ابو عادل
01-12-2008, 01:19 PM
هذه المحاورة جرت أمس بيني وبين الشاعر الكبير وعضو المنتدى أبوسعد(سالم العجمي)
أبوعادل:
سلام ردّيّةٍ نبدي بها عسر المراقيب=وملبسة بالذهب والماس /والملبوس غالي
العام يايام أخذتوها من يدين المعازيب=واليوم مطلوب حق الناس/حلو ومرّ حالي
سالم العجمي
يامرحبا فالمحل اللي يكثر فالتراحيب=ضاري على الطيب والنوماس / من عصر الهلالي
الله يعز الرجال اللي يسدون المواجيب=ماعودت فاللقا بفلاس/ والبيرق مثالي
أبوعادل
دام البقا يارجال المرجلة والمدح والطيب=وكليب ناوي على جساس/ في سود الليالي
هذي السنة قاطع البيدا على عوج العراقيب=مرهي بها من صليب الراس /زايد راس مالي
سالم العجمي:
كانك شنب ياشنب بكرة تلاقيك الأشانيب=وتحمس بنّك على المحماس/وتمدّ الزوالي
الكيف ياشاعر الثملان يلقى له شواريب=والعرق تدرون به دسّاس / من عمٍ وخالي
أبوعادل
لن كان صابت معك مرة فلاهودايم تصيب=والوضع مابيننا حساس/من هنهن يلالي
مامونها حطها بيديك لايسري بها الذيب=والا انت حبرٍ على قرطاس/مالك نجم عالي
سالم العجمي:
مالي عن الموقف الغصاب يارجال تجنيب=أنا قبيلك ولابه باس/ وانت أوقف قبالي
أنا منصّب ولااقبل غير فكبار المناصيب=واضحك على طابخين الفاس / وانكس عقالي
أبوعادل:
ياساري الليل حظك تنكسه روس المشاعيب=ماقبلك الاحدودامواس/ وش تقدر تصالي
أكرب حزامك قبل يظهر علاك من العذاريب=تراك بين الرجا والياس/في حلم وخيالي
سالم العجمي:
لاوالله الا نبا نقطع خيوط الشك والريب=وانت اضرب اخماس فوق اسداس/وابعد من مجالي
نسرج على المهرة اللي داربة فالميد تدريب=ياغلبها العجمي الفراس/ماجت بالتوالي
أبوعادل:
ياماعبي لك من الايام ياراع التجاريب=حلفت ماارجع بغير الكاس/مافيها جدالي
اسرج خيولك وقربها على حد المصاليب=والمويه تكذب الغطاس/والموج متوالي
سالم العجمي:
ان كان تقوى على الدنيا ف شقلبها تشقليب=واغرف من القدر بالملاس /واشتال الثقالي
حنا مصلين بالعربان في روس المحاريب=واهل الكنيسة تدن اجراس/ مافيهم ثمالي
أبوعادل:
لولاك ياسالم العجمي تردّ ايدك على الجيب=ماجت لك مقيّسة بقياس/في صفر الدلالي
أمطر مطرها على دار السنة وبظاهر الغيب=فلّت بها بلّ ابونواس/والبارق شمالي
سالم العجمي:
الله ولاالذمة القشرا ولابعض الأكاذيب=ناسٍ تهرج على النساس/حيلة واحتيالي
ياكثر مايعرف الصاحب من علوم الاصاحيب=أثره على خدهم عساس/فظهور الجمالي
أبوعادل:
مايطفي النار غير الثار وتدور اللواليب=ومن لايدوس الخطر ينداس/من تحت الهيالي
بكرة تشوف الزلال الياغطاجمه غثاريب=والبنك يوشك على الافلاس/مايبقى ريالي
سالم العجمي:
ماطاح من جود العروة وكرب فالمقاضيب=وانته كلامك كما النبراس /حكمة واكتمالي
واشيب راسك يبوعادل لياماجاتلك شيب=ماتنطفي شمعة الجلاس/ مع طول الليالي.
