خسوف القمر

[لبشة]

السلام عليكم ورحمة الله وبركاته
.
.
.
أستغفر الله وش حصل ليلة غشى القمرا خسوف=مدري ذنوب كبار والاّ هي علامة منذرة
نادوا مشاكس ليه جالس في مؤخرة الصفوف=الواجب انه ينصح العالم ويلزم منبره

[سنا الهجرة]

السلام عليكم ورحمة الله وبركاته
.
.
.
أستغفر الله وش حصل ليلة غشى القمرا خسوف=مدري ذنوب كبار والاّ هي علامة منذرة
نادوا مشاكس ليه جالس في مؤخرة الصفوف=الواجب انه ينصح العالم ويلزم منبره

وعليكم السلام ورحمة الله وبركات

يا هلا ويا مرحبا يا لبشة

حياك الله وحيا ما جيت به

واضح انها محاورة حامية من بداياتها

خاصةً وطرفاها لبشة ومشاكس

وكلهم على قول المثل ( عين عمك عين خالك ) خخخخخخخ



ما فيه شك يا لبشه انها علامة منذرة

[مشاكس]

إن كان ماخابت ظنوني جاي للهجره صروف = لكن انا ابوصيك صل لخالقك واستغفره
خل المشاكس في مكانه في طوابير الوقوف = لايزعل العالم ويبدي له كبير الخنفره

[لبشة]

الدين مايعفيك لوماكنت تامر بمْعَروف=ان شفت غاوي ترشده وان شفت منكَر تنكره
جسمك تحلّل ياالمشاكس وانته اعمى ماتشوف=عاين وشوف الكف الايمن مابقي الاخنصره

[أبو عبدالرحمن]

اي والله يا لبشه

اعطِ المفتي هذا .وأنصحه..عسى يعود للرشد

[مشاكس]

الظاهر انك يالملابش للنقد معنا تحوف = ماتدري ان الحر مايربى فعش القبره
من بعد عفت من الجمل ماني بطماع الخروف = اللي قرونه من صواديف الزمان مكسره

[سنا الهجرة]

الله الله منها محاورة مثل الرحا الدايره

ما شاء الله تبارك الله

فن راقي على أصول

وعلى قول المثل (علم دايس)


بس انتبه لنفسك يا مشاكش ( لا تطري الهجره في محاوراتك )


واصلوا وانا الليله في صف اللبشة وعسى ما يجيني من المشاكس لبشه

[لبشة]

سنا الهجرة
خلك قريّب منا تراها بترجع ضرب مشاعيب

[لبشة]

أبوعبدالرحمن
المفتي هذا ضيعنا
الله يهديه ويصلح شانه.
شكرا لمرورك.

[لبشة]

دخلت ابشري لي مقاضي مالقيت الا الرفوف=أهل المتاجر يامشاكس حولوها منجرة
طعم الخسارة مرّ والسّبّة شريكتك الهنوف=لكن دور لك حواليها سوار وبنجرة

[مشاكس]

سنا الهجرة
الدم مايصير ميه
وش صابك وانا امدح فيك ياخالي

[مشاكس]

ماضيع التجار غير اللي يهزون الردوف = مطلوبهم من غالب التجار ظل ومسكرة
لن كان تطمع فالحياة اقول لك خلك ولوف= لابد لن طال العمر تشهد لها بالدكتره

[سنا الهجرة]

سنا الهجرة
خلك قريّب منا تراها بترجع ضرب مشاعيب


أفااااااااااااااا مشاعيب والله مشكلة

خلوها بالعقل أهون تروا العظم اذا انكسر صعب يجبر

سنا الهجرة
الدم مايصير ميه
وش صابك وانا امدح فيك ياخالي


ههههههههههههههههههههه

ما عليك وانا خالك اذا عودت للمشاعيب أنا بعود بصفك

بس حد هي لعب أبلعب مع لبشه


ولو أني أشوفكم دخلتوا مداخيل الله يكفيكم شرها

أخاف ندوركم ما عاد نلقاكم

[لبشة]

