بلاش دبج ... المنتدى أولا

[مدهش]

سبحان الله يجيك عضو و كانه وصي عليك
و يجيك عضو ودك تحب خشته مثلي أنا من الحبابة اللي فيه و من علوم السناعة اللي ما تلقونها الا عندي انا و المخاوي و شبلي و عضيد أخوة
ويجيكم عضو ودكم تصطرونه سطر مثل الفين و مثل و احد كل ما جبت اسمه وقفوني وواحد ثاني كل ما دغدغته حرروا مشاركاتي
قلت في نفسي يا مدهش ليش انت و العياذ بالله وذي مع الاعضاء و ليش تخلي الرجاجيل تهرج عليك و اخرتها اللي يقول لك شوف واسمع .المماحكات ترها حلوة بس تكون على خفيف . ما هي دبج في الناس .مرة امدح ومرة الدح . وانت ماش على خط اللدح . ما يسير . فانا حزنت على هؤلاء .
وتراك ماسك رايتي . ( يعني هو معترف انه راعي لدح ) بس انا تركتها . تحتاج شويه تدريب وانا مشغول شويه ..وان تركتها انت عدت لها. ( يعني يهدد )
وتقول مبارزة . ما تنفع معاي ومعاك انت بسلامتك لا عندك مواضيع ولا هم يحزنون . ( شايف نفسه وحدني على هذا الموضوع ) بس ماسك اللدح في الردود . يعني كلمة وحدة تسكتك ( ما درى انه باب شر و انفتح ) !
فخلك على الجادة اسلم لك ( طبعا هذا كلامه ) .
والمنتدى مصلحته اهم!يوم قالها
وانا اللي مثل اللي صاحي النوم وانا اقول وش سويت في المنتدى ما غير مشاركة لربعي و سوالف و خوالف و لا يقول اني ما اكتب و ما اشارك و انا وواحد مثل منقاش منتدى لحالنا ( شايف نفسي و مغرور بها ) لو نبطل نكتب يمكن يوقف حال المنتدى و تطلع لكل من حاول الدخول ( عفوا لا يمكن للملقم العثور على الصفحة ) و ذلك للاسباب التالية :
الاعضاء زعلانين _ الاعضاء مضيعين الكوكيز _ الاعضاء مزاعلينك ليش ما تكتب
صراحة تنومست و ظنيت اني انتصرت عليه وان المنتدى بي و الا فلا و يوم تذكرت المخاوي و شبلي و الفين و هذولاك اللي ودك تسطرهم عرفت اني مسكين وش انا ومن انا عشان اظن ان المنتدى انا و ان انا المنتدى و قلت لنفسي تليم يا مدهش وخلك رجال سواة الرجاجيل و الله ان ما احد يذكرك بخير .

[سنا الهجرة]

ههههههههههههههههههههههههه

مدهش يا مدهش

بس اثاريك كنت ماخذ مقلب في نفسك

بس زين انك رجعت لرشدك وعرفت نفسك

[منقاش]

يا مدهش فارق المشي ورا المنحوس المخاوي وشوف يوم تسرج معك وتنور وتنسمح أمورك .
ويش أستفدت من حلفك مع المخاوي غير التوقيف والبهذله اللي ما رفعها عنك الا شفاعتي فيك لأني أعرف أنك طيب قلب لكن صحبتك مع المخيس المخاوي أخيست بك أنت وباقي حلفاه ؟؟..
دور عن حليف مثالي مثل الشيخ منقاش والا فلا ...

[مخاوي منقاش]

مدهش / انت في حمى اسد هصور واصابعي سدادة قل ماشئت واظلم من شئت وازبد وارعد فلن يستطيع احد ان يمسك بشي لم يقدره الله عليك وتحالف مع الشيطان ولا مع منقاش اللهم انصر عبدك المدهش

[اليزيدي]

بلاش دبج

[مدهش]

ههههههههههههههههههههههههه
مدهش يا مدهش
بس اثاريك كنت ماخذ مقلب في نفسك
بس زين انك رجعت لرشدك وعرفت نفسك

هلا مشرفنا و هلا بصلاحياتك
ما أقول غير سم وتم

[مدهش]

يا مدهش فارق المشي ورا المنحوس المخاوي وشوف يوم تسرج معك وتنور وتنسمح أمورك .
ويش أستفدت من حلفك مع المخاوي غير التوقيف والبهذله اللي ما رفعها عنك الا شفاعتي فيك لأني أعرف أنك طيب قلب لكن صحبتك مع المخيس المخاوي أخيست بك أنت وباقي حلفاه ؟؟..
دور عن حليف مثالي مثل الشيخ منقاش والا فلا ...

لا تحاول تستميلني
فرائصي تكاد ترتعد مع وجودك لكني اتذكر اني مسالم و ان عزوتي في شبلي و صديقه المخاوي واللي له ميانه مع بن سلمان و هو من يعرف يهرطق مع بن سلمان لو وصلت الامور مواصيلها اما انت يكفيك ابو العناتر و ابو امجد و الرويعيه وخلك بعيد اسلم وتسلم و نحقن بالسلامه دماء بريئة

[مدهش]

مدهش / انت في حمى اسد هصور واصابعي سدادة قل ماشئت واظلم من شئت وازبد وارعد فلن يستطيع احد ان يمسك بشي لم يقدره الله عليك وتحالف مع الشيطان ولا مع منقاش اللهم انصر عبدك المدهش

كفو والله
وما اخفيك اعجابي بك بعد كسرة شوكة مشاكس و ارعوائه
لكن قلتها مرة و ثنتين و اقولها الان موقفي معك الحياد حتى يتبين لي صباح