[/poem]
أبوعادل:
سلام ردّيّةٍ نبدي بها عسر المراقيب=وملبسة بالذهب والماس /والملبوس غالي
العام يايام أخذتوها من يدين المعازيب=واليوم مطلوب حق الناس/حلو ومرّ حالي
سالم العجمي
يامرحبا فالمحل اللي يكثر فالتراحيب=ضاري على الطيب والنوماس / من عصر الهلالي
الله يعز الرجال اللي يسدون المواجيب=ماعودت فاللقا بفلاس/ والبيرق مثالي
أبوعادل
دام البقا يارجال المرجلة والمدح والطيب=وكليب ناوي على جساس/ في سود الليالي
هذي السنة قاطع البيدا على عوج العراقيب=مرهي بها من صليب الراس /زايد راس مالي
سالم العجمي:
كانك شنب ياشنب بكرة تلاقيك الأشانيب=وتحمس بنّك على المحماس/وتمدّ الزوالي
الكيف ياشاعر الثملان يلقى له شواريب=والعرق تدرون به دسّاس / من عمٍ وخالي
أبوعادل
لن كان صابت معك مرة فلاهودايم تصيب=والوضع مابيننا حساس/من هنهن يلالي
مامونها حطها بيديك لايسري بها الذيب=والا انت حبرٍ على قرطاس/مالك نجم عالي
سالم العجمي:
مالي عن الموقف الغصاب يارجال تجنيب=أنا قبيلك ولابه باس/ وانت أوقف قبالي
أنا منصّب ولااقبل غير فكبار المناصيب=واضحك على طابخين الفاس / وانكس عقالي
أبوعادل:
ياساري الليل حظك تنكسه روس المشاعيب=ماقبلك الاحدودامواس/ وش تقدر تصالي
أكرب حزامك قبل يظهر علاك من العذاريب=تراك بين الرجا والياس/في حلم وخيالي
سالم العجمي:
لاوالله الا نبا نقطع خيوط الشك والريب=وانت اضرب اخماس فوق اسداس/وابعد من مجالي
نسرج على المهرة اللي داربة فالميد تدريب=ياغلبها العجمي الفراس/ماجت بالتوالي
أبوعادل:
ياماعبي لك من الايام ياراع التجاريب=حلفت ماارجع بغير الكاس/مافيها جدالي
اسرج خيولك وقربها على حد المصاليب=والمويه تكذب الغطاس/والموج متوالي
سالم العجمي:
ان كان تقوى على الدنيا ف شقلبها تشقليب=واغرف من القدر بالملاس /واشتال الثقالي
حنا مصلين بالعربان في روس المحاريب=واهل الكنيسة تدن اجراس/ مافيهم ثمالي
أبوعادل:
لولاك ياسالم العجمي تردّ ايدك على الجيب=ماجت لك مقيّسة بقياس/في صفر الدلالي
أمطر مطرها على دار السنة وبظاهر الغيب=فلّت بها بلّ ابونواس/والبارق شمالي
سالم العجمي:
الله ولاالذمة القشرا ولابعض الأكاذيب=ناسٍ تهرج على النساس/حيلة واحتيالي
ياكثر مايعرف الصاحب من علوم الاصاحيب=أثره على خدهم عساس/فظهور الجمالي
أبوعادل:
مايطفي النار غير الثار وتدور اللواليب=ومن لايدوس الخطر ينداس/من تحت الهيالي
بكرة تشوف الزلال الياغطاجمه غثاريب=والبنك يوشك على الافلاس/مايبقى ريالي
سالم العجمي:
ماطاح من جود العروة وكرب فالمقاضيب=وانته كلامك كما النبراس /حكمة واكتمالي
واشيب راسك يبوعادل لياماجاتلك شيب=ماتنطفي شمعة الجلاس/ مع طول الليالي.
[/poem]