عسام (مليون ترحيبة)

[لبشة]

السلام عليكم ورحمة الله وبركاته

سعدت بانضمام الأخ الشاعر عسام الى المنتدى ومشاركته بقصيدته (سلام ياجد الحسن سلام ياجد الحسين) وهي بحق قصيدة رائعة استثارت فيّ الهاجس فأحببت مجاراته والترحيب به لأستفيد من هامة شعرية راقيةوليعذرني على أي قصور .

باسم الوليّ المعتلي ربي ورب العالمين=محيي العظام البالية منزل تبارك والقلم
من بعدها مليون ترحيبة تسرّ الزايرين=بالشاعر الضيف الكريم اللي لفا دار الكرم
يامرحبا ياضيفنا واقلط على سمن وسمين=والعين ماتشناك ياضيف الغلا الشهم الأشمّ
منزلك الاول بيننا غانم وبين الغانمين=في منتدى سمّ العدا مايلحق اهل الطيب ذمّ
والمنزل الثاني قلوب اهل المحل المخلصين=دام انت جاي ولك عشم ماخاب ظنّك والعشم
حنا توارثنا السلوم امن الجدود الاولين=طيب ووفا عزّ وصفا (هذا أخو وهذا ابن عم)
نعم السلف بعد الخلف مافيهم اللي يستكين=وافعالهم يروي بها الراوي وينطق كل فم
غضباتنا بركان متفجّر ويعمي كل عين=تخفي ردى والاّ عدا يطلع لها نار وحمم
اللابة اللي من قديم الوقت تقضي كل دين=مانالت الدنيا من اصحاب المبادي والقيم
والنعم في لابتك لوني مااعرف اللابة منين=لكن سفير اهل القمم يبقى على روس القمم
عرّفت عن نفسك وتعريفك بقي له كلمتين=ليتك رمزت بدالها حتى ولو حرف ورقم
مااظنّ فيها غيب والاّ انته على غيبك ظنين=ان قلتها زدنا شرف ياذيب كان الله قسم
هذا وهو ماهو بانا اللي يبحث الخافي الدفين=لكن خواطر لو طرت فالبال ماهي من نهم
خلاصة القول ان علمك زين والمنطوق زين=ماقلت غير اللي يسر البال والمنطق حكم
قدامك الميدان دام انك تدين وتستدين=وانت العسام ودونك الميدان جلاّي الظّلم
أكمل عقود المعرفة بالجزل ياالقلب الفطين=واقولها(هذا أوان الشّدّ فاشتدّي زيم)
ان جيت في وصف السيوف الوصف واحد من ثنين=سيفٍ يقص رقاب والثاني يلين وينثلم
ياجار مدري ضيف مدري مسلم امن المسلمين=شرّفت واهلاً بك سواءً ضيف أودمّ ولحم
وختامها صلوا على المبعوث بالنور المبين=أفلح وفاز اللي بذكره لاانتهى قوله ختم

[اليزيدي]

كفيت وفيت وبيض اللة وجهك

[حسن عابد]

يستاهل الترحيب والتقديم اللائق

[ابو عدي]

قصيدة جزلة
وعسام انشاءالله انه يستاهل
ماشفنا منه الا علوم رجال

[أبو عبدالرحمن]