ترى النجابة ماتبان الاّ بعد فكّ الحروف=عبلة مجنّنها الهوى والمعرفة مع عنترة
والدكترة منصب شرف ماهي على هزّ الكتوف=مااشهد بها للّي يبيها بالحكي والمصخرة

[لبشة]

ما عليك وانا خالك اذا عودت للمشاعيب أنا بعود بصفك

بس حد هي لعب أبلعب مع لبشه


ولو أني أشوفكم دخلتوا مداخيل الله يكفيكم شرها

أخاف ندوركم ما عاد نلقاكم


أما خلك معي فالمواقف كلها
والامعذور فيها كلها

[مشاكس]

ماني بشايف شي يستاهل كثيرات الحسوف = عزي لعبله يوم تمشي فالبلد متبختره
والدكتره منصب شرف تستاهله قبل الاْلوف = إما رضى والا غصيبه ياكثير البربرة

[مشاكس]

تستاهل ياللي على بالي
الحبه العايره ماتوقع الا فالرماده

[حسن عابد]

ياليل عبلة في هواها وياليل عبلة اذا تبخترت
لبشه ومشاكس
الله يجيب المطر

[لبشة]

عزالله اني قلتها قبلك وانا قلبي عطوف=لكن خذ منها البخور وزيد جمر المبخرة
عيني تخيل الماطر اللي مابدا لي منه روف=لاتخلط الشاهي مع الما ثم ترجع تنثره

[أبو علي]

مساكم الله بالخير يا شعارنا .

تروني متحمس لسماع شعركم الله الليلة يصلحكم ويفككم وش تبون بالقمر تروحون له ما لكم ومال القمر خلوكم على مستواكم .

[أبو علي]

مساكم الله بالخير القوة القوة

[لبشة]

بن عزاب
مساء النور
انت وش اللي جايبك
فضوة والا تطلب حرش؟

[أبو علي]

شد حيلك يا لبشه تراني معك وفي صفك وابشجعك على شان الموضوع اللي على بالك ، كسر راس المشاكس عساه بالعافية .

[فـارس الحـرف]

يسعد ماسء الجميع

انا شفت دخان فالسماء وجذبنى
لين لقيت النار واهلها يطبخون فوقها اجمل مفرده شعريه للمتذوق

لله دركم عزالله انكم فحول شعر وفطاحله

هنا محاوره عيار ثقيل ابداعها يكمن فى النقض والفتل وهو قارعة الحجه بعينها

متابع معاكم بكل دقه وبحساس

[أبو علي]

نبغى نقيم حرب تقضي على مشاكس واصحابه اللي لافين على بعض وما شغلهم الا اذية الناس ،

[لبشة]

شجع يابن عزاب وانا على كيفي
أسوي اللي ابي.

[أبو علي]

حياك الله يا اخ سالم العجمي وبارك الله فيك وفي مداخلتك الجميلة ويهمني في الموضوع ان تناصر اخي وصاحبي لبشه لان مشاكس نبي كسرت راسه بالفاقوش .

[لبشة]

مرحبا ياسالم تراحيب المطر
ولاتلومني في مشاكس لأنه عنيف جداً
ولاينفع معه غير العنف ، الله يكفينا شره
ويعديها ربك على خير.
مشكور على حضورك في الوقت المناسب تفرع الهيّة.

[فـارس الحـرف]

حياك الله يا اخ سالم العجمي وبارك الله فيك وفي مداخلتك الجميلة ويهمني في الموضوع ان تناصر اخي وصاحبي لبشه لان مشاكس نبي كسرت راسه بالفاقوش .

