منقاش وعرق النساء

[مخاوي منقاش]

كلمني اخونا ابو امجد ادام الله عسله(نسمع فقط به) وقال قل لنا القصص الحقيقية عن منقاش قلت يابو امجد اخاف يزعل ويصير بخاطره قال لا انا اضمنه واعرف كيف ارضيه قلت توكلت على الله 00
قبل اربع سنين اتصل علي منقاش ولم يعجبني صوته فقلت مالك(جيزانية)قال الالم ذبخني -سلامتك -قال يسمونه عرق النساء قلت ايه اسمع به وهو ما يصيب الا النساء واشباه النساء قال فكنا من المزاح الثقيل قلت دواك عندي وانا ابو هندي اقبل ولا تخف سترجع كما الحمار الشهري الغير معسوف قال انا الان بالمدينة المنورة قلت احسن شوي الطبيب بين حايل والمدينة في ديار بني رشيد المهم تقابلنا في الحناكية وقد تاثرت لمنظرة الذي يبعث على الشفقة ويكاد يبكي لولا خوف الفضيحة وهو يعرفني كتوم00لااطيل عليكم سرنا مسافة 60 كيلو جلد(بدون اسفلت)والطريق صعب وكان منقاش يصرخ من بعض المطبات كما يصرخ التيس قبل الذبح وعند وصولنا القرية استقبلنا الطبيب الشعبي في بيته وسالني من المريض قلت الاخ منقاش وقد ضحك من اسمة مما زاد من الم الرفيق منقاش فسالته عن اسمه قال طرطخ فحمدت الله انه ماهو اسم منقاش والااكون مخاوي طرطخ 0
كشف على منقاش وحدد مكان الكوي وشب النار وجاب سيخ18ملم وحطة بوسط النار وقال اسمع يامنقاش ترى لازم تحتجب لمدة 15 يوم عن ثلاث (النساء واللحم والقهوة) قال منقاش سهله وكلها اتعاطاها على خفيف من اول قال خير وجلس يسولف علينا واخرج السيخ وهو احمر وارجعه بالناروانتظر عشر دقائق واخرج السخ ورفعه فوق فاذا هو صار ازرق وارجعة بالنار وكان منقاش ينظر الى السيخ كلما رفعة فقلت ياشيخ الى متى والسيخ بالنار قال لين يصير اشهب وتوه ماحمى واخذنا شوي قال منقاش ياشيح الظاهر اني مااقدر على الاحتجاب عن الثلاث فقمت وقد كاد ان يغمى علي من الضحك ورحت الى السيارة فلحقني منقاش وانا لا ازال في نوبة الضحك وقال ابشرك اني احسن وتكفي لا احد يدري00

[حسن عابد]

وشب النار وجاب سيخ18ملم وحطة بوسط النار وقال اسمع يامنقاش ترى لازم تحتجب لمدة 15 يوم عن ثلاث (النساء واللحم والقهوة) قال منقاش سهله وكلها اتعاطاها على خفيف من اول قال خير وجلس يسولف علينا واخرج السيخ وهو احمر وارجعه بالناروانتظر عشر دقائق واخرج السخ ورفعه فوق فاذا هو صار ازرق وارجعة بالنار وكان منقاش ينظر الى السيخ كلما رفعة فقلت ياشيخ الى متى والسيخ بالنار قال لين يصير اشهب
تعذب مسكين لا ومحروم من ثلاث خله يستاهل وش موديه لك

[منقاش]

يا ولد عمي يا حسن يبن عابد لا تشمت عليه مع الشمات
ما سمعت المثل اللي يعبر عن خوف الشجعان مثلي من النار ويمثلون خوفهم بخوف البعارين من المكوى ويقولون علوم قلان تغيرت بعد وصل المكوى مؤخرة الجمل ,, يعني الجمل اللي شجاع وعنيد أذا بغوا ياسمونه وقربوا الميسم (المكوى) من فخذه رغى وشرد .
وبعدين يالمخاوي ترى التيس ما يثغي الا أذا كان حواليه عنز وانا ما أخبر حواليه الا أنت .

[@ بن سلمان @]

وبعدين يالمخاوي ترى التيس ما يثغي الا أذا كان حواليه عنز وانا ما أخبر حواليه الا أنت .
ههههه انبسط
تذكرني العنز اللي تبحث عن نصاب السكين

[أبو عبدالرحمن]

بخصوص أبو امجد ...تم تعديل اسمه إلى الشيهان .
فاسمه الجديد (الشيهان)

يا مخاوي ... ليتكم ربطتم عيون منقاش وأنتم داخلين..

