ابيات اهديتها للشاعر وصل الشهيب وقام بالرد

[سلطان الثبيتي]

سلطان



سلام رديه على قاف مسبوك=سبك الرصاص اللي على نار حيه
مافيه لاريبٍ ولا يحمل اشكوك=ينصى الرجال اهل الوفا والحميه
مبروك ياوصل الشهيب الف مبروك=مادام لك في الشعر هيبه قويه
اخذتها من ساس جدك ليا ابوك=ساس الرجال اللي لها قابليه
نفخر بمثلك في المواقف ليا اطروك=ويفوح ذكرك كنه الشاذليه
يابو محمد شاعر اثبيت سموك=اغليك وابياتي تصلك هديه
وصل الشهيب



حييت ياشعر المعاليق حيوك=والقلب يستقبلك بازكى تحيه
بالقلب باب الشعر ماهو بمصكوك =هيضتني بابياتك السامريه
سموك ياسلطان بالاسم وارضوك=اسم ومسمافعل يشبه سميه
ماعنك ياسلطان زودٍ وانا اخوك=والعرف بالعراف دايم سجيه
واثبيت ساس البيت يابيت علوك=مجد وفخر نتقسمه بالسويه
واهديك ردي عبر شاشات واسلوك=العنكبوتيه لكل البريه

[مشعل الثمالي]

مساك الله بالخير ياسلطان الثبيتي
صح لسانك وبيض الله وجهك .
لاهنت ابدعت ووصلت لمبتغاك والله
يتمم على خير ويعطيك .
تقبل تحياتي

[أبو عبدالرحمن]

راعي أوله يا سلطان

صح لسانك ...وصح لسانك وصل الشهيب

[سنا الهجرة]

صح لسانك يا سلطان

بدع جميل ورد وافي

تحياتي لك ولوصل الشهيب

[@ بن سلمان @]

سلطان






سموك ياسلطان بالاسم وارضوك=اسم ومسمافعل يشبه سميه

تستاهل وفعلا لك من إسمك نصيب

[فارس الكلمة]

بدع ممتاز ورد وافي
الله يبيض وجهك
سلمت وننتظر جديدك

[سلطان الثبيتي]

مشعل حياك الله طال عمرك مرورك يسعدني

[سلطان الثبيتي]

ابو عبدالرحمن راعي الحله العامره بنارها ودلالها مرورك شرف حياك الله

[سلطان الثبيتي]

مشرفنا الحبيب سنا الهجره حياك الله لا عدمناك

[سلطان الثبيتي]

ماعليك زود يابن سلمان شرفت يالغالي

[سلطان الثبيتي]

ابو ريان اشكرك على مرورك وردك الجميل

[شبيه الريح]

صح لسانك والله ياسلطان ابيض وجه ابيات جميله من شاعر كبير ورد وافي وكافي من وصل الشهيب .

تقبل مروري .

[ابو عدي]

ماقصرت ياسلطان الثبيتي على القصيدة
وشكرا لفواز الشهيب

[سلطان الثبيتي]

شبيه الريح ابيض وجه


ابو عدي ماقصرت شاكر لمرورك

[النادر]

جميل هذا التواصل بين ابناء العمومه ياسلطان

ابيات جميله ورد وافي

الله لايفرقكم


النادر

[سلطان الثبيتي]

النادر الجميل هو حظورك لا عدمتك طال عمرك

[حسن عابد]

وفقك الله ياسلطان

[سلطان الثبيتي]

ابو علي اشكرك على مرورك وفق الله الجميع