نار الهجر

[ابو انس]

إليا متى وانا تحراك يازين = مل الصبر مني وانا مليته
عذبتني يامورَد الخدين = قلبي تعذب عقب ماشليته
الدمع حرق وجنتي والعين = لوكان فيه حيلة(ن) داريته
مسحت بالمنديل والكفين = لين إمتلا كفي ولاكفيته
في القلب من بٌعدكم جرحين = جرح(ن) قديم وجرح من حبيته
ومن بعدَكم عايش علي نارين = نار الهجر والقلب وين وديته
من عقب وصلك لي مضى عامين = لو كان بك احساس بي حسيته
مليت من بكرة ومن بعدين = وش عاد باقي شي ماسويته
العهد باهل الهوى وافين = وانته قطعت العهد ماوفيته
واناعلى عهدي ليا هالحين = باب الهوى مفتوح ماصكيته

الشاعر ( أبو أنس )

[@ بن سلمان @]

صح لسانك يا بو أنس

[فارس الكلمة]

صح لسانك يابو انس

وماهي غريبة عليك

شاعر وانا اشهد

[ابو انس]

فارس الكلمه اشكرك جزيل الشكر ولاهنت يابن العم ابوانس

[ابو انس]

الاخ الفاضل بن سلمان تقبل تحياتي واشكرك ابو انس

[سنا الهجرة]

صح لسانك يابو أنس

قصيدة جميله مبنى ومعنى

تقبل مروري واعجابي

[ابو انس]

الاخ الفاظل : مشرف واحة الشعر ( سنا الهجرة ) أشكرك على مرورك العطر ولك فائق إحترامي ..

[زعموط]

ابوانس بيض الله وجهك على هذا الابداع تقبل مروري ولا هوغريب عليك انت من اهل الشعر اباعن جد
ولست متبلي الشعر من الباب للطاقه

[ابو انس]

االاخ الفضل ( زعموط) اشكرك على أطرئك الجميل وهذا يدل على اخلاقك الحميدة ومشاعرك الصادقه ابو انس

[زعموط]

الله يعطيك العافيه يا بوانس انت غني عن التعريف

[خلف بن عبدالعزيز الثمالي]

الله الله
يابو أنس
واصل والله معك

[ابو انس]

الشاعر حماد الثمالي بيض اللة وجهك ياراعي الاوله والعلوم الزينه يابن العم

ابو انس

[ابو انس]

الشاعر الاستاذ ابو وليد بيض الله وجهك بيضت وجيهنا كفو والله يعطيكك العافيه








ابو انس

[ابو عدي]

ابو انس بيض الله وجهك