منقاش
05-17-2008, 04:42 PM
اليوم السبت يوم شع النور الا والمخاوي وزملوق وجعجع وجنبلاط طابين عليه ومعهم كم رزمه من القروش رموها في طرفي (1000000دولار) , ومعها شوية حشيش جابه المخاوي يشيل فيه على راسه ورماه في المذود على حماري .
و بعد عديت القروش اللي كانت كلها دولارات ام خمس ميه حييت بهم وكثرت لهم في الترحيب حشمه للقروش ثم قلت لهم : ثاني مره يا أخواني أذا جبتم لي قريشات لا عاد تجيبونها بالدولار المروح اللي كل يوم مدحدر في النزول واخشى يجي يوم ما عاد يجيب قيمة الحبر والورق اللي أنطبع عليه .
أفطروا عندي على معروكة بالبر والسمن والعسل واتبعوها باللبن وتقهووا حتى تكيفوا ثم قلت لهم هيه هاتوا علومكم يا ضيوف الرحمن , النهار أضحى عليه وحلالي ما فكيته بعد حتى يسرح يرعى في مفاليه ..
بغى المخاوي يثرمد بكم كلمه وسكتوه خوياه وقالوا له : يا مخاوي أنطم وعلى فمك الشحم (من حق السيارات) ,, أنت يا مخاوي ما جبناك معنا الا حتى تشيل لنا الحشيش , والعلوم خلها لغيرك من الرجال اللي تعرف توردها وتصدرها ,, قلت لهم : خلوا السعه في خطركم , والمخاوي خويي أعرفه ما يعتمد عليه يربط عنز والا شاه مقصره من حلالي .
قام جعجع من مجلسه ودنا مني وهطش بهاك البكوه قدامي اللي هزمتني , وحاولت أهديه ولا سكت ووقف البكا الا بعد حطيت رضاعه في فمه مليانه بشويه من حليب الجحيشات , وبعد رضع الحليب كله هدا وقدر يهرج ثم قال :
يا سيدي يا منقاش , السيد حسن نصر الله قايد حزب الله نصره الله علينا ولعب في حسبتنا وداس بقدمه في بطوننا حتى ذرق بعضنا دم من شدة الفجيعه والرعب ,,, يا ولد , بالحرام أني شفت عزرائيل بعويناتي هذي اللي يبي يا كلها الدود ,,, شفته ولا أقول شافه غيري , وكنت أظن أنه جاي يسنعني ليلة أجتاح حزب الله بيروت .
وجنبلاط هذا المسكين اللي قاعد قدامك واللي كان حتى أمس يهرج مع راس خشمه أصبح اليوم منتوف ريشه وأذانيه مهطبله ومصاب بفنزولا الطيور , وتراه من رعب نصر الله ما عاد يمشي الا بحفايظ بامبرز وحبوب من أقوى المهديات .
ألتفت على جنبلاط وقلت : وأنت يبو شنبات اللي ما دواها الا من كان يحلقها , ويش بعيونك مسهمه ما كنك (يكرم من يسمع) الا شارب برميل من العرق ؟,, رد عليه وقال : خليها عالله , أنا بعرء (يتعرق) في اليوم خمس براميل من رعب حزب الله ونصر الله .
وترانا ناصين الله ثم نا صينك يا منقاش تنقذنا من الورطه اللي ورطتنا فيها أسرائيل وامريكا ثم تركونا لوحدنا حزة الله الله وتخلوا عنا في حزم المعوره , ولو ما الله ثم تعقل من حزب الله والا كان لقيتنا هالحين مشنوقين برقابنا في أعواد المشانق والا معلقين برجلينا في أعمدت كهرباء بيروت .
ضحكت ضحكة نقده من طلبهم وحالتهم المكسفه وقلت : وانا ويش تظنون بيني وبين حزب الله من علاقه والا نسب حتى أنقذكم من ورطتكم يا فريق حسب الله ؟ , قالوا , أنت ناسي أن رفيقكم أبو حمزه الثمالي أكبر راوي عند الشيعه ؟, ونبغيك تشيع حتى يسير لك عندهم حضوه تحاول بها تخرجنا من الورطه اللي لقينا أنفسنا فيها .
قلت أسمعوا يا ضيوفي ودخلايه : أنا سني واعرف أني أن شاء الله على المنهج الصحيح , منهج أهل السنه والجماعه , واعرف أن عامة الشيعه ما يدرون أنهم على ضلال ويعتقدون أنهم على حق ويتعبدون الله بما يعتقدون , أسأل الله لي ولهم الهدايه ,,, واعرف أنهم يشهدون أن لا أله الا الله وان محمدا رسول الله , واعرف أن أمريكا واسرائيل تسعى ليل ونهار حتى تشبها حروب طائفيه بين المسلمين , واعرف أن الشيعه أقرب لأهل السنه منكم ومن ربعكم يا جعجع ويا جنبلاط , واعرف أن موقف حزب الله مشرف في مواجهته مع أسرائيل ومع الأقصى ومع قضية فلسطين واهلها , وموقفكم تآمري ومخزي يا خونه أخزاكم الله .
كنت التفت على شوني (عصى) أبي التقطها وأحطها على صلعة جعجع وجنبلاط وعلابي خوياهم المروحين اللي جوني معهم , لكن حال بيني وبينهم راعي السواني اللي أخذ من لحيتي وقال عيب عليك يا منقاش تهين الرجال على فراشك ومعاشك وتنجس يدك بمدتها عليهم ,,,, وترى اللي جاهم من حزب الله كفاهم واللي مقبل عليهم أشد ,, والقروش اللي أعطوك أياها تهناك ورزقك جابه الله الى على حدك في وسط بيتك .