هلا يابن عزاب

انا معاهم كلهم ابد كلهم عندى سوى

واهم شى انها محاوره من الدرجه الاولى ودرس لمن يحتاج معرفة النقض والفتل

[مشاكس]

من شين حظك لا طلبت الما يقدم لك جفوف
........................ لكن مالك غير مقسومك لوقتك تذخره
الماطر اللي خالته عينك على راسك يطوف
00000000 اصحى لبرقه لا بغيت انته بعينك تسبره

[مشاكس]

بن عزاب
الشرهه ماهي عليك
على اللي فك لك الباب
والا اللي مثلك ينطرد احسن

[مشاكس]

شاعرنا القدير سالم العجمي
عزوتي وتاج راسي
تكفى نبي نقضي على لبشه وأعوانه
قرب الدبابات والذخاير
وترى العرب في النفس الأخير

[فـارس الحـرف]

مرحبا ياسالم تراحيب المطر
ولاتلومني في مشاكس لأنه عنيف جداً
ولاينفع معه غير العنف ، الله يكفينا شره
ويعديها ربك على خير.
مشكور على حضورك في الوقت المناسب تفرع الهيّة.

البقا يا لبشه وسجل اعجابى الشديد فى قوة البدعه منك داهيه بكل ماتعنيه الكلمه ولا ادهى منك الا المشاكس يمتلك اربجى وسلاح فتاك

[مشاكس]

لبشه جات يوم الله قسم صيدتك
والليله نهايتك

[فـارس الحـرف]

شاعرنا القدير سالم العجمي
عزوتي وتاج راسي
تكفى نبي نقضي على لبشه وأعوانه
قرب الدبابات والذخاير
وترى العرب في النفس الأخير

هههههههههه

مدامهم فالنفس الاخير فالرحمه تجوز :)

[مشاكس]

هههههههههه

مدامهم فالنفس الاخير فالرحمه تجوز :)
أنت قيدوم ربعك ومثلك يشفع
وان شفت نطلق سراحهم براسك

[فـارس الحـرف]

انا طالب قوة جاهزه مدرى تبونها تفرع ولا تهجم ههههههههههه

[أبو علي]

اجلده يالي على بالي .................................................. ............................هذا باط كبدي هو واخوه الثالث رقم (3) عساهم عند اللي على بالي ، ما حقكم الا الفاس .

[مشاكس]

بن عزاب
والله ياللي على بالي انها مجهزه لك في الحبقة
وانت خابر

[لبشة]

ياراعي المدّات انا ماانشدك عن مدّات نوف=ماادوّر الاّ للجمل سمحان يبرك وانحره
لاوالله الاّ روّح مشاكس تحت ضرب السيوف=وانامجهّز له حنوطه والكفن والمقبرة

[مشاكس]

شاعرنا سالم
خل القوات تحت الطلب
وانت ابخص اما فكهم مني
والا غلق عليهم

[أبو علي]

انحن ما علينا انعودت مشاعيب معنا مشاعيب وانا جلست على حد السنه نبي نغلك لزومنا ، وان راحت لسلاح والله بالمدفعيه والرشاشات الثقيلة عيار (500) ايهههههه روقوا .

[فـارس الحـرف]

انحن ما علينا انعودت مشاعيب معنا مشاعيب وانا جلست على حد السنه نبي نغلك لزومنا ، وان راحت لسلاح والله بالمدفعيه والرشاشات الثقيلة عيار (500) ايهههههه روقوا .

هههههههه

مممم المفاوضات يقولون اطيب :D


انتهزوها فرصه ولا الروس فيها متفجرات :24:

[أبو علي]

خله يا لبشه نبي ندفنه من دون صلاه ،

[أبو علي]

حبقه في عينك ، والله اني شاري فاس من جيزان على الطراز الجيزاني وناوي احطها في راسك واقسمه نصفين نصف احطها في الحبقه ونص احطه جبل الدار .

[لبشة]

تكفى ياسالم ياسنايدي
ان ماودك تهجم على المشاكس شكل قوات فصل بيني وبينه
تراه بطران وان جاه دعم مايرحم احد.

[أبو علي]

عجل يا مشاكس هات الرد انحن ما احنا جالسين ننتظر خلك مثل الاعمي حق اعتيبه والمه .

[لبشة]

خله يا لبشه نبي ندفنه من دون صلاه ،

لايابن عزاب حرام ندفنه من دون صلاه
خلنا نصلي عليه أقلها نكسب أجر.