باسم الوليّ المعتلي ربي ورب العالمين=محيي العظام البالية منزل تبارك والقلم
من بعدها مليون ترحيبة تسرّ الزايرين=بالشاعر الضيف الكريم اللي لفا دار الكرم
يامرحبا ياضيفنا واقلط على سمن وسمين=والعين ماتشناك ياضيف الغلا الشهم الأشمّ
منزلك الاول بيننا غانم وبين الغانمين=في منتدى سمّ العدا مايلحق اهل الطيب ذمّ
والمنزل الثاني قلوب اهل المحل المخلصين=دام انت جاي ولك عشم ماخاب ظنّك والعشم
حنا توارثنا السلوم امن الجدود الاولين=طيب ووفا عزّ وصفا (هذا أخو وهذا ابن عم)
نعم السلف بعد الخلف مافيهم اللي يستكين=وافعالهم يروي بها الراوي وينطق كل فم
غضباتنا بركان متفجّر ويعمي كل عين=تخفي ردى والاّ عدا يطلع لها نار وحمم
اللابة اللي من قديم الوقت تقضي كل دين=مانالت الدنيا من اصحاب المبادي والقيم
والنعم في لابتك لوني مااعرف اللابة منين=لكن سفير اهل القمم يبقى على روس القمم
عرّفت عن نفسك وتعريفك بقي له كلمتين=ليتك رمزت بدالها حتى ولو حرف ورقم
مااظنّ فيها غيب والاّ انته على غيبك ظنين=ان قلتها زدنا شرف ياذيب كان الله قسم
هذا وهو ماهو بانا اللي يبحث الخافي الدفين=لكن خواطر لو طرت فالبال ماهي من نهم
خلاصة القول ان علمك زين والمنطوق زين=ماقلت غير اللي يسر البال والمنطق حكم
قدامك الميدان دام انك تدين وتستدين=وانت العسام ودونك الميدان جلاّي الظّلم
أكمل عقود المعرفة بالجزل ياالقلب الفطين=واقولها(هذا أوان الشّدّ فاشتدّي زيم)
ان جيت في وصف السيوف الوصف واحد من ثنين=سيفٍ يقص رقاب والثاني يلين وينثلم
ياجار مدري ضيف مدري مسلم امن المسلمين=شرّفت واهلاً بك سواءً ضيف أودمّ ولحم
وختامها صلوا على المبعوث بالنور المبين=أفلح وفاز اللي بذكره لاانتهى قوله ختم


اللهم صلِّ على نبينا محمد

الله الله عليك يا عم..

كفيت ووفيت..


حنا توارثنا السلوم امن الجدود الاولين=طيب ووفا عزّ وصفا (هذا أخو وهذا ابن عم)
نعم السلف بعد الخلف مافيهم اللي يستكين=وافعالهم يروي بها الراوي وينطق كل فم
غضباتنا بركان متفجّر ويعمي كل عين=تخفي ردى والاّ عدا يطلع لها نار وحمم
اللابة اللي من قديم الوقت تقضي كل دين=مانالت الدنيا من اصحاب المبادي والقيم

[لبشة]

اليزيدي
شكراً لك على هذا الحضور

[Naif]

بيض الله وجهك اخوي لبشه وصح لسانك

وعسام اخ كريم ويستاهل كل خير

[@ بن سلمان @]

ياجار مدري ضيف مدري مسلـم امـن المسلميـن =شرّفت واهـلاً بـك سـواءً ضيـف أودمّ ولحـم
نعم المهلي يالبشة

[مدهش]

يا حليلك يا مدهش يوم تقرأ ما يدهشك
تسيب كل شيء في يدك و تجي
صح لسانك يالبشة على هذا الديباجة

[بن داخل]

والنعم في لابتك لونـي مااعـرف اللابـة منيـن
لكن سفير اهـل القمـم يبقـى علـى روس القمـم
لبشة مافيك حيلة
وفيت وكفيت

[{بعيدالنظر}]

مرحبا بالضيف مليوووووووووووووووون ولايكفون
ولله درك يالبشه وعزالله إنك شاعر شاعر شاعر قراري

بيض الله وجهكـ

[لبشة]

كفيت وفيت وبيض اللة وجهك

ووجهك أبيض يااليزيدي وشكراً لك

[لبشة]

يستاهل الترحيب والتقديم اللائق

نعم والضيف له حق ومقدار.

[لبشة]

أبوعدي
صدقت والله يجملنا مع الطيبين.
شكراً لمرورك.

[لبشة]

أبوعبدالرحمن
جمل حالك ياصاحب الجميل
مشكووووووووور.

