((مكسور خاطر )) للتواصل معكم !!!!!

[{بعيدالنظر}]

صاحبي مكسور خاطر=وإن شكى يشكي عليه
قال فاكر؟ قلت فاكر=قال تبشر بالاسيه
والشعرعطر الدفاتـر=والحـروف الأبجديـه
والقلم لـولا المحابـر=ماطـرى للرسـم نيـه
ياصغيّـرلاتكـابـر=ذاكرتـك العبقـريـه
الخطوط من المساطـر=لامشت تمشي سويه
راجع دروسك وذاكر=وإنتبه وإحرص شويه
لاتقـلْ لليـوم باكـر=والكسل صبغه رديـه
كيف تصبح غيم ماطر=وأنت صحرا جرهديه
والطريق اللي يسافـر=رد مجهـول الهويـه
الصحيح الجهل كافـر=تكرهـه كـل البريـه
ليت ما للصدق آخـر=وليت ماللكـذب جيـه
ماصدق غيرالمشاعر=دامها النيه مطيه

[أبو عبدالرحمن]

الله الله يا أبا سعد

ما دام صاحبك معاك ..وأنت مع صاحبك ....فأنا معكما..

لا عدمناك...ولا عدمنا قصائدك ..وحضورك معنا..

[سنا الهجرة]

يا سلام يا سلام يا سلام



ليت ما للصدق آخـر
وليت ماللكذب جيـه
ماصدق غيرالمشاعر
دامها النيـه مطيـه



سلمت بعيد النظر على هذا التواصل الرائع


لا عدمناك ولا عدمنا تواصلك

[{بعيدالنظر}]

الله يحييك يابو عبدالرحمن
حضورك الاول اسعدني وعطّر متصفحي
لاعدمتك يالغالي

[@ بن سلمان @]

صح لسانك بعيد النظر
تواجدكم محل تقدير

[ابو عادل]

والشعرعطر الدفاتـر=والحـروف الأبجديـه
والقلم لـولا المحابـر=ماطـرى للرسـم نيـه



لولا الابداع لماكان الشعر عطراً
كلماتك تعطر الورق والدفاتر بل المكتبات.
صح لسانك مليووووووووووون.
ولله درك الى يوم يبعثون.

[محمد بن حميدان]

ابوسعد شكرا على القصيده الجزيله ....

معانيها رائعه بحق بارك الله فيك وصح لسانك...

[حسن عابد]

بعيد النظر
لا يتنازل عن القمة ويجدد عطائه لها
استاذ وفقه الله