لو كنت مكانة وش تسوي؟

[مخاوي منقاش]

عودة سلام الشمري رجل على قد حالة ضابط صف في جوازات حائل خرج في بداية الاسبوع من المكتب واراد ان ياخذ بعض المقاضي من السوق ولكنه تذكر ان مامعه فلوس ولا يوجد في رصيده الا 300 ريال وياق 4 أيام على الراتب واطلق تنهدة ولكنة سرعان ما استغفر الله ووقف عند صراف الراجحي وهو يقول اسحب مية او ميتين؟ وعندما ضغط على الرصيد وجد ارقام لم يستطع عدها وحاول مرة اخرى ونعوذ من الشيطان بعد ان عرك عينية وقال في نفسه انا درست الارقام بس عمري ماشفت مثل طول هالرقم واحد اثنبن الى ان وصل التسعة 452300300 سحب البطاقة ودخل على موظف البنك قال ابيك تعلمن كم رصيدي فلما قراء الموظف الرقم شخصت عينه على السائل وقال اربعمائة واثنان وخمسون مليون وثلاث مئةالف وثلاث مئة ريال وقال وش هلمصيبة الي حلت عليك ياعودة؟ وذهب الى المدير وعمل المدير الاتصالات اللازمة ووجدو ان المبلغ قد حولة رجل اعمال كبير من جدة ولكن الموضف غلط وتم تصحيح الوضع وتم شكر عودة شكرا حارا ومر على المكينة وسحب 100 ريال وذهب يتغدى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو كنت مكانه وش تسوييييييييييييييييييييييي؟ بدون مجامل وانا متاكد ان ابن ابي محمد اول من تسيل لعابه حتى يسيل من سيلانه وادي عورش

[@ بن سلمان @]

الله يكثر من امثال عودة
لكن اعرف عن حالات تمرير لمبالغ كبيرة مثل هذه تمرر لحسابات مجمدة او اصحابها طفارى لا حيلة لهم
لكن ليش ؟ هناك اسباب يعرفونها هم و يبررونها باخطاء و لا يمدينا نحن عملاء سامبا ننسى
اذكر اني لقيت 1227 سهم للمصافي في محفظتي في وقت كان سعرها 360 ريال و عشان تتأكد من نوياي في مثل هذا الظرف حطيت عليها امر بيع بسعر سوق لكن لم يقبل .
و بعد 24 ساعة شالوها و لقيت بكرة كل اصحاب المحافظ في سامبا صار لهم مثل ما صار لي
يبدو لي كان في كبسة من ساما على محافظ هوامير تملك اكثر من النسبة ال 5 % في وقتها و صرفت على حساباتنا

انا لو القاها في حسابي برطم على برطم

[مخاوي منقاش]

لفت نظري على موضوع غسيل الاموال ولا ماعندى سالفة؟ وتكفى ياحليف رجع موضوع الهوامير انا ما ادل الا الاستراحة وخاصة ان شيري ما تتجراء تدخل الا على الاستراحة علشان تعرف من يحميها ولا فؤاد الله يخلف

[أبو عبدالرحمن]

ليت أدب موظف البنك شويه

واتصل بالهاتف وتفاوض معهم ..بس رفع ضغط لهم..

[** شيري**]

لفت نظري على موضوع غسيل الاموال ولا ماعندى سالفة؟ وتكفى ياحليف رجع موضوع الهوامير انا ما ادل الا الاستراحة وخاصة ان شيري ما تتجراء تدخل الا على الاستراحة علشان تعرف من يحميها ولا فؤاد الله يخلف

فؤاد من ثقته في مخليني اسوي اللي يستهويني وهو عارف كمانه انك شايب و عايب واصلا ما فيه اللي يملا عيني في هادا المنتدى الا فؤاد وخاله منقاش

[شبلي أبو الونات]

سنايدي خوالي شمر
قوماني يا بن سلمان أنت وحلفاك مخاوي و الفين حرامي البطاطين ومونة خادم الحرمين الشريفين للفقراء

[منقاش]

الشمري غبي ولا أغبى منه ألا أنت يا مخاوي .
الحمار لو هو رجال راح لفرع ما أحد يعرفه فيه وسحب ثلاثمية 300مليون وسافر لدبي وحطها في عقارات , وان خاف أكثر يسافر بلد ثالث ويشتري هويه جديده ويسحب المال بشيك من الهويه الأولى كاش ثم يودعه في حساب هويته الثانيه ويرمي على الديار واهلها بمية حجر ..

[مخاوي منقاش]

غدا التحليل النفسي لاجوبتكم اذا اعطانا الله طولة عمر

[@ بن سلمان @]

غدا التحليل النفسي لاجوبتكم اذا اعطانا الله طولة عمر
تكفى على آخر زمانك يا ميسرة

[مخاوي منقاش]

ليه خايف يابرطم على برطم؟

[رويعي الغنم]

يقول المثل يا مخاوي الغاوي :
تجي الى عند الشارب ويردها الراي الخايب
الرجال جاه رزقه الى على حده وقام رده ,, ورزق ماهو بسيط , لا , نص مليار الا شي ريال ينطح ريال ودخل في حسابه وهو لا سرق ولا نهب ولا سلب ولا غلب ولا طلب من أحد ,, والحياه فرص والفرصه أذا جات مره نادر تكرر مرات ثانيه .