[منقاش]

يا مخاوي يا قليل الخاتمه أقرا رد حليفي ابن سلمان ,, وحتى تعرف مغزاه أفسر لك معنى المثل اللي يقول : مثل العنز يوم تحفر عن نصاب السكين .
وسالفة المثل أن فيه رجال راعي حلال وغنم كان نازل بحلاله في مكان قاصي عن ربعه ودياره في الخلا الخالي اللي فيه الذيب عاوي ولا تسمع صوت المنادي , وفي يوم من الأيام قبل تسرح غنمه ربط واحده من المعزى السمان يبي يذبحها (يبغي يحطها في الثلاجه وهذا الكلام قبل مية سنه تقريبا) .
المهم يوم جا الضحى دور للسكين حتى يذكي العنز ولا لقيها وعرف أنها طاحت منه وأندفنت في التراب مع حركة الحلال والغنم وهي ضاويه وسارحه ,, ويوم عجز لا يلقى السكين واعذر منها فك العنز وسارت ترعى حوالي المراح (المنزال) .
وعصير كانت العنز حواليه تحفر باظلافها عن عروق المرعى وناظر راعيها الا ونصاب سكينه طالع عليه من تحت أظلاف العنز يوم حفرت .
عود أستخرج سكينه من مدفنها ومسك عنزه وذبحها ,, ومن يومها يقولون لكل واحد مثلك يا مخاوي ينبش عن المشاكل وتجي على راسه فلان مثل العنز يوم تحفر عن نصاب السكين ..
أنت توحيني يالمخاوي الغاوي والا لا ؟.

[مخاوي منقاش]

حال ابن سلمان مثل قول الشاعر( وكل يدعي وصلا بليلى --وليلى لا تقر لهم وصال)
فانت كل ماذكرت ابن سلمان قلت حليفي واما انا فهو يدبج القصائد في مدحي ويالله قابلينه في معسكرنا فهذا الفرق بيني وبينك فريح دماغك فانت مثل الدجال لا يتبعك الا شرار الخلق كسنا الهجرة وزهور واما ابن سلمان على ابو عبد الرحمن وما شاكلهم فهم خيار يقودهم اخير منهم ولا نزكي على الله احدا

[@ بن سلمان @]

يا مخاوي يا قليل الخاتمه أقرا رد حليفي ابن سلمان ,, وحتى تعرف مغزاه أفسر لك معنى المثل اللي يقول : مثل العنز يوم تحفر عن نصاب السكين .
وسالفة المثل أن فيه رجال راعي حلال وغنم كان نازل بحلاله في مكان قاصي عن ربعه ودياره في الخلا الخالي اللي فيه الذيب عاوي ولا تسمع صوت المنادي , وفي يوم من الأيام قبل تسرح غنمه ربط واحده من المعزى السمان يبي يذبحها (يبغي يحطها في الثلاجه وهذا الكلام قبل مية سنه تقريبا) .
.

حال ابن سلمان مثل قول الشاعر( وكل يدعي وصلا بليلى --وليلى لا تقر لهم وصال)

هههههههه
انا مع من اعتلا
يعني اللي منكم يتوطا الثاني انا نصيره وعلى قولة راعي الرواية انا مع الفايز

[مخاوي منقاش]

والف نعم يبو هبه مع من غلب وش خليت للربع اللي انت خابر

[منقاش]

أهدي عليك يا مخاوي هالموضوع :
https://il.packet.me.uk/dmirror/http/alsaha.fares.net/sahat?14@168.xNcxjQpf0gu.0@.3baa7921

[حسن عابد]

لا والله ما اتشمت ياولد عمي بس انا قلت تروح ويكوونك وحنا ماندري ناخذ بثارك
لكن اش رايك تصدق بعد طبت من الكي

[مخاوي منقاش]

يابن عمه/ هو صمد علشان يطيب وقاله الطبيب الشعبي لو ماكويت هالحين ترى المشكلة تبي تاصل اماكن حساسة وفعلا بعد اربع سنين صار يشتكي من صعوبة الجلوس وقلتله مالك الا ابو 18 ملم0

ابن سلمان مالك ومال زين يالوليد واسمع كلامي تربح

[سنا الهجرة]

حال ابن سلمان مثل قول الشاعر( وكل يدعي وصلا بليلى --وليلى لا تقر لهم وصال)
فانت كل ماذكرت ابن سلمان قلت حليفي واما انا فهو يدبج القصائد في مدحي ويالله قابلينه في معسكرنا فهذا الفرق بيني وبينك فريح دماغك فانت مثل الدجال لا يتبعك الا شرار الخلق كسنا الهجرة وزهور واما ابن سلمان على ابو عبد الرحمن وما شاكلهم فهم خيار يقودهم اخير منهم ولا نزكي على الله احدا

