إلى متى ؟؟؟؟

[سنا الهجرة]

إلــــــــى متـــــــــــــــــى




إلى متى والهوى حاكم.. وحنا عبيد=إلى متى نترك اهوانا تسيرنا
إلى متى تحلم أنفسنا بعمر مديد=وذنوبنا كل ما نكبر تحاصرنا
من حاسب النفس وانذرها العذاب الشديد=من قال لا للتمادي في تكبرنا
من قال يانفس مالك غير درب وحيد=لو غرنا المال والهانا تكاثرنا
منهو اللي منا تمنى يموت موتة شهيد=منهو اللي فكر بماضينا وحاضرنا
كيف اننا من تجارب غيرنا نستفيد=دام اننا في سعة والرب ساترنا
إلى متى نشعر ان الموت عنا بعيد=هل ننتظر لحظة فيها يباشرنا
ما حرك قلوبنا (ما كنت منه تحيد)=أو سكرة الموت.. لو فيها تدبرنا
والفاظنا اللي يسجلها رقيب(ن) عتيد=ما والله انه يبي ياخذ بخاطرنا
في ذلك الوقت يا أما شقي أو سعيد=واعمالنا تنتظرنا في مقابرنا
أعمالنا كنها في ايدين ساعي البريد=أما خذ ارباحنا ... والا خسايرنا
صحيح مابه جديد ولو بقول وبعيد=لكن حنا بحاجة من يذكرنا

إلى متى ؟ كيف ؟ منهو ؟ من ؟ وماذا نريد ؟=ياما... وياما.. تكرر في منابرنا
نمسي عليها ونصبح حولها من جديد=نسمع.. ولا كن جانا من يحذرنا
نسمع بشاير ونسمع ماذكر في الوعيد=وكل هذا ... ولا حرك ضمايرنا
يارب رحمتك ... واحنا كلنا لك عبيد=لطفك وعفوك ومن نورك تنورنا
واجعل عملنا لوجهك... نستفيد نفيد=وبسنة المصطفى...نور بصايرنا
واحسن لنا الخاتمة من بعد عمر مديد=وبجنة الخلد ياربي تبشرنا


وسلامتكم

[@ بن سلمان @]

يبطي السؤال
يعطيك العافية يا بو عبدالله

[سنا الهجرة]

يبطي السؤال
يعطيك العافية يا بو عبدالله


السؤال صعب والجواب أصعب يابو هبه

والله يعافيك ويستر علينا وعليك يابعدي والله

[الشيهان]

ياسلام عليك ياخالي صح لسانك ولاعدمنا كلامك

حكمه من اول بيت الى اخر بيت وكل بيت لوحده كافي

يوم شفت العنوان توقعت انك استجبت لدعوتي اللى امس بس الحمد لله انها جات كذا اطيب وافضل 100 مره

[سنا الهجرة]

ياسلام عليك ياخالي صح لسانك ولاعدمنا كلامك

حكمه من اول بيت الى اخر بيت وكل بيت لوحده كافي

يوم شفت العنوان توقعت انك استجبت لدعوتي اللى امس بس الحمد لله انها جات كذا اطيب وافضل 100 مره

حياك الله وبياك يا مشرفنا المحبوب

ومشكور على هذي الكلمات الرقيقة

وعاد أنت أخبر بخالك ما يحتاج أعلمك ولكن للي ما يعرف خالك
تراني ماني خفيف وعندي من الثقل ما يجعلني أنتظر أسبوعين ثلاثة

وبعدين يمكن أجس نبضات قلبي وان لقيت شي ما بذخره عنكم


وان كان ماااااااش مااااااااااااااش

[أبو عبدالرحمن]

صح لسانك أبو عبدالله...

وبارك الله فيك وأحسن إليك.
فعلاً قصيدة ... ما أجملها ... بسموِّ غايتها... ونزاهة مقصدها ...وطاهرة قائلها.

لا عدمناك..
وتصويت للقصيدة بـ 5 نجوم

[سنا الهجرة]

صح لسانك أبو عبدالله...

وبارك الله فيك وأحسن إليك.
فعلاً قصيدة ... ما أجملها ... بسموِّ غايتها... ونزاهة مقصدها ...وطاهرة قائلها.

لا عدمناك..
وتصويت للقصيدة بـ 5 نجوم


الله يجيزاك بالخير يابو عبد الرحمن


هذا من ذوقك ولطفك بارك الله فيك

وأنت أطال الله في عمرك دخولك متصفحي تصويت بحد ذاته


مشكور مرة أخرى

[ابو عادل]

الله الله على روعتك ياسنا الهجرة
من جمالك ماتجيب الا كل جميل
ذكرت ، ونصحت ، ووعظت ، وأجزلت فأقنعت
جعلها الله في موازين حسناتك
صح لسانك وسلم قلمك يارائع.

