.thomala.com/vb/Rwabe2/misc/quotes/quot-bot-right.gif
http://www.thomala.com/vb/Rwabe2/misc/quotes/quot-top-left.gifإقتباسhttp://www.thomala.com/vb/Rwabe2/misc/quotes/quot-top-right.gifhttp://www.thomala.com/vb/Rwabe2/misc/quotes/quot-by-left.gif http://www.thomala.com/vb/Rwabe2/misc/quotes/viw.gif (http://www.thomala.com/vb/showthread.php?p=140618#post140618) اقتباس من مشاركة لبشةhttp://www.thomala.com/vb/Rwabe2/misc/quotes/quot-by-right.gifhttp://www.thomala.com/vb/Rwabe2/misc/quotes/quot-top-right-10.gifشبلي أبو الونات
لاوابشرك العدد أكثر من كذه بكثير:
فيه 1+1=1
وفيه2×1=1
وفيه3×1=1
وغيره... وغيره
المهم احفظ القاعدة :
للتثبت من صحة المعادلة غالباً الناتج =1 http://www.thomala.com/vb/Rwabe2/misc/quotes/quot-bot-left.gifhttp://www.thomala.com/vb/Rwabe2/misc/quotes/quot-bot-right.gif

[ابن ابي محمد]

لقد أتعبت الشعراء من بعدك يا لبشه
لله درك أيها الشاعر الذي تنحني أمامه هامة الشعراء ألأعداء منهم قبل الأصدقاء
لقد حاروا في معاني شعرك ونثرك الذي يذكرني بالصواريخ العابرة للقارات المتعددة الرؤوس التي تضرب عشرات الأهداف في وقت واحد.
بحق أنت أحدى المعجزات وأنت متنبي زمانك الذي قال
أنام ملىء جفوني عن شواردها ,,,,,,,,, ويسهر القوم جراها ويختصم

[المشتاق]

امحق من راعي سواني
لقد فسرت الماء بعد الجهد بالماء
أقول عود لقلدك لا يروح عليك معنا رجال قومانية والله ليشربونه و يقولون عطاشا

[راعي السواني]

يا مشتاق خليك للأوردي والخردي
أما هذا شعر عرب وامثالك ما يفهمونه
وبالعربي المكسر هذا الشعر قنابل على روس المتاعيس , ودرر وجواهر في أواني من ذهب عند العقلا ذواقة الشعر وفن البلاغه والفصاحه .
يعني البلاغه لأهلها مثل أبو عادل وسنا الهجره ولبشه وغيرهم ما عندهم الا خرامط وزرامط .

[البروفيسور]

صح لسسسساتك
أشهد انك شاعر

[لبشة]

الحقيقه نصيحة مكعبرة وهذا حظ منقاش وفرقته دايم معتلي
رغم اني احب بسالة مخاوي وفرقته
على كل حال يالبشة العربان ماقصرت والامور بتهدأ
والشيهان بيرتاح من مقاشرتكم اللي لها اسبوع


أكيد أنت مغرم بالمكعبر
وعشان كذه خلك مع منقاش تراه خبير فكم زرع وأهدى وباع وورط الغشم في المكعبر
وكم من ضحاياه من يعاني حتى اليوم بسبب المكعبر وكم أشغلت أسرة المستشفيات بضحايا
المكعبر .

[لبشة]

شفت المشكله ياموادع والله اني زي برويز مشرف دوبه استلم الرياسه وانهلت عليه المشاكل وهو في حواقها الين اليوم

عزي لحالك ياالشيهان
أنت ماتدري وش مقبل عليك والله اني آوي لحالتك
ترى ماشفت من الشاة الا اذنها ولا أقول غير الله يعينك
لكن نصيحة الجأ الى منقاش لأنه شيخ بحق وحقيقة ولديه حل لكل مشكلة.

[الشيهان]

الله يوفقك يالبشه انا ماصدقت ان منقاش غاب عن هذا المكان تبيني الحقه في الاستراحه

خله يفارقني يانحله لاتقرصيني ولا ابغيلك عسل

[حسن عابد]

اقول يالشيهان اذا شفت الرياجيل واردين على بعض تعال جنبي وخلنا نتفرج

[لبشة]

اقول و الله يا علومك شكلها خمسك اربع من يوم عودة على جدول الضرب
4 × 1 = 1
5 × 1 =1
وتراني ما ني حافظ في جدول الضرب الا الين هنا ليتك تكملنا الين 10
عفوا غالبا الناتج 1



على حد علمي يامشتاق انها من العشرة وجاي(يعني حتى الآن ماتزيد عن هذا الرقم)
والقاعدة معروفة
الناتج = واحد
لذلك ماتحتاج حفظ طبق القاعدة فقط

[لبشة]

ترو كل الرياضيات
هي مشله 1.2.3.والباقي تلافيق



وانت وش عرفك في الرياضيات
خلك عند 1،2،3، وحتى ليتك جايبها تصاعدي
أقلك : فارقنا لاعاد اشوفك تحوم هنا .!!!!!

[لبشة]

ابن أبي محم

تصدق يوم تمدحني أحس اني أبطير من الفرح واحس بنشوة الانتصار على واحد من المجموعة هو اللي باط كبدي
وهويعرف نفسه وبيني وبينك أول ثلاثة حروف من اسمه (تدل على المسير )
اذاعرفت لاتعلم احد.

[لبشة]

يا مشتاق خليك للأوردي والخردي
.
يعني البلاغه لأهلها مثل أبو عادل وسنا الهجره ولبشه وغيرهم ما عندهم الا خرامط وزرامط .


نعم أصبت ياراعي السواني أشهد انك صادق في كل ماقلت بيض الله وجهك.

[لبشة]

صح لسسسساتك
أشهد انك شاعر


صح بدنك يابروفيسور
وأبيض وجه عساك سالم.