سامحك الله يا مخاوي الشياطين

الحين سنا من شرار الخلق ياللي ماني قايل

الله لو تدري عن القصيدة اللي كتبتها مدح فيك وفي ربعك منكسين العقل

كان ما قلت اللي قلته لكن بعد هروجك هذي سوف أحاول أقلبها هجاااااااا

الا اذا عدت الى رشدك وتراجعت عن الخطا الكبير اللي اخطيته بحقي

وتراني ما كتبت فيك مدح الا أبي أثبت لك أني ما أمدح الا من يستحق المدح
- لا أريد جزاءً ولا شكورا -

وترى منقاش يوم اني مدحته لانه رجال سنافي ويستاهل وانا ادري ان ما من وراه عيشه تنفعني

لكن الرجل عجبني ومدحته وبس وكنت أبي امدحك لانك خويه

[منقاش]

يا الله تمسيني وتمسي سنا الهجره بالخير
يبن عمي يا سنا أنا داخل عليك لا تمدح واحد ما يستاهل الا الذم مثل المخاوي , أسعلني عنه أعرفه من عام 1396 هجريه , ولعلمك ما سار مخاوي الشيطان الا بعد ترك أخوتي ومدحه ابن سلمان .
وتراه ما يعز الا اللي يدق على راسه ويوريه نجوم الليل قايلة النهار , يعني أذا هجيته يسلم ويركع ويعرف أن الله حق واذا مدحته أغتر وتشامخ وسار مثل الذره أذا جنحت ,, هذا المخاوي على قول المكاويه يسكر من زبيبه ولا له الا الزريبه .
ولعلمك أنت والسامعين , حشمه الله بالتمر اللي يرسله لي كل سنه ( ولو كام طلع تمره العام وهذي السنه ماهو على قد العشم لكن ويش نسوي شعره من الذيخ فايده ) , ولو ما حشمت التمر كان مسحت به البلاط وخليت اللي ما يقدر يشتري يتفرج وسلامتك أنت والسامعين .
والختام الهجاء الهجاء , وتقدر تذكره أنهم ما أسلموا ألا على يد أجداد منقاش وانهم قرن الشيطان وحلفاء المسيح الدجال بعد عقدين أو أكثر من الزمان ...

[مخاوي منقاش]

اسف اخونا وحبيبنا سناء فانا اذا زعلت اصير مثل الحجاج مايفرق بين الغث والسمين وانا تشابه البقر علي فالمعذرة انت وابو عبد الرحمن وابو عادل المعتزلي وبقية الرجال الى نتحيزم بهم وقت الشدة ومنهم الشيهان وشيري وابن عزاب والباقين من العشرة المنضوين تحت لوائنا فلك مني العذر فان قبلته والا اقسمت عليك ان تقبله وان ابيت كفرت عن يميني0

[رويعي الغنم]

ما هو ردكم أيها الأخوة على هذا الذي تهكم بكم وشبهكم بالبقر ؟ , واقصد المخاوي (يعني الأخ مسوي نفسه بعير ونسي أن لحم أكتافه ما نما الا من حليب ولبن المراعي) ؟ , أتتركونه ؟, سيتطاول أكثر في المستقبل .
يترصد له أحدكم عند أحدى المحلات التي يرتادها في الرياض ويعطيه قتلة تؤدبه مستقبلا ؟, معقول ذلك ولكنه غير كاف .
تطلبون الحق من منقاش بصفته كفيله ؟؟ , سيقول لكم خذوا حقكم بأيديكم مثل ما فعلت معه سابقا في الصين .
أم تؤدبونه مؤقتا بتعليق عضويته مدة من الزمن وتهجونه وتمسحون به البلاط ؟, سيكون ذلك أكثر عقلانية بشرط أن يعتذر لكم قبلها ,, سيقول لي بعضكم : الرجل ضيف المنتدى ونتحمله لهذا السبب ,,, أجيبكم : في هذه الحاله بأن أهل مكه أدرى بشعابها عندما قالوا كرامة الضيف .....؟.
الله لا يسامحك يا منقاش كل هذي المشاكل أنت سببها .....

[مخاوي منقاش]

يارويعي انزح وراك لا تكلمت الرجاله اصمت وخل اهل العقول الراجحة هي الي ترد وسلام خاص للمشاكس0
وعلى طاري الصين كنت اقود عمك وعم الفين الشيخ منقاش مثل الطلي وكان اجبن من نعامة وتذكرون يوم قصة المضاربة مع اللص الصيني يوم هج وخلاني واشياء كثيرة اتركها لوقتها وكان مقهور لاني اصبحت الكل بالكل مثل ملك السويد صار يحاول ينكد علي بس ماهو قادر ويوم كنا متزاعلين ورحنا نتعشي وحنا على الطاولةكان يبحلق في عيوني وساكت فقلت اش فيك تطالع قال عيونك صغار(هذا اكبر انتقام في نظره) وبكل برود جاوبته ( اسرع للنومة ياخبل)

[حسن عابد]

خلاص ياسنا الرجال اعتذر وتأسف ماباقي الا يهلها وعاد اروح بصفه انا ومنقاش