== === لغز جديد

[ابو فهد الحشيشي]

السلام عليكم ورحمة الله وبركاته
شعار ومشرفين وكل من في المنتدى تعمه التحيه




ابنشد العراف عن بنتن مغطرسها ذهبها =

خطابها واجد لكن الدخله الله ماكتبها =

صداقها من جيب ابوها كل لحظه ويحسبها =

ابوابها اربع من دخلها قابلتله ويخطبها =

عزي لحالك يالفقير الي تنوش مايناش=

[سلطان الثبيتي]

ابو فهد الله يعطيك العافيه والقوه يجيك الرد من عند خو الي

[فـارس الحـرف]

الله يعطيك العافيه يابو فهد

والله ننتظر اهل الالغاز ونستمتع بالحل

[ابو فهد الحشيشي]

الاخ سلطان مشكور على مرورك وانت ماتبي وصايه في المحاوره كفوها يا السلطان

[ابو فهد الحشيشي]

الشاعر فارس الحرف لاهنت في مرورك تقبل تحيتي

[خلف بن عبدالعزيز الثمالي]

يامرحبا بك يابو فهد في العيون

والله بالنسبة للألغاز أنا ماني شاطر فيها
لكن ابحاول وأن حله أحد اقول له مبروك
بس هو واحد من ثلاثه

الصرافه
السيّاره
الدنيا

ان كان الحل واحد منها قولي

حياك الله

[ابو فهد الحشيشي]

الاستاذ خلف بن عبد العزيز
والله يبقيك ويطول مهاليك
اما الغز 00
رمعته صحيح بس اثبت على خيار واحد

[خلف بن عبدالعزيز الثمالي]

السيارة يابو فهد
قول صح تكفى

[ابو فهد الحشيشي]

اختار حل من حلولك ورد ببيات شعريه الله لايهينك
000 يا استاذ خلف

[خلف بن عبدالعزيز الثمالي]

والله خايف أختار
وأتعب واكتب الأبيات
واطلع فاشل
دفها شوي
ههههههههههههههههههههههههه

[@ بن سلمان @]

والله خايف أختار
وأتعب واكتب الأبيات
واطلع فاشل
دفها شوي
ههههههههههههههههههههههههه
خلك في الخيار الرابع

[ابو عدي]

مساك الله بالخير يا حشيشي
انا اقول
ممكن ما هو اكيد الكعبه المشرفه

[خلف بن عبدالعزيز الثمالي]

والله يابن سلمان
ابو فهد الله يطول عمره
مجننا في الشعر
وبيزيد يخلع بي في الألغاز
لكن الرجال يقول الحل واحد من الثلاثه اللي ذكرتها
وكأنه لمح لكن انا خوّاف وهو ما يطمني

[@ بن سلمان @]

ابنشد العراف عن بنتن مغطرسها ذهبهـا
خطابها واجد لكـن الدخلـه الله ماكتبهـا
صداقها من جيب ابوها كل لحظه ويحسبها
ابوابها اربع من دخلها قابلتله ويخطبهـا
عزي لحالك يالفقير الي تنوش ماينـاش
الدنيا ولا تتردد
البنت الدنيا وذهبها النعيم
وكل يخطبها ولا توافق الا اللي الله يعطيه
مهرها من عمرك
ابوابها يمكن مراحل العمر تخرج من مرحلة وتدخل في مرحلة

[خلف بن عبدالعزيز الثمالي]

يا خي أنا ودي أختار السيّارة
لأن الدنيا مالها علاقة في البيبان الأربعة
خايف تتوهني زي ابو فهد

[@ بن سلمان @]

يا خي أنا ودي أختار السيّارة
لأن الدنيا مالها علاقة في البيبان الأربعة
خايف تتوهني زي ابو فهد
ما راح يضيعك الا البيبان وترى بعض السيارات ما لها الا بابين
نسيت الدباب

[سلطان الثبيتي]

يالربع الحل عندي ان شاءلله هي الصرافه

والبيبان الاربع هي الاربع الارقام السريه حقت البطاقه

واللي ارقامه تقبلها الصرافه تجيه الخمسميات تقادح مع محل خروجها

والفقير اللي مفلس عزي لحاله مايطلع له شي من الصرافه


ان شاءلله ان اكون وفقت

[سنا الهجرة]

انا مالي في الاغاز

يبيلها تفكير وجهد وانا ماني رايق لها

لكن لا بأس من تسجيل حضوري كــ مستمع ومستمتع

[نشبه $]

والله انا مالي في الالغاز اخاف انشب معكم وتنشبون معي لكن انا زي سنا الهجره مستمع

[أبو عبدالرحمن]

السلام عليكم ورحمة الله وبركاته
شعار ومشرفين وكل من في المنتدى تعمه التحيه




ابنشد العراف عن بنتن مغطرسها ذهبها =

خطابها واجد لكن الدخله الله ماكتبها =

صداقها من جيب ابوها كل لحظه ويحسبها =

ابوابها اربع من دخلها قابلتله ويخطبها =

عزي لحالك يالفقير الي تنوش مايناش=

صراف الراجحي...أو العربي:D
روح يا أبو وليد ..رد ..ولا تخاف!!!

[@ بن سلمان @]

صراف الراجحي...أو العربي:D
روح يا أبو وليد ..رد ..ولا تخاف!!!
صراف الراجحي وعرفناه
لكن صراف العربي من يعرفه

[أبو عبدالرحمن]

بن سلمان ...
صراف الراجحي تبعك وتبعي
البنك العربي (تبع الشيبان المتقاعدين)

[فارس الكلمة]

يالربع لاهنتو ولاهان صاحب اللغز عندي رمعة والله اني ترددت لكن ابقولها وانشالله تكون هي
وش رايكم لو كانت الساعة
الساعة ماهي بعيدة هي واللا اش رايكم

[سلطان الثبيتي]

الاخ ابو فهد الحشيشي
هذا لحل اخترته من بين الخيارات الثلاث التي إختارها
خالي خلف بن عبدالعزيز
اتمنى ان يحالفني الحظ
والله الموفق

صرافّة المال الله اكبر يوم زاروها عربها=وابوابها الأرقام الأربع حظ من هو قد هذبها
الله ما احلاها وما احلى ياولد عمي هدبها=وانا لك الله ادفع مهَرْها مار لا ما انسى تعبها
من لا تزوج مثلها يابو فهد ماكن عاش=