قائد الطابور عائد

[قائد الطابور]

السلام عليكم ورحمة الله وبركاته /

اخوكم قائد الطابور يعود لكم بعد رحلة الى ديار الفنس ( اندنوسيا ) في مهمة للبحث عن شغالة تتوافق مع شروط المدام الى املتها عليه قبل السفر والتي ولله الحمد وجدناها ولها اليوم ثلاثة ايام حسوما ، مقتنعين بها وبشكلها وبهداوتها وبمساجها .

اتمنا منكم حسن الاستقبال ...

[سنا الهجرة]

يا هلا ويا مسهلا
أسفرت وانورت وارعدت وأمطرت

أنت وينك يا شيخ لنا مدة مبوزين ما نضحك
أضحك الله سنك

ههههههههههههههههههههههههههههه
ههههههههههههههههههههههههههه
هههههههههههه

حلوة جداً جداً هذي الهروج

والله يا قائد الطابور انك رهيب وعجيب

وكأنني بك قائد طابور من الخادمات المتميزات في المساجات

الله يسعدك ياشيخ انته كذاااااااا:26::26::26:sef

[@ بن سلمان @]

المشكلة في ان ابو عبدالرحمن ما سكني مع اذني و هازها مرتين وقال لا تفشلني مع الرجاجيل لازم ترحب باللي يجونا مسيار واللي يجونا مقيال واللي يبون المقعاد فاهلا بك و بعودتك .

[قائد الطابور]

شكرا على مرورك يا ساناء الهجر ه ، قائد طابور شغالات تبي الصدق اني يوم اني نزلت في مطار جده وكان واحد من اولادي في انتظاري في المطار واني الد وراي وانا مع السيب اللي حط الباص خشمة فيه واليا الخدمات يتجاوزن السبع خلفي وايقنت ساعتها اني قائد طابور شغالات فكأنك لمست الجرح المضحك ، على كل حال انت مشكور على مرورك .

[قائد الطابور]

يا مرحبا يا بن سلمان تراحيب المطر ، يا حبي فيك وفي علومك الزينه ، اخوي بن سلمان ترى اللي يمسكونه باذنه ما هو انت والله يرفع قدرك عنه ، وان كان ابوعبدالرحمن صدق ماسك باذنك نبي سناء الهجره يتوسط لك ويفك اذنك الله يهديه . وشكرا على مرورك .

[مدهش]

الحمدلله على سلامتك صدق
يارجل قد لو توخرت يومين كان بلعتك الارض و خسرنا قايد

[منقاش]

لك وحشه يا قايد الطابور , والحمد لله على السلامه .
والحقيقه أن قيمة التاشيره وتجديدها وتعوبها والتذاكر اللي تتبعها مرهقه واجد , ولا يصلح الأستقدام حتى يلغونها كلها ولا يبقون الا قيمة التذاكر واتعاب مكتب الأستقدام ..
والمشكله أنه في النهايه تهرب الخدامه وتروح تشتغل عند ناس ما يبون يدفعون مبالغ ماهم مقتنعين من دفعها .
وكما قال بوش لبنت أم حرمة كلنتن جحا أولى بلحم ثوره والمعتمرات أهون من الدوشات واتاوات الجوازات .

[قائد الطابور]

سلمك الله يا منقاش وحياك الله /
العلم تراه اكبر من ما تتصور واليا ربي اعاك الستر تراه نعمة احمده علاها ، مير انت رجال يبدوا لي انك كنت يوم من الايام دافي ودفايتك شغاله وفروتك على ظهرك لكن راحت الدفاية وظاعت الفروه وعلى اثرها جاك موجة برد شديده اشوفك تصيح وثيابك شليح لكن خلك قريب من عمك تدفاء من دفاه ويحميك من البرد وتزين علومك .
واشكرك على مرورك .

[منقاش]

وربي يسلمك وابشرك دفايتي ما هي شغاله
بس يا رفيقي ماهو المفروض يعطون الشيبان اللي مثلي خدم على حساب بيت مال المسلمين , والا على الأقل يفكونا من هالرسوم ويخلونا نصبر على الباقي .
أما الفروه فليتها ضاعت ,, لا لا , ما ضاعت ,, يوم من الأيام رقدت في مسجد ابن عباس بعد الصلاه والتحفت فروتي ويوم صحيت وهي ماهي عليه ,, قد أنسرقت ,, ومن يومها ما عاد أصلي الا في بيتي ...

[سنا الهجرة]

يا مرحبا يا بن سلمان تراحيب المطر ، يا حبي فيك وفي علومك الزينه ، اخوي بن سلمان ترى اللي يمسكونه باذنه ما هو انت والله يرفع قدرك عنه ، وان كان ابوعبدالرحمن صدق ماسك باذنك نبي سناء الهجره يتوسط لك ويفك اذنك الله يهديه . وشكرا على مرورك .ههههههههههههههههههههههههههههههههههههههه


أفااااااااااااااااا يابوهبة

أثاريك معطي اذنك معدال عند أبو عبد الرحمن


أبشر بفك الرهن هذا اذا تبيني أتدخل في الموضوع

أما اذا كنت مستانس ... بكيفك