[مشاكس]

ياكثر ماتتعب وتشقى والتعب ماهو مَخَلُوفْ
000000000 من دون سمحان الجبل مركوز للي يظهره
ترى المشاكس معتبي للبرد ثوب وبشت صوف
00000000والا انت ماعندك ياغير الثوب رحت تزرره

[فـارس الحـرف]

تكفى ياسالم ياسنايدي
ان ماودك تهجم على المشاكس شكل قوات فصل بيني وبينه
تراه بطران وان جاه دعم مايرحم احد.

ابد المشاكس موصيه فيه الغام مايتقدم للامام مافيه الا رمي من بعيد هههههههههه

بس اخفظوا الروس

[مشاكس]

بن عزاب
صرت تقدر تشيل اسلحة
قامت القيامه

[مشاكس]

ابد المشاكس موصيه فيه الغام مايتقدم للامام مافيه الا رمي من بعيد هههههههههه

بس اخفظوا الروس
والله مدري عن هذي القنابل
لا تصير عنقودية وتهلك الجميع
خوفي يكون فيه اطماع استعمارية
تدري يالبشة الصلح خير

[مخاوي منقاش]

انا اتعاطف مع المشاكس على كرهي له بس احس ان روحة انهزاميه بطلبه من الاخ سالم التوسط امام هذا الاسد الهصور لبشان وشكرا للجميع

[مدهش]

مدهش وصل احد يبي شي
نشب
فك نشب
فتنه
صلح
لدينا استعداد لاقامة المياتم

[مشاكس]

مدهش
حقا انت مدهش
سدنا في مخاوي منقاش
ولك مصاريف مأتمه

[مشاكس]

مخاوي منقاش
روح دور حمار عمك الضايع
وبعدين تعال

[مشاكس]

خمستي يا خمستـي
لا رباع و لا سديـس
زودوهــا راتـبـي
وين اودي هالفلوس
افرحي يـا حرمتـي
افطري فول وتميـس
انتي وش لك باللحـم
لا يسوس لك ضروس
قالت ارقـد وانكتـم
يا مهايط يـا تعيـس
اخـر ايـام اللـحـم
يوم انا عندك عروس
والله يا موضوع عندي لك
بس خليه بيني وبينك

[لبشة]

ودّك تطوّفها على لبشة ولكن ماتطوف=الضلع حنا نظهره وليا ظهرنا تندره
وليا لبست البشت رايح تنطله من زود خوف= كم واحدٍ قبلك رمى بشته وضيع خنجره

[مدهش]

مدهش
حقا انت مدهش
سدنا في مخاوي منقاش
ولك مصاريف مأتمه

انا اتعاطف مع المشاكس على كرهي له بس احس ان روحة انهزاميه بطلبه من الاخ سالم التوسط امام هذا الاسد الهصور لبشان وشكرا للجميع

بني اسرائيل تاهوا في سينا اربعين سنه
وهو دخل بينكم هنا غلط و خوفي هي توهة بني اسرائيل

[فـارس الحـرف]

هههههههه

والله انكم مهضومين على قولة اهل لبنان

ربى يديم المزوح الجميله اللى باطنه نقاء

[أبو علي]

اشكرك يا مخاوي (الاسد) منقاش انعم واكرم بشهادتك هي وسام يفخر به اخونا ( لبشه ) وترى لبشه شاعر مشهور يشهد له القاصي والداني .

انا فخور بك يا لبشه ، وانت يا مشاكس توكل على الله وروح نام بعد الهزيمه اللي قررها اخونا مخاوي (الاسد ) منقاش .

