أبغالي بيت وسيارة

[سنا الهجرة]

هذي القصيدة مثل قصيدة الشيباني مع إختلاف الغرض

طبعاً كتبتها قبل نكسة سوق الاسهم الله ينكس من نكسه

بس حبيت تشاركوني فيها لو ان وقتها راح


أبغالي بيت وسيارة
بسم الله اللي ماغيره=ابدا ترتيب القوافي
أنظمها في سوق الاسهم=وابدا من سهم المصافي
قالوا عنها سهم جيد=ممكن تدخل به وقافي
وانا شوفه طالع نسبه=مدري ويش السر الخافي
يهبيها الله وش طيرها=طيرها واحد متعافي
كل الاسهم راحت مني=وانا نايم تحت لحافي
حتى اللي كانت خسرانه=صاير سعرا سعر خرافي
راحت مالي حظ فيها=ما فيها سهمٍ ينعافي
شفتوا سسكو وش طيرها=والا الباحه ما تنشافي
قالوا طيبه قالوا بيشه=قالوا لكني خوافي
قمت أحسب قديش فلوسي=أثرها راحت عوافي
أكسب منا واخسر منا=سبت تخطيطي واشرافي
محد(ن) جابرني بالقوه=لكن شفت الربح الظافي
وأنا ابغى بيت وسياره=وابغى تأمينٍ لضعافي
وابغى المكسب من دون اتعب=وابغى أحيا طيب متعافي
وابغى لو تنخاني ربعي=عندي ما يلزم ميقافي
وأنا مملك غير الراتب=مهما يكثر ماهو كافي
مايقعد في جيبي ساعة=كنه محسود(ن) ياكافي
هذا وانا ماسك نفسي=ماباقي غير امشي حافي
ماهو شح ولا هو بخله=طبعي كريمٍ واسنافي
لكن ما بيديني حيله=هذي رجلي وهذا لحافي
والعاقل منا وش يبغا=غير العَدِل والانصافي
ياهل الشيمه ياهل النخوه=وين أصحاب الجيب الدافي
اعطوني مما علمتم=ليش العلم الطيب خافي
مبغا حد يدفع من جيبه=والا يطلع فوق اكتافي
لكن وصوني ويش اشري=أبغالي سهمٍ خفافي
يرفع رصيدي من ميه=حتى انه مليونٍ صافي
الله يسعد من يعطيني=علمٍ شافي كافي وافي


وسلامتكم

[مدهش]

صح لسانك يا سنا
مالي ومال سوق الحرامية و النجاة النجاة

[سنا الهجرة]

صح لسانك يا سنا
مالي ومال سوق الحرامية و النجاة النجاة



صح بدنك يا مدهش ولكن ما عاد بها نجاه

طحنا ولا حد سما علينا

والله يخارجنا

[حسن عابد]

هههههههه
راحت الفلوس والسيارة اللي تحلم بها لكن الله يعوضك بخير ا منها

[سنا الهجرة]

هههههههه
راحت الفلوس والسيارة اللي تحلم بها لكن الله يعوضك بخير ا منها


هههههههههه

هذي التجارة ربح وخساره

أهم شي الوناسة وسعة الصدر والا كل شي رايح ما دايم الا وجه الله

والحمد لله طالما الصحة موجودة كل شي يتعوض وانا اخوك

[أبو عبدالرحمن]

أبو عبدالله.
يعطيك العافية

قصيدة جميلة..وطريفة...

ما شاء الله على رصيدك الجمالي وما يحتوي من سلالة في اللفظ وسهولة المعنى..

[الشيهان]

هههههههههه

هذي التجارة ربح وخساره

أهم شي الوناسة وسعة الصدر والا كل شي رايح ما دايم الا وجه الله

والحمد لله طالما الصحة موجودة كل شي يتعوض وانا اخوك

تقول حكم ياخالي وانا اقول ( مرحبا ياغصيبه )

صح لسانك ياخالي مليون

[الفين]

قالـوا عنهـا سهـم جيـد = ممكـن تدخـل بـه وقافـي

هذي نهاية الشغل الوقافي العجله ماهي زينه

راح البيت وراح الموتر = خله ينفعك الوقافي

[شبلي أبو الونات]

كـل الاسهـم راحـت منـي =وانـا نايـم تحـت لحافـي



يا الفين كل اللي جمعه و قافي ضيعة تحت اللحافي

[الحمدان]

صح لسانك

[البروفيسور]

جميله,,
وجزله,
يعطيك العافيه

[سنا الهجرة]

أبو عبدالله.
يعطيك العافية

قصيدة جميلة..وطريفة...