[مدهش]

بلاش دبج

الله يدبجك بالعفو و العافية
كان عندي رغبه في محرشتك على الطالعة و النازلة لكنك غلبتني بطيب قلبك

[شبلي أبو الونات]

يا حبي لك يا مدهش
من يومك وانا ظني فيك ما خاب
ذرب و سنع و ما تحب المايلة
و لو تاخذ بعلمي خلك على حالك و ترى المخاوي عضيد جنب و ينشد به الظهر و أسألني عنه و انا رجال كل يوم على قهوته و يوم يطري له البر تلقاني خويه و من ايام ما دريت الا و هو مرسلي على ايميلي رقم حجز على ديار الفطس فالله الله فيه

[الفين]

تكفى يامدهش اشوف اليوم طالع لك ضمير ومسوي فيها صالح في نفسك ومصلح لغيرك
شوف التربيه طيبه والسجن مابنوه الا للرجال اللي مثلك مايروقها الا الحبس لو تقول مهما تقول التوبه عنك ابعد من المشرقين لانك راعي دبج ولاتعيش الا يادابج يامدبوج

انت العقل بالذات عليك مايصلح خلك في استايل المدابج حَقك الين ينكسر حُقك
ادبج من دبجك واللي مايدبجك ادبجه حتى يصير رجال مدابج

والا ودك تنتج لنا فلم مدهش بعد التوبه هعهعهعهعهعهعهعهعهعهعهعهع

[اليزيدي]

شبلي + الفين+مدهش
ثلاثي المدابج

سهرة مدابج الي الصباح لا تفوتكم السهرة

بس انتبهو لا تخطون علي الفين ترو وراة رجالة

[شبلي أبو الونات]

شبلي + الفين+مدهش
ثلاثي المدابج
سهرة مدابج الي الصباح لا تفوتكم السهرة
بس انتبهو لا تخطون علي الفين ترو وراة رجالة

ههههههه
اليزيدي تراك من يد مدهش في يدي
والفين ورجال الفين في كمي وكم مدهش

[مدهش]

سبحان الله يجيك عضو و كانه وصي عليك
و يجيك عضو ودك تحب خشته مثلي أنا من الحبابة اللي فيه و من علوم السناعة اللي ما تلقونها الا عندي انا و المخاوي و شبلي و عضيد أخوة
ويجيكم عضو ودكم تصطرونه سطر مثل الفين و مثل و احد كل ما جبت اسمه وقفوني وواحد ثاني كل ما دغدغته حرروا مشاركاتي
.

الفين
ماني قليل شر وسالم تسلم

[مدهش]

شبلي + الفين+مدهش
ثلاثي المدابج
سهرة مدابج الي الصباح لا تفوتكم السهرة
بس انتبهو لا تخطون علي الفين ترو وراة رجالة

لا حول و لا قوة الا بالله
كل ما لديت وجهي عنك ناديتني
خلك ورا الخط الابيض مثل ما قالت لك زهور الريف

[@ بن سلمان @]

مدهش
الله يتمم عليك بخير

[الفين]

مدهش احمد الله وابلع العافيه تراك خريج سجون وانا سمعتي زي الجنيه الفرناس ولو ماني خايف الله ثم المشرفين يحبسوني معك في زنزانه وهناك وش يفكك مني كان فرمتك بالساطوروسويتك كباب وقلت لليزيدي ياكل منك صيخين

[مخاوي منقاش]

اخوي شبلي يقول المثل (البس يحب خناقة) وهذا مدهش يحاول يتلزق بمنقاش ومنقاش مايداني طاريه وحنا عرضنا عليه الحماية والظاهر انه به من لقافة شافيز تحر دبغته وانا من هالمنبر اقول لا حياد في هالاستراحة اما مع الحق واعوانه واما مع الشيطان وحزبه والمشاكس سيعود قريبا بعد ان هداه الله وشاف ان السلامه بما نصحناه

[مدهش]

مدهش
الله يتمم عليك بخير

اقول لو عندنا في المنتدى من نومنتك 2 كان يمدينا بخير
روح يا شيخ الله ييسر لك عيال الحلال مثل ابو عبدالرحمن

[مدهش]

مدهش احمد الله وابلع العافيه تراك خريج سجون وانا سمعتي زي الجنيه الفرناس ولو ماني خايف الله ثم المشرفين يحبسوني معك في زنزانه وهناك وش يفكك مني كان فرمتك بالساطوروسويتك كباب وقلت لليزيدي ياكل منك صيخين

يا اخوان تروني حديث عهد بالتوبة
يعني عودي طري و هذا ممتحني و اخشى على نفسي من الانجراف ان ما خذتوا على يدي

[اليزيدي]

ويجيكم عضو ودكم تصطرونه سطر مثل الفين و مثل و احد كل ما جبت اسمه وقفوني وواحد ثاني كل ما دغدغته حرروا مشاركاتي


الله يدبجك بالعفو و العافية
كان عندي رغبه في محرشتك على الطالعة و النازلة لكنك غلبتني بطيب قلبك

لا حول و لا قوة الا بالله
كل ما لديت وجهي عنك ناديتني
خلك ورا الخط الابيض مثل ما قالت لك زهور الريف



كل هذا وتبغاني اجلس وري الخط الابيض

وبعدين يامدهش انا اعرف ان فية اسم احمر وهذا اذا دخل علي مشاركاتنا
اللة يعوض علي وعليك

وفية اسم اخضر اللة يخارجني ويخارجك ويحنن قلبة علينا

اما الخط الابيض فهذا من اختراعات زهور الريف وعبقريتها الفذة