[مشاكس]

هههههههه

والله انكم مهضومين على قولة اهل لبنان

ربى يديم المزوح الجميله اللى باطنه نقاء
أخوي سالم
ترى كلنا نسمح لبعض
الا واحد باط كبودنا اللي هو المخاوي
سوينا له كذا كمين بس يسلم منه
والليله أظن انها قربت نهايته والعلم عند الله
جهز له قنبله خصيصا

[مخاوي منقاش]

با مشاكس اذبح لبشة خروف

واترك الميدان وبشتك جرجره

هذا ردي و سلامتك يالبشان وقل للمشاكس لا يقربلي

[لبشة]

تدري يامشاكس
اختمها وانا والله اني مااشتفيت منك لكن غلبني النوم
وخبرك الدوام ولكن المرة هذي عفينا عنك
سالم العجمي
بن عزاب
مخاوي
حين عابد
مدهش
مشكورين على حضوركم وشعللة الملعبة والله بدون حضوركم مايستوي القاف
تصبحون على خير والله لايهينكم.

[فـارس الحـرف]

بيض الله وجيهكم يعلم الله انها من اشد المحاورات واقواها

وجزله وشعارها كبار بحجمها

[أبو علي]

محاورة جميلة وتستاهل السهر ومجارتكما حقيقه شاعرين متميزين بكل ما تعنيه الكلمة وحق لنا نفخر بكما وان كنت انا ضد مشاكس لكن شاعر مبدع وانت وانعم واكرم ، وشكري وتقديري للحضور خاصة مخاوي منقاش .

[مشاكس]

الظاهر انك يالملابش مت من غرفة سفوف
0000000000 وش عاد لو قدمت لك بيدي سم مقرره
لا عاد تبدي للمطر اقعد تدرق فالكهوف
000000000باقي عليك ايام وتطش الحبر والمحبره

[مشاكس]

بن عزاب
سالم العجمي
مخاوي منقاش
مدهش
والشاعر القدير لبشة
أشكر لكم الحضور ومساندتنا معنويا
وأشهد الله حبكم جميعا
والشكر لكل من قرأ وتابع

[سنا الهجرة]

الله يكفيني شرك يا لبشه

الحين انا من متى قلت اني معك


أنا قلت أني في صفك ( العب )

لكن وقت الجد ماني مخلي ولد بنتنا للمشاعيب

لاني خابر انه ادنا ما قمعه ( ما تبيني أفتكٌه من الهراوي )
ههههههههههههههههههههههه

أعوذ بالله من شركم صدق لا قالوا ( لبشه ,,, ومشاكس ) وش يخارجني منكم

الله يحط لي سعه

[حسن عابد]

من مصادر مطلعة
رحت فيها ياسنا الله يخارجك

[سنا الهجرة]

من مصادر مطلعة
رحت فيها ياسنا الله يخارجك

هههههههههههههههه
حيلهم بينهم


اللهم حوالينا ولا علينا

[حسن عابد]

سلمت سلمت

[الفين]

ياكثر ماتتعب وتشقى والتعب ماهو مَخَلُوفْ
000000000 من دون سمحان الجبل مركوز للي يظهره

ماتكب اللكاعه يامشاكس

[الفين]

ودّك تطوّفها على لبشـة ولكـن ماتطـوف == الضلع حنـا نظهـره وليـا ظهرنـا تنـدره

انت الشبرمي والا لبشه
صح لسانك منت سهل
موفق والله يعينك على الصعود

[الشيهان]

السلام عليكم ورحمة الله وبركاته
.
.
.
أستغفر الله وش حصل ليلة غشى القمرا خسوف=مدري ذنوب كبار والاّ هي علامة منذرة
نادوا مشاكس ليه جالس في مؤخرة الصفوف=الواجب انه ينصح العالم ويلزم منبره

إن كان ماخابت ظنوني جاي للهجره صروف = لكن انا ابوصيك صل لخالقك واستغفره
خل المشاكس في مكانه في طوابير الوقوف = لايزعل العالم ويبدي له كبير الخنفره

الدين مايعفيك لوماكنت تامر بمْعَروف=ان شفت غاوي ترشده وان شفت منكَر تنكره
جسمك تحلّل ياالمشاكس وانته اعمى ماتشوف=عاين وشوف الكف الايمن مابقي الاخنصره