[عسام]

كفو كفو كفو ... كفيت و وفيت يا لبشه وعلمك غانم

وأنت راعي العلوم الطيبة

والنعم والستة أنعام بك وبربعك

أنا أشهد إنك قمت بالواجب وزود وما قلت دليل أهتمامك

بالشعر والشعراء وردك على قصيدتي شرف لها ولي

بيض الله وجهك ووجه كل من علق على ما كتبت

كان في ما قلت في ردي على اليزيدي

وأنا لفيـت بـدار حشمـه ومقـدار=جايـي وباخـذ عنـد الاجـواد دوره
جيت بعلـوم(ن) كنهـا در الابكـار=ماهي عن عيون الرجاجيـل عـوره

وأنا الحين أعتبر هذا أول درس تلقيته من معلم بارع

وأعتقد أنه درس من الدروس الصعبة والمفيده في نفس الوقت




ألف ألف شكر لك يا لبشه على هذا الحضور الرايع
والشكر كذلك موصول لكل الاعضاء

[سنا الهجرة]

الله الله الله

يا لبشة

أنا أشهد إنك لبشه على اسمك

ياشيخ أرفق على الرجال شوي خليه ياخذ نفس
الرجال توه جاي من سفر خليه يريح شوي
وبعدين الضيف له ثلاثة أيام ما حد يقول له هات العلوم


بس الحقيقة اللي ما عليها غبار إنك ما فيك حيلة

لو تسلم المطامر على الضيفان

مثل ما طامرت فيني أول ما جيت
ههههههههههههههههههههههههههههه

حياك الله يا ضيفنا حليت في دارك وبين أخوانك

وان ما شالك المنتدى تشيلك عيوننا

[لبشة]

نايف
صح بدنك ووجهك أبيض ومشكوور.

[لبشة]

بن سلمان
ونعم بحالك
وشكراً لمرورك.


مدهش
أنت حقاً مدهش
مشكور على مرورك وتعليقك الجميل


بن داخل

أشكرك على المرور العبق.

[لبشة]

بعيد النظر
ووجهك أبيض
وهذه شهادة أعتز بها من أستاذ الشعر
أشكر لك حضورك.

[لبشة]

كفو كفو كفو ... كفيت و وفيت يا لبشه وعلمك غانم
وأنا الحين أعتبر هذا أول درس تلقيته من معلم بارع

وأعتقد أنه درس من الدروس الصعبة والمفيده في نفس الوقت




ألف ألف شكر لك يا لبشه على هذا الحضور الرايع
والشكر كذلك موصول لكل الاعضاء[/center][/size][/color]



لاشكر على واجب
أنت ضيف ومن أبسط حقوقك علينا أن نرحب بك بمايليق وثق تماماً أنني لولم أجد قصيدتك بهذه القوة والروعة لما كان لدي الحافز للرد ولكنك تستاهل كل خير والله يحييك تحية المطر.
بالنسبة للدرس فليس هناك من درس فقط هو تعبير عن المشاعر بكل صدق وأشكرك من قلبي.

[لبشة]

سنا الهجرة
ترى الحين من اللي قاعد يتلبش أنا والا أنت؟
على فكرة أنا بديت أهدأ من بعد فكنا الله من المشاكس ويمكن اندمج معكم
اذا ارتحت من الماخوذ.
مشكووووووووووووور على تعليقاتك الجميلة
وحياالله هذا الحضور المتجدد.

[واقعي جدا]

بيض الله وجهك اخوي لبشه وصح لسانك

[سنا الهجرة]

سنا الهجرة
ترى الحين من اللي قاعد يتلبش أنا والا أنت؟
على فكرة أنا بديت أهدأ من بعد فكنا الله من المشاكس ويمكن اندمج معكم
اذا ارتحت من الماخوذ.
مشكووووووووووووور على تعليقاتك الجميلة
وحياالله هذا الحضور المتجدد.


أقول بيض الله وجهك يا لبشة

والله إنك نشمي ولا فيك قصور

وتراني ما نسيتي شهادك لي

بعد محاورتي معاك اللي شرفتني بها الله يعطيك طولة العمر
بس السوالف معاك لها نكهة خاصة

تحيااااااااااااتي لك يالغالي

[محمد بن حميدان]

عزا الله صح لسانك يا لبشة شاعر جزل بمعنى الكلمة


بارك الله فيك