[@ بن سلمان @]

وعاد أنت أخبر بخالك ما يحتاج أعلمك ولكن للي ما يعرف خالك
تراني ماني خفيف وعندي من الثقل ما يجعلني أنتظر أسبوعين ثلاثة


تكفى يا ثقيل لا تثقل علينا
سمعت ان زهور ودها بك
لا تفشلنا مع المرة حدد لها موعد والصفوف عندي

[مشاكس]

واحسن لنا الخاتمة مـن بعـد عمـر مديـد
وبجـنـة الخـلـد يـاربــي تبـشـرنـالنا ولجميع إخواننا المسلمين

[سنا الهجرة]

الله الله على روعتك ياسنا الهجرة
من جمالك ماتجيب الا كل جميل
ذكرت ، ونصحت ، ووعظت ، وأجزلت فأقنعت
جعلها الله في موازين حسناتك
صح لسانك وسلم قلمك يارائع.


الله يجبر بخاطرك يابو عادل

كلماتك هذي لها وقع خاص في في قلب محبك سنااا

الله لا يحرمنا واياك الاجر والمثوبة يارب

[سنا الهجرة]

تكفى يا ثقيل لا تثقل علينا
سمعت ان زهور ودها بك
لا تفشلنا مع المرة حدد لها موعد والصفوف عندي



الثقل صنعة والتصنع شطارة=واللي بلا صنعة تصنٌع وشغال
يابو هبه هذي ضريبة حضاره=وزهور ما تقدم على سبر الادغال

[سنا الهجرة]

واحسن لنا الخاتمة مـن بعـد عمـر مديـد
وبجـنـة الخـلـد يـاربــي تبـشـرنـا.... لنا ولجميع إخواننا المسلمين



الله جزاك بالخير يامشاكس ويحسن خاتمتنا وخاتمتك وكل مسلم

[حسن عابد]

روعة ياسناالهجرة يا امير

[@ بن سلمان @]

الثقل صنعة والتصنع شطارة=واللي بلا صنعة تصنٌع وشغال
يابو هبه هذي ضريبة حضاره=وزهور ما تقدم على سبر الادغال
إسمعي يا بنت عمي كلام هذا المتهور

[سنا الهجرة]

روعة ياسناالهجرة يا امير


مشكور يا حسن على لطفك ونبل أخلاقك

[سنا الهجرة]

إسمعي يا بنت عمي كلام هذا المتهور



ههههههههههههههههههههه ياحبك للفتنة ههههههههههههههههههههههههه

[الشيهان]

انا في وجه الله من كلامك التالي ياخالي والمدّرج اقرب لي في مثل هذي المواقف

[الفين]

سنا الهجره قصيدك شي ماهو هين
الله يعطيك خير صنعتك مدري تصنعك احسب خطواتك والحذر ثم الحذر ثم الحذر ياما روس طارت
فيه كتاب للشيخ عايض القرني (قصائد قتلت اصحابها ) واضن البيتن هذي بتكتب في الكتاب بطبعته الجديده

[سنا الهجرة]

انا في وجه الله من كلامك التالي ياخالي والمدّرج اقرب لي في مثل هذي المواقف

ههههههههههههههههههههههههه

منت من أصحاب المدرجات يالشيهان

الصقر دايم فوق طاير ما ينزل الا وقت اللزوم و يقلع من جديد

[سنا الهجرة]

سنا الهجره قصيدك شي ماهو هين
الله يعطيك خير صنعتك مدري تصنعك احسب خطواتك والحذر ثم الحذر ثم الحذر ياما روس طارت
فيه كتاب للشيخ عايض القرني (قصائد قتلت اصحابها ) واضن البيتن هذي بتكتب في الكتاب بطبعته الجديده



أذكر الله يا رجال

الدنيا سهود ومهود وانا على طول بادي وخلق الله شهود

والله يعزك يابلادي يالسعودية

[طاير الحب]

تسلم يابو عبدالله ونشوفك ان شالله في شاعر المليون

[سنا الهجرة]

تسلم يابو عبدالله ونشوفك ان شالله في شاعر المليون

الله يخليك يا طاير الحب
بس عاد شاعر المليون مرة وحدة

ما يصير

[سلطان الثبيتي]

عسى الله يرزقنا درب الصلاح والهداه ويحسن لنا خواتم اعمالنا صح لسانك يالشاعر الفذ
المخلص لك سلطان الثبيتي

[سنا الهجرة]

عسى الله يرزقنا درب الصلاح والهداه ويحسن لنا خواتم اعمالنا صح لسانك يالشاعر الفذ
المخلص لك سلطان الثبيتي

يا هلا ويا مرحبا بخوي سلطان

صحيت وصح بدنك والله يتقبل دعواتك ويجزاك بالخير