[الفين]

الله من رداة الحظ وشين التصرف

عزالله لو هو اخوكم الفين ابو شنب شنبلاوي اني لااسحب بالطاقه خمسة الاف وعلى اقرب شركة تاجير سيارات واطخ لي ذاك الفياقرا ثم على سوق البشوت واطق هاك البشت اللى يجهر العيون قصبه وعلى موقف العمال والقطلي هاك التكروني واطقمه من الجزمه للعقال واخليه يشيل البشت ويسوق الفياقراء ويحط برطم على برطم مثل صاحبنا

ومن اول الدوام على مدير الفرع وازلطه بكم كذبه من عابرات القارات واعيشه فوق السحاب لمدة فيها يتم لهف مايمكن لهفه عن طريق عقد صفقات تجاريه سريعه وسحب الكاش قدر المستطاع

حلال في جلودهم

[مدهش]

خلو البراطم لاهلها لا يجيكم برطم عبد لاحس كاتشب

[مخاوي منقاش]

ابا سمعت انه سال موضف البنك قال انتم نزلتو الحمسه في المية؟ يحسب هذه نصيبة من الزيادة
المشاكس تكفى بس نبي رايك انت وابو امجد

[الشيهان]

ابا سمعت انه سال موضف البنك قال انتم نزلتو الحمسه في المية؟ يحسب هذه نصيبة من الزيادة
المشاكس تكفى بس نبي رايك انت وابو امجد

يامخاوي منقاش طيب الله اوقاتك ابشر وانا ابو امجد مايخيب ضنك

الشاعر خلف بن هذال يقول ( وتلقى الراي مع راعي الغنم لو هو بمشعابه ) بس طبعا ليس المقصود مصغره روعي الغنم المقصود الراعي الاصلي

المهم انا الحقيقه واعوذ بالله من الانا بنوعيها وشبلي ابو الونات ثالثها اضم وجهة نظري لاخينا الفين لانه يفكر صح وماشي على طريقة ومذهب دارج وهو ماللضالم الا اضلم منه ومايفل الحديد الا الحديد والاهم من هذا وذاك كل فطير وطير لان الصقور صقور وتبقى الحمر حمير

[مدهش]

يامخاوي منقاش طيب الله اوقاتك ابشر وانا ابو امجد

والله يا بو امجد لو تهرج من الان الين 2050 م ما درى انك انت و الشيهان معرف واحد

[مخاوي منقاش]

يامدهش هالحين يسمحون بالمنتدي ان اثنين يشتركون بمعرف واحد وهل هذا يتطلب اذن من الحكومه او لا افدني لاني بصراحة عالم الكبيوتر اصعب علي من التعامل مع امثالك وبعض الناس الي ماودي اقول اسمائهم

[@ بن سلمان @]

يامدهش هالحين يسمحون بالمنتدي ان اثنين يشتركون بمعرف واحد وهل هذا يتطلب اذن من الحكومه او لا افدني لاني بصراحة عالم الكبيوتر اصعب علي من التعامل مع امثالك وبعض الناس الي ماودي اقول اسمائهم
يا مخاوي كل شيء بالواسطه
ادهن السير يسير يعني لو تبي ندمج مشاركاتك انت وس من المعرفات ما عليك الا تهدي لنا إقط وامورك تتسنع .
على فكرة مشروع اقتراح قادم زيادة رسوم الاشتراك في المنتدى الى 15 % اسوة بالمنتديات الاخرى و لان منقاش دفع عنك رسوم تسجيلك للسنة الاولى فالله لا يهينه قول له يفرك يديه .

[عضيد أخوه]

لووني مكااانه ما ابيت الليله هديك الا في الفيصليه

واسحب المبلغ واروح المطاار واول رحله طالعه برى

ان شاء الله زامبياا وقاابلوني لو شفتوني في منتدى بلاد ثماله

خشتي في خشت منقااش ولا مدهش ولا الفين والخمسه في الميه بخليها لهم

لان الخمسات هنااك كثيره

[اليزيدي]

لو كنت مكانة واللة مدري وش اسوي

[منقاش]

يبن سلمان أنا دفعت رسوم المخاوي ثلاث سنوات مقدم واذا زدتم الرسوم كلموني وخذوا حقكم وبلاشي تشهير ومن وتخريب لحسنات فاعل الخير .
يعني ثاني مره لا تلمحون للمخاوي والا تجون من حواليه ما دام تحت كفالتي ,,, ويش نسوي ؟ , قد ورطنا والمثل يقول أذا ورطت يا فصيح لا تصيح ..
والمثل اللي يقول أتق شر من أحسنت اليه ثبت لي من تجربتي مع المخاوي أنه صحيح 100% .

[مخاوي منقاش]

اليزيدي/ اتصل علي واقولك وشلون تتصرف واي مشكلة تواجهك اتصل على ولله في الله000
ولا سو مثل راعي البراطم برطم على برطم الين يمسكونة الشرطة وتصير براطمة خمسة
منقاش هذا الكلام اسمه هرطقة وادخل على القوقل وتعرف معناها وانا اعترف امام الجميع انك علمتني ان هنال خوي يسوى (شروى ابو هبه) وخوى مايسوى قرش مثلك وهذه حسنتك الوحيدة التي تتشدق بها وكانك مهديني مليون سهم في المملكة(حقت الوليد)
الاخ ابن سلمان/ خلوها 5%

[@ بن سلمان @]

لاجل عينك يا المخاوي ابسعى جهدي مع ابو عبدالرحمن لكن تراها تراكمية و ان كان ما تعرف معنى تراكمية ارجع لكلام معالي وزير المالية عن تفسير ها.
وين تحليلك النفسي ما لقيته ؟