ما شاء الله على رصيدك الجمالي وما يحتوي من سلالة في اللفظ وسهولة المعنى..



الله ييجمل حالك يابو عبد الرحمن


وشاكر لك مرورك

[سنا الهجرة]

تقول حكم ياخالي وانا اقول ( مرحبا ياغصيبه )

صح لسانك ياخالي مليون


ههههههههههههههههههههههههههههه
أهم شي تستمتع

هذي هلوسة مضارب لا يجيد فنون اللعبة
صح بدنك يالشيهان بعدد أسهم زين المطروحة على عربنا

[سنا الهجرة]

راح البيت وراح الموتر = خله ينفعك الوقافي[/QUOTE]

نعود تحت اللحاف أزين ؟؟؟؟

[سنا الهجرة]

قالـوا عنهـا سهـم جيـد = ممكـن تدخـل بـه وقافـي

هذي نهاية الشغل الوقافي العجله ماهي زينه

راح البيت وراح الموتر = خله ينفعك الوقافي

كـل الاسهـم راحـت منـي =وانـا نايـم تحـت لحافـي



يا الفين كل اللي جمعه و قافي ضيعة تحت اللحافي





أحيان غصب عنك تكون مستعجل يا شبلي

والا انا ادري العجله ماهي زينه

[سنا الهجرة]

صح لسانك


صح بدنك يابن حمدان

[سنا الهجرة]

جميله,,
وجزله,
يعطيك العافيه



الله يعافيك يالبروفيسور

[مشعل الثمالي]

صح لسانك
يعل ربي يعطيك من واسع فضله
ويعوضك عن اللي راح
النصيحه
ارجو في اسهم العباده وطاعة الرحمن
اقسم بالله انها لن تخيب
تحياتي ,,,

[سنا الهجرة]

صح لسانك
يعل ربي يعطيك من واسع فضله
ويعوضك عن اللي راح
النصيحه
ارجو في اسهم العباده وطاعة الرحمن
اقسم بالله انها لن تخيب
تحياتي ,,,


الله يجزاك خير يا مشعل

ونصيحتك على العين والراس

أسأل الله ان يعيننا على ذكره وشكره وحسن عبادته

[موادع]

وفقك الله يا امير

[ابو الثعالب]

صح لسانك

[سنا الهجرة]

وفقك الله يا امير


الله يوفقنا واياك يا ملك

صح لسانك



صح بدنك يابو الثعالب

[ابوعهد]

مافيك حيله يسلمووووووووووووو

[ثماليه والعز ليه]

http://islamroses.com/zeenah_images/w6w_20051018011313a8332c3c.gif

[سنا الهجرة]

مافيك حيله يسلمووووووووووووو




يسلم غاليك والشرما يجيك . يابو عهد

[سنا الهجرة]

http://islamroses.com/zeenah_images/w6w_20051018011313a8332c3c.gif




حضورك أروع

[&**..الـساهر..**&]

صح لسانك يا سنا الهجرة

ماشاء الله على الابداع لوقلتها عند احد الامراء ما قصر معاك

[سنا الهجرة]

صح لسانك يا سنا الهجرة




ماشاء الله على الابداع لوقلتها عند احد الامراء ما قصر معاك



صح أبدانك يا الساهر

بس أنا وش يوديني لهم .. لا ياخوي انا مافكرت بهذا الشي من أصله .. الحمد لله أنا بخير ونعمه من الله

[النجم الساهر]

الحمدلله الذي رزقنا من واسع فضله اخا ومشرفا مبدعا مثلك

لا وتبي بيت وسيارة الله يرزقك اللي تمنى بس لاتنسى ربعك

ونأسف على التأخير في الرد لقلة دخولنا

وتقبل تحياتي

[سنا الهجرة]

الحمدلله الذي رزقنا من واسع فضله اخا ومشرفا مبدعا مثلك


لا وتبي بيت وسيارة الله يرزقك اللي تمنى بس لاتنسى ربعك

ونأسف على التأخير في الرد لقلة دخولنا


وتقبل تحياتي


أشكر لك نبل مشاعرك أخي النجم .. وربعي على راسي من فوق كبيرهم وصغيرهم

ولا يهمك طال عمرك .. المثل يقول من جا ما أبطى ...

مرورك تشريف طال عمرك