الظاهر انك يالملابش للنقد معنا تحوف = ماتدري ان الحر مايربى فعش القبره
من بعد عفت من الجمل ماني بطماع الخروف = اللي قرونه من صواديف الزمان مكسره

دخلت ابشري لي مقاضي مالقيت الا الرفوف=أهل المتاجر يامشاكس حولوها منجرة
طعم الخسارة مرّ والسّبّة شريكتك الهنوف=لكن دور لك حواليها سوار وبنجرة

ماضيع التجار غير اللي يهزون الردوف = مطلوبهم من غالب التجار ظل ومسكرة
لن كان تطمع فالحياة اقول لك خلك ولوف= لابد لن طال العمر تشهد لها بالدكتره

ترى النجابة ماتبان الاّ بعد فكّ الحروف=عبلة مجنّنها الهوى والمعرفة مع عنترة
والدكترة منصب شرف ماهي على هزّ الكتوف=مااشهد بها للّي يبيها بالحكي والمصخرة

ماني بشايف شي يستاهل كثيرات الحسوف = عزي لعبله يوم تمشي فالبلد متبختره
والدكتره منصب شرف تستاهله قبل الاْلوف = إما رضى والا غصيبه ياكثير البربرة

عزالله اني قلتها قبلك وانا قلبي عطوف=لكن خذ منها البخور وزيد جمر المبخرة
عيني تخيل الماطر اللي مابدا لي منه روف=لاتخلط الشاهي مع الما ثم ترجع تنثره

من شين حظك لا طلبت الما يقدم لك جفوف
........................ لكن مالك غير مقسومك لوقتك تذخره
الماطر اللي خالته عينك على راسك يطوف
00000000 اصحى لبرقه لا بغيت انته بعينك تسبره

ياراعي المدّات انا ماانشدك عن مدّات نوف=ماادوّر الاّ للجمل سمحان يبرك وانحره
لاوالله الاّ روّح مشاكس تحت ضرب السيوف=وانامجهّز له حنوطه والكفن والمقبرة

ياكثر ماتتعب وتشقى والتعب ماهو مَخَلُوفْ
000000000 من دون سمحان الجبل مركوز للي يظهره
ترى المشاكس معتبي للبرد ثوب وبشت صوف
00000000والا انت ماعندك ياغير الثوب رحت تزرره

ودّك تطوّفها على لبشة ولكن ماتطوف=الضلع حنا نظهره وليا ظهرنا تندره
وليا لبست البشت رايح تنطله من زود خوف= كم واحدٍ قبلك رمى بشته وضيع خنجره

الظاهر انك يالملابش مت من غرفة سفوف
0000000000 وش عاد لو قدمت لك بيدي سم مقرره
لا عاد تبدي للمطر اقعد تدرق فالكهوف
000000000باقي عليك ايام وتطش الحبر والمحبره

ماشاء الله تبارك الله هذا الفن وهذا الابداع وهذا الشعر بحق وحقيق

فالكم التوفيق والبيرق والخير والشعر والفن كله على قول رفيقنا تركي المريخي

امتعتونا بهذا الحضور المتالق والجميل وكلكم مافيكم حيله على قول اخونا حمد السعيد

لاتقطعونا من هذا الجمال يالبشه ومشاكس والله يازين اسماء الفتنه اذا هي مثلكم

[مدهش]

ياكثر ماتتعب وتشقى والتعب ماهو مَخَلُوفْ
000000000 من دون سمحان الجبل مركوز للي يظهره

ماتكب اللكاعه يامشاكس

ودّك تطوّفها على لبشـة ولكـن ماتطـوف == الضلع حنـا نظهـره وليـا ظهرنـا تنـدره

انت الشبرمي والا لبشه
صح لسانك منت سهل
موفق والله يعينك على الصعود

يا زهودي عنك يا 2000 زهوداه
العرب يقصدون وانا و اياك ما غير ندق طيران

[بن داخل]

لبشه
مشاكس
وش نقول
الا دايم الإبداع من حواليكم



مدهش
2000
مدورة نقد وكان