رديت على راعي السواني وقلت : طيب قل لهم يذلفون هالحين وبسرعه يغربون عن وجهي قبل أتقرب لله بواحد منهم...
و بعد عديت القروش اللي كانت كلها دولارات ام خمس ميه حييت بهم وكثرت لهم في الترحيب حشمه للقروش ثم قلت لهم : ثاني مره يا أخواني أذا جبتم لي قريشات لا عاد تجيبونها بالدولار المروح اللي كل يوم مدحدر في النزول واخشى يجي يوم ما عاد يجيب قيمة الحبر والورق اللي أنطبع عليه .
أفطروا عندي على معروكة بالبر والسمن والعسل واتبعوها باللبن وتقهووا حتى تكيفوا ثم قلت لهم هيه هاتوا علومكم يا ضيوف الرحمن , النهار أضحى عليه وحلالي ما فكيته بعد حتى يسرح يرعى في مفاليه ..
بغى المخاوي يثرمد بكم كلمه وسكتوه خوياه وقالوا له : يا مخاوي أنطم وعلى فمك الشحم (من حق السيارات) ,, أنت يا مخاوي ما جبناك معنا الا حتى تشيل لنا الحشيش , والعلوم خلها لغيرك من الرجال اللي تعرف توردها وتصدرها ,, قلت لهم : خلوا السعه في خطركم , والمخاوي خويي أعرفه ما يعتمد عليه يربط عنز والا شاه مقصره من حلالي .
قام جعجع من مجلسه ودنا مني وهطش بهاك البكوه قدامي اللي هزمتني , وحاولت أهديه ولا سكت ووقف البكا الا بعد حطيت رضاعه في فمه مليانه بشويه من حليب الجحيشات , وبعد رضع الحليب كله هدا وقدر يهرج ثم قال :
يا سيدي يا منقاش , السيد حسن نصر الله قايد حزب الله نصره الله علينا ولعب في حسبتنا وداس بقدمه في بطوننا حتى ذرق بعضنا دم من شدة الفجيعه والرعب ,,, يا ولد , بالحرام أني شفت عزرائيل بعويناتي هذي اللي يبي يا كلها الدود ,,, شفته ولا أقول شافه غيري , وكنت أظن أنه جاي يسنعني ليلة أجتاح حزب الله بيروت .
وجنبلاط هذا المسكين اللي قاعد قدامك واللي كان حتى أمس يهرج مع راس خشمه أصبح اليوم منتوف ريشه وأذانيه مهطبله ومصاب بفنزولا الطيور , وتراه من رعب نصر الله ما عاد يمشي الا بحفايظ بامبرز وحبوب من أقوى المهديات .
ألتفت على جنبلاط وقلت : وأنت يبو شنبات اللي ما دواها الا من كان يحلقها , ويش بعيونك مسهمه ما كنك (يكرم من يسمع) الا شارب برميل من العرق ؟,, رد عليه وقال : خليها عالله , أنا بعرء (يتعرق) في اليوم خمس براميل من رعب حزب الله ونصر الله .
وترانا ناصين الله ثم نا صينك يا منقاش تنقذنا من الورطه اللي ورطتنا فيها أسرائيل وامريكا ثم تركونا لوحدنا حزة الله الله وتخلوا عنا في حزم المعوره , ولو ما الله ثم تعقل من حزب الله والا كان لقيتنا هالحين مشنوقين برقابنا في أعواد المشانق والا معلقين برجلينا في أعمدت كهرباء بيروت .
ضحكت ضحكة نقده من طلبهم وحالتهم المكسفه وقلت : وانا ويش تظنون بيني وبين حزب الله من علاقه والا نسب حتى أنقذكم من ورطتكم يا فريق حسب الله ؟ , قالوا , أنت ناسي أن رفيقكم أبو حمزه الثمالي أكبر راوي عند الشيعه ؟, ونبغيك تشيع حتى يسير لك عندهم حضوه تحاول بها تخرجنا من الورطه اللي لقينا أنفسنا فيها .
قلت أسمعوا يا ضيوفي ودخلايه : أنا سني واعرف أني أن شاء الله على المنهج الصحيح , منهج أهل السنه والجماعه , واعرف أن عامة الشيعه ما يدرون أنهم على ضلال ويعتقدون أنهم على حق ويتعبدون الله بما يعتقدون , أسأل الله لي ولهم الهدايه ,,, واعرف أنهم يشهدون أن لا أله الا الله وان محمدا رسول الله , واعرف أن أمريكا واسرائيل تسعى ليل ونهار حتى تشبها حروب طائفيه بين المسلمين , واعرف أن الشيعه أقرب لأهل السنه منكم ومن ربعكم يا جعجع ويا جنبلاط , واعرف أن موقف حزب الله مشرف في مواجهته مع أسرائيل ومع الأقصى ومع قضية فلسطين واهلها , وموقفكم تآمري ومخزي يا خونه أخزاكم الله .
كنت التفت على شوني (عصى) أبي التقطها وأحطها على صلعة جعجع وجنبلاط وعلابي خوياهم المروحين اللي جوني معهم , لكن حال بيني وبينهم راعي السواني اللي أخذ من لحيتي وقال عيب عليك يا منقاش تهين الرجال على فراشك ومعاشك وتنجس يدك بمدتها عليهم ,,,, وترى اللي جاهم من حزب الله كفاهم واللي مقبل عليهم أشد ,, والقروش اللي أعطوك أياها تهناك ورزقك جابه الله الى على حدك في وسط بيتك .
رديت على راعي السواني وقلت : طيب قل لهم يذلفون هالحين وبسرعه يغربون عن وجهي قبل أتقرب لله بواحد منهم...